India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News June 3, 2024
RTV Survey: మెదక్, ZHBలో BJP గెలుపు!
తెలంగాణ లోక్‌సభ ఎన్నికల ఫలితాల సందర్భంగా RTV Survey తాజాగా వివరాలు వెల్లడించింది. రాష్ట్రంలో BJP-10, INC-6, BRS-0, MIM- ఒక స్థానంలో గెలిచే అవకాశం ఉన్నట్లు తెలిపింది. మెదక్, జహీరాబాద్‌లో BJP గెలవబోతున్నట్లు RTV Survey పేర్కొంది. మెదక్, జహీరాబాద్‌లో కాంగ్రెస్, BRS ఖాతా తెరవదని అంచనా వేసింది. దీనిపై మీ కామెంట్?
News June 3, 2024
వెంకట్రామిరెడ్డి.. రఘునందన్.. నీలం మధు.. వీరిలో మన MP ఎవరు?
లోక్‌సభ ఎన్నికల ఫలితాలు రేపే వెలువడనుండడంతో మెదక్ ఎంపీ స్థానంపై సర్వత్రా ఆసక్తి నెలకొంది. ఇక్కడ BRS నుంచి వెంకట్రామిరెడ్డి, కాంగ్రెస్ నుంచి నీలం మధు, BJP నుంచి రఘునందన్ రావు పోటీలో ఉన్నారు. కాగా మెదక్‌లో BRS, కాంగ్రెస్ మధ్య టఫ్ పైట్ ఉందని సర్వేల్లో వెల్లడవగా త్రిముఖ పోటీ ఉంటుందని స్థానిక నేతలు అంటున్నారు. KCR, హరీశ్ రావు సొంత ఇలాకా కావడంతో ఈ స్థానం ఫలితంపై తీవ్ర ఉత్కంఠ నెలకొంది.
News June 3, 2024
పటాన్‌చెరులో యువకుడి మృతి
క్వారీ గుంతలో ఈతకు వెళ్లిన యువకుడు మృతిచెందిన ఘటన పటాన్‌చెరు అమీన్‌పూర్ PS పరిధిలో జరిగింది. పోలీసులు తెలిపిన వివరాలు.. కిష్టారెడ్డిపేటలో ఉంటున్న అరుణ్(22) స్నేహితులతో కలిసి దాయెరలోని క్వారీ గుంతలోని నీటిలో ఈత కొట్టడానికి వెళ్లాడు. నీటిలోకి వెళ్లిన అరుణ్ పైకిరాలేదు. చీకటి పడుతున్న పైకి రాకపోవడంతో ఇంటికెళ్లి తల్లి ఉమకు సమాచారమిచ్చారు. ఆదివారం పోలీసులు పరిశీలించగా మృతదేహం కనిపించింది.
News June 3, 2024
సంగారెడ్డి: ‘నేటి నుంచి జరిగే బడిబాట వాయిదా’
సంగారెడ్డి జిల్లాలో నేటి నుంచి ప్రభుత్వ పాఠశాలలో జరగాల్సిన బడి బాట కార్యక్రమాన్ని ప్రభుత్వ వాయిదా వేసిందని జిల్లా విద్యాధికారి వెంకటేశ్వర్లు సోమవారం తెలిపారు. ఈ సందర్భంగా ఆయన మాట్లాడుతూ తిరిగి బడి బాట ఎప్పుడు నిర్వహించాలనేది ప్రభుత్వం త్వరలోనే తేదీలను ప్రకటించనుందని పేర్కొన్నారు.
News June 3, 2024
జహీరాబాద్ ఓట్ల లెక్కింపు.. 98 టేబుళ్లు- 145 రౌండ్లు
జహీరాబాద్ ఎంపీ ఓట్ల లెక్కింపునకు గీతం వర్సిటీలో మొత్తం 98 టేబుళ్లు- 145 రౌండ్లను ఏర్పాటు చేశారు. పోలింగ్ కేంద్రాల సంఖ్య తక్కువగా ఉన్న జుక్కల్, బాన్సువాడ, కామారెడ్డి సెగ్మెంట్లల్లో లెక్కింపు ప్రక్రియ తొలుత పూర్తి కానుంది. చివరిలో అందోల్, జహీరాబాద్ ఫలితాలు తేలనున్నాయి. అందోల్, జహీరాబాద్‌లో 23 రౌండ్లలో లెక్కింపు కారణంగా 5:30గ.కు పైగా సమయం పట్టనుంది. విజేత ఎవరో మధ్యాహ్నం తెలిసే అవకాశం ఉంది.
