India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News June 3, 2024
MBNR: అభ్యర్థులకు ఎగ్జిట్ పోల్ ఫీవర్..!
ఉమ్మడి జిల్లాలో వివిధ పార్టీల నుంచి పోటీ చేసిన ఎంపీ అభ్యర్థులకు ఎగ్జిట్ పోల్ ఫీవర్ పట్టుకుంది. శనివారం సాయంత్రం విడుదలైన ఎగ్జిట్ పోల్‌లో NGKLలో కాంగ్రెస్ అభ్యర్థి మల్లు రవి గెలుస్తారని, MBNRలో బీజేపీ అభ్యర్థి డీకే అరుణ గెలుస్తారని పలు సర్వేలు చెప్పాయి. దీంతో ఆయా పార్టీల అభ్యర్థులకు ఎగ్జిట్ పోల్ టెన్షన్ పట్టుకుంది. MBNR స్థానంలో గెలుపోటములకు 2 శాతం ఓట్ల తేడా ఉన్నట్లు తెలుస్తోంది.
News June 3, 2024
NGKL: మ్యారేజ్ డే మరుసటి రోజు గర్భిణి మృతి
NGKLలోని ఓ ప్రైవేట్‌ ఆస్పత్రిలో 7నెలల <<13363296>>గర్భిణి మృతి<<>> విషయం తెలిసిందే. తాడూరుకు చెందిన పద్మ(35)- మహేందర్‌ దంపతులకు 15ఏళ్ల క్రితం పెళ్లైంది. శనివారం వారి పెండ్లి రోజు కాగా రాత్రి బంధువులతో వేడుకలు జరుపుకొన్నారు. ఆదివారం ఉదయం కడుపులో నొప్పి రావడంతో కుటుంబీకులు ఆమె ప్రతినెల వెళ్లే ఆసుపత్రికి తీసుకెళ్లారు. అక్కడ వైద్యం వికటించి పద్మ మృతిచెందింది. ఆ ఆస్పత్రిని DMHO సుధాకర్‌లాల్‌ తనిఖీ చేసి సీజ్‌ చేశారు.
News June 3, 2024
MBNR: టెన్త్ సప్లిమెంటరీ రాయనున్న 5,575 మంది
ఉమ్మడి జిల్లాలోని ప్రభుత్వ పాఠశాలల్లో ఈ ఏడాది 44,898 మంది విద్యార్థులు పదో తరగతి పరీక్షలు రాయగా.. వీరిలో 39,323 పాసయ్యారు. మొత్తం 5,575 మంది విద్యార్థులు ఫెయిల్ అయ్యారు. అత్యధికంగా MBNR జిల్లాలో 2,127 మంది అత్యల్పంగా, NRPT జిల్లాలో 526 మంది ఫెయిలయ్యారు. వీరందరూ నేటి నుంచి సప్లిమెంటరీ పరీక్షలకు హాజరుకానున్నారు. ఫెయిలైన విద్యార్థులంతా పాసయ్యేలా స్పెషల్ ఫోకస్ పెట్టినట్లు DEO రవీందర్ తెలిపారు.
News June 3, 2024
MBNR: 12 మంది MLAలు ఉన్నప్పటికీ ఓటమి..!
ఎన్నికల్లో కాంగ్రెస్ గెలుస్తుందని పార్టీ నేతలు ధీమాగా ఉన్నారు. CM రేవంత్ రెడ్డి సొంత జిల్లా కావడంతో పార్టీ ఎమ్మెల్యేలు, ముఖ్య నేతలందరూ ప్రత్యేక దృష్టిసారించారు. రేవంత్ MBNRలో నిర్వహించిన ఓ సభలో స్థానిక MLC ఉపఎన్నికలో జీవన్ రెడ్డిని గెలిపించాలని విజ్ఞప్తి చేశారు. 12 మంది MLAలు ఉన్నప్పటికీ పార్టీ అభ్యర్థి ఓడిపోవడంతో నేతలు గప్‌చూప్‌గా ఉన్నారు. పార్టీ ఓటమికి కారణాలు విశ్లేషించుకునే పనిలో పడ్డారు.
News June 3, 2024
మరోసారి మోదీనే పీఎం: డీకే అరుణ
మహబూబ్ నగర్ పార్లమెంట్ ఎన్నికలపై నిర్వహించిన సమీక్ష సమావేశంలో బీజేపీ ఎంపీ అభ్యర్థి డీకే అరుణ పాల్గొన్నారు. ఎగ్జిట్ పోల్ ప్రకారం మహబూబ్ నగర్ బీజేపీ గెలుస్తుందని ఆమె ధీమా వ్యక్తంచేశారు. దేశంలో ఎక్కడ చూసినా బీజేపీకి ఎక్కువ సీట్లు వస్తాయని ఎగ్జిట్ పోల్స్ ప్రకటించాయని, మళ్లీ మోదీనే పీఎం కానున్నారని ఆమె ధీమా వ్యక్తం చేశారు.
