India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News May 28, 2024
MDK: ఘోర రోడ్డు ప్రమాదం.. చిన్నారి మృతి
మెదక్ జిల్లాలో ఈరోజు ఘోర రోడ్డు ప్రమాదం జరిగింది. గ్రామస్థులు తెలిపిన వివరాలు.. వల్లూరు నుంచి మక్కరాజుపేట వెళ్తున్న ఓ ఆటో.. చేగుంట మండలం రెడ్డిపల్లి 44వ జాతీయ రహదారిపై లారీని వేగంగా ఢీకొట్టింది. ఈ ప్రమాదంలో ఏడాది వయసున్న ఓ చిన్నారి అక్కడికక్కడే మృతి చెందగా మరో ఐదుగురికి తీవ్ర గాయాలయ్యాయి. క్షతగాత్రులను 108 సిబ్బంది ఆసుపత్రికి తరలించారు. వారంతా మక్కరాజుపేట గ్రామస్థులుగా సమాచారం.
News May 28, 2024
MDK: సర్పంచ్ ఎన్నికలపై ప్రభుత్వం ఫోకస్.!
గ్రామ పంచాయతీ ఎన్నికలు బ్యాలెట్ పద్దతిలో జరిగేందుకు ప్రభుత్వం సిద్ధమవుతోంది. వాటిని సమకూర్చడంపై ప్రభుత్వ అధికారులు దృష్టి పెట్టారు. ఉమ్మడి మెదక్ జిల్లా వ్యాప్తంగా మొత్తం 1,615 గ్రామ పంచాయతీలు ఉన్నాయి. జిల్లాల వారీగా చూస్తే అత్యధికంగా సంగారెడ్డి జిల్లాలో 647 పంచాయతీలు, 5,778 వార్డులు, సిద్దిపేట జిల్లాలో 499 పంచాయతీలు 4,476 వార్డులు, మెదక్ జిల్లాలో 469 గ్రామ పంచాయతీలు, 4,086 వార్డులు ఉన్నాయి.
News May 28, 2024
ఓయూలో వన్‌టైం ఛాన్స్ పరీక్షా ఫీజు స్వీకరణ
ఉస్మానియా యూనివర్సిటీ పరిధిలోని లా కోర్సులు పూర్తి చేసి బ్యాక్లాగ్ సబ్జెక్టులు మిగిలిపోయిన వారికి వన్‌టైం ఛాన్స్ కల్పించినట్లు అధికారులు తెలిపారు. అన్ని సెమిస్టర్ల పరీక్ష ఫీజును వచ్చే నెల 20వ తేదీలోగా, రూ.500 అపరాధ రుసుముతో 25వ తేదీలోగా సంబంధిత కళాశాలల్లో చెల్లించాలని సూచించారు. అందరూ ప్రస్తుతం ఉన్న సిలబస్, పరీక్షా విధానంలోనే పరీక్షలకు హాజరు కావాల్సి ఉంటుందని స్పష్టం చేశారు.
News May 28, 2024
మెదక్: రీజనల్ రింగ్ రోడ్డు భూసేకరణకు సమావేశం
తూప్రాన్ ఆర్డీవో కార్యాలయంలో రీజనల్ రింగ్ రోడ్ నిర్మాణ భూ సేకరణకు అవార్డు ఇయరింగ్ సమావేశం నిర్వహించారు. భూ సేకరణ అధికారి ఆర్డిఓ జయచంద్రారెడ్డి ఆధ్వర్యంలో వెంకటాయపల్లి, నర్సంపల్లి గ్రామాలకు సంబంధించి 3G అవార్డు ఎంక్వయిరీ నిర్వహించారు. ఈ సందర్భంగా రైతుల నుంచి అభ్యంతరాలను స్వీకరించారు. సక్రమంగా అవార్డు చేయలేదని పేర్కొన్నారు.
News May 27, 2024
ఓయూ ఎంబీఏ కోర్సుల పరీక్షా ఫలితాల విడుదల
ఉస్మానియా యూనివర్సిటీ పరిధిలోని ఎంబీఏ కోర్సుల పరీక్షా ఫలితాలను విడుదల చేసినట్లు ఓయూ కంట్రోలర్ ఆఫ్ ది ఎగ్జామినేషన్స్ ప్రొఫెసర్ రాములు ఒక ప్రకటనలో తెలిపారు. ఎంబీఏ (టెక్నాలజీ మేనేజ్మెంట్), ఎంబీఏ (ఈవినింగ్) సెమిస్టర్ పరీక్షా ఫలితాలను విడుదల చేశామని చెప్పారు. ఈ ఫలితాల కోసం ఓయూ వెబ్‌సైట్ www.osmania.ac.inలో చూసుకోవచ్చని సూచించారు.
