India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News March 21, 2024
పనిచేయని బయోమెట్రిక్ హాజరు పరికరాలు
ఉమ్మడి పాలమూరు జిల్లాలో పలు ప్రభుత్వ జూనియర్ కళాశాలల్లో బయోమెట్రిక్ హాజరు పరికరాలు పనిచేయకపోవడంతో సిబ్బంది ఇబ్బందులు పడుతున్నారు. సాంకేతిక పరమైన సమస్యలతో బయోమెట్రిక్ హాజరును నమోదు చేయలేకపోతున్నామని బోధన, బోధనేతర సిబ్బంది పేర్కొంటున్నారు. బయోమెట్రిక్ యంత్రాల్లో ఉన్న సాంకేతిక సమస్యలను పరిష్కరించాలని వారు కోరుతున్నారు.
News March 21, 2024
ఉమ్మడి జిల్లాలో పెరిగిన ఉష్ణోగ్రతలు.. జాగ్రత్త
ఉమ్మడి జిల్లా వ్యాప్తంగా రోజురోజుకు ఉష్ణోగ్రతలు పెరుగుతూ ఉన్నాయి. గురువారం వనపర్తి జిల్లాలోని పానగల్లో 38.6 డిగ్రీల అత్యధిక ఉష్ణోగ్రత నమోదయింది. కేతపల్లిలో 38.3, గద్వాల జిల్లాలోని వడ్డేపల్లిలో 37.9, NGKL జిల్లా కోడేరులో 37.1, NRPT జిల్లాలోని ధన్వాడలో 36.9, MBNR జిల్లాలోని సేరి వెంకటాపురంలో 36.6, డిగ్రీలుగా ఉష్ణోగ్రతలు నమోదయ్యాయి. అత్యల్పంగా NGKL జిల్లా పద్రలో 31.4 డిగ్రీల ఉష్ణోగ్రత నమోదయింది.
News March 21, 2024
కొడంగల్: జానపద కళాకారుడికి సూర్య పర్వ్ అవార్డు
కొడంగల్ మండలంలోని చిట్లపల్లి గ్రామానికి చెందిన జానపద కళాకారుడు ప్రకాశ్‌ను ఉత్తర ప్రదేశ్ ప్రభుత్వం సెంట్రల్ కల్చర్ టీం లీడర్‌గా ఎంపిక చేసింది. ఈ సందర్భంగా అయోధ్యలో శ్రీ సీతారామ సన్నిధిలో సూర్య పర్వ్ అవార్డుతో సత్కరించారు. సూర్య పర్వ్ కార్యక్రమంలో దేశంలోని 18 రాష్ట్రాల కళాకారులు ప్రదర్శనలు నిర్వహించినట్లు ప్రకాశ్ తెలిపారు.
News March 21, 2024
నన్ను ఎంపీగా గెలిపించండి: వంశీ చంద్ రెడ్డి
పాలమూరు బిడ్డగా రాష్ట్రంలోనే తొలి జాబితాలో ఎంపీ టికెట్ దక్కే అవకాశం లభించిందని, తనను గెలిపించే బాధ్యత కూడా ఇదే పాలమూరు బిడ్డలు తీసుకోవాలని CWC ప్రత్యేక ఆహ్వానితుడు చల్లా వంశీ చంద్ రెడ్డి కోరారు. ఈరోజు మీడియాతో మాట్లాడుతూ.. గత పది ఏళ్ల పాలనలో కేసీఆర్ కుటుంబం తప్ప అధికారులు ప్రజాప్రతినిధులకు ఎవరికీ అధికారం ఇవ్వకుండా కేవలం ఏకపక్షంగా వ్యవహరించాలని ఆరోపించారు.
News March 21, 2024
NGKL: కన్న కొడుకును హత్య చేసిన తల్లి
ఓ తల్లి కొడుకుని హత్య చేసిన ఘటన బిజినపల్లి మండలం అల్లిపూర్ గ్రామంలో చోటుచేసుకుంది. స్థానికుల వివరాల ప్రకారం.. వివాహేతర సంబంధానికి అడ్డుగా ఉన్నాడని కొడుకు హరీశ్(11)ను గురువారం ఇంట్లో భర్త లేని సమయంలో రోకలి బండతో కొట్టి చంపేసింది. తర్వాత బుట్టలో చుట్టి, నీటి తొట్టిలో పడేసి ఉంటుందని స్థానికులు చెబుతున్నారు. సమాచారం అందుకున్న పోలీసులు విచారణ చేపట్టారు. పూర్తి వివరాలు తెలియాల్సి ఉంది.
