India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News March 17, 2024
నాగర్కర్నూల్: ‘విద్యార్థులకు హాల్ టికెట్లు ఇవ్వకుంటే చర్యలు’
పదో తరగతి విద్యార్థులకు ప్రైవేట్ పాఠశాలల్లో ఫీజులు, ఇతర కారణాలతో యాజమాన్యాలు హాల్ టికెట్లు ఇవ్వకపోతే చర్యలు తీసుకుంటామని డీఈవో గోవిందరాజులు తెలిపారు. విద్యార్థులు తమ హాల్ టికెట్లను www.bse.telangana.gov.in నుంచి డౌన్లోడ్ చేసుకోవచ్చని తెలిపారు. ఇన్విజిలేటర్లు, ఇతర సిబ్బంది కాపీయింగ్ ప్రోత్సహించినట్లు తెలిస్తే వారిపై కఠిన చర్యలు తీసుకుంటామని డీఈవో హెచ్చరించారు.
News March 17, 2024
లోక్ సభ పోరు.. NGKL కాంగ్రెస్ అభ్యర్థి ఎవరు..?
లోక్ సభ ఎన్నికల షెడ్యూల్ విడుదలతో ఉమ్మడి జిల్లాలో రాజకీయాలు ఒక్కసారిగా వేడెక్కాయి. మహబూబ్ నగర్ పరిధిలో BRS, కాంగ్రెస్, బీజేపీ అభ్యర్థులు ప్రచారం ప్రారంభించారు. అటూ నాగర్కర్నూల్ ఎంపీ అభ్యర్థిని బీజేపీ ప్రకటించింది. బీఆర్ఎస్ నుంచి ఆర్ఎస్ ప్రవీణ్ కుమార్ పోటీ చేస్తారని ప్రచారం ఉండగా.. కాంగ్రెస్ అభ్యర్థి తేలాల్సి ఉంది. ఇక్కడ BRS, కాంగ్రెస్ అభ్యర్థులపై స్పష్టత వస్తే ప్రచారం ఊపందుకోనుంది.
News March 17, 2024
MBNR: ఆలయాల్లో ధర్మకర్తల మండళ్లు ఏర్పాటుపై ఎదురుచూపులు
ఉమ్మడి జిల్లాలో అనేక ఆలయాల్లో ధర్మకర్తల మండళ్లు పనిచేయటం లేదు. పదవీ కాలం పూర్తయి నెలలు గడుస్తున్న కొత్త కమిటీల ఏర్పాటు రూపుదాల్చడం లేదు. జనవరిలో ట్రస్ట్ బోర్డుల నియామకానికి దేవాదాయ శాఖ ప్రకటన జారీ చేయగా ప్రస్తుత ఎమ్మెల్సీ ఎన్నికల కోడ్ వల్ల నియామక ప్రక్రియ ఆగిపోయింది. దీంతో పాలకమండలి సభ్యుల పదవీ కోసం ఎదురుచూస్తున్న ఆశావహులు నిరాశలో పడ్డారు. ఉమ్మడి జిల్లాలో దేవాదాయశాఖలో మొత్తం 1340 ఆలయాలు ఉన్నాయి.
News March 17, 2024
ప్రేమ విఫలమై యువకుడి బలవన్మరణం!
బల్మూరు: ప్రేమ విఫలమై యువకుడు బలవన్మరణానికి పాల్పడిన సంఘటన మండల కేంద్రంలో చోటు చేసుకుంది. ASI రేణయ్య తెలిపిన వివరాల ప్రకారం.. హరికృష్ణ(25) తాను ప్రేమించిన యువతికి పెళ్లి చేస్తున్నారని తీవ్ర మనస్తాపానికి గురై ఇంటి వద్ద ఎవరు లేని సమయంలో ఈ నెల 10న పురుగు మందు తాగాడు. HYDలో చికిత్స పొందుతూ శనివారం మృతి చెందాడు. తండ్రి లక్ష్మయ్య ఫిర్యాదు మేరకు కేసు నమోదు చేసినట్లు ఏఎస్సై తెలిపారు.
