India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News August 18, 2024
మెదక్: కాంగ్రెస్ టార్గెట్ ఆ ఇద్దరేనా..?
తెలంగాణ రాజకీయాల్లో కేటీఆర్, హరీశ్ రావు అధికార కాంగ్రెస్‌కు కంట్లో నలుసులా మారారు. బీఆర్ఎస్ అధినేత కేసీఆర్ సైలెంట్‌గా ఉండిపోవడంతో కేటీఆర్, హరీశ్ రావును కట్టడి చేస్తే చాలు.. కాంగ్రెస్ పార్టీకి ఎదురే ఉండదని భావిస్తున్నారు. అందుకే మిగిలిన నేతలను పక్కనపెట్టి ఇద్దరిని టార్గెట్ చేస్తూ ముందుకు వెళ్లడమే సర్కార్ వ్యూహంగా తెలుస్తోంది. ఇద్దరిని టార్గెట్ చేయాలని కేడర్‌కు సందేశం పంపారని టాక్ నడుస్తోంది.
News August 18, 2024
ఓయూలో పరీక్ష ఫీజు స్వీకరణ గడువు పొడిగింపు
ఓయూ పరిధిలోని వివిధ పీజీ కోర్సుల వన్ టైం ఛాన్స్ పరీక్ష ఫీజు స్వీకరణ గడువును పొడిగించినట్లు అధికారులు తెలిపారు. అన్ని పీజీ కోర్సుల బ్యాక్‌లాగ్ పరీక్షా ఫీజును ఈనెల 28వ తేదీలోగా సంబంధిత కళాశాలల్లో చెల్లించాలని సూచించారు. రూ.500 అపరాధ రుసుముతో వచ్చే నెల 4వ తేదీలోగా చెల్లించవచ్చని చెప్పారు. ఈ పరీక్షలకు సాధారణ పరీక్ష ఫీజుతో పాటు పెనాల్టీ చెల్లించాల్సి ఉంటుందని పేర్కొన్నారు.
News August 18, 2024
పోడు భూములపై జిల్లా కలెక్టర్‌లతో సమీక్ష
హైదరాబాదులోని డాక్టర్ బి.ఆర్ అంబేడ్కర్ సచివాలయం నుంచి రాష్ట్ర అటవీ, పర్యావరణ దేవాదాయశాఖ మంత్రి కొండా సురేఖ, రాష్ట్ర పంచాయతీరాజ్ శాఖ మంత్రి అనసూయ సీతక్కతో కలిసి పోడు భూములపై జిల్లా కలెక్టర్‌లతో వీడియో కాన్ఫరెన్స్ ద్వారా సమీక్షించారు. సమీకృత జిల్లా కలెక్టరేట్ నుంచి జిల్లా కలెక్టర్ ఎం. మను చౌదరి వీడియో కాన్ఫరెన్స్‌లో పాల్గొన్నారు.
News August 17, 2024
ఓయూలో ఎమ్మెస్సీ డేటా సైన్స్ పరీక్షా తేదీల ఖరారు
ఉస్మానియా యూనివర్సిటీ పరిధిలోని ఎమ్మెస్సీ డేటా సైన్స్ పరీక్షా తేదీలను ఖరారు చేసినట్లు కంట్రోలర్ ఆఫ్ ది ఎగ్జామినేషన్స్ ప్రొఫెసర్ రాములు ఒక ప్రకటనలో తెలిపారు. ఈ కోర్సు రెండో సెమిస్టర్ రెగ్యులర్ పరీక్షలను వచ్చే నెల 4వ తేదీ నుంచి నిర్వహించనున్నట్లు చెప్పారు. పరీక్షా తేదీల పూర్తి వివరాలను ఓయూ వెబ్సైట్ www.osmania.ac.inలో చూసుకోవచ్చని సూచించారు.
News August 17, 2024
సిద్దిపేటలో పొలిటికల్ వార్.. బీఆర్ఎస్ Vs కాంగ్రెస్
సిద్దిపేటలో రాజకీయం హీటెక్కింది. 2 రోజులుగా BRS, కాంగ్రెస్ మధ్య రాజకీయ రగడ సాగుతోంది. రూ.2లక్షల రుణమాఫీతో హరీశ్ రావు రాజీనామా చేయాలని పోస్టర్ల ఏర్పాటుతో శుక్రవారం రాత్రి హైడ్రామా సాగింది. MLA క్యాంప్ ఆఫీసుపై దాడిని నిరసిస్తూ నేడు BRS నేతలు నిరసన ర్యాలీ చేపట్టగా.. హరీశ్ రావు రాజీనామా చేయాలని కాంగ్రెస్ నాయకులు ర్యాలీ తీశారు. దీంతో ఉద్రిత్త పరిస్థితి నెలకొంది. పోలీసులు భారీ బందోబస్తు ఏర్పాటు చేశారు.
