India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News March 22, 2024
మల్లు రవి రాజకీయ ప్రస్థానం
1950లో ఖమ్మం జిల్లాలో జన్మించిన మల్లు రవి ఎంబీబీఎస్, డీఎల్వో చదివారు. భార్య రాజబన్సిదేవి , కుమార్తె అనంత శృతి, కుమారుడు సిద్దార్ధ. 1991, 1998లో రెండుసార్లు నాగర్ కర్నూల్ నుంచి MPగా గెలిచారు. 2008లో జరిగిన ఉప ఎన్నికల్లో జడ్చర్ల నుంచి ఎమ్మెల్యేగా ఎన్నిక, అనంతరం దిల్లీలో రాష్ట్ర ప్రభుత్వ ప్రత్యేక ప్రతినిధిగా, పీసీసీ సీనియర్‌ ఉపాధ్యక్షుడిగా ఉన్న ఆయన నాగర్ కర్నూల్ ఎంపీగా పోటీ చేయనున్నారు.
News March 22, 2024
NGKL: వివాహేతర సంబంధానికి అడ్డొస్తున్నాడని.. కొడుకునే చంపేసింది
బిజినేపల్లి మండలం అల్లీపూర్‌లో కన్న <<12896690>>కొడుకుని హత్య<<>> చేసిన విషయం తెలిసిందే. పోలీసుల వివరాలు.. రవీందర్‌, లక్ష్మి దంపతులకు ముగ్గురు కొడుకులు. అన్నలిద్దరూ హాస్టల్‌లో ఉండగా హరికృష్ణ ఇంటి వద్దే ఉంటున్నాడు. భర్త తాగుడుకు బానిస కావడంతో లక్ష్మి మరో వ్యక్తితో సంబంధం పెట్టుకుంది. తన విషయం కొడుక్కి తెలిసిందని భావించిన ఆమె హరిని చంపి సంపులో పడేసింది. లక్ష్మిని అదుపులోకి తీసుకున్న పోలీసులు ఆమె ప్రియుడి కోసం గాలిస్తున్నారు.
News March 22, 2024
ఎమ్మెల్సీ ఉపఎన్నిక.. 23 ,26వ తేదీల్లో శిక్షణ
MLC ఉపఎన్నిక నిర్వహణకు పోలింగ్ సిబ్బంది, సెక్టార్ అధికారులు, మైక్రో అబ్జర్వర్, POలు, APOలను నియమించాలని కలెక్టర్ రవి నాయక్ అన్నారు. వీరికి ఈనెల 23, 26వ తేదీల్లో మాస్టర్ ట్రైనర్లతో శిక్షణ ఇవ్వాలని, మొత్తం పది పోలింగ్ కేంద్రాలు ఏర్పాటు చేశామని, MBNR ప్రభుత్వ జూనియర్ కళాశాలలో డిస్ట్రిబ్యూషన్, రిసెప్షన్ సెంటర్ ఉంటుందన్నారు. అక్కడి నుంచే ఈనెల 27న పోలింగ్ సామగ్రిని ఆయా కేంద్రాలకు పంపిణీ చేస్తామన్నారు.
News March 22, 2024
MBNR, NGKLలో మొదలైన ఎన్నికల సందడి..!
ఉమ్మడి పాలమూరు జిల్లా వ్యాప్తంగా MP ఎన్నికల సందడి మొదలైంది. నిన్న సార్వత్రిక ఎన్నికల తొలి నోటిఫికేషన్ విడుదలైంది. మహబూబ్‌నగర్, నాగర్‌కర్నూల్ లోక్‌సభ పరిధిలో 14 అసెంబ్లీ నియోజకవర్గాలు ఉన్నాయి. మొన్నటి ఎన్నికల్లో కాంగ్రెస్-12, BRS- 2 అసెంబ్లీ స్థానాల్లో విజయం సాధించాయి. ఒక్క సీటు కూడా గెలవని బీజేపీ బలంగానే కనిపిస్తోంది. లోక్ సభ పోరులో ఓటరు నాడి ఎటువైపనేది ఆసక్తిగా మారింది.
News March 22, 2024
MBNR: జిల్లా గ్రీవెన్స్ కమిటీ నియామకం
మహబూబ్ నగర్: ఎన్నికల ప్రవర్తనా నియమావళి అమల్లో ఉన్న దృష్ట్యా పరిమితికి మించి రూ.50వేల నగదు, బంగారు, ఇతర ఆభరణాలు తరలిస్తే ఆధారాలు వెంట ఉంచుకోవాలని జిల్లా కలెక్టర్ జి.రవి నాయక్ తెలిపారు. జడ్పీ సీఈవో బి. రాఘవేంద్రరావు, జిల్లా ఆడిట్ అధికారి ఎం.శ్రీనివాస్, జిల్లా సహకార అధికారి బి.పద్మ, కోశాగార ఉప సంచాలకుడు బి.శ్రీనివాస్ లతో జిల్లా స్థాయి గ్రీవెన్స్ కమిటీ ఏర్పాటు చేసినట్లు పేర్కొన్నారు.
