India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News June 19, 2024
మెదక్: సమస్యలు పరిష్కారించాలని MPకి వినతి
ఉమ్మడి జిల్లాలోని జర్నలిస్టుల సమస్యల పరిష్కారానికి కృషి చేయాలని బుధవారం తెలంగాణ జర్నలిస్ట్ యూనియన్ రాష్ట్ర అధ్యక్షుడు కప్పర ప్రసాద్ రావు ఎంపీ రఘునందన్ రావును కలిసి కోరారు. ఎంపీగా గెలిచిన రఘునందన్ రావును ప్రసాదరావు మర్యాదపూర్వకంగా కలిసారు. శాలువా కప్పి అభినందనలు తెలిపి మాట్లాడుతూ.. ప్రజల గొంతుకగా ఎంపీ పార్లమెంట్లో వాణి వినిపించి ఉమ్మడి జిల్లా ప్రజల సమస్యలు పరిష్కరిస్తారన్న నమ్మకం ఉందన్నారు.
News June 19, 2024
సంగారెడ్డి: కిసాన్ సాగర్ చెరువులో యువకుడి మృతదేహం
సంగారెడ్డి జిల్లా కంది సమీపంలోని కిసాన్ సాగర్ చెరువులో గుర్తుతెలియని యువకుడి మృతదేహం లభ్యమైంది. స్థానికుల సమాచారంతో ఘటనా స్థలానికి రూరల్ ఎస్సై వినయ్ కుమార్ చేరుకొని క్లూస్ టీమ్ ఆధారంగా వివరాలను సేకరిస్తున్నారు. మృతుడి వయసు 22 నుంచి 25 ఏళ్ల మధ్య ఉంటుందన్నారు. కాగా మృతుడు ఎవరు..?, మృతికి గల కారణాలు తెలియాల్సి ఉందన్నారు. ఎవరికైనా మృతుడి వివరాలు తెలిస్తే చెప్పాలని ఎస్సై కోరారు.
News June 19, 2024
గుమ్మడిదల: కోళ్ల ఫారంలో అల్ఫాజోలం తయారీ
సంగారెడ్డి జిల్లా గుమ్మడిదల మండలం కొత్తపల్లి గ్రామంలోని ఓ కోళ్లఫారంలో అల్ఫాజోలం తయారీ చేస్తున్న కేంద్రంపై జిల్లా SP రూపేష్, టీఎస్ న్యాబ్, గుమ్మడిదల పోలీసులు దాడి చేశారు. గ్రామానికి చెందిన పలువురు ఆరు నెలలుగా మత్తు పదార్థాలైన అల్ఫాజోలం తయారు చేస్తున్నట్లు పోలీసులు తెలిపారు. రూ.40లక్షల విలువైన 2.60 లక్షల విలువైన అల్ఫాజోలం, రూ.60లక్షలు విలువైన ముడి పదార్ధాలను స్వాధీనం చేసుకున్నట్లు SP తెలిపారు.
News June 19, 2024
హుస్నాబాద్‌లో హత్య UPDATE
హుస్నాబాద్(M) కూచన్‌పల్లి వాసి నరసయ్య(55)ను <<13461790>>హత్య<<>> చేసిన విషయం తెలిసిందే. SI మహేశ్ వివరాలు.. నర్సయ్య సామగ్రి ఏరుకుంటూ విక్రయించేవాడు. మద్యానికి బానిసై రోజు భార్యాభర్తల మధ్య గొడవలు జరిగేవి. సోమవారం రాత్రి అతని భార్య లేచి చూసేసరికి రక్తపు మడుగులో చనిపోయి ఉన్నాడు. సమాచారం అందుకున్న పోలీసులు గ్రామస్థులతో మాట్లాడి నర్సయ్య భార్య, తమ్ముడి కుమారుడిని అదుపులోకి తీసుకుని విచారిస్తున్నట్లు పోలీసులు తెలిపారు.
News June 19, 2024
నార్సింగి: వాన లేక.. అన్నదాత ఆందోళన
వర్షాకాలం మొదలై 17 రోజులైనా ఆశించిన స్థాయిలో చినుకు లేక రైతులకు నిరాశే ఎదురైంది. తొలకరి వర్షాలకు దుక్కులు దున్ని, విత్తనాలు ఎరువులను సమకూర్చుకున్నారు. ఉమ్మడి జిల్లా వ్యాప్తంగా 37,321 ఎకరాల్లో పత్తి సాగు చేస్తారని అధికారులు అంచనా. ఇప్పటికి 9500 ఎకరాల్లో మాత్రమే సాగయింది. అందులో సగం కూడా మొలకెత్తలేదు. పరిస్థితి ఇలాగే ఉంటే మళ్లీ విత్తనాలు వేసుకోవాల్సి వస్తుందని రైతులు ఆవేదన వ్యక్తం చేస్తున్నారు.
