India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News April 26, 2024
మెదక్: ఊపందుకున్న ప్రచారం..
పార్లమెంట్ ఎన్నికల ప్రచారం ఊపందుకుంది. నామినేషన్ ఘట్టం ముగియడంతో పార్టీల అభ్యర్థులు ప్రచారంపై దృష్టిసారించి గెలుపుకు వ్యూహాలు సిద్ధం చేస్తున్నారు. మెదక్ లో ప్రధానంగా కాంగ్రెస్, బీజేపీ, బీఆర్ఎస్ పార్టీల మధ్య నువ్వా నేనా అన్నట్టు పోటీ నెలకొంది. ద్విచక్ర వాహన ర్యాలీలు, ఇంటింటి ప్రచారం, సభలు నిర్వహిస్తూ ఓటర్లను ఆకట్టుకునే ప్రయత్నం చేస్తున్నారు. అమిత్ షా, రేవంత్ రెడ్డి, కేసీఆర్ ప్రచారం చేశారు.
News April 26, 2024
మోదీ సభను విజయవంతం చేయండి: బీబీ పాటిల్
లోక్ సభ ఎన్నికల ప్రచారంలో భాగంగా ప్రధాని మోదీ తెలంగాణలో పర్యటించనున్నారు. ఈ సందర్బంగా ఈనెల 30న మెదక్ జిల్లా అల్లాదుర్గం మండల గ్రామ శివారులో నిర్వహించే బహిరంగ సభలో ఆయన పాల్గొననున్నట్లు జహీరాబాద్ బీజేపీ అభ్యర్థి బీబీ పాటిల్ తెలిపారు. సుమారు వంద ఎకరాల్లో సభ కోసం ఏర్పాట్లు చేస్తున్నట్లు పేర్కొన్నారు. కావున బీజేపీ పార్టీ నాయకులు, కార్యకర్తలు అధిక సంఖ్యలో పాల్గొని సభను విజయవంతం చేయాలని కోరారు.
News April 26, 2024
MDK: సోషల్ మీడియాలో వరుడి ఫోటోలు.. ఆగిన పెళ్లి !
మరో మహిళతో సంబంధం ఉందని పెళ్లికి ఒకరోజు ముందు వధువు బంధువులు వరుడిని నిలదీసిన ఘటన శివ్వంపేట మండలంలో జరిగింది. స్థానికుల సమాచారం.. భర్తతో దూరంగా ఉంటున్న ఓ వివాహితతో వరుడు దిగిన ఫొటోలు సోషల్ మీడియాలో చూసిన వధువు బంధువులు గురువారం వరుడి ఇంటికెళ్లి నిలదీశారు. గ్రామపెద్దల పంచాయితీలో పెళ్లి రద్దుతోపాటు సుమారు రూ.7లక్షల జరిమానా విధించినట్లు తెలిసింది. దీనిపై ఫిర్యాదు రాలేదని శివ్వంపేట పోలీసులు తెలిపారు.
News April 26, 2024
కాంగ్రెస్ జనజాతర సభకు ఏర్పాట్లు పూర్తి
జహీరాబాద్ లోక్ సభ నియోజకవర్గంలో పెద్దశంకరంపేటలో ఈరోజు సాయంత్రం జరిగే కాంగ్రెస్ జనజాతర భారీ బహిరంగ సభకు ఏర్పాట్లు పూర్తయినట్లు టీపీసీసీ సభ్యులు కర్నే శ్రీనివాసు పేర్కొన్నారు. జహీరాబాద్ పార్లమెంట్ కాంగ్రెస్ అభ్యర్థి సురేష్ షేట్కర్‌కు మద్దతుగా సీఎం రేవంత్ రెడ్డి పాల్గొంటున్న ఈ సభకు అధిక సంఖ్యలో హాజరై విజయవంతం చేయాలని కోరారు. ఈ స్థానంపై ఫోకస్ పెట్టిన కాంగ్రెస్.. గెలుపే లక్ష్యంగా కార్యాచరణ చేపట్టింది.
News April 26, 2024
మెదక్: సోషల్ మీడియాలో ప్రచార జోరు..
ఒకప్పుడు ఎన్నికలు వచ్చాయంటే ఆర్భాటాలు, ర్యాలీలు, మైకుల హోరు, ప్రచార వాహనాల జోరు ఉండేది. ప్రస్తుతం ఉమ్మడి జిల్లాలో సోషల్ మీడియా ప్రచారం జోరందుకుంది. ర్యాలీలు, కార్నర్ మీటింగ్‌, అగ్రనాయకులను రప్పిస్తూ ప్రచారంతో ఓటర్లను ఆకట్టుకునేందుకు యత్నిస్తున్నారు. ఉదయం వాకింగ్‌లో యువతను పలకరిస్తున్నారు. ఇంటింటి ప్రచార బాధ్యతలను స్థానిక నేతలే చూసుకుంటున్నారు. సోషల్ మీడియాలో ప్రచారం మాత్రం జోరుగా సాగుతోంది.
