India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News September 5, 2024
MBNR: మీ ఫేవరెట్ టీచర్ ఎవరు..? కామెంట్ చేయండి!
విద్యార్థుల్లో విజ్ఞాన వెలుగులు నింపుతూ, వారు ఉన్నత స్థాయికి చేరేలా నిరంతరం కృషి చేసే వారే గురువులు. నేడు ఉపాధ్యాయ దినోత్సవం సందర్భంగా MBNR, NGKL, WNP, GDL, NRPT జిల్లాల్లోని అన్ని విద్యాలయాల్లో వేడుకలు ఘనంగా నిర్వహిస్తున్నారు. సీనియర్ విద్యార్థులు టీచర్లుగా మారి జూనియర్లకు పాఠాలు బోధిస్తూ సందడి చేస్తున్నారు. మరి.. మీ ఫేవరేట్ టీచర్ ఎవరో కామెంట్ చేయండి. SHARE IT
News September 5, 2024
MBNR: ఉమ్మడి జిల్లాలోనే గురువుల గ్రామం ‘వెన్నచేడ్’
మహబూబ్‌నగర్ జిల్లా గండీడ్ మండలంలోని వెన్నచేడ్ గ్రామం ఉమ్మడి జిల్లాలోనే ప్రభుత్వ టీచర్లకు కేంద్రం. ఇక్కడ దాదాపు 210 మంది ఉపాధ్యాయులు ఉండగా.. వీరిలో 50కి పైగా మహిళలు ఉన్నారు. చాలా మంది ఉపాధ్యాయులు చదివిన పాఠశాలలోనే బోధిస్తున్నారు. 150 పైగా యువత DSCకి ప్రిపేర్ అవుతున్నారు. ఇక్కడ 1956లో పాఠశాల ప్రారంభం కాగా గ్రామంలో చాలా మంది ప్రభుత్వ ఉద్యోగులు ఉన్నారు. టీచర్స్ డే సందర్భంగా ప్రత్యేక కథనం..
News September 5, 2024
MBNR: నీటి తొట్టిలో పడి చిన్నారి మృతి
తొట్టిలో పడి చిన్నారి మృతి చెందింది. స్థానికుల సమాచారం.. గండీడ్ మం. రుసుంపల్లికి చెందిన హరి దంపతులకు ఇద్దరు పిల్లలు. బుధవారం పిల్లలను తాత వద్ద వదిలి వారు పొలానికి వెళ్లారు. కూతురు గౌతమి ఆడుకుంటూ వెళ్లి పశువులకు నీళ్లు తాగేందుకు నిర్మించిన తొట్టిలో పడింది. పాపను బయటకు తీసి జిల్లా ఆసుపత్రికి తీసుకెళ్లగా అప్పటికే చనిపోయినట్లు వైద్యులు నిర్ధారించారు. చిన్నారి మృతితో గ్రామంలో విషాదఛాయలు అలుముకున్నాయి.
News September 5, 2024
MBNR: ఇక నుంచి.. పాఠశాలల్లో వినూత్న కార్యక్రమం
ప్రభుత్వ పాఠశాలల్లో ఈ నెల నుంచి ఉపాధ్యాయులు ఉదయం, సాయంత్రం అదనపు సమయాన్ని పాఠశాలల్లో గడుపుతూ తల్లిదండ్రులకు సలహాలు, సూచనలు అందజేయనున్నారు. ఇప్పటికే విద్యాశాఖ యంత్రాంగం DEOలకు ఆదేశాలు జారీ చేశారు. ఉమ్మడి జిల్లాలోని 3,227 ప్రభుత్వ పాఠశాలల్లో 12,708 మంది ఉపాధ్యాయులు పనిచేస్తున్నారు. తల్లిదండ్రుల్లో విశ్వాసాన్ని పెంపొందించేందుకు పాఠశాలలో విద్యాశాఖ వినూత్న కార్యక్రమానికి శ్రీకారం చుట్టింది.
News September 5, 2024
ఉమ్మడి జిల్లాకు ఉపాధి హామీకి రూ.170 కోట్లు విడుదల
ఉమ్మడి జిల్లాలో 13.97 లక్షల మంది వరకు ఉపాధి హామీ పథకంలో కూలీలుగా పనిచేస్తున్నారు. మే వరకు సగటున రోజుకు 2.70లక్షల మంది వరకు కూలీలు ఉపాధి పనుల్లో పాల్గొన్నారు. రోజుకు రూ.5.40కోట్లు ఉపాధి కూలీల ఖాతాల్లో అప్పట్లో పడ్డాయి. కేంద్ర ప్రభుత్వం నెలకు సగటున ఉమ్మడి జిల్లాలో ఉపాధి కూలీల కోసం రూ. 170 కోట్లు నిధులు విడుదల చేస్తోంది.