News March 21, 2024
అమ్రాబాద్: వన్యప్రాణులతో పరోక్ష రక్షణ
అమ్రాబాద్ టైగర్ రిజర్వు ప్రాంతంలో పులుల సంఖ్య గణనీయంగా పెరుగుతోంది. నేషనల్ టైగర్ కన్జర్వేషన్ అథారిటీ నివేదికల ప్రకారం 2018 సంవత్సరంలో 12, 2021 సంవత్సరంలో 21 పులులు ఉండగా, ప్రస్తుతం 2024 సంవత్సరంలో 32 పెద్ద పులులు ఉన్నట్లు గుర్తించారు. ఇవి కాక చిరుత పులులు 176, ఎలుగుబంట్లు 250, ఇతర అటవీ జంతువులు 10వేల వరకు ఉన్నాయి. క్రమంగా వన్యప్రాణుల సంఖ్య పెరగటంతో పరోక్షంగా అడవి సంరక్షణకు ఉపయోగపడుతోంది.
News March 21, 2024
అమ్రాబాద్: యువకుడి సూసైడ్
అమ్రాబాద్ మండలానికి చెందిన ఎల్కచేను నీలమ్మ, నాగయ్య దంపతులకు ఇద్దరు కుమారులు ఉన్నారు. పెద్దకుమారైన స్వామి బుధవారం ఉదయం వ్యవసాయ పొలంలో టేకు చెట్టుకు ఉరేసుకొని ఆత్మహత్యకు పాల్పడ్డాడు. కుటుంబ ఆర్థిక పరిస్థితుల వల్ల మనస్తాపంతో ఆత్మహత్యకు పాల్పడి ఉంటాడని గ్రామస్థులు తెలిపారు. ఘటనా స్థలానికి చేరుకున్న పోలీసులు మృతదేహాన్ని అమ్రాబాద్ ప్రభుత్వ ఆసుపత్రికి తరలించారు.
News March 21, 2024
ఉమ్మడి జిల్లాలో నేటి కార్యక్రమాలు
✔అడ్డాకల్: నేటి నుంచి రామలింగేశ్వర స్వామి బ్రహ్మోత్సవాలు ✔GDWL: నేడు పలు మండలాలలో కరెంట్ కట్ ✔విద్యార్థుల సంఖ్య పెంచేందుకు అధికారుల ఫోకస్ ✔రంజాన్ వేళలు:-
ఇఫ్తార్(గురు):6:35, సహార్(శుక్ర):4:59 ✔రసవత్తంగా ఎమ్మెల్సీ ఎన్నికల ప్రచారం ✔MLC పోలింగ్ కేంద్రాల ఏర్పాటు ✔మక్తల్: నేడు ఎద్దుల బండి గిరక పోటీలు ✔’ELLICTION EFFECT’ కొనసాగుతున్న తనిఖీలు ✔DSC ఉచిత శిక్షణకు దరఖాస్తులు చేసుకోండి
News March 21, 2024
ఆత్మకూరు: మహిళపై అత్యాచారయత్నం
ఒంటరిగా ఇంట్లో ఉన్న మహిళపై అత్యాచారయత్నానికి పాల్పడిన దేవర్ల మహేశ్‌కు ఆత్మకూరు సివిల్ కోర్టు న్యాయమూర్తి 4 నెలల జైలు శిక్ష, రూ.వెయ్యి జరిమానా విధిస్తూ బుధవారం తీర్పు ఇచ్చారని ఎస్ఐ సురేశ్ తెలిపారు. 2018లో అత్యాచారయత్నానికి పాల్పడినట్లు ఫిర్యాదు రాగా ఏఎస్ఐ జమీరుద్దీన్ కేసు నమోదు చేశారన్నారు. పూర్తి స్థాయిలో ఆధారాలు కోర్టులో సమర్పించడంతో బాధితురాలికి న్యాయం జరిగిందన్నారు.
News March 21, 2024
మహబూబ్‌నగర్‌లో ఉప ఎన్నిక.. క్యాంప్‌ రాజకీయాలు
పాలమూరులో స్థానిక సంస్థల MLC ఉప ఎన్నిక సమీపిస్తున్న వేళ BRS, కాంగ్రెస్ పార్టీల MLAలు, మాజీ MLAలు జాగ్రత్త పడుతున్నారు. ఎన్నికకు వారం రోజుల సమయం ఉండడంతో అంతవరకు ఓటర్లు పార్టీలు మారకుండా ఉండేందుకు వీలుగా క్యాంపు రాజకీయాలు ప్రారంభించారు. ఇలా అయితే అభ్యర్థుల గెలుపు, ఓటములపై ప్రభావం చూపడం ఖాయమని రాజకీయ విశ్లేషకులు అంటున్నారు. దీనిపై మీ కామెంట్..?
Featured News
Sorry, no posts matched your criteria.