News June 3, 2024
సంగారెడ్డి: డ్రగ్స్ దందా.. భార్యాభర్తలు అరెస్ట్
వెస్ట్ బెంగాల్ నుంచి వచ్చి డ్రగ్స్ దందా చేస్తున్న భార్యాభర్తలను HYD పాతబస్తీ పరిధి హుమాయున్ నగర్ పోలీసులు అరెస్టు చేశారు. వారి నుంచి కిలో 100 గ్రా. గంజాయిని స్వాధీనం చేసుకున్నట్లు ఇన్‌స్పెక్టర్ సైదీశ్వర్ తెలియజేశారు. వెస్ట్ బెంగాల్‌కు చెందిన సిరాజ్ ఖాన్, రింకు డోలాయి భార్యాభర్తలు. సిరాజ్ ఖాన్ సంగారెడ్డి జిల్లా ముత్తంగి హోటల్‌లో పనిచేస్తున్నాడు. వీరు మెహదీపట్నంలో గంజాయి విక్రయిస్తూ పట్టుబడ్డారు.
News June 3, 2024
MDK: నేటి నుంచి టెన్త్ అడ్వాన్స్డ్ సప్లిమెంటరీ
నేటి నుంచి 13వ తేదీ వరకు పదో తరగతి అడ్వాన్స్డ్ సప్లి మెంటరీ పరీక్షలు జరుగనున్నాయి. జిల్లాలో 783 మంది విద్యార్థులు పరీక్ష రాయనున్నారు. మెదక్ లోని ప్రభుత్వ బాలికలు, బాలుర ఉన్నత పాఠశాలల్లో పరీక్షా కేంద్రాలు ఏర్పాటు చేశారు. ఉదయం 9.30 నుంచి మధ్యాహ్నం 12.30 గంటల వరకు పరీక్ష నిర్వహించనున్నారు. హాల్ టికెట్లను www.bse.telanganaa.gov.in నుంచి డౌన్లోడ్ చేసుకోవాలి.
News June 3, 2024
మెదక్ పార్లమెంట్: 103 టేబుళ్లు.. 147 రౌండ్లు
మెదక్ లోక్‌సభలో 103 టేబుళ్లపై ఈవీఎంల్లో నిక్షిప్తమైన ఓట్ల లెక్క తేలనుంది. మెదక్, సిద్దిపేట సెగ్మెంట్లు 14 టేబుల్స్ -20 రౌండ్లు, నర్సాపూర్ 14 టేబుల్స్ -22 రౌండ్లు, దుబ్బాక 14 టేబుల్స్- 19 రౌండ్లు, గజ్వేల్ 15 టేబుల్స్- 22 రౌండ్లు, పటాన్‌చెరు 18 టేబుల్స్- 23 రౌండ్లు, సంగారెడ్డి 14 టేబుల్స్- 21 రౌండ్లు, పోస్టల్ బ్యాలెట్ 18 టేబుల్స్- 2 రౌండ్లలో లెక్కిస్తారు. 650మందితో పోలీస్ బందోబస్తు చేస్తున్నారు.
News June 3, 2024
మెదక్: సిబ్బందికి 2వ రాండమైజేషన్ పూర్తి
లోక్ సభ ఓట్ల లెక్కింపు సిబ్బంది రెండవ రాండమైజేషన్ కలెక్టర్ ఛాంబర్లో పూర్తి చేశారు. సాధారణ ఎన్నికల పరిశీలకులు, కౌంటింగ్ అబ్జర్వర్ల సమక్షంలో కలెక్టర్ రాహుల్ రాజ్ 7 నియోజక వర్గాల కౌంటింగ్ సిబ్బంది, పోస్టల్ బ్యాలెట్ కౌంటింగ్ సిబ్బందిని, కౌంటింగ్ సూపర్ వైజర్స్, మైక్రో అబ్జర్వర్స్ సిబ్బందిని కేటాయించారు. ఈ కార్యక్రమంలో అదనపు కలెక్టర్ వెంకటేశ్వర్లు, ఆర్డీవో రమాదేవి ఉన్నారు.
News June 2, 2024
MDK:ఎగ్జిట్ పోల్స్.. బీజేపీలో జోష్..!
ఎగ్జిట్ పోల్స్ అనుకూలంగా రావడంతో మెతుకుసీమ బీజేపీ శ్రేణుల్లో జోష్ నింపింది. పలు సర్వేలు మెదక్, జహీరాబాద్ పరిధిలో బీజేపీ గెలుస్తుందని చెప్పడంతో నాయకులు మందస్తు సంబరాలు చేసుకుంటున్నారు. మెదక్ నుంచి రఘునందన్ రావు, జహీరాబాద్ నుంచి బీబీ పాటిల్ పోటీలో ఉన్నారు. కొన్ని సర్వేలు మెదక్‌లో ముక్కోణపు పోటీ ఉంటుందని, జహీరాబాద్‌లో కాంగ్రెస్, బీజేపీ మధ్య పోటీ ఉంటుందని పేర్కొన్న విషయం తెలిసిందే.
Featured News
Sorry, no posts matched your criteria.