India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News July 15, 2024
సీఎం రేవంత్ రెడ్డికి ఎంపీ రఘునందన్ సూచనలు
సిద్దిపేట అర్బన్ మండలం బక్రీ చెప్యాల శివారులోని బీజేపీ జిల్లా కార్యాలయం వద్ద ఆదివారం బీజేపీ జిల్లా అధ్యక్షులు మోహన్ రెడ్డితో కలిసి మెదక్ ఎంపీ రఘునందన్ రావు మొక్కలు నాటారు. ఈ సందర్భంగా ఎంపీ రఘునందన్ రావు మాట్లాడారు. రాష్ట్ర ముఖ్యమంత్రి రేవంత్ రెడ్డి ఇతర పార్టీ నాయకులను చేర్చుకోవడంపై ఉన్న శ్రద్ధ ప్రజాసమస్యలు, పరిపాలనపై పెడితే బాగుంటుందన్నారు.
News July 14, 2024
మెదక్: బైక్, కారు ఢీకొని ఒకరి మృతి
రామాయంపేటలో హైవే- 44వ వై జంక్షన్ వద్ద రోడ్డు ప్రమాదం జరిగింది. రామాయంపేట నుంచి హైదరాబాద్ వైపు వెళ్తున్న బైక్‌ను వెనుక నుంచి వచ్చిన కారు ఢీకొట్టింది. ఈ ప్రమాదంలో నారాయణఖేడ్‌కు చెందిన రంగమ్మ(70) మృతిచెందగా, బాబురావు అనే వ్యక్తికి గాయాలయ్యాయి. అతన్ని రామాయంపేట ప్రభుత్వ ఆసుపత్రికి తరలించి చికిత్స అందిస్తున్నారు.
News July 14, 2024
సిద్దిపేట పేరు నిలబెట్టారు.. MLAగా గర్వంగా ఉంది: హరీశ్ రావు
పది ఫలితాలు గర్వకారణమని, కన్న తండ్రి లెక్క ఆనందంగా ఉందని మాజీ మంత్రి హరీశ్ రావు అన్నారు. ఎమ్మెల్యే క్యాంపు కార్యాలయంలో 75 మంది విద్యార్థులకు ట్యాబ్‌లు అందజేశారు. మిమ్మల్ని కని పెంచి పెద్ద చేసిన తల్లిదండ్రుల రుణం తీర్చుకునే అవకాశమని, ఈ ఫలితాలను స్ఫూర్తిగా తీసుకొని భవిష్యత్తులో మంచి స్థాయికి చేరుకోవాలని ఆకాంక్షించారు. వరుసగా ఐదు సార్లు అగ్రగామిగా నిలిచి సిద్దిపేట పేరు నిలబెట్టారని అభినందించారు.
News July 14, 2024
సంగారెడ్డిలో రేపు ప్రజావాణి
సంగారెడ్డి కలెక్టర్ కార్యాలయంలో ఈనెల 15న ప్రజావాణి కార్యక్రమాన్ని నిర్వహిస్తున్నట్లు కలెక్టర్ వల్లూరు క్రాంతి ఆదివారం తెలిపారు. ఉదయం 10:30 నుంచి మధ్యాహ్నం 1:30 గంటల వరకు ప్రజల నుంచి నేరుగా సమస్యలపై వినతి పత్రాలను స్వీకరిస్తామని చెప్పారు. సమస్యలను అక్కడికక్కడే పరిష్కరించేలా అధికారులు చర్యలు తీసుకుంటారని పేర్కొన్నారు.
News July 14, 2024
ప్రతి పారిశ్రామికవాడలో ఈఎస్ఐ ఆసుపత్రి నిర్మించాలి: బీఎంఎస్
కనీసం పెన్షన్లు రూ.5000లకు పెంచాలని కేంద్ర కార్మిక శాఖ మంత్రి మన్‌సుక్ మాండవియాకు ఆదివారం న్యూఢిల్లీలో జాతీయ బీఎంఎస్ ప్రతినిధులు తెలిపారని జిల్లా కార్యదర్శి పి. మోహన్ రెడ్డి సంగారెడ్డిలోని జిల్లా కార్యాలయంలో తెలిపారు. సీలింగ్ పెంపు వల్ల అధిక సంఖ్యలో కార్మికులకు పథకాలు వర్తిస్తాయని, ప్రతి పారిశ్రామిక వాడలో వంద పడకల ఈఎస్ఐ హాస్పిటల్ నిర్మించాలని మంత్రి దృష్టికి తీసుకెళ్లారని వారు చెప్పారు.