News September 5, 2024
బ్రిక్స్ సమావేశాల్లో నారాయణపేట న్యాయవాది
మరికల్‌కు చెందిన యువ న్యాయవాది అయ్యప్ప రష్యాలో జరుతున్న 16వ బ్రిక్స్ సమావేశాల్లో పాల్గొన్నారు. బ్రిక్స్ సమావేశంలో తెలంగాణ నుంచి పాల్గొన్న మొదటి వ్యక్తిగా అయ్యప్ప. ఈ సందర్భంగా అయ్యప్ప పలు దేశాల మంత్రులు, ప్రతినిధులను కలిశారు. భవిష్యత్తులో బ్రిక్స్ దేశాలు డాలర్‌పై ఆధారపడకుండా కామన్ కరెన్సీ విధానం తీసుకురావడం కోసం సమావేశంలో చర్చించినట్లు ఆయన చెప్పారు.
News September 5, 2024
రైతులను ఆదుకోవడమే కాంగ్రెస్ లక్ష్యం: జూపల్లి
కుమ్మెర సమీపంలోని వెంకటాద్రి రిజర్వాయర్ పంప్ హౌస్‌లోకి వరద నీరు చేరడంపై అధికారులు నివేదికను సమర్పించారని మంత్రి జూపల్లి కృష్ణారావు ఆదేశించారు. బుధవారం మంత్రి, ఎమ్మెల్యే రాజేష్ రెడ్డితో కలిసి కుమ్మెర పంప్ హౌస్‌ను పరిశీలించారు. పంప్ హౌస్ ఏర్పాటుపై రూపొందించిన చిత్రాలతో అంచనాలను పరిశీలించారు. మంత్రి మాట్లాడుతూ.. రైతులను ఆదుకోవడమే లక్ష్యంగా కాంగ్రెస్ ప్రభుత్వం పని చేస్తుందని అన్నారు.
News September 4, 2024
కోస్గిలో విషాదం.. నీటి గుంటలో పడి చిన్నారులు మృతి
నారాయణపేట జిల్లాలో తీవ్ర విషాదం నెలకొంది. కోస్గి మండలం బలభద్రాయపల్లిలో నీటి గుంటలో పడి ఇద్దరు చిన్నారులు మృతిచందారు. గ్రామానికి చెందిన నరసింహ, కవిత దంపతుల ఇద్దరు కొడుకులు నిహన్స్(3), భానుమూర్తి(2) బుధవారం ఇంటి పక్కన ఆడుకుంటూ ప్రమాదవశాత్తు నీటిగుంటలో పడిపోయారు. పిల్లలు కనిపించకపోవడంతో వారు ఊరంతా గాలించారు. చివరకు నీటి గుంతలో వెతకడంతో మృతదేహాలు దొరికాయి. దీంతో ఆ తల్లిదండ్రులు కన్నీరుమున్నీరయ్యారు.
News September 4, 2024
కల్వకుర్తి మండలంలో స్వైన్‌ఫ్లూ కేసు కలకలం
కల్వకుర్తి మండలం గుండూర్ గ్రామంలో స్వైన్ ఫ్లూ కలకలం రేపింది. గ్రామానికి చెందిన ఓ వ్యక్తికి మూడు రోజుల క్రితం స్వైన్ ఫ్లూ నిర్ధారణ కావడంతో అతను హైదరాబాద్‌లో చికిత్స పొందుతున్నారు. అప్రమత్తమైన వైద్యశాఖ అధికారులు బుధవారం గుండూర్ గ్రామంలో సర్వే నిర్వహించారు. బాధితుని ఇంటి పరిసరాల్లో దాదాపు 50 కుటుంబాలను కలిసి వారి వివరాలను సేకరించారు.
News September 4, 2024
గురుకులాలను శిథిలం చేయాలని రేవంత్ సర్కార్ కుట్ర: RSP
రేవంత్ రెడ్డి ప్రభుత్వం గురుకులాలను శిథిలం చేయాలని కుట్ర చేస్తోందని BRS నేత RS ప్రవీణ్ కుమార్ ఆరోపించారు. RSP మీడియాతో మాట్లాడుతూ.. కుట్రలో సమిధలు అవుతున్నది ఎస్సీలని అన్నారు. ఎస్సీ గురుకులాల్లో రాజ్యాంగ, చట్టబద్ధంగా నిబంధనలకు లోబడి నియామకాలు జరిగిన 2000 మంది ఉపాధ్యాయులను రాత్రికి రాత్రే ఉద్యోగాల నుంచి తొలగించారని మండిపడ్డారు. 2000 మంది నోట్లో రేవంత్ రెడ్డి మట్టి కొట్టారంటూ విరుచుకుపడ్డారు.
Featured News
Sorry, no posts matched your criteria.