India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News June 22, 2024
“ఉమ్మడి పాలమూరు జిల్లా నేటి ముఖ్యాంశాలు”
√NGKL: త్రాగిన మైకంలో భర్తను చంపిన భార్య.
√MBNR:జడ్చర్లలో వ్యక్తి హత్య..
√ ఉమ్మడి జిల్లాలో పలుచోట్ల కురిసిన వర్షాలు.
√ రైతు భరోసా అందించడంలో ప్రభుత్వం విఫలం: మాజీ మంత్రి నిరంజన్ రెడ్డి.
√ ఉమ్మడి జిల్లాలో పలు ప్రాంతాల్లో ఘనంగా ఏరువాక సంబరాలు.
√ రైతు రుణమాఫీ ప్రకటన పై కాంగ్రెస్ శ్రేణుల సంబరాలు.
√NGKL: చెంచు మహిళను పరామర్శించిన మాజీ మంత్రి సబితా, బర్రెలక్క.
News June 22, 2024
తాగిన మైకంలో భర్తను చంపిన భార్య..!
నాగర్ కర్నూల్ జిల్లాలో దారుణం చోటుచేసుకుంది. తాగిన మైకంలో తనను కట్టుకున్న భర్తనే రోకలిబండతో కడతేర్చిన ఘటన తెలకపల్లి మండలంలో వెలుగు చూసింది. స్థానిక ఎస్సై బి.నరేష్ వివరాల ప్రకారం.. బెల్లె శ్రీను మద్యానికి బానిసై నిత్యం భార్యతో గొడవ పడుతూ ఇబ్బందులకు గురి చేసేవాడని తెలిపారు. మద్యం సేవించి గొడవపడగా రోకలి బండతో తలపై బలంగా కొట్టడంతో మృత్తి చెందారని తెలిపారు. కేసు నమోదు చేశామని ఎస్సై తెలిపారు.
News June 22, 2024
MBNR: సాయానికి అన్నదాతల ఎదురుచూపు!
పంట రుణమాఫీ, రైతుభరోసాకు ప్రభుత్వం కసరత్తు ప్రారంభించడంతో ఉమ్మడి పాలమూరు జిల్లాలో అన్నదాతలు ఆశగా ఎదురుచూస్తున్నారు. ఆగస్టు 15 నాటికి రూ.2లక్షలోపు రుణం ఉన్న రైతులందరికీ ప్రభుత్వం మాఫీ చేయనున్నట్లు స్పష్టం చేసింది. దీంతో ఉమ్మడి పాలమూరులో 5.49 లక్షల రైతులు రుణమాఫీ కోసం ఎదురుచూస్తున్నారు. వానాకాలం సాగు ప్రారంభం కావడంతో రైతులు రైతు భరోసా పెట్టుబడి సాయం కోసం ఎదురుచూస్తున్నారు.
News June 22, 2024
ఉమ్మడి MBNR జిల్లాలో 24 గంటల్లో నమోదైన వర్షపాత వివరాలు
ఉమ్మడి మహబూబ్‌నగర్ జిల్లావ్యాప్తంగా 24 గంటల్లో నమోదైన వర్షపాతం వివరాలు ఇలా.. అత్యధికంగా నాగర్‌కర్నూలు జిల్లా ఉరుకొండలో 19.8 మిల్లీమీటర్ల వర్షపాతం నమోదయింది. గద్వాల జిల్లా జాలాపూర్‌లో 19.8 మి.మీ, మహబూబ్‌నగర్ జిల్లా మిడ్జిల్‌లో 17.8 మి.మీ, వనపర్తి జిల్లా ఆత్మకూరులో 9.8 మి.మీ, నారాయణపేట జిల్లా కోస్గిలో 6.8 మిల్లీమీటర్ల వర్షపాతం నమోదయింది.
News June 22, 2024
జడ్చర్లలో వ్యక్తి హత్య
మహబూబ్‌నగర్ జిల్లా జడ్చర్లలో దారుణ హత్య చోటుచేసుకుంది. స్థానిక MB మెడికల్ సెంటర్ వద్ద ఆంజనేయులు అనే వ్యక్తిని గుర్తుతెలియని వ్యక్తులు గొంతు కోసి చంపారు. సమాచారమందుకున్న పోలీసులు ఘటనాస్థలికి చేరుకుని దర్యాప్తు చేపట్టారు. మరిన్ని వివరాలు తెలియాల్సి ఉంది.
