India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News June 25, 2024
సిద్దిపేట: కానిస్టేబుల్‌పై సస్పెన్షన్ వేటు
సిద్దిపేట పట్టణం టూ టౌన్ పోలీస్ స్టేషన్‌లో కానిస్టేబుల్‌గా విధులు నిర్వర్తిస్తున్న రవీందర్‌ను సస్పెండ్ చేస్తూ పోలీస్ కమిషనర్ అనురాధ ఉత్తర్వులు జారీ చేశారు. ఇసుక లారీలు, ట్రాక్టర్ల వద్ద డబ్బులు వసూలు చేస్తూ అవినీతికి పాల్పడుతున్నట్లు రవీందర్‌పై ఆరోపణలు వచ్చాయి. ఈ క్రమంలో చేపట్టిన విచారణలో ఆరోపణలు నిజమని నిర్ధారణ కావడంతో సస్పెండ్ చేసినట్టు సీపీ పేర్కొన్నారు.
News June 25, 2024
సంగారెడ్డి: ఈ బాలుడి వివరాలు తెలిస్తే చెప్పండి !
అర్బాజ్(7) అనే బాలుడు సోమవారం సాయంత్రం సంగారెడ్డి పోలీసులకు దొరికాడు. శంకర్‌పల్లి ఆర్టీసీ బస్సులో వచ్చిన బాలుడు స్థానిక పోలీస్ స్టేషన్ సమీపంలో దిగాడు. ఈ బాలుడిని గుర్తించిన పట్టణ పోలీసులు స్టేషన్‌కు తీసుకువెళ్లి కుటుంబ సభ్యుల గురించి ఆరా తీశారు. అనంతరం పట్టణంలోని బాలుర హోమ్‌కు తరలించారు. ఇతడి వివరాలు తెలిస్తే పట్టణ పోలీస్ స్టేషన్‌లో సంప్రదించాలని సీఐ భాస్కర్ తెలిపారు.
News June 25, 2024
జగదేవపూర్: నాటి ప్రభుత్వ టిచరే నేటి విద్యాశాఖ డైరెక్టర్
తెలంగాణ పాఠశాల విద్యాశాఖ డైరెక్టర్‌గా నియామకమైన E.వెంకట నరసింహారెడ్డి 1989 DSC ద్వారా జిల్లా ఫస్ట్ ర్యాంకుతో SA మ్యాథ్య్‌గా ఉమ్మడి జిల్లా గజ్వేల్ మండలం అహ్మదీపూర్, జగదేవపూర్ మండలం మునిగడపలో స్కూల్ అసిస్టెంట్ మ్యాథ్స్‌గా విధులు నిర్వహించారు. అనంతరం GROUP-1 అధికారిగా 1995లో నియామకమై 2017లో IASగా పదోన్నతి పొందారు. ప్రస్తుత ప్రభుత్వంలో పాఠశాల డైరెక్టర్‌గా నియమితులయ్యారు.
News June 25, 2024
సిద్దిపేట: యాంటీ డ్రగ్స్ స్క్వాడ్ పేరుతో రూ.13.50 లక్షలు స్వాహా
సిద్దిపేట జిల్లా చేర్యాల మండలం ముస్త్యాల గ్రామానికి చెందిన ఓ సాఫ్ట్‌వేర్ ఉద్యోగిని సైబర్ నేరగాళ్లు బెదిరించి రూ. 13.50 లక్షలు కాజేశారు. సైబర్ నేరగాళ్లు ముంబాయి ఇంటెలిజెన్స్, నార్కోటెక్ యాంటీ డ్రగ్ స్క్వాడ్ అధికారులమని బాధితుడి ఫోన్ చేశారు. మీరు డ్రగ్స్ ఐర్లాండ్‌‌కు చేసిన కొరియర్ పట్టుబడిందని, విచారణకు వస్తున్నామని బెదిరించారు. భయపడిన అతను వారు అడిగిన సమాచారం ఇవ్వడంతో ఖాతా నుంచి డబ్బును కాజేశారు
News June 25, 2024
ప్రభుత్వ భూములు అన్యాక్రాంతం కాకుండా చూడాలి: కలెక్టర్
జిల్లాలో ప్రభుత్వ భూములు అన్యాక్రాంతం కాకుండా చూడాలని సంబంధిత అధికారులకు కలెక్టర్ వల్లూరు క్రాంతి ఆదేశించారు. సంగారెడ్డి కలెక్టర్ కార్యాలయంలో వివిధ శాఖల అధికారులతో సోమవారం సమావేశం నిర్వహించారు. ఆమె మాట్లాడుతూ.. మున్సిపాలిటీలు గ్రామాల్లో ప్రభుత్వ భూముల్లో ఫెన్సింగ్ వేయించాలని సూచించారు. సమావేశంలో అదనపు కలెక్టర్లు చంద్రశేఖర్, మాధురి పాల్గొన్నారు.
