India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News September 2, 2024
ఉమ్మడి జిల్లాలో నేటి ముఖ్య వార్తలు!!
✒Deputy CM పవన్ కళ్యాణ్ జన్మదిన వేడుకలు
✒అత్యవసర పరిస్థితిలో ఫోన్ చేయండి:SPలు
✒భారీ వర్షాలు.. పిల్లల పట్ల జాగ్రత్త:కలెక్టర్లు
✒ఘనంగా వైయస్సార్ వర్ధంతి వేడుకలు
✒పలుచోట్ల పొంగిపోతున్న వాగులు.. రాకపోకలకు అంతరాయం
✒కోయిల్‌సాగర్ ప్రాజెక్టు వద్ద భారీ బందోబస్తు
✒భారీ వర్షం..కూలిన 50కి పైగా మట్టిమిద్దెలు
✒మరో రెండు రోజులు భారీ వర్షాలు.. బయటికి రాకండి: కలెక్టర్లు
News September 2, 2024
ఉమ్మడి జిల్లాలో భారీ వర్షాల వల్ల పంటలకు నష్టం
ఉమ్మడి పాలమూరు జిల్లాలో రెండు రోజులుగా కురుస్తున్న భారీ వర్షాలకు పంటలకు పెద్ద ఎత్తున నష్టం వాటిల్లింది. ప్రధానంగా వరి, పత్తి, మొక్కజొన్న, మిర్చి పంటలు దెబ్బతిన్నాయి. వాగులు, చెరువుల ద్వారా చేరిన నీరు పంట పొలాలను ముంచెత్తింది. నీళ్లు ఎక్కువ రోజులు ఉంటే.. వరి పంటకు తెగుళ్లు సోకే అవకాశం ఉంటుందని రైతులు ఆందోళన వ్యక్తం చేస్తున్నారు. నారాయణపేట జిల్లాలో పెసర పంట దెబ్బతింది.
News September 2, 2024
MBNR: భారీ వర్షం.. కూలిన 50కి పైగా మట్టిమిద్దెలు
ఉమ్మడి మహబూబ్‌నగర్ జిల్లాలో వర్షానికి తడిసి 50 వరకు మట్టి మిద్దెలు కూలిపోవడంతో పలువురు నిరాశ్రయులయ్యారు. వనపర్తి జిల్లా పెబ్బేరు మండలం అయ్యవారిపల్లిలో వర్షానికి రెండు ఇళ్లు కూలిపోయాయి. NGKLలోని జామా మజీదు వెనక మట్టి మిద్దె కూలింది. GDWLలోని అయిజ, వడ్డేపల్లి మండలం కొంకల, జూలకల్లు, ఇటిక్యాల మండలం షాబాద్లో మట్టిమిద్దె పడిపోయాయి. MBNR అర్బన్, గ్రామీణం మండలాల్లో పలుచోట్ల మట్టి మిద్దెలు కూలిపోయాయి.
News September 2, 2024
నేడు ప్రజావాణి రద్దు: కలెక్టర్లు
ఉమ్మడి పాలమూరు జిల్లా వ్యాప్తంగా ఎడతెరిపి లేకుండా వర్షాలు కురుస్తుండటంతో ఈ నెల 2న నిర్వహించాల్సిన ప్రజావాణిని రద్దు చేస్తున్నట్లు ఆయా జిల్లాల కలెక్టర్లు తెలిపారు. కలెక్టరేట్‌తో పాటు అన్ని మండలాల్లో ప్రజావాణిని రద్దు చేస్తున్నట్లు ప్రకటించారు. అధికారులు అత్యవసర విధులలో ఉన్నందున రద్దు చేస్తున్నామని, మరో 48 గంటలు భారీ వర్షాలు కురిసే అవకాశం ఉందని, సోమవారం విద్యా సంస్థలకు సెలవు ప్రకటించినట్లు తెలిపారు.
News September 2, 2024
పాలమూరు బిడ్డకు BRICS యువజన సదస్సుక ఆహ్వానం
ఈనెల 3నుండి 6వ తేదీ వరకు సౌత్ ఆఫ్రికాలోని జోహాన్స్ బర్గ్ లో జరిగే బ్రిక్స్ యూత్ అసోసియేషన్ విద్యా సదస్సుకు భారత్ నుంచి నారాయణపేట జిల్లా మరికల్ కు చెందిన న్యాయవాది అయ్యప్ప ఎంపికైనట్లు బ్రిక్స్ యూత్ అసోసియేషన్ ప్రెసిడెంట్ రేమండ్ తెలిపారు. ఈ సదస్సులో బ్రిక్స్ దేశాల సాంస్కృతిక, ఆర్థిక, విద్యా విజ్ఞానిక నూతన ఆవిష్కరణలను గురించి చర్చలు జరుగుతాయని భారత్ నుండి 6 మందిని ఈ సదస్సుకు ఎంపిక చేశామన్నారు.
