India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News September 24, 2024
మెదక్: ఫుట్ బాల్ జట్ల ఎంపిక
ఫుట్బాల్ జట్ల ఎంపికను మెదక్ వెస్లీ గ్రౌండ్ లో నిర్వహించారు. స్కూల్ గేమ్స్ ఫెడరేషన్ జిల్లా ఆర్గనైజింగ్ కార్యదర్శి రమేష్ గంగాల ఆధ్వర్యంలో రామాయంపేట పిడి నాగరాజు, ఎంబి పూర్ పీడి రూపేందర్ ఎంపిక చేశారు. ఈ కార్యక్రమంలో ఫిజికల్ డైరెక్టర్లు శ్రీనివాసరావు, మాధవరెడ్డి, వినోద్ కుమార్, సుజాత కుమారి పాల్గొన్నారు. ఉమ్మడి మెదక్ జిల్లాలోని సంగారెడ్డి, సిద్దిపేట క్రీడాకారులు పాల్గొన్నారు.
News September 24, 2024
చదువుతోపాటు క్రీడలపై ఆసక్తి పెంచుకోవాలి: శ్రీనివాస్ రెడ్డి
విద్యార్థులు చదువుతోపాటు క్రీడలపై ఆసక్తిని పెంచుకోవాలని సిద్దిపేట జిల్లా విద్యాశాఖ అధికారి శ్రీనివాస్ రెడ్డి అన్నారు. మంగళవారం నంగునూరు మండలంలోని నర్మెట ఉన్నత పాఠశాలలో మండల స్థాయి వాలీబాల్ క్రీడా పోటీలను డీఈవో ప్రారంభించారు. క్రీడాకారులను పరిచయం చేసుకున్నారు. ఈ సందర్భంగా మాట్లాడుతూ.. క్రీడలు ఆడడం వల్ల దృఢంగా ఉండటమే కాక మానసికంగా ఎంతో పరిణితి చెందుతారని తెలిపారు.
News September 24, 2024
MDK: గణపతి లడ్డూ దక్కించుకున్న ముస్లిం యువకుడు
పదిహేడు రోజులు పూజలందుకున్న గణపతి లడ్డూను వేలం పాటలో ఓ ముస్లి యువకుడు దక్కించుకున్నాడు. మెదక్ జిల్లా కౌడిపల్లి మార్కెట్‌లో ప్రతిష్ఠించిన వినాయకుడి లడ్డూను నిమజ్జనం సందర్భంగా సోమవారం వేలం వేశారు. లడ్డూను దక్కించుకునేందుకు హోరా హోరీగా పోటీ సాగగా.. చివరకు మక్బూల్ అనే యువకుడు రూ.36,616 వేలకు సొంతం చేసుకున్నాడు. మరో లడ్డూను రూ.7వేలకు పోల జనార్ధన్ దక్కించుకున్నాడు.
News September 24, 2024
MDK: ఆడపడుచులకు ఆపదలో అస్త్రాలివే
ఉమ్మడి మెదక్ జిల్లాలో పోకిరీలు రెచ్చిపోతున్నారు. జిల్లాలో ఎక్కడో ఒకచోట అత్యాచారాలు, లైంగిక వేధింపు కేసులు నమోదవుతూనే ఉన్నాయి. వీటికి చెక్ పెట్టేందుకు అధికారలు చర్యలు చేపట్టారు. అత్యవసర సమయాల్లో రక్షణకు టోల్‌ఫ్రీ నంబర్లను, యాప్‌లను తీసుకొచ్చారు. చైల్డ్ హెల్పులైన్-1098, షీ టీం-8712657963, భరోసా-08457293098, మహిళా హెల్ప్‌లైన్-181, మిషన్ పరివర్తన-14446, పోక్సో ఈ బాక్స్, 112 యాప్‌‌లు ఉన్నాయి. SHARE IT
News September 24, 2024
‘లోక్ అదాలత్‌ను సద్వినియోగం చేసుకోవాలి’
ఈనెల 28న మెదక్ జిల్లా కోర్టు ప్రాంగణంలో నేషనల్ లోక్ అదాలత్ నిర్వహిస్తున్నట్లు న్యాయమూర్తి లక్ష్మీ శారద పేర్కొన్నారు. నేషనల్ లోక్ అదాలత్ రోజున మెదక్, నర్సాపూర్ కోర్టు నందు నిర్వహించబడును అని ఈ లోక్ అదాలత్ లో ఎక్కువ కేసులను పరిష్కరించుకునే విధంగా న్యాయవాదులు సహకరించాలని కోరారు. ఈ సదావకాశాన్ని ప్రజలు, కక్షిదారులు సద్వినియోగం చేసుకోవాలన్నారు.