News August 17, 2024
మెదక్: రాష్ట్ర స్థాయి అథ్లెటిక్స్ పోటీలు ప్రారంభం
మెదక్‌లోని ఇందిరాగాంధీ స్టేడియంలో 10వ తెలంగాణ స్టేట్ అండర్-23 అథ్లెటిక్స్ ఛాంపియన్ షిప్- 2024ను రాష్ట్ర స్పోర్ట్స్ అథారిటీ చైర్మన్ శివసేనారెడ్డి ప్రారంభించారు. రెండు రోజులపాటు మూడు విభాగాల్లో ఈ పోటీలు జరగన్నాయి. ఈ సందర్బంగా విజేతలకు పథకాలు అందజేశారు. కార్యక్రమంలో అసోసియేషన్ అధ్యక్ష, కార్యదర్శులు వెంకటరమణ, మధుసూదన్, శివశంకరరావు, అధ్యక్షులు జుబేర్, మహేందర్ రెడ్డి పాల్గొన్నారు
News August 17, 2024
మెదక్: ప్రేమ వ్యవహారం.. యువకుడి సూసైడ్
ప్రేమ వ్యవహారంతో మనస్తాపానికి గురై యువకుడు సూసైడ్ చేసుకున్నాడు. SI శ్రీనివాస్ రెడ్డి వివరాలు.. నిజాంపేటకు చెందిన భాను ప్రసాద్(26)కి వివాహం కాగా మరో అమ్మాయితో ప్రేమ వ్యవహారం నడిపాడు. విషయం తెలియడంతో పుట్టింటికి వెళ్లిన భార్య నిన్న తిరిగి వచ్చింది. ఈ క్రమంలో ప్రియురాలి ఒత్తిడి చేయగా.. శుక్రవారం రాత్రి భాను ఇంట్లో సూసైడ్ చేసుకున్నాడు. ఈ మేరకు మృతుడి తల్లి ఫిర్యాదుతో కేసు నమోదు చేశామన్నారు.
News August 17, 2024
వైద్యులు, నర్సుల భద్రతకు కట్టుబడి ఉన్నాం: మంత్రి దామోదర్
ప్రైవేటు ఆసుపత్రుల పిలుపు నేపథ్యంలో రాష్ట్రంలో ప్రజలకు వైద్య సేవల్లో అంతరాయం కలగకుండా ప్రత్యామ్నాయ ఏర్పాట్లు చేయాలని, వైద్యారోగ్య శాఖ మంత్రి దామోదర్ రాజనర్సింహ ఉన్నతాధికారులను ఆదేశించారు. ప్రభుత్వాసుపత్రుల్లో వైద్యులు, నర్సులు, సిబ్బంది భద్రతపై శుక్రవారం ఉన్నతాధికారులు, ఉస్మానియా, గాంధీ ఆసుపత్రుల సూపరింటెండెంట్లు, వైద్య కళాశాలల ప్రిన్సిపాళ్లతో మంత్రి వీడియో కాన్ఫరెన్స్ లో చర్చించారు.
News August 17, 2024
సంగారెడ్డి: ఐటీఐలో ప్రవేశాలకు నేడు ఆఖరు
ఐటీఐ కళాశాలల్లో ప్రవేశాల కోసం నేటితో గడువు ముగియనుందని కన్వీనర్ రాజేశ్వర్ రావు తెలిపారు. ఆసక్తిగల వారు 2024-25 విద్యా సంవత్సరానికి సంబంధించి మూడో ఫేజ్ అడ్మిషన్ల కోసం ఆన్లైన్ లో దరఖాస్తు చేసుకోవాలని ఆయన కోరారు.
News August 16, 2024
రోడ్డు ప్రమాదంలో యువకుడు మృతి
నారాయణఖేడ్ మండలం రుద్రారం గ్రామ శివారులో సాయంత్రం జరిగిన రోడ్డు ప్రమాదంలో ఒకరు మృతి చెందగా.. నలుగురు గాయపడ్డారు. మెదక్ జిల్లా రేగోడుకు చెందిన మహేష్ (20), నవీన్, సాయికిరణ్‌లతో కలిసి ద్విచక్ర వాహనంపై డిఫార్మసీ కోర్సుకు దరఖాస్తు చేసేందుకు వెళ్తున్నారు. టి. లింగంపల్లికి చెందిన సయ్యద్, రెహమాన్ ద్విచక్ర వాహనంపై ఎదురుగా వస్తుండగా ఢీకొన్నాయి. ఆసుపత్రికి తరలించగా మహేష్ మృతి చెందినట్లు ఎస్సై తెలిపారు.
Featured News
Sorry, no posts matched your criteria.