• Download our app

Mahbubnagar

News April 3, 2024

MBNR: అక్క గెలుపు కోసం.. ప్రచారంలో చెల్లెళ్లు

image

తమ సోదరి పాలమూరు పార్లమెంటు బిజెపి అభ్యర్థి డీకే అరుణ గెలుపు కోసం ఆమె చెల్లెళ్లు పద్మావతి, సువర్ణ, సురేఖలు ప్రచారంలో భాగంగా తమ వంతు సహాయం చేస్తున్నారు. వివిధ మండలాల్లో నిర్వహిస్తున్న విస్తృత స్థాయి సమావేశాలకు డీకే అరుణతో పాటు హాజరవుతున్నారు. స్థానికురాలైన తమ సోదరి గెలిపిస్తే కేంద్ర స్థాయిలో ఆమెకు ప్రభుత్వం మంచి ప్రాధాన్యం ఇస్తుందని, తద్వారా ఈ ప్రాంత అభివృద్ధికి కృషి జరుగుతుందని వివరిస్తున్నారు.

News April 3, 2024

MBNR: పాలమూరు యూనివర్సిటీలో క్యాంపస్ సెలక్షన్స్.. 25 మంది ఎంపిక

image

పాలమూరు యూనివర్సిటీలో విజయశ్రీ బయో ఫెర్టిలైజర్స్ ఆధ్వర్యంలో మంగళవారం క్యాంపస్ సెలక్షన్లు నిర్వహించారు. ఈ మేరకు సెలక్షన్స్ మొత్తం 32 మంది విద్యార్థులు హాజరవగా 25 మంది మౌఖిక పరీక్షకు హాజరైనట్లు ప్లేస్‌మెంట్ అధికారి అర్జున్ తెలిపారు. ఈ కార్యక్రమంలో రంజిత్ రెడ్డి, పరుశురాం, రవికుమార్ తదితరులు పాల్గొన్నారు.

News April 3, 2024

MBNR: పెళ్లి ఇంట విషాదం.. వధువు చెల్లి మృతి

image

ధరూర్ మండలం గార్లపాడు గ్రామంలో మంగళవారం ఈతకు వెళ్లి బాలిక మృతి చెందిన విషయం తెలిసిందే. కుర్వ నాగేంద్ర కూతురు మమత(10) వ్యవసాయ బావిలో స్నేహితులతో కలిసి ఈతకు వెళ్లింది. ప్రమాద వశాత్తు నీట మునగటంతో ఊపిరాడక మృతి చెందింది. గ్రామస్థులు బాలిక మృతదేహాన్ని బావిలో నుంచి బయటకు తీశారు. బుధవారం పెద్ద కూతురు వివాహం ఉండగా, చిన్న కూతురు మృతితో పెళ్లి బాజాలు మోగాల్సిన ఇంట్లో విషాదం చోటుచేసుకుంది.

News April 3, 2024

ఉమ్మడి జిల్లాలో నేటి కార్యక్రమాలు

image

✏నేటి నుంచి 10వ తరగతి వ్యాల్యూషన్
✏దేవరకద్ర:నేడు ఉల్లిపాయల వేలం
✏నేటి రంజాన్ వేళలు:
ఇఫ్తార్(బుధ)-6:36,సహార్(గురు)-4:38
✏MBNR:నేడు PUలో ఉద్యోగ మేళా
✏ఉమ్మడి జిల్లాలో గంజాయి, సారా నియంత్రణపై అధికారుల ప్రత్యేక ఫోకస్
✏అలంపూర్:నేడు పలు గ్రామాలలో కరెంట్ కట్
✏వరి కొనుగోలు ధాన్యాలపై అధికారుల సమీక్ష
✏పలు నియోజకవర్గాల్లో MBNR&NGKL ఎంపీ అభ్యర్థుల పర్యటన
✏ఎలక్షన్ కోడ్.. ఉమ్మడి జిల్లా సరిహద్దుల్లో నిఘా

News April 3, 2024

MBNR: SSC రాశారా.. ఇది మీ కోసమే!

image

ఇటీవల పదో తరగతి వార్షిక పరీక్షలు ముగియడంతో విద్యాశాఖ అధికారులు బుధవారం నుంచి పేపర్ మూల్యాంకనం చేపట్టనున్నారు. ఈ మేరకు MBNR, గద్వాల, నారాయణపేట జిల్లాలకు సంబంధించిన పేపర్లను పాలమూరులోని గ్రామర్ స్కూల్లో వాల్యుయేషన్ చేయనున్నారు. మొత్తం 2.30 లక్షల పేపర్ల వాల్యుయేషన్ కోసం 800 మంది అసిస్టెంట్ ఎగ్జామినర్లు, 150 చీఫ్ ఎగ్జామినర్లు, 260 మంది స్పెషల్ అసిస్టెంట్లను నియమించారు. SHARE IT