News March 17, 2024
ఉమ్మడి జిల్లాలో నేటి కార్యక్రమాలు
✔కోడ్ కూసింది.. ఉమ్మడి జిల్లాలో ఎన్నికల సందడి
✔పదో తరగతి పరీక్షలపై అధికారుల సమీక్ష
✔నూతన ఓటు నమోదు పై అధికారుల ఫోకస్
✔శ్రీరంగాపురం:నేటి నుంచి బ్రహ్మోత్సవాలు
✔పలు నియోజక వర్గాల్లో స్థానిక ఎమ్మెల్యేల పర్యటన
✔రంజాన్ వేళలు:
ఇఫ్తార్(ఆది):6:34,సహార్(సోమ):5:02
✔నేడు సార్వత్రిక డిగ్రీ తరగతులు
✔పలుచోట్ల కేంద్ర బలగాలతో కవాతు
✔NRPT:పలు మండలాలలో కరెంటు కట్
✔ఉమ్మడి జిల్లాలో పకడ్బందీగా ఎన్నికల కోడ్
News March 17, 2024
బీజేపీలో విలువలు సిద్దాంతాలు లేవు: జితేందర్ రెడ్డి
బీజేపీలోని నాయకులకు సిద్ధాంతాలు, విలువలు లేవని.. ఈర్ష్య, అసూయ, ద్వేషం, గ్రూప్ రాజకీయాలే ఉన్నవని మాజీ ఎంపీ, కాంగ్రెస్ నేత ఏపీ. జితేందర్ రెడ్డి ఆరోపించారు. కాంగ్రెస్ పార్టీలో చేరిన తర్వాత తొలిసారిగా ఆయన మీడియాతో మాట్లాడారు. తనకు కారణం చెప్పకుండా ఎంపీ టికెట్ ఇవ్వకుండా అవమానపరిచారని అన్నారు. 50ఏళ్ల ఆ పార్టీకి ఎంపీ అభ్యర్థులే లేరని, అభ్యర్థుల కోసం వెంపర్లాడుతున్నారని ఎద్దేవా చేశారు.
News March 17, 2024
మేము పోరాటం చేస్తే కాంగ్రెస్ అధికారంలోకి వచ్చింది: DK అరుణ
రాష్ట్రంలో ప్రజల తరపున బీజేపీ పోరాటం చేస్తే అబద్ధపు హామీలతో కాంగ్రెస్ అధికారంలోకి వచ్చిందని బీజేపీ జాతీయ ఉపాధ్యక్షురాలు, MBNR లోక్ సభ అభ్యర్థి డీకే అరుణ అన్నారు. విజయ సంకల్ప సభలో ఆమె మాట్లాడుతూ.. కాంగ్రెస్ పాలనలో 60 ఏళ్లలో చేయనివి బీజేపీ పదేళ్లలోనే చేసి చూపెట్టిందని, ప్రధాని మోదీ భారత్ కీర్తిని పెంచుతుంటే కాంగ్రెస్ మాత్రం విషం చిమ్ముతోందని, ప్రతి ఒక్కరి నోటి వెంట మోదీ మాటే వినిపిస్తోందని అన్నారు.
News March 17, 2024
నాగర్కర్నూల్: ఎంపీవోపై ఎంపీపీ దాడి
విధుల్లో ఉన్న ఎంపీవోను ఎంపీపీ ఆగ్రహంతో చెప్పుతో కొట్టిన ఘటన కోడేరులో జరిగింది. బాధితుడి వివరాలు.. పెండింగ్ బిల్లుల విషయంలో ఎంపీడీవో కార్యాలయంలో ఇరువురు మధ్య శనివారం వాగ్వాదం జరిగింది. ఈ క్రమంలో ఆగ్రహంతో ఊగిపోయిన ఎంపీపీ వెంకటరాధ దుర్భాషలాడుతూ.. నా మాట ఎందుకు వినడంలేదంటూ ఎంపీ చెప్పుతో కొట్టి ఆగ్రహంతో వెళ్లిపోయింది. ఈ ఘటనపై ఎంపీవో శ్రావణ్‌కుమార్‌ ఫిర్యాదుతో ఎస్సై కురుమూర్తి కేసు నమోదు చేశారు.
News March 17, 2024
నాగర్ కర్నూల్‌పై బీజేపీ ఫోకస్
నాగర్ కర్నూల్‌పై బీజేపీ ఫోకస్ పెట్టింది. ఈసారి ఎలాగైనా పాగా వేయాలని తీవ్ర ప్రయత్నాలు చేస్తోంది. గత ఎన్నికల్లో 1, 29, 021 ఓట్లు సాధించగా ఈసారి పక్కా గెలుస్తామని ఆపార్టీ నాయకులు చెబుతున్నారు. కాగా బీజేపీ ఎంపీ అభ్యర్థిగా భరత్ పోటీలో ఉన్నారు.
News March 16, 2024
గద్వాల: రెండు బైక్ ఢీ.. ఒకరి మృతి
రెండు బైకులు ఢీకొని ఓ వ్యక్తి మృతి చెందగా.. మరొకరికి తీవ్ర గాయాలైన ఘటన గద్వాల జిల్లాలో శనివారం రాత్రి చోటుచేసుకుంది. స్థానికుల వివరాల ప్రకారం.. ధరూర్ మండలం అల్వాల్ పాడ్ గ్రామానికి చెందిన రమేష్ (26) అదే గ్రామానికి చెందిన రాము.. బైక్ పై ధరూర్ మండల కేంద్రానికి వెళ్తుండగా పెట్రోల్ బంకు సమీపంలో జరిగిన ప్రమాదంలో రమేష్ మృతి చెందాగా.. రాము తీవ్రంగా గాయపడ్డాడు. రాముని ఆస్పత్రికి తరలించారు.
Featured News
Sorry, no posts matched your criteria.