India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News July 16, 2024
మెదక్ పాలిటిక్స్: నాడు ప్రత్యర్థులు.. సహచరులు
ఉమ్మడి మెదక్ జిల్లాలో రాజకీయ సమీకరణాలు ఎవరూ ఊహించని స్థాయిలో మార్పుచెందాయి. గత అసెంబ్లీ ఎలక్షన్‌లో పటాన్‌చెరు నుంచి పోటీ చేసిన నీలం మధు, ఎమ్మెల్యేగా గెలిచిన మహిపాల్ రెడ్డి నేడు కాంగ్రెస్ పార్టీలో చేరారు. అదేవిధంగా MP ఎన్నికల్లో జహీరాబాద్ ఎంపీగా గెలిచిన సురేశ్ కుమార్ శెట్కార్(INC), BRS నుంచి పోటీ చేసిన గాలి అనిల్ కుమార్ కాంగ్రెస్‌లో చేరికతో నాటి ఈ నలుగురు ప్రత్యర్థులు నేడు సహచరులయ్యారు.
News July 16, 2024
మెదక్: అన్ని శాఖల అధికారులతో కలెక్టర్ సమావేశం
మెదక్ జిల్లా కలెక్టర్ కార్యాలయాల సముదాయంలోని కలెక్టర్ ఛాంబర్లో ఆర్టీసీ, విద్య, డిఆర్డిఓ, ఆరోగ్య, పంచాయతీ, వ్యవసాయ, పౌరసరఫరా, అటవీశాఖ అధికారులతో జిల్లా కలెక్టర్ రాహుల్ రాజ్ సోమవారం సమీక్ష సమావేశాన్ని నిర్వహించారు. ఈ సందర్భంగా అన్ని శాఖలపై సమీక్ష నిర్వహించారు. పలు విషయాలు అధికారులను నుండి అడిగి తెలుసుకున్నారు. ఆయా శాఖల అధికారులు పాల్గొన్నారు.
News July 15, 2024
చిక్కడపల్లి సెంట్రల్ లైబ్రరీ ఘటనపై హరీశ్ రావు ఫైర్
చిక్కడపల్లి <<13635887>>సెంట్రల్ లైబ్రరీ<<>> వద్ద నిరుద్యోగుల ఆందోళన, పోలీసుల చర్యలపై MLA హరీశ్ రావు స్పందించారు. ‘గ్రూప్స్, DSC అభ్యర్థులు, నిరుద్యోగులపై ప్రభుత్వం ఇంత పాశవికంగా ప్రవర్తించడం దుర్మార్గం. నాడు సిటీ సెంట్రల్ లైబ్రరీకి రాహుల్ గాంధీని తీసుకువెళ్లి ఓట్లు కొల్లగొట్టారు. నేడు అదే లైబ్రరీకి పోలీసులను పంపించి విద్యార్థుల వీపులు పగలగొడుతున్నారు. ఈ ఘటనకు బాధ్యత వహించి సీఎం క్షమాపణ చెప్పాలి’ అని అన్నారు.
News July 15, 2024
మెదక్: పోస్టాఫీసులో 87 ఉద్యోగాలు
10వ తరగతి అర్హతతో BPM/ABPM జాబ్స్ భర్తీ చేయనున్నారు. మెదక్ డివిజన్‌లో 42, సంగారెడ్డి డివిజన్‌లో 45 పోస్టులను పోస్టల్ డిపార్ట్‌‌మెంట్ భర్తీ చేయనుంది. కంప్యూటర్ పరిజ్ఞానం ఉండాలి. ఎంపికైన వారికి BPMకు రూ.12 వేలు+అలవెన్సులు, ABPMకు రూ.10 వేలు+అలవెన్సులు శాలరీ ఇస్తారు. పూర్తి వివరాలకు www.appost.gdsonlineను సంప్రదించవచ్చు. SHARE IT
News July 15, 2024
సంగారెడ్డి: చిన్నారిని అత్యాచారం చేసిన వ్యక్తికి 20 ఏళ్ల జైలు
ఐదు సంవత్సరాల చిన్నారిపై అత్యాచారం చేసిన వ్యక్తికి 20 సంవత్సరాల జైలు శిక్ష విధిస్తూ సంగారెడ్డిలోని ఫోక్సో కోర్టు న్యాయమూర్తి జయంతి సోమవారం తీర్పు ఇచ్చారు. పటాన్ చెరువులోని ఆల్విన్ కాలనీకి చెందిన నవీన్(30) 2018లో పక్కింటి చిన్నారిపై అత్యాచారం చేశారు. నేరం రుజువు కావడంతో నవీన్‌కు 20 సంవత్సరాల జిల్లా శిక్ష, రూ. 20వేల జరిమానా విధిస్తూ జడ్జి తీర్పు ఇచ్చారు. పోలీసులను ఎస్పీ రూపేష్‌ను అభినందించారు.
