India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News May 29, 2024
టేక్మాల్: యువతి అదృశ్యం.. కేసు నమోదు
టేక్మాల్ మండలంలోని ఓ గ్రామానికి చెందిన యువతి(21) అదృశ్యమైనట్లు ఎస్సై మురళి తెలిపారు. పోలీసులు తెలిపిన వివరాలు.. మంగళవారం రాత్రి ఇంట్లో కుటుంబ సభ్యులతో కలిసి యువతి భోజనం చేసి పడుకుంది. ఉదయం లేచి చూస్తే కనిపించకపోవడంతో బంధువుల వద్ద చుట్టుపక్కల వెతికినా ఆచూకీ లభించలేదు. ఈ మేరకు నేడు కుటుంబ సభ్యుల ఫిర్యాదుతో కేసు నమోదు చేసి దర్యాప్తు చేపట్టినట్టు పోలీసులు తెలిపారు.
News May 29, 2024
ఉప్పల్‌లో టీ20 మ్యాచ్‌.. మెదక్ విజయం
హైదరాబాద్ క్రికెట్ అసోసియేషన్ ఆధ్వర్యంలో ఉప్పల్ మైదానంలో బుధవారం జరిగిన T20 ఫైనల్ మ్యాచ్‌లో మెదక్ జట్టు ఘన విజయం సాధించింది. మొదట బ్యాటింగ్ ఎంచుకున్న మెదక్ జట్టు 20 ఓవర్లలో 4 వికెట్ల నష్టానికి 168 పరుగులు చేసింది. అనంతరం బ్యాటింగ్‌కు దిగిన కరీంనగర్ జట్టు 20 ఓవర్లలో 8 వికెట్లు కోల్పోయి 145 పరుగులు మాత్రమే సాధించింది. 23 పరుగుల తేడాతో మెదక్ జట్టు ఫైనల్‌లో విజయం సాధించి కప్పును సొంతం చేసుకుంది.
News May 29, 2024
కల్హేరు: కుమార్తెను చూసేందుకు వచ్చి తండ్రి మృతి
కుమార్తెను చూసేందుకు వచ్చిన తండ్రి అనుమానాస్పదంగా మృతి చెందినట్లు కల్హేర్ ASI అంజయ్య తెలిపారు. అంస్సాన్‌‌పల్లికి చెందిన శ్రీధర్‌కు 2 ఏళ్ల క్రితం నాగధర్ గ్రామానికి చెందిన సావిత్రితో వివాహమైంది. వీరికి ఇటీవలే కూతురు పుట్టింది. రెండు రోజుల క్రితం శ్రీధర్ తన కూతుర్ని చూడడానికి భార్య పుట్టింటికి రాగా ఛాతి నొప్పితో ఇంట్లో కుప్పకూలి మృతి చెందారు. ఈ ఘటనపై కేసు నమోదు చేసి విచారిస్తున్నట్లు చెప్పారు.
News May 29, 2024
కల్హేర్: చికిత్స పొందుతూ మహిళ మృతి
కుటుంబ కలహాల కారణంగా పురుగుమందు తాగి ఆత్మహత్యకు యత్నించిన మహిళ చికిత్స పొందుతూ మంగళవారం మృతి చెందింది. కల్హేర్ ASI అంజయ్య తెలిపిన వివరాలు.. మునిగేపల్లి తండాకు చెందిన లక్ష్మీ(28)కి కొన్నేళ్ల కిందట రాజుతో వివాహమైంది. కొన్నాళ్లుగా కుటుంబ కలహాలతో ఆమె మనస్తాపం చెంది రెండు రోజుల కిందట పురుగుమందు తాగి అపస్మారక స్థితికి వెళ్లింది. ఆస్పత్రిలో చికిత్స పొందుతూ మృతిచెందింది. కేసు నమోదయింది.
News May 29, 2024
MDK: ఇన్‌స్టాలో లవ్.. యువకుడి సూసైడ్
లవ్ ఫెయిల్ అయి ఓ యువకుడు సూసైడ్ చేసుకున్న ఘటన ZHBలో జరిగింది. ఆనెగుంటకు చెందిన వెంకట్(30) HYDలో ప్రైవేట్ ఉద్యోగం చేస్తున్నాడు. అతడికి ఇన్‌స్టాగ్రామ్‌లో NZB జిల్లా బాల్కొండకు చెందిన ఓ యువతితో పరిచయం ఏర్పడి ప్రేమగా మారింది. కాగా వారి పెళ్లికి యువతి తల్లిదండ్రులు నిరాకరించారు. కొద్దిరోజులకు ఆమె కూడా పెళ్లికి నో చెప్పడంతో మనస్తాపం చెంది పట్టణ శివారులో పురుగు మందు తాగి సూసైడ్ చేసుకున్నాడు.