News June 3, 2024
MBNR: 7 నుంచి ప్రయోగ తరగతులు.. కేంద్రాలు ఇవే!
BR అంబేడ్కర్ సార్వత్రిక విశ్వవిద్యాలయం పరిధిలో డిగ్రీ మొదటి సంవత్సరం సైన్స్ చదువుతున్న విద్యార్థులకు సెమిస్టర్-1 ప్రయోగ తరగతులు(ప్రాక్టికల్ క్లాసెస్) ఈ నెల 7 నుంచి ప్రారంభం కానున్నాయి. ఉమ్మడి జిల్లాలోని ఎంవీఎస్ ప్రభుత్వ ఆర్ట్స్, సైన్స్ డిగ్రీ కళాశాల, NTR ప్రభుత్వ మహిళా డిగ్రీ కళాశాల, కల్వకుర్తి, నారాయణపేట, కొండనాగుల, జడ్చర్ల, షాద్నగర్లోని ప్రభుత్వ డిగ్రీ కళాశాలల స్టడీ సెంటర్లలో ఏర్పాటు చేశారు.
News June 2, 2024
అలంపూర్: హైవే- 44పై రోడ్డు ప్రమాదం.. ఇద్దరికి గాయాలు
జాతీయ రహదారి-44పై అలంపూర్ చౌరస్తా సమీపంలో కంటైనర్ లారీ అదుపుతప్పి బోల్తా పడింది. హైదరాబాద్ నుంచి కర్నూలు వైపు వెళ్లే దారిలో గురు నానక్ డాబా ఈ ఘటన జరిగింది. డ్రైవర్ రాం బహదూర్, మరొకరికి స్వల్ప గాయాలు అయ్యాయి. గురుగావ్ నుంచి కర్ణాటకలోని కోచ్ కోడ్ కు కొరియర్ సరుకులతో కంటైనర్ వెళ్తున్నట్లు సమాచారం. కంటైనర్ రోడ్డుపై పూర్తిగా అడ్డంగా పడడంతో జాతీయ రహదారిపై భారీగా ట్రాఫిక్ జాంమైంది.
News June 2, 2024
MBNR: రేపు ఈ జిల్లాల్లో భారీ వర్షాలు
ఉమ్మడి జిల్లాలో అక్కడక్కడా రేపటి నుంచి 5 రోజులు వర్షాలు కురుస్తాయని HYD వాతావరణ కేంద్రం ఆదివారం వెల్లడించింది. మహబూబ్‌నగర్, నాగర్‌కర్నూల్, వనపర్తి, నారాయణపేట, గద్వాల జిల్లాల్లో భారీ వర్షాలు కురుస్తాయని తెలిపింది. ఉరుములు, మెరుపులతోపాటు 40-50 Kmph వేగంతో ఈదురుగాలులు వీస్తాయని, ప్రజలు అప్రమత్తంగా ఉండాలని అధికారులు సూచించారు. పాలమూరు వాసులారా జాగ్రత్తగా ఉండండి.
News June 2, 2024
ఉమ్మడి జిల్లాలో “TODAY TOP NEWS”
✒MBNR: ఎమ్మెల్సీ బీఆర్ఎస్ వశం.. సంబరాల్లో నేతలు
✒దామరగిద్ద: బావిలో పడి యువకుడి మృతి
✒జిల్లా నాయకులందరికీ ధన్యవాదాలు:KCR
✒బీఆర్ఎస్ పార్టీలో ఎవరూ మిగలరు : మంత్రి జూపల్లి
✒వనపర్తి:ప్రైవేటు స్కూల్ ప్రిన్సిపల్‌‌పై దాడి
✒నాగర్‌కర్నూల్‌లో గర్భిణి మృతి.. బంధువుల ధర్నా
✒ఉమ్మడి జిల్లాలో ఘనంగా రాష్ట్ర అవతరణ దినోత్సవ వేడుకలు
✒షాద్‌నగర్‌లో భారీ అగ్నిప్రమాదం
✒పలుచోట్ల ‘సోనియా గాంధీ’ చిత్రపటానికి పాలాభిషేకం
News June 2, 2024
దామరగిద్ద: బావిలో పడి యువకుడి మృతి
నారాయణపేట జిల్లాలో విషాదం చోటుచేసుకుంది. దామరగిద్ద మండలం కానుకుర్తి నిరంజన్ స్నేహితులతో కలిసి సరదాగా ఈతకు వెళ్లి బావిలో పడి మృతి చెందాడు. స్థానికుల సమాచారం.. గ్రామానికి చెందిన బాబమ్మ, సామలప్ప దంపతుల రెండో కుమారుడు నిరంజన్(చింటు) మధ్యాహ్నం స్నేహితులతో కలిసి గ్రామ సమీపంలోని ఓ బావిలో ఈతకు వెళ్లాడు. ఈ క్రమంలో అందులో మునిగి నిరంజన్ మృతిచెందడంతో గ్రామంలో విషాదఛాయలు అలుముకున్నాయి.
Featured News
Sorry, no posts matched your criteria.