India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News March 18, 2024
దక్షిణ తెలంగాణకే తలమానికం మన అమ్రాబాద్ ఫారెస్ట్
నల్లమలలోని అమ్రాబాద్ అభయారణ్యం 2,163 చదరపు కిలో మీటర్ల మేర విస్తరించి ఉంది. ఇక్కడి అమ్రాబాద్ టైగర్ రిజర్వ్ ఫారెస్ట్ దక్షిణ తెలంగాణకే తలమానికంగా నిలుస్తోంది. అడవిలో రెండు తెలుగు రాష్ట్రాలకు సరిహద్దుగా కృష్ణానది పరవళ్లు తొక్కుతోంది. ఉమామహేశ్వర ఆలయాన్ని, మల్లెల తీర్థాన్ని పర్యాటక శాఖ కొంత అభివృద్ధి చేయగా.. వ్యూ పాయింట్, ఆక్టోపస్ వ్యూలను అటవీ శాఖ అభివృద్ధిలోకి తెచ్చింది.
News March 18, 2024
నాగర్ కర్నూల్‌పై బీజేపీ స్పెషల్ ఫోకస్
ఉమ్మడి జిల్లాలో నాగర్ కర్నూల్(SC) పార్లమెంట్ స్థానంపై బీజేపీ ఫోకస్ పెట్టింది. ఇక్కడి సిట్టింగ్ ఎంపీని పార్టీలో చేర్చుకోవడంతోపాటు ఇతర నేతల చేరికపై ప్రధానంగా దృష్టిసారించింది. ఇప్పటికే తమ అభ్యర్థి భరత్‌ కోసం ప్రధాని మోదీ ఎన్నికల ప్రచారం చేపట్టారు. ఇక్కడ తమకు అనుకూల, ప్రతికూల పరిస్థితులపై బీజేపీ లెక్కలు వేస్తోండగా.. కాంగ్రెస్‌, బీఆర్‌ఎస్‌ నుంచి నాగర్‌కర్నూల్‌ అభ్యర్థి ఎవరన్నది తెలాల్సి ఉంది.
News March 18, 2024
ఉమ్మడి జిల్లాలో నేటి కార్యక్రమాలు..!
✔అంతా సిద్ధం..నేటి నుంచి పదో తరగతి పరీక్షలు ప్రారంభం
✔ఉమ్మడి జిల్లాలో ఎన్నికల కోడ్.. తనిఖీలు షురూ
✔NRPT:నేటి నుంచి యోగ శిబిరం ప్రారంభం
✔ఉమ్మడి జిల్లాలో నేటి నుంచి అంగన్వాడీ కేంద్రాలకు ఒంటి పూట ప్రారంభం
✔కొనసాగుతున్న కుష్టి వ్యాధుల సర్వే
✔MLC ఉప ఎన్నికలు..నేతలు బిజీ..బిజీ..
✔ప్రత్యేక చెక్ పోస్టులపై అధికారుల నిఘా
✔రంజాన్ వేళలు:
ఇఫ్తార్(సోమ):6:34,సహార్(మంగళ):5:02
✔త్రాగునీటి సమస్యలపై సమీక్ష
News March 18, 2024
MBNR: ఒక్కసారిగా చల్లబడ్డ వాతావరణం..
నిన్న మొన్నటి వరకు ఎండల వేడి నీతో ఇబ్బందులు పడ్డ ఉమ్మడి మహబూబ్ నగర్ జిల్లా ప్రజలకు సోమవారం కాస్త ఉపశమనం లభించింది. నిన్నటి వరకు 35 డిగ్రీల ఉష్ణోగ్రతలు నమోదు అయ్యి ఎండ వేడిమిని తట్టుకోలేక ప్రజలు ఉక్కిరిబిక్కిరి అయ్యారు. ఈ నేపథ్యంలో సోమవారం ఉదయం నుంచి వాతావరణం ఒక్కసారిగా చల్లబడి ఉష్ణోగ్రతలు 27 డిగ్రీలకు పడిపోయాయి. వాతావరణం లో చోటుచేసుకున్న మార్పుల కారణంగా ప్రస్తుతం కూల్‌గా ఉంది.
News March 18, 2024
MBNR ఎమ్మెల్సీ ఉపఎన్నిక ఓటర్లు 1,439
మహబూబ్ నగర్ స్థానిక సంస్థల ఎమ్మెల్సీ ఉపఎన్నికకు ఓటర్ల లెక్క తేలింది. ఉమ్మడి జిల్లా వ్యాప్తంగా మొత్తం 1,439 మంది ఓటర్లు ఉండగా.. వీరిలో 644 మంది పురుషులు, 795 మంది స్త్రీలు ఉన్నారు. 2021 ఓటర్ల జాబితా ఆధారంగా అభ్యంతరాల స్వీకరణ, మార్పుల తర్వాత ఎన్నికల అధికారులు ఓటర్ల తుది జాబితా ప్రకటించారు. ఉమ్మడి జిల్లాలో మొత్తం 10 పోలింగ్ కేంద్రాల ద్వారా వీరంతా ఓటు హక్కు వినియోగించుకోనున్నారు.
