India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News April 25, 2024
GREAT.. మన సంగారెడ్డి యువకుడు సైంటిస్ట్ అయ్యాడు
ఝరాసంగం మండలం కమాల్‌పల్లికి చెందిన శ్రీశైలం వ్యవసాయ శాస్త్రవేత్తగా ఎంపికయ్యారు. సామాన్య కుటుంబంలో పుట్టి సాగుపై మక్కువతో చదివిన శ్రీశైలం.. ISRB నిర్వహించిన జాతీయ స్థాయి వ్యవసాయ శాస్త్రవేత్తల నియామక పరీక్షల ఫలితాల్లో సత్తా చాటారు. అరుణాచల్‌ప్రదేశ్ కేడర్ వ్యవసాయ శాస్త్రవేత్త(ఏఎస్‌ఆర్‌బీ)గా ఉద్యోగం సాధించారు. శ్రీశైలం విద్యాభ్యాసం 10వ తరగతి వరకు ఝరాసంగం పాఠశాలలో జరిగింది. -CONGRATS
News April 25, 2024
మెదక్: ఎండలతో ప్రచారం కష్టమే..
లోక్‌సభ ఎన్నికల ప్రచారం క్రమంగా ఊపందుకుంటోంది. నామినేషన్ల సమర్పణకు ఈనెల 25 వరకు గడువు ఉంది. 29న ఉపసంహరణ ఘట్టం ముగియగానే ప్రచార పర్వం మరింత పుంజుకుంటుంది. ఇప్పటికైతే ప్రచారానికి కేవలం 19 రోజులు మాత్రమే మిగిలింది. మే 13న పోలింగ్‌ జరుగుతున్న దృష్ట్యా ఒకరోజు ముందుగా అంటే మే 11న ప్రచార కార్యక్రమాలు ముగించాలి. ఈ కాస్త సమయంలో గ్రామగ్రామాన పర్యటించడం, ఎండలు మండిపోతుండడంతో అభ్యర్థులకు సవాల్‌గా మారింది.
News April 25, 2024
MDK: వివాహేతర సంబంధంతో ప్రభుత్వ టీచర్ హత్య
వివాహేతర సంబంధం నెపంతో ప్రభుత్వ <<13110756>>టీచర్ హత్య<<>>కు గురయ్యాడు. చేగుంటలో అద్దెకు ఉంటున్న టీచర్ నాగరాజుకు పక్కింటి మహిళతో వివాహేతర సంబంధం ఉందని ఆమె భర్త సత్యనారాయణ అనుమానించాడు. దీంతో నాగరాజును చంపేయాలనుకున్న అతను మరో ఇద్దరితో కలిసి గతనెల 28న అద్దె ఇంట్లోనే చంపేశారు. మరుసటిరోజు వచ్చి కారులో మృతదేహాన్ని తీసుకెళ్లి HYD శివారులో పడేశారు. కాగా సత్యనారాయణ భార్య ఆదివారం ఇంట్లో ఉరేసుకుంది.
News April 25, 2024
మెదక్ జిల్లాకు మరోసారి ప్రధాని మోదీ
మెదక్ జిల్లాకు మరోసారి ప్రధానమంత్రి నరేంద్ర మోదీ రానున్నారు. గత అసెంబ్లీ ఎన్నికల సందర్భంగా తూప్రాన్ వద్ద గత ఏడాది నవంబర్ 26న నిర్వహించిన సకలజనుల విజయ సంకల్ప సభలో ప్రధాని పాల్గొని ప్రసంగించారు. ఈనెల 30న అల్లాదుర్గంలో జహీరాబాద్, మెదక్ పార్లమెంట్ నియోజకవర్గాలకు సంబంధించి సభను ఏర్పాటు చేస్తున్నారు. ఈ కార్యక్రమానికి మోదీ మరోసారి హాజరుకానున్నారు. ఈ మేరకు పార్టీ శ్రేణులు ఏర్పాటు చేస్తున్నారు.
News April 25, 2024
సిద్దిపేట కోర్టులో తొలిసారి హిజ్రాకు జాబ్
సిద్దిపేటలోని ఇందిరానగర్‌కు చెందిన హిజ్రా ప్రశాంతికి పొరుగు సేవ కింద జిల్లా కోర్టులో ఆఫీస్ సబార్డినేట్ ఉద్యోగం వచ్చింది. జిల్లా ప్రధాన న్యాయమూర్తి రఘురాం, న్యాయ సేవాధికారసంస్థ కార్యదర్శి స్వాతిరెడ్డి నియామకపత్రం అందజేశారు. హిజ్రాలకు సమాన హక్కు కల్పించాలన్న సుప్రీంకోర్టు ఆదేశాలతో తొలిసారి ఉద్యోగ అవకాశం కల్పించామని, వారు ఆత్మన్యూనతా భావానికి లోనవకుండా అన్ని రంగాల్లో ముందుకు సాగాలని ఆకాంక్షించారు.