News September 2, 2024
MBNR: రూ.13కోట్లతో సిద్ధమవుతున్న సింథటిక్ ట్రాక్!
PUలో 2 ఎకరాల స్థలంలో పరుగు మార్గం (సింథటిక్ ట్రాక్) ఏర్పాటు చేశారు. 800 Mts,100Mts పరుగు పోటీలకు అనుగుణంగా నిర్మించారు. మార్గంలో 8 మంది క్రీడాకారులు సమాంతరంగా పరిగెత్తే వీలుంది. 2023లో కేంద్ర ప్రభుత్వం ‘ఖేలో ఇండియా పథకం’ కింద పరుగు మార్గం నిర్మాణానికి రూ.9 కోట్లు, రూ.4 కోట్లతో చేపట్టే క్రీడాకారులు దుస్తులు మార్చుకునే 6 గదులు, ప్రేక్షకులు కూర్చునేందుకు ప్రత్యేక గదులను ఏర్పాటు చేస్తున్నారు.
News September 2, 2024
MBNR: గణేశ్ మండపాలకు తీసుకోవాల్సిన జాగ్రత్తలు
✓ట్రాఫిక్‌కి అంతరాయం కలిగే ప్రాంతాల్లో మండపాలు పెట్టొద్దు.
✓హారతి, లైటింగ్ ల్యాంప్స్, విద్యుత్ ఉపకరణాల కారణంగా అగ్నిప్రమాదాలు తలెత్తకుండా జాగ్రత్త పడాలి.
✓విద్యుత్ ట్రాన్ఫార్మర్ల వద్ద మండపాలు ఏర్పాటు అంత శ్రేయస్కరం కాదు.
✓రాత్రి వేళల్లో మండపాల వద్ద.. పెద్ద శబ్దాలతో మ్యూజిక్, DJలు పెట్టి ఇతరులకు ఇబ్బంది కలిగించకూడదు.
✓పెద్ద మండపాల ఏర్పాటు గురించి పోలీసులకు ముందస్తు సమాచారం ఇవ్వటం మంచిది.
News September 1, 2024
ఉమ్మడి జిల్లాలో నేటి ముఖ్య వార్తలు!!
✒రేపు ప్రజావాణి రద్దు:కలెక్టర్లు
✒ఉమ్మడి జిల్లాలో భారీ వర్షాలు.. పలుచోట్ల రాకపోకలు బంద్
✒NGKL:వాగులో వ్యక్తి గల్లంతు.. కాపాడిన పోలీసులు
✒మద్దూర్:భారీ వర్షాలు..తల్లీకూతురు మృతి
✒NMMS స్కాలర్ షిప్ గడువు పొడగింపు
✒ప్రజలు జాగ్రత్తగా ఉండాలి:SIలు
✒MBNR:రెడ్ అలర్ట్.. రేపు భారీ వర్షాలు
✒రేపు పాఠశాలలకు సెలవు:DEOలు
✒మహమ్మదాబాద్: రేపు సీతాఫలాల సేకరణ వేలం!
News September 1, 2024
MBNR: మైనార్టీ కార్పొరేషన్ చైర్మన్‌ను కలిసిన ఎంపీ అసదుద్దీన్ ఓవైసీ
మహబూబ్ నగర్ జిల్లా కేంద్రంలోని తెలంగాణ మైనారిటీ ఫైనాన్స్ చైర్మన్ ఒబేదుల్లా కొత్వాల్ నివాసంలో ఆదివారం హైదరాబాద్ ఎంపీ అసదుద్దీన్ ఓవైసీ మర్యాదపూర్వకంగా కలిశారు. అనంతరం తేనీటి విందును స్వీకరించారు. ఈ కార్యక్రమంలో నాగర్ కర్నూల్ ఎంపీ మల్లు, ఎమ్మెల్యే యెన్నం శ్రీనివాస్ రెడ్డి, కాంగ్రెస్ పార్టీ సీనియర్ నాయకులు పాల్గొన్నారు.
News September 1, 2024
MBNR: పొంగిపొర్లుతున్న వాగులు.. రాకపోకలు బంద్
ఉమ్మడి పాలమూరు జిల్లాలో గత రెండు రోజులుగా కురుస్తున్న భారీ వర్షానికి వాగులు వంకలు పొంగిపొర్లుతున్నాయి. కొన్ని గ్రామాలకు వెళ్ళటానికి రాకపోకలు బంద్ అయ్యాయి. కాలనీలలో వర్షపు నీరు ఇండ్లలోకి వచ్చి చేరుతుంది, చెరువులు కుంటలకు భారీ వర్షం నీరు వచ్చి చేరుతుంది. భారీ వర్షం నేపథ్యంలో అత్యవసరం అయితే తప్ప బయటకు రావద్దని అధికారులు చెబుతున్నారు.
Featured News
Sorry, no posts matched your criteria.