News June 19, 2024
మెదక్: మంత్రుల పర్యటనకు ఏర్పాట్లు పూర్తి
నర్సాపూర్ నియోజకవర్గంలో రేపు జరిగే మంత్రుల పర్యటనకు ఏర్పాట్లు పూర్తి చేసినట్లు జిల్లా కలెక్టర్ రాహుల్ రాజ్ తెలిపారు. ఆయన మాట్లాడుతూ అటవీ, పర్యావరణ, దేవాదాయ ధర్మాదాయ శాఖ మంత్రి కొండా సురేఖ, వైద్యారోగ్య, కుటుంబ సంక్షేమ శాఖ మంత్రి దామోదర్ రాజనర్సింహా బుధవారం ఉదయం 11 గంటల నుంచి వివిధ కార్యక్రమాల్లో పాల్గొంటారని పేర్కొన్నారు. ఈ పర్యటనను విజయవంతం చేయడానికి అధికారులు ఏర్పాట్లు పూర్తిచేసినట్లు తెలిపారు.
News June 18, 2024
MDK: ‘RRR’@ రూ.31 వేల కోట్లు..!
HYD రీజినల్ రింగ్ రోడ్డు నిర్మాణ పనులకు అడుగులు వేగంగా పడుతున్నాయి. ఉత్తర, దక్షిణ భాగాలుగా నిర్మించే దీనికి అయ్యే మొత్తం వ్యయంపై అధికారులు ఒక అంచనాకు వచ్చారు. 2 భాగాలు కలిపి మొత్తం 350 కిలోమీటర్ల మేర నిర్మాణం కానున్నట్లు లెక్కగట్టారు. తొలుత నిర్మాణం చేపట్టే ఉత్తర భాగం రహదారికి ఆగస్టు రెండో వారంలో టెండర్లకు వెళ్లాలని నిర్ణయించారు. దక్షిణ భాగం అలైన్‌మెంట్‌పై NHAI అధికారులు చర్చలు జరుపుతున్నారు.
News June 18, 2024
హుస్నాబాద్‌లో కలకలం సృష్టించిన దారుణ హత్య.!
హుస్నాబాద్ మండలంలోని కూచన‌పల్లి గ్రామంలో జరిగిన హత్యోదంతం కలకలం రేపుతోంది. పోలీసుల వివరాలు.. గ్రామానికి చెందిన గీకురు నరసయ్య(55)ను ఇంట్లో నిద్రిస్తుండగా గుర్తు తెలియని వ్యక్తులు <<13460973>>గోడ్డలి<<>>తో నరికారు. భూ తగాదాల వల్ల జరిగిందా? లేక ఇంకేమైనా కారణాలతో హత్య చేశారనే కోణంతో పోలీసులు విచారణ చేపట్టారు. స్థానికుల సమాచారంతో పోలీసులు కేసు నమోదు చేసుకుని, పలు కోణాల్లో దర్యాప్తు చేస్తున్నారు.
News June 18, 2024
BREAKING: సిద్దిపేట జిల్లాలో హత్య..
సిద్దిపేట జిల్లా హుస్నాబాద్ మండలం కంచన్‌పల్లిలో దారుణ ఘటన చోటు చేసుకుంది. ఇంట్లో నిద్రిస్తున్న నరసయ్య (55)ను గుర్తు తెలియని వ్యక్తులు గొడ్డలితో నరికి చంపేశారు. స్థానికుల ద్వారా విషయం తెలుసుకున్న పోలీసులు హుటాహుటిన ఘటన స్థలానికి చేరుకున్నారు. ఈ ఘటనపై విచారణ చేపట్టారు. పూర్తి వివరాలు తెలియాల్సి ఉంది.
News June 18, 2024
సిద్దిపేట: జూన్ 24న జాబ్ మేళా
రాష్ట్ర ప్రభుత్వం ఆధ్వర్యంలో జూన్ 24న హుస్నాబాద్ వేదికగా జాబ్ మేళా నిర్వహించనున్నట్లు ప్రకటన విడుదల చేసింది. 60కి పైగా కంపెనీల్లో 5వేల ఉద్యోగాల కోసం అర్హులైన అభ్యర్థులనుంచి దరఖాస్తులు స్వీకరించనుంది. తిరుమల గార్డెన్స్ అండ్ ఫంక్షన్ హాల్‌లో జరిగే ఈ జాబ్ మేళాలో 18-35 ఏళ్ల వయసు గల నిరుద్యోగ యువతకు అవకాశం కల్పించింది. వివరాలకు 9642333667, 6300670339 నంబర్లను సంప్రదించాలని సూచించింది.
Featured News
Sorry, no posts matched your criteria.