News April 25, 2024
మెదక్: బీఫారం అందుకున్న నీలం మధు
మెదక్ పార్లమెంట్ అభ్యర్థి బీఫారాన్ని ఎఐసిసి కార్యదర్శి రోహిత్ చౌదరి, ప్రభుత్వ సలహాదారు వేం నరేందర్ రెడ్డి చేతుల మీదుగా నీలం మధు అందుకున్నారు. ఎంపిగా గెలిచి రావాలని ఈ సందర్బంగా వారు ఆయనకు సూచించారు. వారితో ఈ కార్యక్రమంలో టిపిసిసి వర్కింగ్ ప్రెసిడెంట్లు, మహేష్ కుమార్ గౌడ్, జగ్గారెడ్డి, ప్రధాన సలహాదారులు హరగోపాల్ ఉన్నారు.
News April 25, 2024
టేక్మాల్: గాలి అనిల్ కుమార్ ఎన్నికల ప్రచారం
ఆందోల్ నియోజకవర్గం టేక్మాల్ మండలం బోడ్మట్ పల్లి గ్రామంలో జహీరాబాద్ పార్లమెంటు బీఆర్ఎస్ పార్టీ అభ్యర్థి గాలి అనిల్ కుమార్ ఎన్నికల ప్రచారం నిర్వహించారు. ఆందోల్ మాజీ ఎమ్మెల్యే చంటి క్రాంతి కిరణ్‌తో కలిసి గాలి అనిల్ కుమార్ ఇంటింటి ప్రచారం నిర్వహించారు. పార్లమెంట్ ఎన్నికలలో బీఆర్ఎస్ పార్టీకి ఓటు వేయాలని ఈ సందర్భంగా కోరారు.
News April 25, 2024
వైభవంగా ఏడుపాయల వనదుర్గమ్మ పల్లకీసేవ
పౌర్ణమిని పురస్కరించుకొని మంగళవారం ఏడుపాయల వనదుర్గ క్షేత్రంలో వైభవంగా పల్లకీసేవ నిర్వహించారు. అమ్మవారి ఉత్సవ విగ్రహాన్ని పల్లకిలో రాజగోపురం నుండి శివాలయం మీదుగా భక్తి శ్రద్దలతో ఊరేగించారు. ప్రత్యేక పూజలు నిర్వహించి భక్తులకు తీర్థ ప్రసాదాలు అందజేశారు.ఈసందర్బంగా.. పాలక మండలి చైర్మన్ సాతెల్లి బాలాగౌడ్, ధర్మకర్తలు వెంకటేశం, చక్రపాణి, సిబ్బంది తదితరులు పాల్గొన్నారు.
News April 24, 2024
మెదక్: 24మంది అభ్యర్థులు, 35 సెట్ల నామినేషన్లు
మెదక్ లోక్‌సభ స్థానానికి ఇప్పటి వరకు 24 మంది అభ్యర్థులు 35 సెట్ల నామినేషన్లు వేశారు. బీజేపీ అభ్యర్థిగా రఘునందన్ రావు, కాంగ్రెస్ అభ్యర్థి నీలం మధు తరపున స్థానిక ఎమ్మెల్యే రోహిత్ నామినేషన్ వేసిన విషయం తెలిసిందే. అయితే బీఆర్ఎస్ అభ్యర్థిగా ఎమ్మెల్సీ వెంకట్ రాంరెడ్డి పేరు ఖరారు చేసినా ఇంకా నామినేషన్ వేయలేదు. ఈనెల 24న వేస్తారని సమాచారం. ఇతర పార్టీలతో పాటు స్వతంత్ర అభ్యర్థులు నామినేషన్ వేశారు.
News April 24, 2024
మెదక్ గడ్డపై కాంగ్రెస్ జెండా ఎగరవేద్దాం: నీలం మధు
ప్రతిష్టాత్మకమైన మెదక్ గడ్డపై కాంగ్రెస్ పార్టీ జెండాను ఎగరవేద్దామని ఎంపీ అభ్యర్థి నీలం మధు ముదిరాజ్ పిలుపునిచ్చారు. ఇందుకు పార్టీ నేతలు, ముఖ్యులు, కార్యకర్తలు అందరూ శ్రమించాలని కోరారు. నర్సాపూర్ నియోజకవర్గం కుల్చారం మండలం పోతంశెట్టిపల్లిలో నూతనంగా నిర్మించిన పెద్దమ్మ గుడి అమ్మవారి విగ్రహ ప్రతిష్ట, జాతర ఉత్సవాలకు ఎంపీ అభ్యర్థి నీలం మధు హాజరయ్యారు.
Featured News
Sorry, no posts matched your criteria.