India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News August 31, 2024
కష్టపడే వారికి పార్టీలో ఎప్పటికీ గుర్తింపు: సంపత్ కుమార్
అలంపూర్ నియోజకవర్గం మాజీ శాసనసభ్యుడు సంపత్ కుమార్ గతంలో మహారాష్ట్ర రాష్ట్రానికి ఇన్‌ఛార్జ్‌గా పనిచేశారు. ఇటీవల కాంగ్రెస్ అధిష్టానం ఆయనకు చత్తీస్‌గఢ్ రాష్ట్రానికి ఇన్‌ఛార్జ్‌గా నియమించారు. ఈ సందర్భంగా ఆయన మాట్లాడుతూ.. కష్టపడే వారికి కాంగ్రెస్ పార్టీలో తప్పక గుర్తు ఉంటుందని దానికి ఇది ఒక ఉదాహరణ అని తెలిపారు. కాంగ్రెస్ పార్టీ అధిష్టానానికి కృతజ్ఞతలు తెలిపిన సంపత్ కుమార్.
News August 31, 2024
GDWL: నేడు తాగునీటి సరఫరా బంద్
మిషన్ భగీరథ నుంచి జిల్లా ప్రజలకు సరఫరా అవుతున్న తాగునీటిని శనివారం నిలిపివేయనున్నట్లు డీఈ రవిచంద్ర కుమార్ రెడ్డి ఓ ప్రకటనలో తెలిపారు. జోగులాంబ గద్వాల జిల్లా ధరూర్ మండలం రేవులపల్లి వద్ద ఉన్న నీటి శుద్ధి కేంద్రం శుభ్రం చేస్తున్నందుకు ఈ నిర్ణయం తీసుకున్నామన్నారు. సెప్టెంబర్ 1వ తేదీ ఆదివారం యథావిధిగా నీటిని సరఫరా చేస్తామని ఆయన వివరించారు.
News August 30, 2024
ప్రజల దృష్టి మళ్లించేందుకే “హైడ్రా”మా: RSP
హైడ్రా పేరుతో కాంగ్రెస్ ప్రభుత్వం ప్రజల దృష్టిని మరల్చిందని ఉమ్మడి జిల్లా బీఆర్ఎస్ నాయకులు డా.ఆర్.ఎస్ ప్రవీణ్ కుమార్ అన్నారు. ఈరోజు మీడియాతో మాట్లాడుతూ.. హైడ్రా వెనుక హైడ్రామా జరుగుతుందన్న ఆయన సీఎం రేవంత్ రెడ్డి సోదరుడు తిరుపతి రెడ్డికి నోటీసులు ఇచ్చిన హైడ్రా అధికారులు, మహబూబ్ నగర్ లో పేద వర్గాలకు చెందిన నివాసాలను ఎలాంటి నోటీసు ఇవ్వకుండా ఎలా కూల్చి వేశారని ప్రశ్నించారు.
News August 30, 2024
NGKL: శ్రీశైలం ఘాట్ రోడ్డుపై ఆదమరిస్తే.. ప్రమాదమే !
శ్రీశైలం- మద్దిమడుగు వైపు వెళ్లి వచ్చే రహదారులు ప్రమాదాలకు నిలయాలుగా మారాయి. ఇటీవల కురిసిన వర్షాలకు మహబూబ్‌నగర్ నుంచి మద్దిమడుగు, శ్రీశైలానికి వెళ్లే దారి పలు చోట్ల కోతకు గురైంది. రోడ్డు సైడుకు గోతులు ఏర్పడి ఎదురెదురుగా వచ్చే వాహనాలు సైడ్ తీసుకునే క్రమంలో ప్రమాదరకరంగా ఉంది. జాతీయ రహదారుల అధికారులు వెంటనే స్పందించి ఘాట్ రోడ్డుపై ఏర్పడిన గుంతలను పూడ్చివేయాలని స్థానికులు, వాహనదారులు కోరుతున్నారు.
News August 30, 2024
హన్వాడ: GREAT.. ఐదుగురి జీవితాల్లో వెలుగు నింపాడు
హన్వాడ మండలానికి చెందిన గుంత చెన్నయ్య(35) ఈనెల 26న రోడ్డు ప్రమాదంలో తీవ్రంగా గాయపడటంతో ఉస్మానియా ఆస్పత్రిలో చేర్చారు. అత్యవసర విభాగంలో వైద్యం అందించిన వైద్యులు బ్రెయిన్ డెడ్ అయినట్లు నిర్ధారించారు. తండ్రి గోపాల్, కుటుంబ సభ్యులు అంగీకరించడంతో అతడి కాలేయం, 2 కిడ్నీలు సేకరించి ప్రాణాపాయ స్థితిలో ఉన్న రోగులకు, 2 కంటి కార్నియాలను చూపు లేని వారి అమర్చినట్లు జీవన్‌దాన్ ఇన్‌ఛార్జ్ స్వర్ణలత తెలిపారు.
