India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News August 23, 2024
సంగారెడ్డి: ‘సైబర్ నేరాలపై ప్రజలను అప్రమత్తం చేయాలి’
సైబర్ నేరాలపై ప్రజలను అప్రమత్తం చేయాలని ఎస్పీ రూపేష్ పోలీసు అధికారులకు సూచించారు. సంగారెడ్డి జిల్లా పోలీస్ కార్యాలయం నుంచి గురువారం పోలీస్ అధికారులతో వీడియో కాన్ఫరెన్స్ నిర్వహించారు. ఆయన మాట్లాడుతూ సైబర్ నేరాలకు గురైనప్పుడు డబ్బు ఇప్పించేలా చర్యలు తీసుకోవాలని సూచించారు. ప్రజలకు అవగాహన కల్పించడం ద్వారానే సైబర్ నేరాలకు గురికాకుండా అడ్డుకట్ట వేయవచ్చని చెప్పారు. అదనపు ఎస్పీ సంజీవరావు పాల్గొన్నారు.
News August 22, 2024
కల్యాణ లక్ష్మి పథకానికి నిధులు విడుదల: మంత్రి పొన్నం
బీసీ, ఈబీసీ కళ్యాణలక్ష్మి పథకానికి TG ప్రభుత్వం తాజాగా రూ.1225.43 కోట్లు విడుదల చేసిందని మంత్రి పొన్నం ప్రభాకర్ తెలిపారు. 2024-25 బడ్జెట్‌లో కళ్యాణలక్ష్మి పథకానికి రూ.2175 కోట్లు కేటాయించింది. మొదటిదశలో రూ.1225.43 కోట్లు విడుదల చేసింది. పెండింగ్ దరఖాస్తులతో పాటు తాజాగా అప్లై చేసుకున్న వారికి నిధులు విడుదల చేసినందుకుగాను సీఎం రేవంత్ రెడ్డికి, డిప్యూటీ సీఎం బట్టి విక్రమార్కకు ధన్యవాదాలు తెలిపారు.
News August 22, 2024
చిరంజీవికి పుట్టినరోజు శుభాకాంక్షలు తెలిపిన మంత్రి పొన్నం
మెగాస్టార్ చిరంజీవికి గురువారం హుస్నాబాద్ ఎమ్మెల్యే బీసీ రవాణా శాఖ మంత్రి పొన్నం ప్రభాకర్ గౌడ్ సోషల్ మీడియా వేదికగా పుట్టినరోజు శుభాకాంక్షలు తెలిపారు. ఈ మేరకు గతంలో చిరంజీవిని కలిసి దిగిన ఫోటోను మంత్రి పొన్నం ప్రభాకర్ షేర్ చేశారు. నటనలో రారాజు చిరంజీవి అని పేర్కొన్నారు. ఆయన జీవితం ఎంతోమందికి ఆదర్శమని కొనియాడారు.
News August 22, 2024
MDK: గ్రామ పంచాయతీ ఎన్నికలు.. సెప్టెంబర్‌ 21న ఓటర్ల తుది జాబితా
గ్రామ పంచాయతీ ఎన్నికల నిర్వహణకు సన్నాహాలు జోరందుకున్నాయి. వార్డులు, గ్రామపంచాయతీల వారీగా ఓటర్ల జాబితా షెడ్యూల్‌ను విడుదల చేశారు. ఓటర్ల తుది జాబితాను సెప్టెంబర్‌ 21న విడుదల చేయనున్నారు. ఓటర్ల జాబితాపై బుధవారం రాష్ట్ర ఎన్నికల కమిషనర్‌ పార్థసారధి ఉన్నతస్థాయి సమీక్ష నిర్వహించారు. ఓటర్ల జాబితా షెడ్యూల్‌ ప్రకారం.. సెప్టెంబర్‌ 6న ఓటర్ల జాబితా ముసాయిదాను గ్రామపంచాయతీ కార్యాలయాల్లో ఉంచుతారు.
News August 22, 2024
నేడు పాపన్నపేట బంద్కు పిలుపు
బంగ్లాదేశ్‌లో హిందువుల ఊచకోతకు నిరసనగా గురువారం మెదక్ జిల్లా పాపన్నపేట పట్టణం బంద్ పాటించనున్నట్లు హిందూ ఐక్యవేదిక ప్రతినిధులు పేర్కొన్నారు. బంగ్లాదేశ్ హిందువులపై, హిందూ దేవాలయాలపై జరుగుతున్న దాడులకు నిరసనగా బంద్కు పిలుపునిచ్చారు. వ్యాపార, విద్యాసంస్థలు, అందరూ సహకరించాలని వారు విజ్ఞప్తి చేశారు.
