India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News May 2, 2024
తొగుట: చెరువులో పడి మహిళ మృతి
తొగుట మండల కేంద్రానికి చెందిన కాసర్ల మైసవ్వ(63) చెరువులో పడి మృతి చెందింది. స్థానికుల సమాచారం.. మైసవ్వ భర్త మైసయ్య ఐదేళ్ల క్రితం చనిపోయాడు. కుమారులు మల్లేశం కనకయ్య, కూతురు కవితల వివాహమైంది. కొంతకాలంగా మతిస్తిమితం సరిగా లేకుండా ఉన్న మైసవ్వ చెరువు వద్దకు వెళ్లగా ప్రమాదవశాత్తు అందులో పడి మృతి చెందినట్లుగా కుటుంబీకులు తెలిపారు. ఈ మేరకు తొగుట పోలీసులు కేసు నమోదు చేసి దర్యాప్తు చేపట్టారు.
News May 2, 2024
బీజేపీ రిజర్వేషన్లు ఇచ్చే పార్టీ.. తీసేసే పార్టీ కాదు: రఘునందన్ రావు
బీజేపీ రిజర్వేషన్లు ఇచ్చే పార్టియే, కానీ తీసేసే పార్టీ కాదని మెదక్ పార్లమెంట్ అభ్యర్థి రఘునందన్ రావు స్పష్టం చేశారు. గురువారం గజ్వెల్‌లోని కుకునూర్‌పల్లి మండల కేంద్రంలో రోడ్ షో‌కు హాజరై కార్నర్ మీటింగ్‌లో మాట్లాడారు. ఓటమి భయంతోనే కాంగ్రెస్ బీజేపీపై బురదల్లే ప్రయత్నం చేస్తుందని విమర్శించారు. స్వయంగా ప్రధాని మోదీ తన ప్రాణం ఉన్నంత వరకు రిజర్వేషన్లు తీసేయనని చెప్పిన విషయాన్ని గుర్తు చేశారు.
News May 2, 2024
MEDAK: లోక్‌సభ బరిలో 130 మంది
ఉమ్మడి మెదక్ జిల్లా పరిధిలోకి వచ్చే మెదక్, జహీరాబాద్‌, కరీంనగర్‌, భువనగిరి పార్లమెంట్ స్థానాల్లో 130 మంది బరిలో నిలిచారు. ప్రధాన పార్టీల అభ్యర్థులతో పాటు స్వతంత్రులు పోటీ చేస్తున్నారు. మెదక్ పార్లమెంట్ స్థానంలో 44 మంది, జహీరాబాద్‌ పార్లమెంట్ స్థానంలో 19 మంది, కరీంనగర్‌ పార్లమెంట్ స్థానంలో 28 మంది, భువనగిరి పార్లమెంట్ స్థానంలో 39 మంది పోటీలో ఉన్నారు.
News May 2, 2024
సిద్దిపేట: ప్రచారానికి మిగిలింది… ఇంకా 10 రోజులే
మెదక్ లోకసభ ఎన్నికల నామినేషన్ల ఉపసంహరణ ఘట్టం ముగియడంతో అభ్యర్థుల ప్రచారం ఒక్కసారిగా ఉధృతమైంది. ప్రచారానికి ఇంకా పదిరోజులే మిగలడంతో అభ్యర్థులు హోరాహోరీగా పర్యటిస్తున్నారు. ఓ వైపు ఎండలు మండుతున్నప్పటికీ సమయం తక్కువగా ఉండడంతో ప్రచారంపైనే దృష్టిసారిస్తున్నారు . ప్రత్యక్షంగా ప్రజలను కలుస్తూ తమను గెలిపించాలని అభ్యర్థిస్తున్నారు. ఎవరికి వారు ధీమాగా ప్రచారాన్ని ఉధృతం చేశారు.
News May 2, 2024
సిద్దిపేటను అవమానించిన సీఎం రేవంత్: హరీశ్‌రావు
సిద్దిపేట అంటే సీఎం రేవంత్‌రెడ్డికి మొదటి నుంచి చిన్న చూపేనని మాజీ మంత్రి, సిద్దిపేట MLA హరీశ్‌రావు పేర్కొన్నారు. ఈనెల 13న జరిగే ఎన్నిక ఓట్లు, సీట్లు, అధికారం కోసం జరిగేది కాదని తెలంగాణ భవిష్యత్‌ కోసం జరిగే ఎన్నిక అన్నారు. తెలంగాణ తెచ్చింది మన సిద్దిపేట బిడ్డ KCR అని, అలాంటి KCRను సీఎం రేవంత్‌రెడ్డి ఇష్టారీతిన తిడుతున్నాడని, కేసీఆర్‌ను తిట్టడం అంటే మన సిద్దిపేట ప్రజలను అవమాన పర్చడమే అన్నారు.