News June 25, 2024
మెదక్: ఈనెల 28న జిల్లాస్థాయిలో ఎంపిక పోటీలు
హకీంపేట, కరీంనగర్, ఆదిలాబాద్ క్రీడా పాఠశాలల్లో 4వ తరగతిలో ప్రవేశాలకు సంబంధించిన వాల్ పోస్టర్‌ను మెదక్ అదనపు కలెక్టర్ వేంకటేశ్వర్లు ఆవిష్కరించారు. 28న మెదక్ ఇందిరాగాంధీ స్టేడియంలో జిల్లాస్థాయిలో ఎంపిక పోటీలు నిర్వహించనున్నట్లు తెలిపారు. ఇతర వివరాలకు 9347344440, 9493594388 నంబర్లును సంప్రదించాలని సూచించారు. జిల్లా యువజన, క్రీడల అధికారి నాగరాజు, శ్రీనివాస్, మాధవరెడ్డి, దేవేందర్ రెడ్డి ఉన్నారు.
News June 24, 2024
సిద్దిపేట: భార్య పుట్టింటికి వెళ్లిందని భర్త ఆత్మహత్య
వర్గల్ మండలం అంబర్పేట గ్రామానికి చెందిన దండు దుర్గేష్(34) పురుగు మందు తాగి ఆత్మహత్యకు పాల్పడ్డాడు. పోలీసులు తెలిపిన వివరాలు.. డ్రైవర్‌గా జీవనం సాగిస్తున్న దుర్గేశ్ ఈనెల 13న భార్య పూర్ణిమతో గొడవ పడ్డాడు. దాంతో ఆమె పుట్టింటికి వెళ్లిపోయింది. దీంతో మనస్తాపానికి గురైన దుర్గేశ్ ఈనెల 14న పురుగు మందు తాగాడు. ఆస్పత్రిలో చికిత్స పొందుతూ ఇవాళ మృతి చెందినట్లు పోలీసులు పేర్కొన్నారు.
News June 24, 2024
ఫస్టియర్‌లో సంగారెడ్డి, సెకండియర్‌లో మెదక్ FIRST
తెలంగాణ ఇంటర్ సప్లిమెంటరీ ఫలితాలు విడుదలయ్యాయి. ఫస్టియర్‌లో మెదక్ జిల్లాలో 3,518 మంది విద్యార్థులకు 1,804(51.28), సంగారెడ్డిలో 9,358కి 5,456(58.03), సిద్దిపేటలో 4,622కి 2,649(57.31) పాసయ్యారు. అటూ సెకండియర్‌ ఫలితాల్లో మెదక్ జిల్లాలో 2,186 మందికి 1,151 మంది(52.65), సంగారెడ్డిలో 5,213కి 2,277(43.68), సిద్దిపేటలో 2,967కి 1,438(48.47) ఉత్తీర్ణత సాధించారు.
News June 24, 2024
స్నేహితుడితో గొడవపడి చెరువులో దూకి ఆత్మహత్య
మద్యం తాగే క్రమంలో స్నేహితుడితో గొడవపడి చెరువులో దూకి ఓ యువకుడు ఆత్మహత్య చేకున్నాడు. ఈ ఘటన చేగుంట మండల కేంద్రంలో జరిగింది. స్థానికుల వివరాలు.. చేగుంటకు చెందిన తిరుపతి, సాయికుమార్(21) ఆదివారం సాయంత్రం తన స్నేహితులతో కలిసి మద్యం సేవిస్తూ స్నేహితుడిపై దాడి చేశాడు. ఆ క్రమంలో స్నేహితుడు గాయడగా భయపడిన సాయికుమార్ స్థానిక ఊర చెరువులో దూకి ఆత్మహత్య చేకున్నాడు. మృతుడి తలిదండ్రులు గతంలోనే మృతి చెందారు.
News June 24, 2024
ప్రేమించిన వ్యక్తి కాదన్నాడని ఇంటర్ విద్యార్థి సూసైడ్
ప్రేమించిన వ్యక్తి పెళ్లికి నిరాకరించాడని ఇంటర్ విద్యార్థి సూసైడ్ చేసుకున్న ఘటన వర్గల్ మండలంలో ఆదివారం జరిగింది. పోలీసుల వివరాలు.. ఓ గ్రామానికి చెందిన విద్యార్థిని(17) బంగ్లావెంకటాపూర్‌ గ్రామానికి చెందిన స్వామిని ప్రేమించింది. శనివారం పెళ్లి ప్రస్తావన తీసుకురాగా.. అతడు నిరాకరించాడు. దీంతో మనస్తాపానికి గురైన విద్యార్థిని ఇంట్లో ఉరి వేసుకొని ఆత్మహత్య చేసుకుంది. పోలీసులు కేసు నమోదు చేశారు.
Featured News
Sorry, no posts matched your criteria.