News May 27, 2024
సంగారెడ్డి: జగ్గారెడ్డి ఆసక్తికర వ్యాఖ్యలు
టీ-పీసీసీ పదవిపై ఆ పార్టీ నేత సంగారెడ్డి మాజీ ఎమ్మెల్యే జగ్గారెడ్డి ఆసక్తికర వ్యాఖ్యలు చేశారు. సంగారెడ్డిలో ఆయన మాట్లాడుతూ.. అధ్యక్ష పదవిని అడిగే స్వేచ్ఛ కాంగ్రెస్ పార్టీలో మాత్రమే ఉంటుందన్నారు. బీజేపీలో ఆ స్వేచ్ఛ ఉండదన్నారు. ఇక బీఆర్ఎస్‌లో అయితే మరొకరికి అవకాశమే రాదని తెలిపారు. కాంగ్రెస్‌లో ఎవరైనా ధైర్యంగా పదవిని అడగవచ్చని వెల్లడించారు.
News May 27, 2024
ఓయూలో ఎంఫార్మసీ పరీక్షా తేదీల మార్పు
ఉస్మానియా యూనివర్సిటీ పరిధిలోని ఎంఫార్మసీ పరీక్షా తేదీలను మార్చినట్లు అధికారులు తెలిపారు. ఎంఫార్మసీ మొదటి, మూడో సెమిస్టర్ మెయిన్, బ్యాక్ లాగ్, రెండో సెమిస్టర్ బ్యాక్ లాగ్ పరీక్షలను వచ్చే నెల 6వ తేదీ నుంచి నిర్వహించనున్నట్లు ప్రకటించినప్పటికీ, వివిధ కారణాల రీత్యా వాటిని వాయిదా వేస్తున్నట్లు చెప్పారు. ఈ పరీక్షలను తిరిగి వచ్చే నెల 11వ తేదీ నుంచి నిర్వహించనున్నట్లు చెప్పారు.
News May 27, 2024
BREAKING: MDK: యువకుడి ఆత్మహత్య
కుటుంబ కలహాలతో యువకుడు ఆత్మహత్య చేసుకున్న ఘటన మెదక్ జిల్లాలోని కౌడిపల్లి మండల కేంద్రంలో సోమవారం జరిగింది. వివరాల్లోకి వెళ్తే.. కౌడిపల్లి ఎస్సీ కాలనీకి చెందిన సురేశ్ ఆదివారం రాత్రి ఇంట్లో కుటుంబ సభ్యులతో గొడవ పడ్డాడు. ఈ క్రమంలో ఈరోజు ఎవరూ లేని సమయం చూసి ఇంట్లోనే ఉరి వేసుకుని ఆత్మహత్య చేసుకున్నాడు. కుటుంబ సభ్యులు చూసి అతడిని మెదక్ ఏరియా ఆసుపత్రికి తరలించగా డాక్టర్లు పరీక్షించి మృతిచెందాడని తెలిపారు.
News May 27, 2024
ఉస్మానియా యూనివర్సిటీ ఎంపీఈడీ పరీక్ష తేదీల ఖరారు
ఉస్మానియా యూనివర్సిటీ పరిధిలోని మాస్టర్ ఆఫ్ ఫిజికల్ ఎడ్యుకేషన్ (ఎంపీఈడీ) పరీక్షా తేదీలను ఖరారు చేసినట్టు ఓయూ కంట్రోలర్ ఆఫ్ ది ఎగ్జామినేషన్స్ ప్రొఫెసర్ రాములు ఒక ప్రకటనలో తెలిపారు. ఈ కోర్సు నాలుగో సెమిస్టర్ రెగ్యులర్, బ్యాక్ లాగ్, ఇంప్రూవ్‌మెంట్ పరీక్షలను వచ్చే నెల 13వ తేదీ నుంచి నిర్వహించనున్నట్లు చెప్పారు. పరీక్షా తేదీల పూర్తి వివరాలను ఓయూ వెబ్‌సైట్‌లో చూసుకోవచ్చని సూచించారు.
News May 27, 2024
నర్సాపూర్: గుర్తు తెలియని మృతదేహం లభ్యం
మెదక్ జిల్లా నర్సాపూర్ మండలం పెద్ద చింతకుంట గ్రామ శివారులో గుర్తు తెలియని వ్యక్తి మృతదేహం లభ్యమైంది. మృతదేహాన్ని గమనించిన స్థానికులు పోలీసులకు సమాచారం అందించారు. ఘటనా స్థలానికి చేరుకున్న పోలీసులు విచారణ చేపట్టారు. వడదెబ్బ తాళలేక మృతి చెంది ఉంటారని అనుమానిస్తున్నారు. ఎవరైనా తప్పిపోయి ఉంటే నర్సాపూర్ పోలీసులకు సమాచారం అందించాలని పోలీసులు సూచించారు.
Featured News
Sorry, no posts matched your criteria.