News April 26, 2024
సిద్దిపేట: ఈతకు వెళ్లి బాలుడి మృతి
ఈతకు వెళ్లి బాలుడు మృతి చెందాడు. SI ప్రేమ్‌దీప్‌ వివిరాలు.. మనోహరాబాద్‌ మండలం పాలటకు చెందిన నితిన్(10) దౌల్తాబాద్‌ మండలం కోనాయిపల్లిలోని అమ్మమ్మ ఇంటికి వచ్చాడు. అమ్మమ్మతో కలిసి బుధవారం దౌల్తాబాద్‌లో పెళ్లికి వెళ్లిన నితిన్ ఇంటికి వెళ్తున్నట్లు చెప్పి వచ్చాడు. వారు వచ్చేసరికే ఇంటి వద్ద మనవడు లేకపోవంతో స్థానికంగా వెతికినా ఆచూకీ లభించలేదు. గురువారం ఉదయం గ్రామంలోని చెరువులో నితిన్ మృతదేహం తేలింది.
News April 26, 2024
మెదక్: రోడ్డు ప్రమాదంలో సిద్దిపేట యువకుడి మృతి
తూప్రాన్ మండలం యావాపూర్ వద్ద రాత్రి జరిగిన <<13123863>>రోడ్డు ప్రమాదం<<>>లో మృతుడు సిద్దిపేట జిల్లాకు చెందిన ఎండీ ఖాజామియా(30)గా గుర్తించారు. రాయపోల్ మండలం ఎల్కంటి గ్రామానికి చెందిన ఖాజామియా.. గజ్వేల్ పట్టణంలో నివాసం ఉంటూ నీటి శుద్ధి మెకానిక్‌గా పనిచేస్తున్నాడని గ్రామస్థులు తెలిపారు. తూప్రాన్ వైపు నుంచి గజ్వేల్ వైపు వెళ్తుండగా యావపూర్ చౌరస్తా వద్ద ఎదురుగా వచ్చిన కారు ఢీకొట్టింది.
News April 26, 2024
MDK: నేడు సీఎం రేవంత్ రెడ్డి సభ
మెదక్ జిల్లా పెద్దశంకరంపేటలో శుక్రవారం నిర్వహించనున్న సీఎం రేవంత్‌రెడ్డి బహిరంగ సభకు కాంగ్రెస్ ఆధ్వర్యంలో ముమ్మర ఏర్పాట్లు చేస్తున్నారు. జహీరాబాద్ పార్లమెంట్ నియోజకవర్గ కాంగ్రెస్ అభ్యర్థి సురేశ్‌షెట్కార్‌కు మద్దతుగా నిర్వహించే సభలో ఆయన పాల్గొననున్నారు. పెద్దశంకరంపేటలోని పద్మయ్య ఫంక్షన్‌హాల్‌ సమీపంలోని ఖాళీ ప్రదేశాన్ని ఎంపిక చేశారు.
News April 26, 2024
మెదక్‌కు 90.. జహీరాబాద్‌కు 69 నామినేషన్లు
ఉమ్మడి జిల్లాలోని రెండు పార్లమెంట్ స్థానాలకు కలిపి మొత్తం 94 మంది అభ్యర్థులు నామినేషన్లు వేశారు. మెదక్ పార్లమెంట్‌‌కు 54 మంది 90 సెట్ల నామినేషన్లు దాఖలు చేయగా.. జహీరాబాద్ లోక్ సభకు 40 మంది అభ్యర్థులు 69 నామినేషన్లు సమర్పించారు. చివరి రోజు భారీగా నామపత్రాలను సమర్పించారు. ఈ నెల 26న నామపత్రాల పరిశీలన, 29 వరకు ఉపసంహరణకు గడువు ఉంది.
News April 25, 2024
BREAKING: రోడ్డు ప్రమాదంలో వ్యక్తి మృతి
తూప్రాన్ మండలం యావపూర్ చౌరస్తా వద్ద తూప్రాన్ గజ్వేల్ రోడ్డు పై రాత్రి జరిగిన రోడ్డు ప్రమాదంలో ఒకరు మృతి చెందారు. తూప్రాన్ వైపు నుంచి గజ్వేల్ వైపు వెళ్తున్న బైకు.. ఎదురుగా వస్తున్న కారును ఢీ కొట్టింది. ఈ సంఘటనలో ద్విచక్ర వాహనంపై వెళ్తున్న వ్యక్తి అక్కడికక్కడే మృతి చెందాడు. మృతుడు రాయపోలు మండలం ఎల్కంటి గ్రామస్థులు‌గా అనుమానిస్తున్నారు. తూప్రాన్ పోలీసులు విచారణ జరుపుతున్నారు.
Featured News
Sorry, no posts matched your criteria.