India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News March 25, 2025
MBNR: ‘లంబాడీ గిరిజనులకు సబ్సిడీ రుణాలు మంజూరు చేయాలి’
గిరిజనులకు రిజర్వేషన్లు పెంచి వారి సంక్షేమానికి కృషి చేయాలని బీసీ, ఎస్సీ, ఎస్టీ జిల్లా వర్కింగ్ ప్రెసిడెంట్ రాములు నాయక్ కోరారు. MBNRలో ఆయన మాట్లాడుతూ.. కేంద్ర, రాష్ట్ర ప్రభుత్వాలు తండాలను పంచాయతీలుగా, గోర్ బోలి భాషను 8 షెడ్యూల్‌లో, ఎస్టీలకు ప్రత్యేక కమిషన్, నిరుద్యోగ భృతి,గిరిజనులకు ట్రైకార్ రుణాలు మంజూరు చేసి న్యాయం చేయాలన్నారు. గిరిజన సమస్యలపై నిర్లక్ష్యం వహిస్తే అసెంబ్లీ ముట్టడి చేస్తామన్నారు.
News March 25, 2025
పాలమూరుకు మరో మంత్రి పదవి..!
పాలమూరు జిల్లాకు మరో మంత్రి రానుందని టాక్. మక్తల్ MLA వాకిటి శ్రీహరి ముదిరాజ్‌కు మంత్రి పదవి దాదాపు ఖాయమైందని తెలుస్తోంది. సోమవారం ఢిల్లీలో పార్టీ అధిష్ఠానంతో చర్చ అనంతరం మంత్రివర్గ విస్తరణ అంశం ఓ కొలిక్కి వచ్చింది. మార్చి30న ఉగాది పండగ రోజు కొత్త మంత్రులు రానున్నారు.కాగా ఉమ్మడి MBNR నుంచి CM రేవంత్ రెడ్డి (కొడంగల్), జూపల్లి కృష్ణారావు (కొల్లాపూర్) మంత్రులుగా ఉండగా శ్రీహరితో ఆ సంఖ్య 3కు చేరనుంది.
News March 25, 2025
MBNR: ఈనెల 26వ తేదీన ఉద్యోగమేళ
ఈనెల 26వ తేదీన బుధవారం మహబూబ్ నగర్ జిల్లా కేంద్రంలో ఉద్యోగమేళా నిర్వహిస్తున్నట్టు జిల్లా ఉపాధి కల్పనాధికారి మైత్రి ప్రియ ఒక ప్రకటన ద్వారా వెల్లడించారు. జిల్లా ఎంప్లాయిమెంట్ ఎక్స్చేంజ్ కార్యాలయంలో నిర్వహించే ఈ ఉద్యోగమేళాకు విజయ ఫెర్టిలైజర్స్, ట్రెండ్స్, ధ్రువంత్ సొల్యూషన్స్ లాంటి సంస్థలు పాల్గొంటున్నాయని వెల్లడించారు. ఎస్ఎస్సీ, ఇంటర్, డిగ్రీ ఉత్తీర్ణులైన 30 ఏళ్లలోపు యువకులు అర్హులని వెల్లడించారు.
News March 25, 2025
మహబూబ్నగర్: రెండు పథకాలు.. ఈనెల 31 లోపు ఖాతాల్లోకి డబ్బులు
సీఎం రేవంత్ రెడ్డి రైతులకు గుడ్ న్యూస్ చెప్పారు. రైతు భరోసా, భూమిలేని వ్యవసాయ కార్మికులకు ఇందిరమ్మ ఆత్మీయ పథకం కింద లబ్ధిదారులకు ఒక్కొక్కరికి రూ.6,000 చొప్పున మార్చి 31 లోపు జమ చేయాలని సీఎం అధికారులను ఆదేశించారు. 2025-26 ఆర్థిక సంవత్సరానికి ప్రభుత్వం రైతు భరోసా కోసం రూ.18,000 కోట్లు కేటాయించింది. ఉగాది పండుగ నాటికి అర్హులకు పూర్తిగా జమచేయడానికి చర్యలు తీసుకోవాలని కలెక్టర్లు, అధికారులను ఆదేశించారు.
News March 25, 2025
MBNR: ఇందిరమ్మ ఇళ్ల నిర్మాణపు మేస్త్రీలుగా మహిళలు: కలెక్టర్
రాష్ట్రంలోనే మొదటిసారిగా వినూత్నంగా ఇందిరమ్మ ఇళ్లను నిర్మించేందుకు 41 మంది మహిళా మేస్త్రీలను సిద్ధం చేస్తున్నట్లు జిల్లా కలెక్టర్ విజయేంద్ర బోయి వెల్లడించారు. సోమవారం బండమీదిపల్లిలోని నిర్మితి కేంద్రంలో నాక్ ద్వారా మహిళా సంఘాల సభ్యులు 41 మందిని ఎంపిక చేసి వారికి మేస్త్రీలుగా తీర్చిదిద్దేందుకు ఏర్పాటుచేసిన శిక్షణ కార్యక్రమాన్ని ప్రారంభించారు. శిక్షణ అనంతరం పనిలో రాణించాలన్నారు.
