India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News March 17, 2024
ఉమ్మడి జిల్లాలో నేటి కార్యక్రమాలు!
*ఏర్పాట్లు పూర్తి..రేపటి నుంచి పదో తరగతి పరీక్షలు ప్రారంభం
*WNPT:విద్యుదాఘాతంతో ఒకరి మృతి
*ఉమ్మడి పాలమూరు నుంచి ముగ్గురికి కార్పొరేషన్ పదవులు
*కవిత అరెస్టుకు నిరసనగా ఉమ్మడి జిల్లాలో ‘BRS’ నేతల ధర్నా
*టెన్త్ ‘విద్యార్థులకు హాల్ టికెట్లు ఇవ్వకుంటే చర్యలు’:DEOలు
*NGKL:రెండు బైకులు ఢీ..ఒకరు మృతి
*బీజేపీ గెలుపులో యువత కీలకపాత్ర పోషించాలి:డీకే అరుణ
*MBNR,దేవరకద్రలో కాంగ్రెస్ పార్టీలో భారీ చేరికలు
News March 17, 2024
నాగర్ కర్నూల్: రెండు బైకులు ఢీ.. ఒకరు మృతి
నాగర్ కర్నూల్ జిల్లా బిజినపల్లి మండలం కోటాలగడ్డ వద్ద ఆదివారం రాత్రి రోడ్డు ప్రమాదం జరిగింది. స్ధానికులు వివరాల ప్రకారం.. ఎదురెదురుగా వస్తున్న రెండు బైకులు ఢీకొని ఒకరు మృతి చెందారు. మరో ముగ్గురికి తీవ్ర గాయాలయ్యాయి. వారిని జిల్లా ఆసుపత్రికి తరలించినట్లు స్ధానికులు తెలిపారు. ఈ ఘటన సంబంధించిన మరిన్ని వివరాలు తెలియాల్సి ఉంది.
News March 17, 2024
NRPT: ‘రెండు ఎంపీ స్థానాల్లో బీజేపీ విజయం ఖాయం’
పాలమూరు ఉమ్మడి జిల్లాలోని రెండు పార్లమెంట్ స్థానాల్లో బీజేపీ విజయం ఖాయమని నారాయణపేట జిల్లా బీజేపీ అధికార ప్రతినిధి రఘువీర్ యాదవ్ ఆదివారం ఒక ప్రకటనలో పేర్కొన్నారు. నాగర్ కర్నూల్ లో జరిగిన ప్రధాని మోదీ విజయ సంకల్ప సభ దిగ్విజయం కావడమే అందుకు నిదర్శనమని అన్నారు. గత బీఆర్ఎస్ ప్రభుత్వం అవినీతిలో మునిగి పోయిందని, నేటి కాంగ్రెస్ ప్రభుత్వం సాధ్యం కానీ హామీలు ఇచ్చి అమలు చేయకుండా మోసం చేస్తోందన్నారు.
News March 17, 2024
బీజేపీ గెలుపులో యువత కీలకపాత్ర పోషించాలి: డీకే అరుణ
మహబూబ్ నగర్ నియోజకవర్గ పరిధిలోని సుమారు 600 మంది యువకులు ఆదివారం మహబూబ్‌నగర్ పార్లమెంట్ అభ్యర్థి డీకే అరుణ ఆధ్వర్యంలో బీజేపీ పార్టీలో చేరారు. అనంతరం వారు మాట్లాడుతూ… పార్టీ గెలుపులో యువత కీలకపాత్ర పోషించాలని అన్నారు. ప్రతి ఇంటికి వెళ్లి కేంద్ర ప్రభుత్వం చేస్తున్న మంచి పనులను వివరించాలని సూచించారు. ఈ దేశం యువత భవిష్యత్తు బాగుండాలంటే నరేంద్ర మోదీ మరోసారి ప్రధాని కావాలని అన్నారు.
News March 17, 2024
ఉమ్మడి జిల్లాలో 180 మందికి GOOD NEWS
MBNR:2008 డీఎస్సీ అభ్యర్థులకు ఉద్యోగాలు ఇవ్వనున్నట్లు ప్రభుత్వం నిర్ణయించడంతో ఉమ్మడి జిల్లా అధికారులు అప్రమత్తమయ్యారు. ఉన్నత అధికారుల ఆదేశాలతో ఉమ్మడి జిల్లాలో 180 మంది అభ్యర్థులను అప్పట్లో అర్హులుగా గుర్తించారు. MBNR-45, NGKL-40,WNPT-30, GDWL, NRPT జిల్లాల్లో 30 మంది వంతున అభ్యర్థులు ఉండగా.. వివిధ పోటీ పరీక్షల్లో కొందరు ఉద్యోగాలు సాధించారు. కొత్త జిల్లాల వారీగా వారి వివరాలు వెలికితీస్తున్నారు.