News March 22, 2024
MBNR: DSCకి ఉచిత శిక్షణ.. నేడే చివరి తేదీ
మహబూబ్ నగర్: బీసీ స్టడీ సర్కిల్ ఆధ్వర్యంలో DSC(ఎస్టీజీ, ఎస్ఏ) పరీక్షపై అందించే ఉచిత శిక్షణ కోసం దరఖాస్తు చేసుకునేందుకు ఈ నెల 22 తుది గడువు అని బీసీ స్టడీ సర్కిల్ డైరెక్టర్ ఎ.స్వప్న అన్నారు.MBNR,NGKL,NRPT జిల్లాలకు చెందిన బీసీ నిరుద్యోగ అభ్యర్థులు నిర్దేశిత వెబ్ సైడ్ www.tsbcstudycircle.cgg.inలో దరఖాస్తులు చేసుకోవాలని, మిగతా వివరాలకు MBNR పట్టణం మెట్టుగడ్డలోని స్టడీ సర్కిల్లో సంప్రదించాలన్నారు.
News March 22, 2024
భూత్పూర్: అనుమానాస్పదంగా మహిళ మృతి
MBNR ఆస్పత్రిలో చికిత్స పొందుతున్న ఓ మహిళ అనుమానాస్పదంగా మృతిచెందింది. SI విజయ్ భాస్కర్ వివరాలు.. భూత్పూర్ మండలం కొత్తపల్లికి చెందిన చెన్నయ్య నాగమ్మను కడియాలు ఇవ్వాలని తల్లి రాజమ్మ పట్టుబట్టింది. మనస్తాపంతో నాగమ్మ ఈనెల 14న పురుగు మందు తాగగా భర్త చెన్నయ్య జిల్లా ఆస్పత్రికి తీసుకెళ్లాడు. ఈనెల 20న అత్తను ఆస్పత్రిలో ఉంచి ఇంటికి వెళ్లిన భర్తకు నీ భార్య చనిపోయిందని రాత్రి ఆస్పత్రి నుంచి ఫోన్ వచ్చింది.
News March 22, 2024
MBNR: ఎన్నికల కోడ్ ముగిశాకే గృహజ్యోతి
ఉమ్మడి MBNR జిల్లాలో గృహజ్యోతి పథకం అమలయ్యే పరిస్థితి కనిపించడంలేదు. రాష్ట్రమంతట గృహ జ్యోతి అమలు అవుతుండగా కేవలం MBNR జిల్లాలో మాత్రమే అమలు కాకపోవడంతో జిల్లా ప్రజలు తీవ్ర ఇబ్బందిగా ఫీల్ అవుతున్నారు. CM రేవంత్ రెడ్డి ఫిబ్రవరి 27న గృహ జ్యోతి పథకం అమలు చేస్తున్నట్లు ప్రకటించారు. కానీ ఫిబ్రవరి 26న ఉమ్మడి జిల్లాలో MLC కోడ్ రావడంతో తాత్కాలికంగా నిలిచిపోయింది. దీంతో కోడ్ ముగిశాకే గృహజ్యోతి అమలు కానుంది.
News March 22, 2024
‘గురుకులాల్లో ప్రవేశానికి దరఖాస్తుల ఆహ్వానం’
మహబూబ్ నగర్: తెలంగాణ సాంఘిక సంక్షేమ గురుకుల విద్యాలయాల్లో మిగులు సీట్ల భర్తీకి ఈనెల 23 తుది గడువు అని జిల్లా ప్రాంతీయ సమన్వయ అధికారిణి ఫ్లారెన్స్ రాణి తెలిపారు. 2024-25 విద్యా సంవత్సరానికి 6,7,8,9 తరగతుల్లో మిగులు సీట్లు ఉన్నాయని, ఆసక్తి గల విద్యార్థులు దరఖాస్తులు చేసుకోవాలని, వెంటనే నిర్దేశిత వెబ్ సైట్ www.tswreis.ac.in లో వివరాలు నమోదు చేసుకోవాలని సూచించారు.
News March 22, 2024
MBNR: ఓ వైపు ఎన్నికల కోలాహలం.. మరోవైపు ఫిరాయింపులు
ఇటు పార్లమెంట్.. అటు ఎమ్మెల్సీ ఎన్నికల నేపథ్యంలో ఉమ్మడి మహబూబ్ నగర్ జిల్లాలో ఎన్నికల కోలాహలం కొనసాగుతోంది. ఒకవైపు ప్రచార ఆర్భాటాలు జరుగుతూ ఉంటే.. మరోవైపు చేరికల తతంగం కొనసాగుతోంది. అధికార కాంగ్రెస్ పార్టీలోకి భారీగా వలసలు కొనసాగుతున్నాయి. ప్రస్తుతం ఎంపీ, ఎమ్మెల్సీ ఎన్నికలు జరుగుతున్న నేపథ్యంలో బీఆర్ఎస్ పార్టీకి కోలుకోలేని దెబ్బలు తగులుతున్నాయి. ఇక మరికొంతమంది మారేందుకు సిద్ధపడినట్లు సమాచారం.
Featured News
Sorry, no posts matched your criteria.