News August 22, 2024
సిద్దిపేట: బీటీ రోడ్డు మంజూరు చేయాలని మంత్రికి వినతి
అక్కన్నపేట మండలం మలచెరువు తండా, దుబ్బ తండా, తుక్కతండా వరకు BT రోడ్డు మంజూరు చేయాలని బుధవారం మంత్రి పొన్నం ప్రభాకర్‌కు గిరిజన నాయకుడు రవీందర్ నాయక్ వినతిపత్రం ఇచ్చారు. సానుకూలంగా స్పందించిన మంత్రి అధికారులను పిలిపించి సంబంధిత తండాలకు రోడ్లు వేయడానికి అవసరమైన ప్రతిపాదనలు సిద్ధం చేయాలని ఆదేశించారు. సత్వరమే స్పందించి సమస్య పరిష్కారానికి కృషి చేసిన మంత్రికి రవీందర్ నాయక్ కృతజ్ఞతలు తెలిపారు.
News August 21, 2024
కొండపాక: చెరువులో పడి ఇద్దరు మృతి
సిద్దిపేట జిల్లా కొండపాక మండలం సిరిసినగండ్ల గ్రామంలో విషాదం చోటుచేసుకుంది. బంధువుల ఇంటికి వచ్చిన ఇద్దరు చెరువులో ఈత కొడుతూ బుధవారం సాయంత్రం మృతి చెందారు. స్థానికులు తెలిపిన వివరాల ప్రకారం.. కొత్తగూడెం గ్రామానికి చెందిన వారు.. సిరిసినగండ్లకు బంధువుల ఇంటికి శుభకార్యానికి వచ్చారు. స్నానానికి ఊర చెరువులోకి వెళ్లి ఈత కొడుతూ ప్రమాదవశాత్తు మృతి చెందారు. పూర్తి వివరాలు తెలియాల్సి ఉంది.
News August 21, 2024
సిద్దిపేట: మూడేళ్ల పాపపై అత్యాచారం.. నిందితుడు అరెస్టు
మూడేళ్ల పాపపై అత్యాచారం చేసిన నిందితుడిని సిద్దిపేట త్రీ టౌన్ పోలీసులు 24 గంటల్లో అరెస్టు చేసి రిమాండ్‌కు పంపించారు. త్రీటౌన్ సీఐ విద్యాసాగర్ తెలిపిన వివరాలు.. మైత్రివనంలో నిర్మిస్తున్న ఓ అపార్ట్‌మెంట్‌లో నేపాల్‌కు చెందిన వ్యక్తి వాచ్‌మెన్‌గా పని చేస్తూ భార్య, మనవరాలితో నివాసం ఉంటున్నాడు. 19న పెయింటింగ్ పని చేస్తున్న UPకి చెందిన అజయ్(30) పాపను ఆడిస్తానని అత్యాచారం చేసినట్లు తెలిపారు.
News August 21, 2024
3 నెలల్లో ఏడుపాయల ఆలయంలో ముగ్గురు ఈఓల బదిలీ
మెదక్ జిల్లా పాపన్నపేట మండలం ఏడుపాయల వనదుర్గా భవాని ఆలయ ఈఓలు నెలకోసారి మారుతున్నారు. ఇటీవల కాలంలో మూడు నెలల్లో ముగ్గురు ఈఓలు మారారు. ప్రస్తుతం తాజాగా దేవాదాయ, ధర్మాదాయ శాఖ అడిషనల్ కమీషనర్ చంద్రశేఖర్‌కు ఏడుపాయల ఈఓగా అదనపు బాధ్యతలు అప్పగిస్తూ ఉత్తర్వులు జారీ చేశారు. తరచూ ఆలయ ఈఓలు మారుతుండడంతో ఆలయ సిబ్బంది, భక్తులు సమస్యలు ఎదుర్కొంటున్నారు.
News August 21, 2024
సమస్యల పరిష్కారానికి కృషి చేస్తా: మెదక్ ఎంపీ
మెదక్ పార్లమెంట్ సభ్యుడు మాధవనేని రఘునందన్ రావును వారి నివాసంలో కలిసి కొల్చారం మండలంలో ఉన్న వివిధ సమస్యల గురించి చర్చించారు. వచ్చే నెలలో మండలంలో పర్యటించి సమస్యల పరిష్కారంకు కృషి చేస్తానని హామీ ఇచ్చినట్లు బీజేపీ మండల పార్టీ అధ్యక్షుడు పాతూరి దయాకర్ గౌడ్ తెలిపారు. ఈ కార్యక్రమంలో మండల ప్రధాన కార్యదర్శి గుండు నాని, చిన్న ఘనపూర్ బూత్ అధ్యక్షుడు మంద మహేశ్, తదితరులు పాల్గొన్నారు.
Featured News
Sorry, no posts matched your criteria.