News September 23, 2024
ఈనెల 28న జాతీయ లోక్ అదాలత్: ఎస్పీ
జాతీయ లోక్ అదాలత్ లో కేసులు పరిష్కరించుకోవాలని ఎస్పీ ఉదయ్ కుమార్ అన్నారు. ఈ నెల 28న జిల్లా కోర్టులో నిర్వహించనున్నారని, జాతీయ లోక్ అదాలత్ కార్యక్రమం ద్వారా కేసులు ఉన్నవారు సామరస్య ధోరణితో రాజీ పడదగిన ఆయా కేసులపై న్యాయ స్థానాల చుట్టూ తిరగకుండా కేసుల పరిష్కారం చేసుకోవాలని సూచించారు. అలాగే జాతీయ లోక్ అదాలత్ లో రాజీపడే అవకాశం ఉన్న కేసులను లిస్ట్ అవుట్ చేసుకోవాలని సిబ్బందికి తెలిపారు.
News September 23, 2024
సంగారెడ్డి: క్రికెట్ ఉమ్మడి జిల్లా జట్టు ఎంపిక
ఉమ్మడి మెదక్ జిల్లా క్రికెట్ అండర్- 19 జట్టును సంగారెడ్డిలోని జూబ్లీ క్లబ్‌లో సోమవారం ఎంపిక చేశారు. ఉమ్మడి మెదక్ జిల్లాలోని వివిధ ప్రాంతాల నుంచి 105 మంది క్రీడాకారులు ఎంపికలో పాల్గొన్నారు. వీరిలో ప్రతిభ చూపిన 16 మందిని ఉమ్మడి జిల్లా జట్టుకు ఎంపిక చేసినట్లు క్రికెట్ అసోసియేషన్ ఉమ్మడి జిల్లా కార్యదర్శి రాజేందర్ రెడ్డి తెలిపారు.
News September 23, 2024
దాడుల‌తో MLA సునీత మ‌నో ధైర్యాన్ని దెబ్బ‌తీయ‌లేరు: కేటీఆర్
శివంపేట మండ‌లం గోమారంలోని బీఆర్ఎస్ ఎమ్మెల్యే సునీతాల‌క్ష్మారెడ్డి ఇంటిపై నిన్న రాత్రి దాడి జ‌రిగిన విష‌యం తెలిసిందే. ఈ సందర్భంగా సునీతా ల‌క్ష్మారెడ్డితో కేటీఆర్ మాట్లాడారు. నిన్న రాత్రి గోమారంలో ఆమె ఇంటిపై జ‌రిగిన దాడి వివ‌రాల‌ను కేటీఆర్ అడిగి తెలుసుకున్నారు. దాడుల‌తో MLA సునీత మ‌నో ధైర్యాన్ని దెబ్బ‌తీయ‌లేరు అన్న కేటీఆర్ ఆమెకు అండ‌గా ఉంటామ‌ని భరోసా ఇచ్చారు.
News September 23, 2024
ఖేడ్‌: ఆ మెడికల్ షాపులపై చర్యలు తీసుకోవాలి: KVPS
నారాయణఖేడ్‌లో అధిక ధరలకు టాబ్లెట్లు అమ్ముతున్న మెడికల్ యజమానులపై చర్యలు తీసుకోవాలని కేవీపీఎస్ జిల్లా కమిటీ సభ్యుడు చంద్రశేఖర్ అన్నారు. ఆదివారం ఆయన స్థానిక కేవీపీఎస్ కార్యాలయంలో మాట్లాడుతూ.. ప్రజలకు అధిక ధరలకు మెడికల్ యజమానులు మందులు అమ్ముతున్నా అధికారులు పట్టించుకోవడంలేదని.. ఇప్పటికైనా స్పందించి చర్యలు తీసుకోవాలని డిమాండ్ చేశారు.
News September 22, 2024
కొమురవెల్లి మల్లన్న స్వామి ఆలయంలో భక్తుల సందడి
సిద్దిపేట జిల్లా కొమురవెల్లి మల్లికార్జునస్వామి ఆలయంలో ఆదివారం భక్తుల సందడి నెలకొంది. ఆదివారం సెలవు కావడంతో ఆలయ పరిసరాలు మల్లన్న భక్తులతో నిండిపోయాయి. ఉదయం నుంచే స్వామి వారి దర్శనం కోసం మండపంలో బారులు తీరారు. అర్చన, అభిషేకం నిర్వహించి మొక్కులు చెల్లించుకున్నారు. మరికొంతమంది బోనాలు సమర్పించి గంగిరేగు చెట్లు వద్ద పట్నాలు వేశారు.
Featured News
Sorry, no posts matched your criteria.