News May 29, 2024
సిద్దిపేట: అమ్మనాన్నల స్ఫూర్తితో.. విమానం నమూనా తయారీ
సిద్దిపేట జిల్లా కేంద్రానికి చెందిన వెంకటలక్ష్మి భాస్కర్ దంపతుల కుమారు లక్ష్మీనరసింహ HYDలో ఇంజినీరింగ్ కళాశాలలో బీటెక్ తృతీయ సంవత్సరం చదువుతున్నారు. యువకుడి తల్లి వృధా వస్తువులతో పలు అలంకరణ వస్తువులు తీర్చిదిద్దేది. తండ్రి టీవీ మెకానిక్, వ్యాపారి. అమ్మానాన్నల స్ఫూర్తి పొందిన ఆయన బ్యాటరీలతో గాల్లో విమానం నమూనాని ఎగరేసేందుకు శ్రమిస్తున్నారు. విమానం, లారీ, స్మార్ట్ టీవీ నమూనాలను తయారు చేశారు.
News May 29, 2024
సిద్దిపేట: గ్రూప్-1 పరీక్షను పకడ్బందీగా నిర్వహించాలి: కలెక్టర్
గ్రూప్-1 పరీక్షను పకడ్బందీగా నిర్వహించాలని జిల్లా కలెక్టర్ ఎం. మనుచౌదరి అన్నారు. TGPSC గ్రూప్-1 ప్రిలిమినరీ పరీక్ష నిర్వహణలో భాగంగా మంగళవారం సమీకృత జిల్లా కార్యాలయ సముదాయంలోని మంగళవారం సమావేశం నిర్వహించారు. పరీక్ష నిర్వహణకు సంబంధించి డిపార్ట్మెంట్ ఆఫీసర్స్, చీఫ్ సూపరింటెండెంట్, అబ్జర్వర్స్, రూట్ ఆఫీసర్, ఫ్లయింగ్ స్క్వాడ్‌తో జిల్లా అదనపు కలెక్టర్ గరిమా అగ్రవాల్‌తో కలిసి చర్చించారు.
News May 28, 2024
కొల్చారం: తల్లిదండ్రుల మందలింపు.. యువకుడి ఆత్మహత్య
కొల్చారం మండలం నాయిని జలాల్‌పూర్‌లో విషాదం చోటుచేసుకుంది. గ్రామానికి చెందిన సాయికృష్ణ (22) సంవత్సరాల యువకుడు జూస్టాల్ మూసివేసి జులాయిగా తిరుగుతుండడంతో తల్లిదండ్రులు మందలించారు. మనస్తాపం చెందిన సాయికృష్ణ ఈనెల 24న పురుగుల మందు సేవించి ఆత్మహత్య ప్రయత్నం చేసుకోగా ఆస్పత్రికి తరలించారు. చికిత్స పొందుతూ నేడు మృతిచెందినట్లు బంధువులు ఇచ్చిన ఫిర్యాదుతో పోలీసులు కేసు నమోదుచేసి దర్యాప్తు చేస్తున్నారు.
News May 28, 2024
తూప్రాన్ సబ్ రిజిస్ట్రార్, మరో నలుగురి అరెస్టు
మెదక్ జిల్లా తూప్రాన్ సబ్ రిజిస్ట్రార్ రమణ, మరో నలుగురిని అరెస్టు చేసినట్లు మనోహరాబాద్ ఎస్సై కరుణాకర్ రెడ్డి తెలిపారు. కూచారంలో ఫేక్ రిజిస్ట్రేషన్ చేయడంతో గతంలో నలుగురిని అరెస్టు చేశారు. ఈరోజు విచారణ జరిపి అందుకు బాధ్యులైన సబ్ రిజిస్ట్రార్‌తో పాటు ఐదుగురిని అరెస్ట్ చేసి రిమాండ్‌కు తరలించినట్లు వివరించారు
News May 28, 2024
సెమీఫైనల్‌లో మెదక్ జట్టు విజయం
హైదరాబాద్ క్రికెట్ అసోసియేషన్ ఆధ్వర్యంలో మంగళవారం నిర్వహించిన మొదటి సెమీఫైనల్ మ్యాచ్‌లో మెదక్ జట్టు విజయం సాధించింది. మొదట బ్యాటింగ్ చేసిన మెదక్ జట్టు నిర్ణీత 20 ఓవర్లలో 8 వికెట్ల నష్టానికి 140 పరుగులు చేసింది. అనంతరం బ్యాటింగ్‌కు దిగిన ఖమ్మం జిల్లా జట్టు 17.4 ఓవర్లలో 84 పరుగులకు అలౌట్ అయింది. 53 పరుగుల తేడాతో ఖమ్మంపై మెదక్ జట్టు విజయం సాధించింది.
Featured News
Sorry, no posts matched your criteria.