News August 30, 2024
ఉమ్మడి జిల్లా నేటి వర్షపాత వివరాలు..
ఉమ్మడి జిల్లా వ్యాప్తంగా శుక్రవారం నమోదైన వర్షపాత వివరాలు ఇలా ఉన్నాయి. అత్యధికంగా మహబూబ్‌నగర్ జిల్లా ఉడిత్యాలలో 43.5 మిల్లీమీటర్ల వర్షపాతం నమోదైంది. వనపర్తి జిల్లా గణపూర్లో 40.8 మిల్లీమీటర్లు, నారాయణపేట జిల్లా జక్లేర్‌లో 36.8 మిల్లీమీటర్లు, గద్వాల జిల్లా రాజోలిలో 34.0 మిల్లీమీటర్లు, నాగర్ కర్నూల్ జిల్లా చెన్నపురావుపల్లెలో 26.0 మిల్లీమీటర్ల వర్షపాతం రికార్డు అయింది.
News August 30, 2024
సెప్టెంబర్ 1 నుంచి మండల దీక్షాధారణ
అలంపూర్ పట్టణంలోని 5వ శక్తిపీఠమైన శ్రీ జోగులాంబ సన్నిధిలో సెప్టెంబరు 1 నుంచి మండల దీక్షాధారణ ప్రారంభం అవుతుందని ఈవో పురేందర్ తెలిపారు. అలాగే అర్ధ మండల దీక్ష సెప్టెంబరు 20వ తేదీ నుంచి, నవరాత్రి దీక్ష అక్టోబరు 3వ తేదీ నుంచి ప్రారంభమవుతాయని అన్నారు. అమ్మవారికి ఇరుముడి అక్టోబరు 11వ తేదీన సమర్పించాల్సి ఉంటుందని వారు వెల్లడించారు.
News August 30, 2024
MBNR: మండపాలకు పర్మిషన్.. ఇవి తప్పనిసరి
పాలమూరులోని వినాయక మండపాల నిర్వాహకులకు పోలీసుల మరో కీలక సూచన.
➤పర్మిషన్ కోసం ముందు ఆన్‌లైన్‌లో దరఖాస్తు చేయాలి.
➤మీ సేవలో చలాన్ కట్టాలి. (రూ. 145+100)
➤ 5మంది ఆర్గనైజర్ల ఆధార్ జిరాక్స్‌ జతచేయాలి.
➤మండపం సమీపంలోని ఓనర్ల నుంచి NOC తీసుకోని PSలో సమర్పించి అనుమతి పొందవచ్చు.
➤పర్మిషన్ తీసుకుంటే కరెంట్ FREE అని CM రేవంత్ శుభవార్త చెప్పారు. అక్రమంగా కనెక్షన్‌ తీసుకుంటే చర్యలు తప్పవన్నారు.
SHARE IT
News August 30, 2024
NRPT: ‘పోలీసులు అప్రమత్తంగా ఉండాలి’
పోలీసులు తమ విధి నిర్వహణలో అప్రమత్తంగా ఉండాలని ఎస్పీ యోగేష్ గౌతమ్ అన్నారు. గురువారం నారాయణపేట ఎస్పీ కార్యాలయంలో పర్సనల్ సెక్యూరిటీ ఆఫీసర్లకు అదనపు ఎస్పీ రియాజ్ హుల్ హక్ ఆధ్వర్యంలో నిర్వహించిన శిక్షణ కార్యక్రమంలో ఎస్పీ పాల్గొని మాట్లాడారు. పోలీసుల సమస్యలను అడిగి తెలుసుకున్నారు. ప్రజా ప్రతినిధుల రక్షణ కొరకు ఎల్లప్పుడూ అప్రమత్తంగా ఉండాలని, పరిసర ప్రాంతాలపై పూర్తి అవగాహన కలిగి ఉండాలని సూచించారు.
News August 30, 2024
తప్పులు లేని ఓటరు జాబితా సిద్ధం చేయాలి: కలెక్టర్
స్థానిక సంస్థల ఎన్నికలకు సిద్ధం కావాలని, తప్పులు లేని ఓటరు జాబితా సిద్ధం చేయాలని అధికారులను వనపర్తి కలెక్టర్ ఆదర్శ్ సురభి ఆదేశించారు. రాష్ట్ర ఎన్నికల కమిషనర్ పార్థసారథి ఆదేశాల మేరకు స్థానిక సంస్థల ఎన్నికలను ప్రశాంతంగా నిర్వహించేందుకు ఏర్పాట్లు పూర్తి చేయాలన్నారు. పంచాయతీ కార్యదర్శులు, బూత్ లెవెల్ అధికారులుతో మొదట మ్యాపింగ్ చేసుకొని, పంచాయతీలు, వార్డుల వారీగా జాగ్రత్తగా జాబితా సిద్ధం చేయాలన్నారు.
Featured News
Sorry, no posts matched your criteria.