India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News July 10, 2024
గంగాపూర్: అంబులెన్స్‌లో ప్రసవం..
హవేలి ఘనపూర్ మండలంలోని గంగాపూర్ గ్రామానికి చెందిన మన్నె మల్లేశం భార్య కల్పనకు పురిటి నొప్పులు రాగా అంబులెన్స్‌కు సమాచారం తెలిపారు. మెదక్ MCH ఆసుపత్రికి తరలిస్తుండగా మార్గం మధ్యలో నొప్పులు ఎక్కువ కాగా EMT శ్రీహరి డెలివరీ చేశారు. ఆయన మాట్లాడుతూ.. తల్లి, బిడ్డలు క్షేమంగా ఉన్నట్లు తెలిపారు. వారిని మెదక్ ఆస్పత్రిలో అడ్మిట్ చేసినట్లు పేర్కొన్నారు. పైలెట్ శంకర్ గౌడ్ తదితరులు పాల్గొన్నారు.
News July 10, 2024
ప్రజా సమస్యలపై నిరంతరం పోరాటం చేస్తా: మాజీ ఎంపీ
గెలుపు ఓటములతో సంబందం లేకుండా ప్రజల సమస్యల పరిష్కారానికై పోరాడుతానని మాజీ ఎంపీ బీబీ పాటిల్ అన్నారు. జహీరాబాద్ పార్లమెంట్ బీజేపీ అభ్యర్ధిగా నా విజయం కోసం శక్తివంచన లేకుండా అహర్నిశలు కష్టపడి పని చేసిన పార్టీ నాయకులకు, కార్యకర్తలకు, నాపై నమ్మకంతో ఓట్లు వేసిన జహీరాబాద్ పార్లమెంట్ ప్రజలకు ధన్యావాదాలు తెలిపారు. కార్యకర్తలకు ఏ సమస్యా వచ్చిన అండగా ఉంటానని హామీ ఇచ్చారు.
News July 10, 2024
మెదక్: పశువుపై చిరుత దాడి
రామాయంపేట మండలం ఝాన్సీ లింగాపూర్ గ్రామ శివారులోని వ్యవసాయ పొలాల వద్ద చిరుత పులి సంచరిస్తుందని రైతులు తెలిపారు. గత రాత్రి గ్రామానికి చెందిన ఇప్ప రాజు అనే రైతుకు చెందిన వ్యవసాయ పొలం వద్ద పశువుపై చిరుత పులి దాడి చేసి చంపేసింది. ఉదయం పొలం వద్దకు వెళ్ళిన రైతులు పశువును చూసి ఫారెస్ట్ అధికారులకు ఫిర్యాదు చేశారు. చిరుత పులి సంచారంపై స్థానికులు భయాందోళన గురవుతున్నారు.
News July 10, 2024
సిద్దిపేట: విద్యార్థులు లేక మూతపడిన పాఠశాలలు
అక్కన్నపేట మండలంలో విద్యార్థులు లేకపోవడంతో 11 పాఠశాలలు మూతపడ్డాయి. ఆయా పాఠశాలలకు చెందిన ఉపాధ్యాయులను ఇతర పాఠశాలకు డిప్యూటేషన్ చేశారు. విద్యార్థులు లేకపోవడంతో కొన్ని, గౌరవెల్లి ప్రాజెక్టులో ముంపునకు గురి అవ్వడంతో కొన్ని పాఠశాల మూతపడ్డాయి. గుడాటిపల్లి, సోమాజితండా, తెనుగుపల్లి, గౌరవెల్లి, పంచరాయితండా, దేవానాయక్ తాండ, బంగారులొద్ది తాండ, చౌటకుంట తండా, రంగన్న కుంట పాఠశాలలు మూతపడ్డాయి.
News July 10, 2024
సంగారెడ్డి: ప్రతిరోజు మధ్యాహ్న భోజన వివరాలను పంపాలి
ప్రభుత్వ పాఠశాలల్లో మధ్యాహ్న భోజన వివరాలను ప్రతిరోజు ప్రధానోపాధ్యాయులు వెబ్‌సైట్‌లో నమోదు చేయాలని డీఈవో వెంకటేశ్వర్లు ఆదేశించారు. ఈనెల 10 నుంచి ప్రతి రోజు ఫోటో తప్పనిసరిగా పంపాలని చెప్పారు. విద్యార్థి పూర్తి వివరాలను నమోదు చేయాలని పేర్కొన్నారు. నిబంధనలు పాటించని ప్రధానోపాధ్యాయులకు మెమో జారీ చేస్తామని తెలిపారు.