News March 25, 2025
క్షయ వ్యాధి నివారణలో మహబూబ్ నగర్ మొదటి స్థానంలో ఉంది
క్షయ వ్యాధి నివారణలో చికిత్సను అందించడంలో మహబూబ్ నగర్ మొదటి స్థానంలో ఉందని జిల్లా కలెక్టర్ విజయేంద్ర బోయి అన్నారు. సోమవారం జిల్లా కేంద్రంలోని కలెక్టరేట్‌లో నిర్వహించిన సమావేశంలో ఆమె మాట్లాడుతూ.. క్షయ నివారణలో జిల్లా అధికారులు ఎంతో క్రమశిక్షణతో పని చేస్తున్నారని ఈ సందర్భంగా అభినందించారు. గతేడాది జనవరి నుంచి డిసెంబర్ వరకు 2,087 మందికి టీబి చికిత్స అందించినట్లు వెల్లడించారు.
News March 25, 2025
క్షయ వ్యాధి నియంత్రణలో జిల్లాకు మొదటి స్థానం జిల్లా కలెక్టర్
MBNR జిల్లావ్యాప్తంగా 2,087 మందికి టీబీ లక్షణాలు ఉన్న రోగులను గుర్తించి చికిత్స అందించడంతో 1,218 మంది బాగుపడ్డారని ఇందుకుగాను రాష్ట్ర టీబీ నియంత్రణ విభాగం జిల్లాకు మొదటి స్థానం ఇచ్చిందని జిల్లా కలెక్టర్ విజయేంద్ర బోయి వెల్లడించారు. సోమవారం కలెక్టరేట్‌లో ప్రపంచ క్షయ వ్యాధి దినోత్సవం సందర్భంగా వివరించారు. మిగిలిన 1,767 మంది రోగులకు నెలకు రూ.వేయి చొప్పున వారికి చెల్లిస్తున్నామన్నారు.
News March 25, 2025
ఉమ్మడి జిల్లాలో నేటి..TOP NEWS
✔ఇఫ్తార్ విందు.. పాల్గొన్న నేతలు
✔కొనసాగుతున్న టెన్త్ పరీక్షలు
✔పంట నష్ట నివేదికను పంపించండి: కలెక్టర్లు
✔ప్రజావాణి.. సమస్యలపై ఫోకస్
✔వడగండ్ల రైతులను ఆదుకోవాలి:TFTU
✔SLBC ప్రమాదం..పురోగతిపై రేవంత్ రెడ్డి సమీక్ష
✔గద్వాల:చెట్ల పొదల్లో మృతదేహం
✔ఉమ్మడి జిల్లాకు విమానాశ్రయం కావాలి: ఎంపీ మల్లు రవి
✔నేషనల్ హ్యాండ్ బాల్ కు ఎంపికైన పాలమూరు క్రీడాకారులు
News March 24, 2025
బాదేపల్లి వ్యవసాయ మార్కెట్ యార్డులో నేటి పంట ఉత్పత్తుల ధరలు…!
బాదేపల్లి వ్యవసాయ మార్కెట్ యార్డుకు సోమవారం127 మంది రైతులు తమ పంట ఉత్పత్తులు అమ్మకానికి తీసుకొచ్చారు. వేరుశనగలు 702 క్వింటాళ్లు అమ్మకానికి రాగా క్వింటాలకు గరిష్ఠ ధర రూ.6,740 కనిష్ఠ ధర రూ.4,001 లభించింది. మొక్కజొన్న క్వింటాలుకు గరిష్ఠ ధర రూ.2,280, కనిష్ఠ ధర రూ.1767 లభించింది. కందులు గరిష్ఠ ధర రూ.6,771. ఆముదాలకు గరిష్ట ధర రూ.6,319. జొన్నలకు గరిష్ట ధర రూ.4,215 లభించినట్లు మార్కెట్ అధికారులు తెలిపారు.
News March 24, 2025
MBNR: పంట నష్ట నివేదికలని వెంటనే సమర్పించాలి: కలెక్టర్
గత రెండు రోజులుగా జిల్లాలో కురుస్తున్న వడగళ్ల వర్షాల కారణంగా దెబ్బతిన్న పంటల నష్టపరిహార నివేదికలను వెంటనే సమర్పించాలని కలెక్టర్ విజయేంద్ర బోయి అధికారులను ఆదేశించారు. సోమవారం తన ఛాంబర్‌లో పంట నష్ట అంచనాపై అధికారులతో సమీక్షించారు. అకాల వర్షాల కారణంగా మహబూబ్ నగర్ రూరల్, హన్వాడ, మూసాపేట్, భూత్పూర్ మండలాలల్లో పంటలు నష్టపోయాయని వెంటనే వారికి సంబంధించిన నష్టపరిహార నివేదికనుసిద్ధం చేయాలన్నారు.
Featured News
Sorry, no posts matched your criteria.