News June 22, 2024
MBNR: సీనియార్టీ జాబితా విడుదల.. నేటి నుంచి వెబ్ ఆప్షన్ల
స్కూల్ అసిస్టెంట్ సమానస్థాయి ఉపాధ్యాయుల బదిలీలకు రంగం సిద్ధమైంది. సెప్టెంబరులో ఉమ్మడి మహబూబ్‌నగర్ జిల్లావ్యాప్తంగా 9,824 మంది ఉపాధ్యాయులు బదిలీ కోసం దరఖాస్తు చేసుకున్నారు. మల్టీజోన్-2లో శుక్రవారం స్కూల్ అసిస్టెంట్ బదిలీల కోసం తాత్కాలిక సీనియార్టీ జాబితాలను విడుదల చేశారు. వీటిపై అభ్యంతరాలు స్వీకరించి శనివారం ఉదయం వెబ్ ఆప్షన్ల నమోదు పూర్తి కాగానే ఆన్లైన్‌లో బదిలీ ఉత్తర్వులు జారీ చేయనున్నారు.
News June 22, 2024
జడ్చర్ల : ఇంటి మీటర్‌కు రూ.1.33 లక్షల కరెంట్ బిల్లు
జడ్చర్ల మండలం మర్రిచెట్టు తాండ గ్రామపంచాయతీ పరిధిలోని చౌటగడ్డ తండాలో ఓ ఇంటికి రూ.1.33 లక్షల కరెంటు బిల్లు రావడంతో ఇంటి యజమాని కంగుతిన్నాడు. తండాలో ఈనెల 11న విద్యుత్ అధికారులు కరెంట్ బిల్లు ఇచ్చారని యజమాని మూడవత్ లింగ్యా నాయక్ తెలిపారు. 32 రోజులకు 103 యూనిట్ల కరెంటు వినియోగించానని, ఈ విషయంపై శుక్రవారం ఎమ్మెల్యే అనిరుధ్‌రెడ్డికి ఫిర్యాదు చేయగా.. విద్యుత్ అధికారులు బిల్లును మాఫీ చేస్తామన్నారు.
News June 22, 2024
వనపర్తి: 270 ట్రాక్టర్ల ఇసుక సీజ్
వనపర్తి జిల్లా రేవల్లి మండలం కేశంపేట చెరువులో ఫిల్టర్ ఇసుకను తయారుచేయడానికి నిల్వచేసిన 270 ట్రాక్టర్ల ఇసుకను శుక్రవారం రెవెన్యూ, పోలీసు అధికారులు సీజ్ చేశారు. అక్రమ ఇసుక వ్యాపారులు చెరువులోని మట్టితో కూడిన ఇసుకను ఓ చోట నిల్వచేశారు. సమాచారమందుకున్న తహసీల్దార్ లక్ష్మీ, ఎస్సై తిరుపతిరెడ్డి పోలీసు సిబ్బందితో అక్కడికి వెళ్లారు. నిల్వచేసిన ఇసుక డంపును పరిశీలించారు. సీజ్ చేస్తున్నట్లు ప్రకటించారు.
News June 21, 2024
స్థానిక పోలీసులపై చర్యలు తీసుకోవాలి: ఆర్ఎస్ ప్రవీణ్
నాగర్ కర్నూల్ జిల్లా మొలచింతలపల్లిలో చెంచు మహిళపై అత్యాచారం ఘటనలో బండి శివ అనే వ్యక్తి ప్రమేయం ఉన్నా ఎందుకు చర్యలు తీసుకోవడం లేదని బీఆర్ఎస్ నేత ఆర్ఎస్ ప్రవీణ్ కుమార్ ప్రశ్నించారు. తెలంగాణ భవన్‌లో ఆయన మాట్లాడుతూ.. పోలీసు ఉన్నతాధికారులు తక్షణమే స్పందించి బాధ్యులు, స్థానిక పోలీసులపై చర్యలు తీసుకోవాలని డిమాండ్ చేశారు. కాంగ్రెస్ పాలనలో క్రైం పెరిగిపోయిందన్నారు. గువ్వల బాలరాజు, తదితరులు ఉన్నారు.
News June 21, 2024
దేవరకద్రలో డిగ్రీ కళాశాల ఏర్పాటు
దేవరకద్రలో ప్రభుత్వ డిగ్రీ కళాశాలను మంజూరు చేస్తూ ఉత్తర్వులు వెలువడ్డాయి. 2024-25 విద్యా సంవత్సరం నుంచి కళాశాలలో తరగతులు ప్రారంభమవుతాయని ఉత్తర్వుల్లో పేర్కొన్నారు. కళాశాల భవన నిర్మాణం, ఇతర అవసరాల కోసం రూ.11 కోట్లను మంజూరు చేశారు. రూ.6.10 కోట్లతో భవన నిర్మాణాన్ని చేపట్టనున్నారు.
Featured News
Sorry, no posts matched your criteria.