India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News June 22, 2024
సిద్దిపేట: ధరణి పేరుతో చేసిన మోసాలు బయటపెడతా: ఎంపీ
మొదట కలెక్టర్‌గా చేసి అనంతరం ప్రజాప్రతినిధిగా మారిన వెంకట్రామిరెడ్డి ధరణి పేరుతో చేసిన మోసాలు బయటపెడతానని మెదక్ ఎంపీ రఘునందన్ రావు చెప్పారు. ఓ గెస్ట్ హౌస్‌లో ఉండి వివాదాస్పద ల్యాండ్‌ను తన నియంత్రణలోకి తెచ్చుకున్నారని, లావణి పట్టా భూముల్లో నిరుపేదలను బెదిరించి భూములు కొని.. కంపెనీల పేరుతో లాక్కున్నారని చెప్పారు. మల్లన్నసాగర్ భూ నిర్వాసితులకు పెండింగ్ చెక్కులను క్లియర్ చేయించే ప్రయత్నం చేస్తానన్నారు
News June 22, 2024
మెదక్: ఆరుద్ర కార్తె వచ్చినా.. వానల కోసం ఎదురుచూపులాయే!
ఆరుద్ర కార్తె వచ్చినా.. వానల కోసం రైతన్నలకు ఎదురుచూపులు తప్పడం లేదు. ఉమ్మడి మెదక్ జిల్లాలో ఆశించినంత మేర వానలు పడకపోవడంతో ఇప్పటి వరకు చాలామంది రైతులు వరినార్లు పోయలేదు. ఈనెల మొదటి వారం నుంచే వరి పంట పండించే రైతులు నార్లు వేసే పనిలో నిమగ్నమయ్యేవారు. కానీ ఇప్పటివరకు ప్రక్రియ మొదలుకాలేదు. దీంతో ఈ యేడు వరి నాట్లు ఆలస్యమయ్యే పరిస్థితి కనిపిస్తోంది.
News June 22, 2024
మెదక్: మహిళా కడుపు నుంచి 7.50 కిలోల కణతి తొలగింపు
మెదక్ జిల్లా రామాయంపేట పట్టణంలోని ఒక ప్రైవేటు ఆసుపత్రిలో అరుదైన చికిత్స నిర్వహించారు. పట్టణానికి చెందిన పుట్టి యశోద అనే మహిళ గత ఆరు నెలలుగా కడుపులో కణతితో బాధపడుతుంది. స్థానికంగా ఒక ప్రైవేట్ ఆసుపత్రిలో వైద్యం చేసుకోగా అనస్తీషియా డాక్టర్ రాఘవేంద్ర, డాక్టర్ హేమరాజ్ సింగ్ ఆపరేషన్ నిర్వహించి ఆమె కడుపులో నుండి 7.50 కిలోల కణతి తొలగించారు.
News June 22, 2024
రైతు రుణమాఫీ చరిత్రాత్మక ఘట్టం :మంత్రి పొన్నం
రైతు రుణమాఫీ చరిత్రాత్మక ఘట్టమని హుస్నాబాద్ ఎమ్మెల్యే మంత్రి పొన్నం ప్రభాకర్ సోషల్ మీడియా వేదికగా పేర్కొన్నారు. తెలంగాణ రైతులకు ఏకకాలంలో రూ.2 లక్షల రుణమాఫీ చేసి వ్యవసాయాన్ని పండగ చేయాలన్నదే కాంగ్రెస్ లక్ష్యమన్నారు. రైతు బిడ్డగా, రాష్ట్ర మంత్రిగా రైతన్నకు అండగా ఉంటానని హామీ ఇచ్చారు. వ్యవసాయం పండుగలా, రైతే రాజు అనే నినాదాన్ని కాంగ్రెస్ ప్రభుత్వం నిజం చేస్తోందన్నారు.
News June 22, 2024
కొమురవెల్లి మల్లన్న హాల్ట్‌స్టేషన్‌కు మోక్షమెప్పుడో!
కొమురవెల్లి మల్లన్న హాల్ట్‌స్టేషన్ నిర్మాణంపై నీలినీడలు కమ్ముకున్నాయి. వచ్చే డిసెంబరులో జరిగే మల్లన్న కళ్యాణంలోగా అందుబాటులోకి తెస్తామని అధికారులు, ప్రజాప్రతినిధులు చెప్పి నాలుగు నెలలు గడుస్తున్నా నేటికి పనులు ప్రారంభం కాలేదు. దీంతో అనుమానాలు వ్యక్తమౌతున్నాయి. ఎన్నో ఒడిదుడుకుల మధ్య స్టేషన్ మంజూరైందని సంతోషించిన ప్రజలకు పనులు ప్రారంభానికి నోచుకోకపోవడంతో ఆందోళన చెందుతున్నారు.
