Medak

News May 25, 2024

మెదక్: కుంటలో యువకుడి మృతదేహం

image

మెదక్ జిల్లా మనోహరాబాద్ మండలం కాళ్లకల్ గ్రామానికి చెందిన దోమకొండ సాయి(20) ఆత్మహత్య చేసుకున్నట్లు గ్రామస్థులు తెలిపారు. కాళ్లకల్లో నివాసముండే సాయి మూడు రోజులుగా కనిపించకుండా పోయారు. ఈరోజు గ్రామ శివారులోని మాదన్న కుంటలో మృతదేహం దొరికింది. సాయి మృతికి కారణాలు తెలియాల్సి ఉంది. ఈ ఘటనపై మనోహరాబాద్ పోలీసులు కేసు నమోదు చేసి దర్యాప్తు చేస్తున్నారు.

News May 25, 2024

మెదక్: నకిలీ విత్తనాలు, ఎరువులు అమ్మితే కఠిన చర్యలు

image

ఉమ్మడి జిల్లాలో ఎవరైన నకిలీ విత్తనాలను, ఎరువులు, నాసిరకం పురుగు మందులను అమ్ముతూ రైతులను మోసం చేసే వారిపై కఠిన చర్యలు తీసుకుంటామని జిల్లా ఎస్పి డా.బాలస్వామి ఒక ప్రకటనలో హెచ్చరించారు. దేశానికి రైతు వెన్నెముక లాంటివాడని గుర్తుచేశారు. ఆరుగాలం కష్టించి దేశం కడుపు నింపే రైతులను మోసం చేస్తూ కొంతమంది నకిలీ విత్తనాలు సరఫరా చేసి వారిని అప్పుల్లోకి నెట్టేస్తున్నారని ఆరోపించారు.

News May 25, 2024

మెదక్: రోడ్డు ప్రమాదాల్లో నలుగురు మృతి

image

ఉమ్మడి మెదక్ జిల్లాలో నిన్న జరిగిన రోడ్డు ప్రమాదాల్లో నలుగురు మృతి చెందారు. మెదక్ మండలం కాజిపల్లి వద్ద జరిగిన రోడ్డు ప్రమాదంలో మెదక్‌కు చెందిన మేకల మహేశ్ (35), హుస్నాబాద్‌లో జరిగిన ప్రమాదంలో కోహెడ మండలం రామచంద్రాపురం‌కు చెందిన దావ రాము (40), దుబ్బాక మండలం ఆరేపల్లి వద్ద జరిగిన ప్రమాదంలో గంభీర్పూర్‌కు చెందిన పర్స కనకయ్య (56), గుమ్మడిదల వద్ద జరిగిన ప్రమాదంలో నక్క శ్రీశైలం (30) మృతి చెందారు.

News May 25, 2024

సంగారెడ్డి: గొర్రెల యూనిట్ల డబ్బులు వాపస్!

image

గొర్రెల యూనిట్ల పంపిణి పథకాన్ని ప్రభుత్వం పక్కన పెట్టినట్లుంది. సంగారెడ్డి జిల్లాలో గతంలో గొర్రెల యూనిట్ల కోసం గొర్రెల కాపరులు తమ వాటాగా చెల్లించిన డబ్బులను తిరిగి చెల్లించాలని అన్నారు. ఇప్పటి వరకు 1,195 మంది లబ్ధిదారులకు మాత్రమే వాటా డబ్బులు వాపస్‌ ఇవ్వాలని అనుకున్నారు. వీరిలో ఒకరికి వాటా డబ్బులను తిరిగి ఇచ్చేశారు. మరో 257 మందికి డబ్బులు వాపస్‌ తిరిగి ఇచ్చేందుకు కసరత్తు ప్రారంభించారు.

News May 24, 2024

సిద్దిపేట: భూంపల్లి ఎస్సై రవికాంత్ రావు సస్పెండ్

image

సిద్దిపేట జిల్లా భూంపల్లి పోలీస్ స్టేషన్ ఎస్ఐ వి.రవి కాంత్ రావును సస్పెండ్ చేస్తూ ఐజీ ఉత్తర్వులు జారీ చేశారు. రవికాంత్.. మెదక్ జిల్లా శివంపేట పోలీస్ స్టేషన్ ఎస్ఐగా పని చేస్తున్న సమయంలో మామిడికాయల చోరీ కేసును తప్పుదోవ పట్టించే ప్రయత్నం చేశారు. ఈ ఘటనపై శాఖా పరంగా ఉన్నతాధికారులు విచారణ జరిపారు. విధుల్లో అలసత్వం, అవకతవకలకు పాల్పడినట్లు తేలడంతో సస్పెండ్ చేస్తూ ఆదేశాలు జారీ చేశారు.

