Mahbubnagar

News September 29, 2024

MBNR: గణనాథుడి లడ్డూ కైవసం చేసుకున్న ముస్లిం సోదరుడు

అచ్చంపేట మండలం నడింపల్లిలో గణనాథుడి లడ్డూను ముస్లిం సోదరుడైన ఎండీ. మోదీన్ కైవసం చేసుకున్నారు. కమిటీ సభ్యులు మాట్లాడుతూ.. 21 రోజుల పాటు పూజలందుకున్న వినాయక లడ్డూను శనివారం రాత్రి నిర్వహించిన వేలం పాటలో రూ.40,116కు మోదీన్ సొంతం చేసుకున్నాడని తెలిపారు. అతని కుటుంబానికి ఆ గణనాథుని ఆశీర్వాదం ఎల్లవేళలా ఉంటాయని, వినాయకుడి కృపతో అష్ట ఐశ్వర్యాలు, సుఖఃసంతోషాలు కలగాలని కమిటీ తరఫున కోరుకోవడం జరిగిందన్నారు.

News September 29, 2024

సీఎం ఫోటోలు కాదు.. 6 గ్యారంటీలు అమలు చేయండి: నిరంజన్ రెడ్డి

ప్రతీ కార్యాలయంలో సీఎం రేవంత్ రెడ్డి ఫోటో అక్టోబర్ 7లోపు పెట్టాలని ఆదేశాలు ఇచ్చారని, కానీ ప్రభుత్వం వచ్చి 10నెలలైనా 6 గ్యారంటీల అమలుకు మాత్రం ఆదేశాలు లేవని మాజీ మంత్రి నిరంజన్ రెడ్డి ఎద్దేవా చేశారు. 6 గ్యారంటీల అమలును పట్టించుకోని ప్రభుత్వం ఆగమేఘాల మీద సీఎం ఫోటో ప్రభుత్వ కార్యాలయాల్లో పెట్టేందుకు సిద్ధమవుతుందని విమర్శించారు. ఇదే తరహాలో 6 గ్యారంటీలు అమలు చేయాలని డిమాండ్ చేశారు.

News September 28, 2024

రైతుల అభివృద్ధికి ప్రభుత్వం కృషి: మంత్రి జూపల్లి

పానగల్ మండల కేంద్రంలోని ప్రాథమిక వ్యవసాయ సహకార సంఘం సమావేశం ఉమ్మడి జిల్లా డిసిసిబి చైర్మన్ మామిళ్ళపల్లి విష్ణువర్ధన్ రెడ్డి అధ్యక్షతన జరిగింది. ఈ కార్యక్రమానికి ముఖ్యఅతిథిగా మంత్రి జూపల్లి కృష్ణారావు హాజరయ్యారు. ఈ సందర్భంగా మంత్రి మాట్లాడుతూ.. ముఖ్యమంత్రి రేవంత్ రెడ్డి ప్రభుత్వం రైతుల అభివృద్ధి కోసం కృషి చేస్తుందని తెలిపారు. కార్యక్రమంలో సింగల్ విండో డైరెక్టర్లు తదితరులు పాల్గొన్నారు.

News September 28, 2024

MBNR: ‘డీసెట్ సర్టిఫికెట్ వెరిఫికేషన్ చేసుకోండి’

DEECET 2024లో ర్యాంకు పొందిన అభ్యర్థులు రెండేళ్ల DIEEd కోర్సులో అడ్మిషన్ పొందడానికి, ఇంకా సర్టిఫికెట్ వెరిఫికేషన్ చూసుకోని విద్యార్థులు వెంటనే వెరిఫికేషన్ చేసుకోవాలని డైట్ ప్రిన్సిపల్ మహమ్మద్ మేరాజుల్లాఖాన్ తెలిపారు. డిప్లమా ఇన్ ఎలిమెంటరీ ఎడ్యుకేషన్, డిప్లమా ఇన్ ప్రీస్కూల్ ఎడ్యుకేషన్ అకాడమిక్ బ్యాచ్ 2024-26 వారికి అక్టోబర్ 1న వెరిఫికేషన్ ఉంటుందని.. ఈ అవకాశాన్ని సద్వినియోగం చేసుకోవాలన్నారు.

News September 28, 2024

అలంపూర్: మీసాల యోగ నరసింహస్వామి ఏకైక ఆలయం

అలంపూర్ తుంగభద్ర నది సమీపంలో తొమ్మిదవ శతాబ్దం కాలంనాటి పురాతన ఆలయం మీసాల యోగ నరసింహ స్వామి దేవాలయం. ఈ ఆలయంలోని నరసింహస్వామి మీసాలు ఉండి యోగ ముద్రలో దర్శనమిస్తున్నారు. కళ్యాణి చాణిక్య రాజులు నిర్మించిన ఈ ఆలయాన్ని శ్రీకృష్ణదేవరాయలు 16 శతాబ్దంలో అభివృద్ధి చేశారు. మండపంలో పురాతనమైన గంట, పద్మనాభ స్వామి విగ్రహం, ఆలువార్లు శిలా విగ్రహాలు చూడదగ్గవి. ఆలయం ఎదురుగా దండ ఆంజనేయస్వామి, రాతి ధ్వజస్తంభం ఉంది.