News July 15, 2024
జహీరాబాద్-తాండూర్ రైల్వే లైన్ సర్వే పూర్తి
2023-24 సంవత్సరంలో కేంద్ర ప్రభుత్వం ప్రవేశపెట్టిన బడ్జెట్‌లో రైల్వే రంగం అభివృద్ధికి తెలంగాణకు ప్రాధాన్యం కల్పించారు. తెలంగాణవ్యాప్తంగా రూ.50,848 కోట్లతో 2,647 కిలోమీటర్ల మేర నూతన లైన్లు విస్తరించేలా ఏర్పాట్లు చేశారు. ఇందులో భాగంగా వికారాబాద్‌ జిల్లా తాండూర్ నుంచి జహీరాబాద్‌కు 75 కిలోమీటర్ల మేర సుమారు రూ.1,350 కోట్లతో కొత్త రైల్వేలైన్ వేయనున్నారు. సర్వే పనులు సైతం పూర్తయ్యాయి.
News July 15, 2024
సిద్దిపేట: బావపై బామ్మర్ది దాడి.. మృతి
బామ్మర్ది దాడిలో బావ మృతిచెందిన ఘటన మేడ్చల్‌ జిల్లాలో జరిగింది. సిద్దిపేట జిల్లా కుకునూరు మం. తిప్పాపురం గ్రామానికి చెందిన రాజు(35) దంపతులు భార్య ఫ్యామిలీతో కలిసి జవహర్‌నగర్‌‌లో ఉంటున్నారు. శనివారం రాత్రి రాజు మద్యం మత్తులో భార్య, అత్తపై చేయి చేసుకున్నాడు. దీంతో బామ్మర్ది చందు పక్కనే ఉన్న చెక్కతో తలపై కొట్టాడు. తీవ్రంగా గాయపడిన రాజును గాంధీ ఆస్పత్రికి తీసుకెళ్లగా చికిత్స పొందుతూ ఆదివారం చనిపోయాడు.
News July 15, 2024
పటాన్‌చెరు MLA పార్టీ మార్పుపై.. జోరుగా చర్చలు
పటాన్‌చెరు MLA మహిపాల్‌రెడ్డి కాంగ్రెస్‌లో చేరనున్నారనే ప్రచారం స్థానికంగా చర్చనీయాంశమైంది. మహిపాల్‌రెడ్డి తన అనుచరులతో కాంగ్రెస్‌లో చేరికపై చర్చ జరపగా ఇందుకు పలువురు ఆసక్తి చూపనట్లు తెలిసింది. మరోవైపు నియోజకవర్గంలో కాంగ్రెస్ నాయకులు ఆయన్ని చేర్చుకోవద్దని అంటున్నారు. స్థానిక కాంగ్రెస్ నేత శ్రీనివాస్‌గౌడ్‌ వర్గం రహస్య సమావేశంతో ఆయన చేరికతో పార్టీ చీలిపోతుందని అభిప్రాయం వ్యక్తం చేసినట్లు తెలిసింది.
News July 15, 2024
ఆదిలాబాద్‌-పటాన్‌చెరు రైల్వే లైన్ సర్వే..
ఆదిలాబాద్‌-పటాన్‌చెరు రైల్వేలైన్ సర్వే పనులు కల్హేర్‌ మండలంలో NH-161 వెంట నిర్వహించారు. మహాదేవుపల్లి, మాసాన్‌పల్లి, దేవునిపల్లి, బాచేపల్లి మీదుగా నిజాంపేట్‌ మీదుగా లైన్ వేయనున్నారు. మొత్తం 317KM రైల్వేలైన్ ఏర్పాటుకు ద.మ రైల్వే అప్పట్లో రూ.5,700 కోట్లు మంజూరు చేసింది. ఇందులో భాగంగా 2వ విడత సర్వే చేస్తున్నారు. దీనికి 12ఏళ్ల క్రితం సర్వే చేయగా.. తిరిగి అదే మార్గంలో సర్వే చేసి గుర్తులు వేస్తున్నారు.
News July 15, 2024
సనాతన ధర్మంలో మహిళలకు అత్యున్నత స్థానం
భారతీయ సనాతన ధర్మంలో మహిళలకు అత్యున్నతమైన స్థానం కల్పించినట్లు ప్రముఖ ఆధ్యాత్మిక వక్త సత్యవాణి పేర్కొన్నారు. సదాశివపేటలో వీరశైవ సమాజం, ఆధ్వర్యంలో శివ పంచాక్షరి జపయజ్ఞ సామూహిక ఇష్ట లింగార్చన మహోత్సవం నిర్వహిస్తున్నారు. సృష్టిలో మహిళా మూర్తులకు ప్రత్యేకమైన స్థానం ఉందన్నారు. సమాజ అధ్యక్షులు చీల మల్లన్న, విశ్వనాథం, శ్రీశైలం, వీరేశం, బసవరాజు పాల్గొన్నారు.
Featured News
Sorry, no posts matched your criteria.