News July 10, 2024
సంగారెడ్డి: ‘ప్రతిభతో ఉద్యోగాలు సాధించాలి’
ప్రస్తుత పోటీ ప్రపంచంలో ప్రతిభ కనబరిచిన వారికే ఉద్యోగావకాశాల సాధ్యమని జిల్లా గ్రామీణ అభివృద్ధి అధికారి జ్యోతి పేర్కొన్నారు. మంగళవారం సంగారెడ్డిలోని జిల్లా సమాఖ్య కార్యాలయంలో ఏర్పాటు చేసిన ఉద్యోగ మేళాను ఆమె ప్రారంభించారు. చదువుతో పాటు నైపుణ్యాలను పెంపొందించుకునేందుకు ప్రాధాన్యత ఇవ్వాలని సూచించారు. కార్యక్రమంలో డీపీఎం కొమురయ్య, తదితరులు పాల్గొన్నారు.
News July 10, 2024
లింగ నిర్ధారణ పరీక్షలు చేస్తే కఠిన చర్యలు: కలెక్టర్
లింగ నిర్ధారణ పరీక్షలు చేస్తే కఠిన చర్యలు తప్పవని సంగారెడ్డి జిల్లా కలెక్టర్ వల్లూరు క్రాంతి హెచ్చరించారు. కలెక్టరేట్లో లింగ నిర్ధారణ చట్టం పైన జిల్లాస్థాయి మల్టీ మెంబర్ కమిటీ సమావేశం నిర్వహించారు. లింగ నిర్ధారణ పరీక్షలు నిర్వహిస్తే 3 నుంచి 5 ఏళ్ల జైలు శిక్ష, రూ. లక్ష వరకు జరిమానా వేయనున్నట్లు తెలిపారు.
News July 9, 2024
MDK: వే2న్యూస్ ఎఫెక్ట్.. ఫుడ్ పాయిజన్ ఘటనపై చర్యలు
రామాయంపేట మండలం కోమటిపల్లి మోడల్ స్కూల్‌లో <<13593942>>ఫుడ్ పాయిజన్<<>> ఘటనపై విద్యాశాఖ చర్యలు చేపట్టింది. ‘ఫుడ్ పాయిజన్.. విద్యార్థులకు అస్వస్థత’ అని Way2Newsలో వచ్చిన కథనంపై పాఠశాల విద్య డైరెక్టర్ నరసింహారెడ్డి స్పందించారు. ఈ ఘటనలో నలుగురిపై చర్యలు తీసుకున్నట్లు ప్రెస్ నోట్ విడుదల చేశారు. వంట మనిషి, సహాయకులను వీధుల నుంచి తొలగిస్తూ, కేర్ టేకర్, హాస్టల్ ప్రత్యేక అధికారికి షోకాజ్ నోటీసులు జారీ చేశారు.
News July 9, 2024
లింగ నిర్ధారణ పరీక్షలు చేస్తే కఠిన చర్యలు: కలెక్టర్ క్రాంతి
ఆసుపత్రుల్లో లింగ నిర్ధారణ పరీక్షలు చేస్తే కఠిన చర్యలు తీసుకుంటామని కలెక్టర్ క్రాంతి హెచ్చరించారు. సంగారెడ్డి కలెక్టర్ కార్యాలయంలో జిల్లాస్థాయి మల్టీ మెంబర్ కమిటీ సమావేశం మంగళవారం నిర్వహించారు. లింగ నిర్ధారణ పరీక్షలకు పాల్పడితే లక్ష జరిమానాలతో పాటు ఐదు సంవత్సరాలు జైలు శిక్ష విధిస్తారని చెప్పారు. సమావేశంలో ఎస్పీ రూపేష్, వైద్యశాఖ అధికారులు, తదితరులు పాల్గొన్నారు.
News July 9, 2024
మెదక్: గట్టు పంచాయితీ.. కట్టేసి కొట్టారు !
కొల్చారం మండలం సంగాయి పేట గ్రామంలో ఇరువు వర్గాల మధ్య గట్టు పంచాయితీ తలెత్తింది. మాట మాట పెరిగి ఘర్షణ జరగడంతో ఒకరి తలకు తీవ్రంగా గాయం కాగా రక్తస్రావమైంది. మరొకరిని రేకుల షెడ్డు పైపుకు తాడుతో కట్టేసి కొట్టినట్లు స్థానికులు తెలిపారు. సమాచారం అందుకున్న కుల్చారం పోలీసులు ఘటనా స్థలానికి వెళ్లారు. ఈ ఘటనపై పూర్తి వివరాలు తెలియాల్సి ఉంది.
Featured News
Sorry, no posts matched your criteria.