India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News September 2, 2024
మెదక్: ఫ్లడ్ కంట్రోల్ రూమ్‌ను పరిశీలించిన కలెక్టర్
భారీ వర్షాల నేపథ్యంలో జిల్లా కలెక్టర్ కార్యాలయంలో ఏర్పాటు చేసిన ఫ్లడ్ కంట్రోల్ రూమ్‌ను సోమవారం కలెక్టర్ రాహుల్ రాజ్ పరిశీలించారు. కంట్రోల్ రూమ్‌లో ఫిర్యాదుల రిజిస్టర్‌ను పరిశీలించారు. భారీ వర్షాల వల్ల ప్రజలకు ఎలాంటి అసౌకర్యం కలగకుండా, విపత్కర పరిస్థితులను సమర్థవంతంగా ఎదుర్కోవడానికి కంట్రోల్ రూమ్ ద్వారా 24 గంటలు పర్యవేక్షించడం జరుగుతుందన్నారు. ఇప్పటి వరకు 29 ఫిర్యాదులు స్వీకరించినట్లు తెలిపారు.
News September 2, 2024
సిద్దిపేట: విషాదం.. అన్నాచెల్లెలు సూసైడ్
సిద్దిపేట జిల్లాలో విషాదం నెలకొంది. దౌల్తాబాద్ మండలం ఇందుప్రియాల్‌లో అన్నాచెల్లెలు ఆత్మహత్య చేసుకున్నారు. వివరాలు.. కాసులాబాద్ కిష్టయ్య భార్య ఏడాది క్రితం మృతిచెందగా ఇద్దరు కొడుకులు, కూతురుతో నివసిస్తున్నాడు. నిన్న కూతురు కళ్యాణి (16) చెరువులో పడి చనిపోగా.. అన్న రాము(20) పురుగు మందు తాగి గాంధీ ఆస్పత్రిలో చికిత్స పొందుతూ ఈరోజు చనిపోయాడు. కళ్యాణి మృతదేహం మసిరెడ్డి కుంటలో ఈరోజు లభ్యమైంది.
News September 2, 2024
విద్యుత్ ఉద్యోగుల సేవలు అమూల్యం: హరీష్ రావు
భారీ వర్షాలను సైతం లెక్క చేయకుండా ప్రాణాలు ఫణంగా పెట్టి.. విధినిర్వహణలో నిమగ్నమైన విద్యుత్ ఉద్యోగుల సేవలు అమూల్యమైనవని సిద్దిపేట ఎమ్మెల్యే మాజీ మంత్రి హరీష్ రావు పేర్కొన్నారు. సోమవారం X వేదికగా హరీష్ రావు విద్యుత్ ఉద్యోగులు అందిస్తున్న సేవలు, పత్రికల్లో వచ్చిన వార్తలు పోస్ట్ చేశారు. క్లిష్టమైన పరిస్థితుల్లో వారు అందిస్తున్న సేవలను ఎంత పొగిడినా తక్కువే అని హరీష్ రావు కొనియాడారు.
News September 2, 2024
పటాన్‌చెరు: దంపతుల మధ్య గొడవ.. భార్య సూసైడ్
వాషింగ్‌ మెషీన్‌ బాగు చేయించలేదన్న కోపంతో భార్య సూసైడ్ చేసుకున్న ఘటన రామచంద్రాపురంలో జరిగింది. పోలీసుల వివరాలు.. తమిళనాడుకు చెందిన సంగీత ప్రియ(30) భర్త రాజ్‌కుమార్‌తో కలిసి BHEL సైబర్‌ కాలనీలో ఉంటుంది. వాషింగ్‌ మెషీన్‌కు రిపేర్ చేయించలేదని, ఇంట్లోకి సరకులు లేవని శనివారం రాత్రి దంపతులు గొడవపడ్డారు. భర్తపై కోపంతో బెడ్ రూంలోకి వెళ్లిన సుప్రియ డోర్ తీయకపోవడంతో పగలగొట్టి చూడగా ఫ్యాన్‌కు ఉరేసుకొంది.
News September 2, 2024
రాష్ట్రస్థాయి టాపర్‌గా దుబ్బాక విద్యార్థి
ఇంటర్‌ 2022-24 విద్యా సంవత్సరంలో ఒకేషనల్‌ కోర్సులో రాష్ట్రస్థాయి టాపర్‌గా దుబ్బాక ప్రభుత్వ జూనియర్‌ కళాశాల విద్యార్థి దోర్నాల సుకుమార్‌ నిలిచాడు. ఒకేషన్‌ కోర్సులో సుకుమార్‌ ఈటీ (ఎలక్ట్రీషియన్‌ టెక్నీషియన్‌) చేశాడు. ఇంటర్మీడియట్‌లో 1000 మార్కులకు 994 మార్కులు సాధించి, రాష్ట్రస్థాయి టాపర్‌గా నిలిచాడు. ఈనెల 4న హైదరాబాద్‌లో ఇంటర్‌ బోర్డు రాష్ట్ర స్థాయి టాపర్లకు నగదు పారితోషికం, అవార్డు అందజేయనున్నారు.