News September 28, 2024

ఉమ్మడి జిల్లాలో పెరిగిన ఉష్ణోగ్రతలు

ఉమ్మడి జిల్లా వ్యాప్తంగా పెరిగిన ఉష్ణోగ్రతలు శనివారం నమోదైన ఉష్ణోగ్రత వివరాలు ఇలా ఉన్నాయి. అత్యధికంగా గద్వాల జిల్లా కల్లూరు కల్లూరుతిమన్ దొడ్డిలో 33.5 డిగ్రీల ఉష్ణోగ్రత నమోదయింది. వనపర్తి జిల్లా కానాయిపల్లిలో 32.5 డిగ్రీలు, నారాయణపేట జిల్లా దామరగిద్దలో 29.8 డిగ్రీలు, నాగర్ కర్నూల్ జిల్లా కొండనాగులలో 29.7 డిగ్రీలు, మహబూబ్నగర్ జిల్లా భూత్పూర్ లో 29.5 డిగ్రీల ఉష్ణోగ్రతలు నమోదయ్యాయి.

News September 28, 2024

విదేశీ మార్కెట్లోకి పాలమూరు మామిడి

విదేశాలలో పాలమూరు మామిడి పండ్లు విక్రయించడానికి అనుమతులు వచ్చాయి. ఎగుమతులు చేయడానికి ఉమ్మడి పాలమూరు జిల్లాను పైలెట్ ప్రాజెక్టుగా ఎంపిక చేసినట్లు రాష్ట్ర ఉద్యాన అభివృద్ధి సంస్థ జనరల్ మేనేజర్ నర్సయ్య వెల్లడించారు. దేశంలో మన మామిడి పండ్లను మంచి గుర్తింపు ఉందని, శాస్త్రవేత్తలు సూచించిన విధానాలను పాటిస్తూ.. మామిడి రైతులు నాణ్యత ప్రమాణాలు ఎగుమతి పెంచాలని సూచించారు.

News September 28, 2024

జూరాలలో 11 యూనిట్ల ద్వారా విద్యుత్ ఉత్పత్తి

జూరాల ప్రాజెక్టు దిగువ, ఎగువ జల విద్యుత్ కేంద్రాల్లో శుక్రవారం 11 యూనిట్ల నుంచి ఉత్పత్తి చేపట్టినట్లు ఎస్ఈలు సురేశ్, సూరిబాబు తెలిపారు. ఎగువలో 5 యూనిట్ల నుంచి 196 మెగావాట్లు, 201.187 ఎం.యూ, దిగువలో 6 యూనిట్ల నుంచి 240 మెగావాట్లు, 174.750 ఎం.యూ. విద్యుదుత్పత్తి చేపట్టామన్నారు. ఇప్పటి వరకు ఎగువ, దిగువ కేంద్రాల్లో 32,475 వేల క్యూసెక్కుల నీటిని వినియోగించి 360.108 మిలియన్ యూనిట్ల ఉత్పత్తి సాధించారు.

News September 28, 2024

పెబ్బేరు: శేరుపల్లిలో ఐదు రోజులుగా నిలిచిన నీటి సరఫరా

వనపర్తి జిల్లా శ్రీరంగాపురం మండలంలోని శేరుపల్లిలో 5రోజుల నుంచి మిషన్ భగీరథ నీటి సరఫరా నిలిచిపోయింది. వెంకటాపురం శేరుపల్లి మధ్యన నిర్మిస్తున్న బ్రిడ్జి పనుల్లో పైపులైన్ పగిలిపోవడంతో సమస్య ఏర్పడింది. మరమ్మతు చేపట్టాలని గ్రామస్థులు అధికారులకు తెలియజేసినా పట్టించుకోవడం లేదన్నారు. ప్రజలు నీళ్లు లేక ఇబ్బందులు పడుతుంటే పంచాయతీ సిబ్బంది ట్యాంకులతో గ్రామాల్లోకి నీటిని తీసుకొస్తున్నట్లు తెలిపారు.

News September 28, 2024

MBNR: త్వరలోనే వారికి ఇందిరమ్మ ఇళ్లు

ఉమ్మడి మహబూబ్‌నగర్ జిల్లా వ్యాప్తంగా 45,500 ఇందిరమ్మ ఇళ్లు మంజూరు కానున్నాయి. ఇప్పటికే ప్రజా పాలన పేరుతో అధికారులు దరఖాస్తులు స్వీకరించారు. గాంధీ జయంతి తర్వాత ప్రతి నియోజకవర్గానికి 3,500 ఇందిరమ్మ ఇళ్లు మంజూరు చేస్తున్నట్లు సీఎం రేవంత్ రెడ్డి ఇటీవల ప్రకటించారు. లబ్ధిదారుల ఎంపిక ప్రక్రియకు మార్గదర్శకాలు రాగానే గుడిసెల్లో నివాసముండే వారికి ప్రాధాన్యం ఉంటుందని అధికారులు చెబుతున్నారు.

…

51

…

Featured News

Sorry, no posts matched your criteria.

↑