News March 17, 2024
వనపర్తి: విద్యుదాఘాతంతో ఒకరి మృతి
వనపర్తి మండలంలోని పెద్దగూడెం గ్రామ సమీపంలోని వ్యవసాయ పొలంలో విద్యుదాఘాతంతో ఒకరు మృతి చెందిన సంఘటన ఆదివారం జరిగింది. గ్రామానికి చెందిన ఖలీల్ ట్రాన్స్ఫార్మర్ వద్ద వ్యవసాయ బోరుకు సంబంధించిన విద్యుత్తు కనెక్షన్ పనులు చేస్తుండగా అకస్మాత్తుగా విద్యుత్ సరఫరా కావడంతో అతను అక్కడికక్కడ మృతి చెందాడు. ఈఘటనకు సంబంధించి మరిన్ని వివరాలు తెలియాల్సి ఉంది.
News March 17, 2024
మహబూబ్‌నగర్ లోక్ సభ పరిధిలోని ఓటర్లు
మహబూబ్‌నగర్ పార్లమెంట్ నియోజకవర్గంలోని 7 అసెంబ్లీ నియోజకవర్గాలకు సంబంధించి మొత్తం 16,80,417 మంది ఓటర్లు ఉన్నారు. అసెంబ్లీ నియోజకవర్గాల వారీగా ఓటర్ల వివరాలిలా..
✓ మహబూబ్‌నగర్ అసెంబ్లీలో – 2,58,658
✓ జడ్చర్ల అసెంబ్లీలో- 2,23,222
✓ దేవరకద్ర అసెంబ్లీలో – 2,39,077
✓ నారాయణపేట అసెంబ్లీ – 2,35,517
✓ మక్తల్ అసెంబ్లీ – 2,43,338
✓ కొడంగల్ అసెంబ్లీలో – 2,42,267
✓ షాద్‌నగర్ అసెంబ్లీలో – 2,38,338 మంది ఉన్నారు
News March 17, 2024
ఉమ్మడి పాలమూరు నుంచి ముగ్గురికి కార్పొరేషన్ పదవులు
ఉమ్మడి పాలమూరు జిల్లా నేతలకు మూడు కార్పొరేషన్ ఛైర్మన్ పదవులు దక్కాయి. సీఎం రేవంత్ రెడ్డి ప్రాతినిధ్యం వహిస్తున్న కొడంగల్ నియోజకవర్గ మాజీ ఎమ్మెల్యే గుర్నాథ్ రెడ్డికి పోలీస్ హౌసింగ్ కార్పొరేషన్ ఛైర్మన్ పదవి లభించింది. కొల్లాపూర్ జగదీశ్వరరావుకు స్టేట్ ఎడ్యుకేషన్ డెవలప్మెంట్ కార్పొరేషన్ ఛైర్మన్ పదవి దక్కగా, రాష్ట్ర యువజన కాంగ్రెస్ అధ్యక్షుడు శివసేన రెడ్డికి స్పోర్ట్స్ అథారిటీ ఛైర్మన్ పదవి వచ్చింది.
News March 17, 2024
NGKL: కాపురానికి రావట్లేదని భార్యను చంపేశాడు
కోడేరు మండలం రాజాపూర్‌లో <<12867361>>భార్య గొంతుకోసి భర్త సూసైడ్<<>> చేసుకున్న విషయం తెలిసిందే. తుర్కదిన్నెకు చెందిన శివశంకర్‌, భారతిని 2వ పెళ్లి చేసుకొని HYDలో ఉంటున్నాడు. 3నెలల క్రితం పుట్టింటికి వెళ్లిన భారతిని కాపురానికి రావాలని ఫోన్లో అడగ్గా రాకపోవడంతో నిన్న రాజాపూర్ వెళ్లాడు. అత్తమామలు బయటకు వెళ్లారు. ఇంట్లో ఇద్దరు గొడవ పడి భారతి గొంతు కోసేశాడు. అనంతరం వెళ్లి తన పొలంలో ఉరేసుకున్నాడు. భారతి 6నెలల గర్భిణి.
News March 17, 2024
MBNR: 5 నిమిషాలు ఆలస్యంగా వచ్చిన అనుమతి..
ఉమ్మడి పాలమూరు జిల్లాలో రేపటి నుండి నుంచి ప్రారంభమయ్యే పదోతరగతి పరీక్షలు ఈ నెల 30వ తేదీ వరకు జరుగుతాయి. ఉదయం 9.30 నుంచి మధ్యాహ్నం 12.30 వరకు పరీక్ష ఉంటుంది. గతంలో నిమిషం ఆలస్యమైనా అనుమతి ఉండేది కాదు. ఈ సారి 5 నిమిషాలు ఆలస్యంగా వచ్చినా.. అనుమతి ఇస్తారు. విద్యార్థులు అరగంట ముందే పరీక్ష కేంద్రానికి చేరుకోవాలని అధికారులు సూచిస్తున్నారు. పరీక్ష కేంద్రాల వద్ద 144 సెక్షన్ అమల్లో ఉంటుందని అన్నారు.
Featured News
Sorry, no posts matched your criteria.