India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News April 4, 2024
MBNR: మళ్లీ తెరపైకి వచ్చిన ఎమ్మెల్యేల కొనుగోలు ఎపిసోడ్ !
ఎమ్మెల్యేల కొనుగోలు ఎపిసోడ్ మళ్లీ తెరపైకి వచ్చింది. ఫోన్ టాపింగ్ వ్యవహారంలో విచారణ జరుపుతున్న పోలీస్ అధికారులకు అనేక కొత్త విషయాలు వెలుగులోకి వచ్చాయి. అచ్చంపేట, కొల్లాపూర్ నియోజకవర్గానికి చెందిన అప్పటి ఎమ్మెల్యేలు గువ్వల బాలరాజు, హర్షవర్ధన్ రెడ్డిలతో BJP నాయకులు ఫోన్‌లో సంప్రదించి బేరసారాలకు పాల్పడిన అంశం ఇప్పుడు వెలుగులోకి వచ్చింది. గత ఏడాది MLAల కొనుగోలు కేసు సంచనం రేపిన విషయం తెలిసిందే.
News April 4, 2024
బీఆర్‌ఎస్‌, బీజేపీపై మంత్రి జూపల్లి తీవ్ర వ్యాఖ్యలు
పార్లమెంట్ ఎన్నికల తరువాత బీఆర్‌ఎస్‌ భూస్థాపితం అవుతుందని మంత్రి జూపల్లి కృష్ణారావు వ్యాఖ్యానించారు. నేడు నాగర్ కర్నూల్ పార్లమెంట్ నియోజకవర్గ ముఖ్యకార్యకర్తల సన్నాహక సమావేశంలో ఆయన మాట్లాడుతూ.. మల్లు రవి పదవుల కోసం ఏనాడూ పార్టీ మారలేదన్నారు. బీజేపీ తరఫున పోటీ చేస్తున్న భరత్‌ పదవుల కోసం పార్టీ మారారని, బీఆర్‌ఎస్‌ తరఫున పోటీ చేస్తున్న ప్రవీణ్‌కుమార్‌ గత 10ఏళ్లు నాటకం ఆడారని జూపల్లి పేర్కొన్నారు.
News April 4, 2024
MBNR: మెరుగుపడనున్న తాగునీటి సమస్య !
అమృత్ -2 పథకంలో భాగంగా MBNR జిల్లా పరిధిలోని 3 మున్సిపాలిటీలకు రూ.341,25కోట్లు, గద్వాల జిల్లాలో 3 మున్సిపాలిటీలకు రూ.89,46కోట్లు మంజూరయ్యాయి. వనపర్తి జిల్లాలోని 5 మున్సిపాలిటీలకు గాను రూ.128.29 కోట్లు, NRPT జిల్లాలోని 3 మున్సిపాలిటీలకు రూ.55.57 కోట్లు, NGKL జిల్లాలోని 2 మున్సిపాలిటీలకు రూ.59.73 కోట్ల నిదులు విడుదలయ్యాయి. ఈ నిధులతో 15 మున్సిపాలిటీల్లో పనులు ప్రారంభం కానున్నాయి.
News April 4, 2024
MBNR: దంచి కొడుతున్న ఎండలు
పాలమూరు జిల్లా వ్యాప్తంగా ఉష్ణోగ్రతలు పెరుగుతున్నాయి. ఉమ్మడి జిల్లాలోనే MBNR, GDWL, జిల్లాల్లో 42.03 డిగ్రీలు అత్యధికంగా ఉష్ణోగ్రతలు నమోదయ్యాయి. రానున్న 45 రోజులలో 40 నుంచి 44 డిగ్రీల వరకు ఉష్ణోగ్రతలు నమోదయ్యే అవకాశం ఉందని సంబంధితశాఖ అధికారులు పేర్కొంటున్నారు. ఆయా జిల్లాల కలెక్టర్లు అధికారులతో సమీక్షలు నిర్వహిస్తూ ఏర్పాట్లు ముమ్మరం చేస్తున్నారు.
News April 4, 2024
పాలమూరు యూనివర్సిటీ డిగ్రీ పరీక్ష ఫీజు చెల్లించాలి
మహబూబ్ నగర్ ఉమ్మడి జిల్లా పాలమూరు యూనివర్సిటీ పరిధిలో 2021-2022 విద్య సంవత్సరంలో డిగ్రీ బ్యాచ్ విద్యార్థులు 5వ సెమిస్టర్ బ్యాక్ లాగ్ సబ్జెక్ట్‌ల పరీక్షల ఫీజును చెల్లించాలని యూనివర్సిటీ అధికారులు కోరారు. ఏప్రిల్ 16 వరకు విద్యార్థులు సంబందించిన కళాశాలలో పరీక్ష ఫీజు చెల్లించాలని తెలిపారు. 200 రూపాయలు ఫైన్‌తో ఏప్రిల్ 20 వరకు ఫీజు చెల్లించవచ్చని తెలిపారు.