News July 14, 2024
మెదక్: ఆన్‌లైన్ ట్రేడింగ్ పేరిట భారీ మోసం
సైబర్ నేరగాళ్ల వలలో ఓ సాఫ్ట్‌వేర్ ఉద్యోగి మోసపోయిన ఘటన అమీన్‌పూర్ PS పరిధిలో జరిగింది. పోలీసుల వివరాలు.. అమీన్‌పూర్ పరిధిలోని గ్రీన్‌ విడోస్‌కు చెందిన ఓ సాఫ్ట్‌వేర్ ఉద్యోగికి మే 19న ఆన్‌లైన్ ట్రేడింగ్‌కు సంబంధించిన మెసేజ్ వచ్చింది. లింక్ ఓపెన్ చేసి రూ.6.49లక్షలు ఇన్వెస్ట్ చేశాడు. తాను పెట్టిన నగదుతో పాటు లాభాలు ఇవ్వాలని అడగ్గా స్పందించలేదు. మోసపోయానని గ్రహించి పోలీసులకు ఫిర్యాదు చేశాడు.
News July 14, 2024
తూప్రాన్: ఇంటర్ విద్యార్థిని సూసైడ్
తూప్రాన్ మండలం దాతర్‌పల్లిలో ఇంటర్ విద్యార్థిని ఉరేసుకుని ఆత్మహత్య చేసుకుంది. స్థానికుల వివరాలు.. బోసమైన గాయత్రి(17) గజ్వేల్ మోడల్ స్కూల్లో ఇంటర్ ద్వితీయ సంవత్సరం చదువుతోంది. మొదటి సంవత్సరంలో ఫెయిల్ కావడంతో నిన్న రాత్రి ఉరేసుకుని ఆత్మహత్య చేసుకుంది. స్కూల్ బ్యాగ్‌లో వెతకగా టీసీ కనిపించడంతో ఫెయిలైన కారణంగా ఆత్మహత్య చేసుకున్నట్లుగా అనుమానిస్తున్నారు. పూర్తి వివరాలు తెలియాల్సి ఉంది.
News July 14, 2024
సిద్దిపేట నుంచి అరుణాచలగిరి ప్రదక్షిణకు ప్రత్యేక బస్సు
సిద్దిపేట నుంచి ఈనెల 19న సాయంత్రం 4 గంటలకు అరుణాచలగిరి ప్రదక్షిణకు ప్రత్యేక సూపర్ లగ్జరీ బస్సు ఏర్పాటు చేసినట్లు డీఎం సుఖేందర్‌రెడ్డి తెలిపారు. కాణిపాకం, వేలూరు శ్రీ మహాలక్ష్మి గోల్డెన్ టెంపుల్, పౌర్ణమి రోజున అరుణాచలగిరి ప్రదక్షిణ, 22న జోగులాంబ శక్తిపీఠం దర్శనం ఉంటుందని వివరించారు.
News July 13, 2024
ఒకటో తేదీ చెల్లింపులు ఉత్త మాట: హరీశ్రావు
ఒకటో తేదీనే ప్రభుత్వ ఉద్యోగులకు వేతనాలు చెల్లిస్తున్నట్లు గొప్పలు చెప్పుకుంటున్న కాంగ్రెస్ ప్రభుత్వం, ఆచరణలో మాత్రం అలసత్వం ప్రదర్శిస్తుందని హరీశ్రావు పేర్కొన్నారు. దీంతో ఒకటో తేదీన వేతనాలు చెల్లిస్తున్నామన్న మాటలు కేవలం పత్రికా ప్రకటనలకు మాత్రమే పరిమితం అవుతున్నాయ‌ని తెలిపారు. మోడల్ స్కూల్ టీచర్ల‌కు గత 7 నెలల నుంచి ఏ నెలలో కూడా 1వ తేదీన వేతనాలు చెల్లించలేదని మండిపడ్డారు.
News July 13, 2024
మెదక్: ఆరుక్వింటాళ్ల నకిలీ అల్లం, వెల్లుల్లి పేస్టు స్వాధీనం
కంది మండలం జుల్కల్‌లో ఆరు క్వింటాళ్ల నకిలీ అల్లం, వెల్లుల్లి పేస్టును స్వాధీనం చేసుకున్నట్లు రూరల్ సీఐ అశోక్ తెలిపారు. కంది మండలం ఇంద్రకరణ్ పోలీస్‌స్టేషన్లో శనివారం విలేకరుల సమావేశంలో మాట్లాడారు. ఇంద్రకరణ్ ఎస్ఐ విజయ్ కుమార్, ఫుడ్ ఇన్‌స్పెక్టర్ ధర్మేందర్ తనిఖీల్లో నకిలీ అల్లం వెల్లుల్లి పేస్టు బయటపడినట్లు చెప్పారు. నకిలీ అల్లం పేస్టును సీజ్ చేసినట్లు తెలిపారు.
Featured News
Sorry, no posts matched your criteria.