News March 18, 2024
MBNR: PUలో ఇంజినీరింగ్, న్యాయ కళాశాలలు
పీయూ ప్రాంగణంలో కొత్తగా న్యాయ, ఇంజినీరింగ్ కళాశాలల ఏర్పాటుకు రాష్ట్ర ప్రభుత్వం ప్రతిపాదనలు కోరింది. న్యాయ కళాశాలలో మూడేళ్ల పాటు 60 సీట్లు, LLMలో 20 సీట్లు, ఇంజినీరింగ్ కళాశాలలో బీటెక్ తో పాటు నాలుగు కోర్సులు ఏర్పాటు చేయనున్నారు. ప్రతి కోర్సులో 60 మందికి ప్రవేశం కల్పించనున్నారు. వచ్చే విద్యా సంవత్సరం నుంచే ఈ కళాశాలలు నిర్వహించేందుకు చర్యలు వేగవంతం చేసేందుకు అధికారులకు ఆదేశాలు జారీ చేశారు.
News March 18, 2024
NGKL: రోడ్డు ప్రమాదంలో యువకుడి దుర్మరణం
బిజినేపల్లి మండలంలో రెండు బైక్‌లు ఢీకొన్న ఘటనలో యువకుడు అక్కడిక్కడే మృతి చెందాడు. స్థానికుల వివరాలు.. వీపనగండ్ల మండల వాసి బాలకృష్ణ HYD వైపు బైక్‌పై వెళ్తున్నాడు. మరో బైక్‌పై సూర్యాపేట జిల్లాకు చెందిన అజయ్‌, సిద్దార్థ్‌, భరత్‌ ఎదురుగా వచ్చి ఢీకొన్నాయి. దీంతో సిద్దార్థ్‌ అక్కడిక్కడే మృతిచెందగా గాయపడ్డ మరో ముగ్గురిని నాగర్‌కర్నూల్‌ ఆస్పత్రికి తరలించారు. వారిలో ఇద్దరి పరిస్థితి విషమంగా ఉంది.
News March 18, 2024
పదో తరగతి పరీక్షలు.. సందేహాలు ఉంటే ఫోన్ చేయండి !
ఉమ్మడి పాలమూరు జిల్లా వ్యాప్తంగా పదోతరగతి పరీక్షలు ప్రశాంతంగా నిర్వహించడానికి, విద్యార్థుల సందేహాలు నివృత్తి చేసుకోవడానికి ప్రత్యేక కంట్రోల్ రూమ్ ను అధికారులు ఏర్పాటు చేశారు. విద్యార్థులకు ఎలాంటి సందేహాలున్నా.. చరవాణి నం. 7702775340కు ఫోన్ చేసి సందేహాలు నివృత్తి చేసుకోవాలని, 24 గంటల పాటు సిబ్బంది అందుబాటులో ఉంటారని విద్యాశాఖ అధికారులు పేర్కొన్నారు.
News March 18, 2024
నేటి నుంచి అంగన్వాడీలకు ఒంటిపూట
ఉమ్మడి పాలమూరు జిల్లా వ్యాప్తంగా అంగన్వాడీ కేంద్రాలకు ఒంటిపూట నిర్వహించాలంటూ తాజాగా ఐసీడీఎస్ అధికారులకు ఆదేశాలు జారీ చేశారు. సోమవారం నుంచి మే 31 వరకు అమలుచేయాలని ఆదేశాలు వచ్చాయి. ఈ నేపథ్యంలో ఉదయం 8 నుంచి మధ్యాహ్నం 12.30 వరకు వీటిని నిర్వహించనున్నారు. మధ్యాహ్నం తర్వాత అంగన్వాడీ టీచర్లు, ఆయాలు ఇంటింటికీ తిరిగి పిల్లల ప్రీ స్కూల్ రీ-అడ్మిషన్, బడిమానేసిన పిల్లల వివరాలు సేకరించాల్సి ఉంటుంది.
News March 18, 2024
MBNR: నేటి నుంచి టెన్త్ పరీక్షలు.. సెంటర్ల వద్ద 144 సెక్షన్
ఉమ్మడి జిల్లావ్యాప్తంగా నేటి నుంటి 10వ తరగతి పరీక్షలు జరగనున్నాయి. ఈ నేపథ్యంలో పరీకా కేంద్రాల వద్ద 144 సెక్షన్ అమలు చేస్తున్నారు. పరిసర ప్రాంతాల్లోని జిరాక్స్ సెంటర్లు మూసివేయాలని ఆదేశించారు. వేసవి దృష్ట్యా ప్రత్యేక ఏర్పాట్లు చేశారు. MBNR జిల్లాలో 59 సెంటర్లలో 12,866 మంది విద్యార్థులు, వనపర్తిలో 6,969 మంది, నాగర్ కర్నూల్‌లో 59 కేంద్రాల్లో 10,526 మంది, గద్వాలలో 7203 మంది పరీక్షలు రాయనున్నారు.
Featured News
Sorry, no posts matched your criteria.