News April 3, 2024

‘పార్లమెంటులో MBNR వాయిస్ వినిపించాలంటే బీజేపీని గెలిపించాలి’

image

పార్లమెంటులో పాలమూరు వాయిస్ వినిపించాలంటే ఇక్కడ బీజేపీని గెలిపించాలని మహబూబ్ నగర్ ఎంపీ అభ్యర్థి డీకే అరుణ అన్నారు. ధన్వాడలోని రాఘవేంద్ర ఫంక్షన్ హాల్లో నిర్వహించిన ధన్వాడ, మరికల్ మండలాల బీజేపీ ముఖ్య నాయకుల సమావేశంలో డీకే అరుణ పాల్గొన్నారు. నిరుపేదలకు రేషన్ బియ్యం, రైతులకు పెట్టుబడి సాయం, మహిళలకు ముద్ర లోన్స్, గ్రామీణ ప్రాంతం ప్రజలకు ఉజ్వల గ్యాస్ కనెక్షన్లు బీజేపీ ఇస్తుందని గుర్తుచేశారు.

News April 3, 2024

నేటి నుంచి పదో తరగతి జవాబు పత్రాల మూల్యాంకనం

image

ఉమ్మడి పాలమూరు జిల్లాలో నేటి నుండి పదో తరగతి జవాబు పత్రాల మూల్యాంకనం ప్రారంభంకానుంది. పట్టణంలో భగీరథ కాలనీలో ఉన్న మహబూబ్ నగర్ గ్రామర్ స్కూల్లో MBNR, GDWL, NRPT జిల్లాలకు సంబంధించిన సిబ్బంది మూల్యాంకనంలో పాల్గొంటారు. NGKL జిల్లా కేంద్రంలోని లిటిల్ ఫ్లవర్ పాఠశాలలో WNP, NGKL జిల్లాల సిబ్బంది మూల్యాంకనం ప్రక్రియలో పాల్గొనున్నారు. మూల్యాంకనం కోసం 1,800 ఉపాధ్యాయులకు ఉత్తర్వులు ఇచ్చారు.

News April 3, 2024

NRPT: ‘ఎన్నికలు పారదర్శకంగా నిర్వహించాలి’

image

పార్లమెంట్ ఎన్నికలు పారదర్శకంగా నిర్వహించాలని అధికారులకు కలెక్టర్ కోయ శ్రీహర్ష సూచించారు. మంగళవారం నారాయణపేట సాంఘిక సంక్షేమ గురుకుల పాఠశాలలో పిఓ, ఏపిఓ లకు పార్లమెంట్ ఎన్నికల నిర్వహణపై నిర్వహించిన శిక్షణ కార్యక్రమంలో పాల్గొని మాట్లాడారు. ఎన్నికల సంఘం నియమావళి ప్రకారం ఎన్నికలను సజావుగా, ప్రశాంతమైన వాతావరణంలో నిర్వహించాలని అన్నారు. ఎన్నికల నిర్వహణపై పలు సూచనలు, సలహాలు ఇచ్చారు.

News April 2, 2024

ఉమ్మడి జిల్లాలో నేటి ముఖ్యంశాలు..!

image

✒GDWL: ఈతకు వెళ్లి బాలిక మృతి
✒BRSకు ఓటేస్తే.. మీ ఓటు వృథా అయినట్లే: డీకే అరుణ
✒అలంపూర్ లో యాక్సిడెంట్.. ఒకరి మృతి
✒కాంగ్రెస్ వచ్చాకే రైతులకు కన్నీళ్లు: గువ్వల బాలరాజు
✒MBNR&NGKL:’ఎండిన పంటలు.. ఎకరాకు రూ.25 వేలు ఇవ్వాలి’
✒WNPT:చిన్నారెడ్డి సమక్షంలో కాంగ్రెస్‌లో చేరికలు
✒ఆరెంజ్ అలర్ట్.. అత్యవసరమైతేనే బయటకు రండి: కలెక్టర్లు
✒పలుచోట్ల ధాన్యం కొనుగోలు కేంద్రాలు ఏర్పాటు
✒పలుచోట్ల ఇస్తారు విందు!

News April 2, 2024

గద్వాల జిల్లాలో రూ.11,54,200 సీజ్

image

ఎన్నికల కోడ్ నేపథ్యంలో గద్వాల జిల్లాలోని బార్డర్ చెక్ పోస్టుల వద్ద నిర్వహించిన వాహనాల తనిఖీల్లో రూ.11,54,200 పట్టుబడినట్లు ఎస్పీ రితిరాజ్ తెలిపారు. వాటికి సంబంధించి అనుమతి పత్రాలు లేకపోవడంతో నగదు సీజ్ చేసినట్లు చెప్పారు. ఉండవెల్లి మండలం పుల్లూరు టోల్ ప్లాజా వద్ద రూ.11 లక్షలు, కేటీ దొడ్డి మండలం నందిన్నె బార్డర్ చెక్ పోస్ట్ వద్ద రూ.54,200 సీజ్ చేశామని నగదును గ్రీవెన్స్ కమిటీకి అప్పగిస్తామన్నారు.

Featured News

Sorry, no posts matched your criteria.

↑