News September 2, 2024
ఉమ్మడి మెదక్ జిల్లాకు ఎల్లో అలర్ట్
తెలంగాణలోని పలు జిల్లాల్లో ఇవాళ కూడా భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. ఇందులో భాగంగా మెదక్, సంగారెడ్డి జిల్లాకు ఎల్లో అలర్ట్ జారీ చేసింది. సాయంత్రం వరకు ఇళ్ల నుంచి బయటకు రావొద్దని, జాగ్రత్తగా ఉండాలని మంత్రులు, అధికారులు హెచ్చరించారు. రేపు కూడా జిల్లాల్లో వర్షాలు పడే అవకాశం ఉంది.
News September 2, 2024
కొప్పోల్ ఉమా సంగమేశ్వర ఆలయంలో కాశిబుగ్గ.. పూజలు
పెద్దశంకరంపేట మండలంలోని కొప్పోల్ శ్రీ ఉమా సంగమేశ్వర స్వామి ఆలయ గర్భగుడిలో కాశిబుగ్గ(నీరు) రావడంతో భక్తులు ప్రత్యేక పూజలు నిర్వహించారు. ఉమా సంగమేశ్వర స్వామి గర్భాలయంలోకి ప్రత్యేకంగా నీరు రావడాన్ని భక్తులు కాశిబుగ్గగా పేర్కొంటూ ప్రత్యేక పూజలు నిర్వహిస్తారు. పదేళ్ల తర్వాత తాజాగా ఆదివారం కాశిబుగ్గ రావడంతో భక్తులు పెద్ద ఎత్తున పాల్గొని పూజలు చేశారు.
News September 1, 2024
పంటల రక్షణకు చర్యలు తీసుకోవాలి: జిల్లా వ్యవసాయ అధికారి
గత రెండు మూడు రోజులుగా కురుస్తున్న భారీ వర్షాల నేపథ్యంలో రైతులు పంటలను రక్షించుకోవాలని సిద్దిపేట జిల్లా వ్యవసాయ అధికారి టి.రాధిక సూచించారు. పంటల రక్షణ కోసం యాజమాన్య పద్ధతులను పాటించాలని ఆమె తెలిపారు. ముందుగా పంట పొలాల్లో నిలిచిపోయిన నీటిని బయటకు తరలించాలని. అనంతరం యాజమాన్య పద్ధతులను పాటించాలని ఆమె రైతులకు సూచించారు. వర్షాలు తగ్గిన అనంతరం పంటలకు మందులు పిచికారి చేయాలని సూచించారు.
News September 1, 2024
సిద్దిపేట: ప్రజలంతా అప్రమత్తంగా ఉండాలి: మంత్రి పోన్నం
భారీ వర్షాలు కురుస్తున్నందున జిల్లా ప్రజలంతా అప్రమత్తంగా ఉండాలని రాష్ట్ర రవాణా, బీసీ సంక్షేమ శాఖ మాత్యులు పొన్నం ప్రభాకర్ సూచించారు. నిన్నటి నుంచి జిల్లాలో భారీ వర్షం కురుస్తున్న నేపథ్యంలో రాష్ట్ర మంత్రి పొన్నం ప్రభాకర్ జిల్లా కలెక్టర్, కమిషనర్ ఆఫ్ పోలీస్, ఇరిగేషన్, రెవెన్యూ, పంచాయతీ రాజ్ తదితర అన్ని శాఖల అధికారులతో ఆదివారం ఫోన్ ద్వారా అప్రమత్తం చేశారు.
News September 1, 2024
సంగారెడ్డి: రుద్రారంలో విషాదం
పటాన్ చెరు మండలం రుద్రారంలో విషాదం చోటుచేసుకుంది. రుద్రారంలో ముగ్గురు పిల్లలతో సహా తల్లి ఆత్మహత్యకు పాల్పడ్డారు. ముగ్గురు పిల్లలకు విషమిచ్చి, తర్వాత తల్లి ఉరి వేసుకుంది. ఘటనాస్థలానికి చేరుకున్న పటాన్ చెరు పోలీసులు ఆత్మహత్యకు గల కారణాలు పరిశీలిస్తున్నారు.
Featured News
Sorry, no posts matched your criteria.