News June 22, 2024
మెదక్: ఉమ్మడి జిల్లాలో రుణమాఫీ లబ్ధిదారులు వీరే!
రాష్ట్ర ప్రభుత్వం రైతులకు రూ.2లక్షల రుణమాఫీ చేస్తామని ప్రకటించింది. శుక్రవారం వాటి విధివిధానాలను ప్రకటించింది. ఉమ్మడిజిల్లాలో రైతుల వివరాలిలా ఉన్నాయి. మెదక్‌లో 1,48,218 మంది రైతులు రూ.828 కోట్ల రుణం తీసుకున్నారు. సంగారెడ్డి జిల్లాలో 1,79,322 మంది రైతులకు రూ. 2505.52 కోట్ల అప్పు మాఫీ కానుంది. సిద్దిపేట జిల్లాలో 1.75లక్షల మంది రైతులకు సుమారు రూ.2,600 కోట్ల బకాయిలు తీరనున్నాయి.
News June 22, 2024
ఓయూ: జులై 6వ తేదీ నుంచి సీపీజీఈటీ పరీక్షలు
రాష్ట్ర వ్యాప్తంగా అన్ని యూనివర్సిటీల పరిధిలో అన్ని పీజీ కోర్సుల్లో ప్రవేశానికి నిర్వహించే సీపీజీఈటీ – 2024 పరీక్షలను జులై 6వ తేదీ నుంచి 15వ తేదీ వరకు నిర్వహించనున్నట్లు సెట్ కన్వీనర్ ప్రొఫెసర్ పాండురంగారెడ్డి HYDలో తెలిపారు. ఈ పరీక్షలను రోజూ మూడు సెక్షన్లలో నిర్వహిస్తామని చెప్పారు. పరీక్షలకు సంబంధించిన హాల్ టికెట్లను జులై మూడో తేదీ నుంచి డౌన్‌లోడ్ చేసుకోవచ్చని సూచించారు. SHARE IT
News June 22, 2024
బస్సు పాస్ కోసం User ID, Password పొందాలి: RM
విద్యార్థుల బస్సు పాసుల కోసం యూజర్ ఐడీ, పాస్వర్డ్ పొందాలని ఆర్టీసీ RM ప్రభులత తెలిపారు. ఉమ్మడి జిల్లాలో విద్యాసంస్థలు తెరుచుకున్న సందర్భంగా బస్సు పాసుల కోసం సంగారెడ్డి రీజనల్‌లోని 8 డిపోల్లో అన్ని చర్యలు తీసుకున్నట్లు చెప్పారు. బస్సు పాసుల కోసం విద్యార్థులు వెబ్‌సైట్‌లో దరఖాస్తులు చేసుకోవాలని, వాటిని కళాశాలల యాజమాన్యం అప్రూవల్ చేయాలన్నారు. తర్వాత బస్సు పాస్ పొందవచ్చని అన్నారు.
News June 21, 2024
HYD: పీజీ డిప్లొమా కోర్సుల పరీక్షా ఫలితాల విడుదల
ఉస్మానియా యూనివర్సిటీ పరిధిలోని విదేశీ భాషల పీజీ డిప్లొమా కోర్సుల పరీక్షా ఫలితాలను విడుదల చేసినట్లు ఓయూ కంట్రోలర్ ఆఫ్ ది ఎగ్జామినేషన్స్ ప్రొఫెసర్ రాములు తెలిపారు. జర్మన్, ఫ్రెంచ్ భాషల్లో పీజీ డిప్లొమా కోర్సుల పరీక్షా ఫలితాలను విడుదల చేశామని చెప్పారు. ఈ ఫలితాలను ఓయూ అధికారిక వెబ్‌సైట్‌లో అందుబాటులో ఉంచామని చెప్పారు.
News June 21, 2024
సంగారెడ్డి: మద్యానికి బానిసై యువకుడి మృతి
మద్యానికి బానిసైన ఓ యువకుడు మృతిచెందిన ఘటన శుక్రవారం సికింద్రాబాద్ రైల్వే స్టేషన్‌లో చోటుచేసుకుంది. రైల్వే పోలీసుల వివరాలు.. అర్బింద్ కుమార్(27) భార్య, పిల్లలతో కలిసి 3ఏళ్ల క్రితం ఉత్తర భారతదేశం నుంచి సంగారెడ్డి సదాశివపేటకు వలస వచ్చాడు. మద్యానికి బానిసైన అతడిని తన భార్య స్వగ్రామానికి తీసుకెళ్తుంది. సికింద్రాబాద్ రైల్వే స్టేషన్‌కు రాగా 4వ గేట్ సమీపంలో అర్బింద్ ఒక్కసారిగా కుప్పకూలి మరణించాడు.
Featured News
Sorry, no posts matched your criteria.