News April 4, 2024
MBNR: అనధికారికంగా విద్యార్థులను చేర్చుకుంటే చర్యలు
ప్రైవేటు జూనియర్ కాలేజీలు అనధికారికంగా విద్యార్థులను చేర్చుకుంటే చర్యలు తీసుకుంటామని ఇంటర్ బోర్డు కార్యదర్శి శ్రుతి ఓజా తెలిపారు. వచ్చే విద్యా సంవత్సరం అకడమిక్ క్యాలెండర్‌ను ఇంటర్ బోర్డు విడుదల చేయలేదని, అనుబంధ గుర్తింపు ఇవ్వలేదని స్పష్టం చేశారు. అకడమిక్ క్యాలెండర్ ను అధికారిక వెబ్సైట్ (tsbie.cgg.gov.in)లో అందుబాటులో ఉంచుతామని తెలిపారు. గుర్తింపు ఉన్న కాలేజీల్లోనే విద్యార్థులు చేరాలని అన్నారు.
News April 4, 2024
మద్దూర్: వివాహిత ఆత్మహత్య.. ప్రియుడు అరెస్ట్
పెళ్ళైన మూడు రోజులకే <<12979867>>వివాహిత ఆత్మహత్య<<>> చేసుకున్న విషయం తెలిసిందే. ఘటనపై ఎస్ఐ రామ్ లాల్ వివరాలు.. యువతి(20)కి తల్లిదండ్రులు మార్చి నెలలో ఇష్టం లేని పెళ్లి చేశారు. పెళ్లైన మూడో రోజున తన ప్రియుడు ఆమెను కలిశాడు. మార్చి 16న ఆమె పురుగు మందు తాగి చికిత్స పొందుతూ మృతి చెందింది. ఆమె ఆత్మహత్యకు ప్రియుడే కారణమని మృతురాలి తల్లి పోలీసులకు ఫిర్యాదు చెయ్యగా నిందితుడిని మంగళవారం రిమాండుకు తరలించారు.
News April 4, 2024
మహబూబ్‌నగర్: పది మూల్యాంకనం ప్రారంభం
టెన్త్ జవాబు పత్రాల స్పాట్ వాల్యుయేషన్ బుధవారం నుంచి జిల్లా కేంద్రంలోని గ్రామర్ ఉన్నత పాఠశాలలో ప్రారంభమైంది. ఈ ప్రక్రియ ఈ నెల 11 వరకు కొనసాగనుంది. కాగా డ్యూటీ ఆర్డర్లు తీసుకున్న వారిలో తొలిరోజు సమాచారం ఇవ్వకుండానే 160 మందికి పైగా విధులకు గైర్హాజరైనట్లు సమాచారం. దూర ప్రాంతాల నుంచి వచ్చే ఉపాధ్యాయులకు TA, DA ఇవ్వడం లేదని, పారితోషికం తక్కువేనని ఉపాధ్యాయులు అసంతృప్తి వ్యక్తం చేస్తున్నారు.
News April 4, 2024
‘బీజేపీకీ లక్ష ఓట్లు పైచిలుకు రావడం కాయం’
షాద్ నగర్ నియోజకవర్గంలో బీజేపీకీ లక్ష ఓట్లు పైచిలుకు రావడం కాయమని పార్లమెంట్ అభ్యర్థి డీకే అరుణ అన్నారు. బుధవారం షాద్ నగర్ మున్సిపాలిటీ, ఫరూక్ నగర్ మండల బూత్ విస్తృత స్థాయి ముఖ్య కార్యకర్తల సమావేశంలో ఆమె పాల్గొని మాట్లాడారు. మోడీ పాలన అంటే షాద్ నగర్ ప్రజలకు ఎంతో నమ్మకం ఉందన్నారు. మహబూబ్ నగర్ ప్రజల హక్కుల కోసం పోరాడుతున్న వారిలో నేను ముందు వరుసలో ఉంటానని తెలిపారు. నాయకులు, కార్యకర్తలు పాల్గొన్నారు.
News April 3, 2024
వనపర్తి: ఈనెల 6న ఎన్నిక.. క్యాంప్‌కు 8 మంది కౌన్సిలర్లు !
వనపర్తి మున్సిపల్ ఛైర్మన్, వైస్ ఛైర్మన్ ఎన్నికకు రంగం సిద్ధమైంది. ఈనెల 6న ఎన్నిక నిర్వహిస్తున్నట్లు ఎన్నికల అధికారి కౌన్సిలర్లకు సమాచారం ఇచ్చారు. బీఆర్ఎస్‌కు రాజీనామా చేసి కాంగ్రెస్‌లో చేరిన 8 మంది కౌన్సిలర్లు క్యాంప్‌కు వెళ్లారు. వీరిలోనే పుట్టపాకల మహేశ్ ఛైర్మన్, పాకనాటి కృష్ణ వైస్ ఛైర్మన్ పోటీలో ఉన్నట్లు సమాచారం. ఇప్పటికే కాంగ్రెస్‌లో ఉన్న 9 మంది వీరికి మద్దతు ఇస్తే గెలుపుకు పక్కా అంటున్నారు.
Featured News
Sorry, no posts matched your criteria.