News May 24, 2024

మెదక్ జిల్లాలో ఘోర రోడ్డు ప్రమాదం.. ఒకరి మృతి

image

మెదక్- చేగుంట హైవేపై చిన్నశంకరంపేట మండలం మాందాపూర్ శివారులో రోడ్డు ప్రమాదం జరిగింది. వేగంగా వచ్చిన కారు(TS35JO156)మూల మలుపు వద్ద అదుపుతప్పి పల్టీ కొట్టింది. దీంతో ఒకరు అక్కడికక్కడే మృతి చెందగా, కొంతమంది కారులో ఇరుక్కుపోయారు. మృతుడు నవాపేట వాసి మేకల మహేష్‌గా గుర్తించారు. ప్రమాద సమయంలో అటుగా వెళ్తున్న జడ్పీ ఛైర్ పర్సన్ హేమలత శేఖర్ గౌడ్ ఆగి కారులో ఉన్న వారిని బయటకు తీయించి ఆస్పత్రికి పంపించారు.

News May 24, 2024

టేక్మాల్‌‌: అనుమానాస్పదంగా వ్యక్తి మృతి.. కేసు నమోదు

image

వైన్స్ ముందు అనుమానాస్పదంగా వ్యక్తి మృతిచెందిన ఘటన టేక్మాల్‌‌లో చోటుచేసుకుంది. పోలీసుల వివరాల ప్రకారం.. ఎక్లాస్‌పూర్ గ్రామానికి చెందిన గుంటి రాజు(30) టేక్మాల్‌లోని కొనుగోలు కేంద్రానికి వడ్లు అమ్మడానికి తీసుకొచ్చాడు. రాత్రి ఇంటికి రాకపోగా శుక్రవారం ఉదయం టేక్మాల్ వైన్స్ ముందు విగతజీవిగా పడి ఉన్నాడని బంధువుల పేర్కొన్నారు. ఈ మేరకు కేసు నమోదు చేసి దర్యాప్తు చేస్తున్నట్టు పోలీసులు తెలిపారు.

News May 24, 2024

‘టిమ్స్’ నిర్మాణాల‌పై రాజ‌కీయాలా..?.. హ‌రీశ్‌రావు ఫైర్

image

బీఆర్ఎస్ ప్ర‌భుత్వం ప్ర‌తిష్టాత్మ‌కంగా ప్రారంభించిన టిమ్స్ ఆస్ప‌త్రుల‌ నిర్మాణాలపై మంత్రి కోమటిరెడ్డి విషం చిమ్మడం బాధాకరమని హ‌రీశ్‌రావు ధ్వ‌జ‌మెత్తారు. జనాభా అవసరాలకు అనుగుణంగా, అత్యాధునిక, నాణ్యమైన వైద్యాన్ని పేద ప్రజలకు అందించేందుకు కేసీఆర్ ఆలోచనతో హైదరాబాద్ నలువైపులా టిమ్స్ ఆసుపత్రులు ఏర్పాటు చేయాలని నాటి ప్రభుత్వం నిర్ణయించింది. ఆ దిశగా వేగంగా అడుగులు వేసింద‌ని హ‌రీశ్‌రావు గుర్తుచేశారు.

News May 24, 2024

కల్హేర్: సినీ ఫక్కీలో కిడ్నాప్..

image

సినీ ఫక్కీలో కళ్లల్లో కారం చల్లి ఓ వ్యక్తిని కిడ్నాప్ చేసిన సంఘటన గురువారం కల్హేర్ జరిగింది. పోలీసులు తెలిపిన వివరాల ప్రకారం.. క్రిష్ణాపూర్‌‌కు చెందిన వెంకటేశం గ్రామానికి చెందిన ఆనంద్ అనే వ్యక్తితో కలసి కల్హేర్ తహసీల్ ఆఫీసుకు పనిమీద వచ్చారు. ఇంతలో ఒక మహిళ మరో ఇద్దరు వచ్చి నీతో మాట్లాడాలని వెంకటేశంకు తీసుకెళ్లారు. తర్వాత కళ్ల‌లో కారంపొడి చల్లి కిడ్నాప్ చేశారు. పోలీసులు కేసు నమోదు చేశారు.

News May 24, 2024

MDK: గాలివాన బీభత్సం 

image

ఉమ్మడి మెదక్ జిల్లాలోని పలు మండలాల్లో గురువారం రాత్రి నుంచి ఈరోజు తెల్లవారుజాము వరకు వర్షం కురిసింది. గాలివాన బీభత్సం సృష్టించడంతో ఆయా ప్రాంతాల్లోని ప్రజలు ఇబ్బందులు పడ్డారు. ఏడుపాయల సమీపంలోని పాపన్నపేట మండలం అబులాపూర్‌ గ్రామంలో సంగమేశ్ అనే వ్యక్తికి చెందిన రేకుల ఇల్లు ఈదురు గాలులకు ధ్వంసమైంది. రేకులు ఎగిరిపోయి, గోడలు కూలిపోవడంతో బాధితుడు వాపోతున్నాడు. మీ ప్రాంతంలో వర్షం పడుతుందా కామెంట్ చేయండి.