News May 2, 2024
మెదక్: వ్యక్తి మిస్సింగ్.. అస్థిపంజరం లభ్యం
మనోహరాబాద్ మండలం గౌతోజిగూడ గ్రామంలో అదృశ్యమైన చుక్క కృష్ణ(55) ఆత్మహత్య చేసుకోగా అస్థిపంజరం లభించినట్లు ఎస్సై కరుణాకర్ రెడ్డి తెలిపారు. ఇంట్లో గొడవపడి ఫిబ్రవరి 11న ఇంట్లోంచి వెళ్లిపోయాడు. అప్పుడప్పుడు ఇలాగే వెళ్లి వస్తుండడంతో ఇంట్లోవాళ్లు నాలుగైదు రోజులు ఎదురుచూశారు. అనంతరం పోలీసులకు ఫిర్యాదు చేయగా మిస్సింగ్ కేసు నమోదు చేశారు. గ్రామ సమీపంలోని అటవీలో ఉరేసుకోగా అస్థిపంజరంగా గుర్తించారు.
News May 2, 2024
నూతన ఓటర్లకు గజిబిజి కార్డులు.. ఫొటో స్థానంలో ఆధార్ కార్డు
నారాయణఖేడ్ పట్టణానికి చెందిన పూసిని లక్ష్మీనారాయణ, ఈశ్వరమ్మ, మాణిక్యం నూతన ఓటర్లుగా నమోదు చేయించుకున్నారు. కొత్తగా కొరియర్‌లో వచ్చిన కవర్లు విప్పి చూసిన వారికి షాక్ గురయ్యారు. కొత్త కార్డులుగా సవిత బాయి విస్లావత్, పింకీ బాయి విస్లావత్, సక్కుబాయి విస్లావత్ ఓటర్ కార్డులు వచ్చాయి. సక్కుబాయి ఫొటో స్థానంలో గమ్మత్తుగా ఆధార్ ఫొటో ఉండడం విశేషం. కొత్త కార్డులను చూసి నూతన ఓటర్లు అవాక్కయ్యారు.
News May 2, 2024
నేడు సిద్దిపేటకు సీఎం రేవంత్ రెడ్డి
పార్లమెంట్ ఎన్నికల సందర్భంగా ముఖ్యమంత్రి రేవంత్ రెడ్డి ఈనెల 2న సిద్ధిపేటలో పర్యటిస్తారని మెదక్ పార్లమెంటు ఎంపీ అభ్యర్థి నీలం మధు అన్నారు. గురువారం సాయంత్రం 3:30 గంటలకు బ్లాక్ ఆఫీస్ నుంచి ఓల్డ్ బస్టాండ్ వరకు రోడ్ షో, ర్యాలీ కార్యక్రమంలో పాల్గొంటారని తెలిపారు. అనంతరం బస్టాండ్ చౌరస్తాలో కార్నర్ మీటింగ్ నిర్వహిస్తామన్నారు. కావున నాయకులు, కార్యకర్తలు, పార్టీ శ్రేణులు, అభిమానులు భారీగా తరలి రావాలన్నారు.
News May 2, 2024
మతోన్మాద బీజేపీని ఓడించాలి: ప్రొఫెసర్ కోదండరాం
మతోన్మాద బీజేపీని ఓడించి ఇండియా కూటమిని బలపర్చాలని టీజేఎస్ రాష్ట్ర అధ్యక్షులు ప్రొఫెసర్ కోదండరాం పిలుపునిచ్చారు. బుధవారం విలేకర్లతో మాట్లాడారు. రాజ్యాంగాన్ని మారుస్తామని చెప్పి సంస్కరణలు, సవరణ చేస్తామని చెప్పి 400 ఎంపీ సీట్ల మెజారిటీ ఇవ్వమని అడుగుతున్నా బిజెపికి ఓటు వేయొద్దన్నారు. అసమానతలను మరింత తీవ్రంగా పెంచడానికి కేంద్రం అధికారంలోకి రావడానికి ప్రయత్నం చేస్తుందని ఆరోపించారు.
News May 1, 2024
UPDATE..MDK: ఆగమేఘాలతో మీటర్ ఫిట్టింగ్.. దిగొచ్చిన సయ్యద్
మనోహరాబాద్ మండలం కాళ్లకల్ గ్రామానికి చెందిన సయ్యద్ ఇంటికి విద్యుత్ అధికారులు ఆగమేఘాల మీద విద్యుత్తు మీటర్ ను బిగించారు. కొద్దిరోజులుగా విద్యుత్ మీటర్ బిగించడం లేదని వాటర్ ట్యాంక్ ఎక్కి సయ్యద్ నిరసన వ్యక్తం చేసిన విషయం తెలిసిందే. SI కరుణాకర్ రెడ్డి ఆగమేఘాల మీద విద్యుత్ అధికారులతో మాట్లాడి మీటర్ ఏర్పాటు చేయించారు. దాంతో సయ్యద్ వాటర్ ట్యాంక్ మీద నుంచి దిగి వచ్చారు. దాంతో అందరూ ఊపిరి పీల్చుకున్నారు.
Featured News
Sorry, no posts matched your criteria.