India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News July 2, 2024
సిద్దిపేట: ఉత్తమ ఉపాధ్యాయ అవార్డులకు దరఖాస్తుల ఆహ్వానం
జిల్లాలోని ప్రభుత్వ పాఠశాలలో విధులు నిర్వహిస్తున్న ఉపాధ్యాయుల నుంచి జాతీయ ఉత్తమ ఉపాధ్యాయ అవార్డుల కోసం దరఖాస్తులు ఆహ్వానిస్తున్నట్టు డీఈఓ శ్రీనివాసరెడ్డి తెలిపారు. ఆసక్తి కలిగిన ఉపాధ్యాయులు ఈనెల 15లోగా ఆన్లైన్లో దరఖాస్తులు చేసుకోవాలని సూచించారు. అనంతరం వాటి జీరాక్స్ ఈనెల 17లోగా జిల్లా విద్యాశాఖ కార్యాలయంలో అందజేయాలని సూచించారు.
News July 2, 2024
సిద్దిపేట: ‘మాకు ఇచ్చే డబ్బులు మా పిల్లలకైనా ఇవ్వండి’
‘మాకు ఇచ్చే డబ్బులు మా పిల్లలకైనా ఇవ్వండి’ అంటూ చనిపోయిన తల్లిదండ్రుల పేరిట ఫ్లెక్సీని సిద్దిపేట జిల్లా దూళిమిట్టలో ఏర్పాటు చేశారు. కరుణాకర్-దివ్య దంపతులు వ్యవసాయం, కిరాణ షాపు నడుపుతూ జీవించేవారు. 4ఏళ్ల క్రితం కరెంట్ షాక్‌తో కరుణాకర్ చనిపోగా మనోవేదనతో దివ్య మృతితో పిల్లలు అనాథలయ్యారు. దీంతో షాపులో సరకులు ఉద్దెర, అప్పుగా తీసుకున్న డబ్బు ఇవ్వాలని పిల్లల పేరిట ఫ్లెక్సీని బాబాయ్ ఏర్పాటు చేశారు.
News July 2, 2024
ముగిసిన బదిలీలు, పదోన్నతులు
ఉమ్మడి జిల్లాలో ఉపాధ్యాయులు ఏళ్లుగా ఎదురుచూస్తున్న బదిలీలు, పదోన్నతుల ప్రక్రియ సుదీర్ఘ విరామం తర్వాత పూర్తైంది. సంగారెడ్డి జిల్లాలో 915 మందికి పదోన్నతి దక్కగా.. 2267 మందికి స్థాన చలనం కలిగింది. సిద్దిపేట జిల్లాలోని మొత్తం 980 పాఠశాలల్లో 4136 మంది టీచర్లు పనిచేస్తున్నారు. వీరిలో 622 మందికి పదోన్నతి, 1032 మంది బదిలీ అయ్యారు. ఈ ప్రక్రియ పూర్తి పారదర్శకంగా జరిగిందని DEOలు అన్నారు.
News July 2, 2024
ఉత్తమ ఉపాధ్యాయ అవార్డులకు దరఖాస్తుల ఆహ్వానం
మెదక్: ఉపాధ్యాయ దినోత్సవాన్ని పురస్కరించుకుని జాతీయస్థాయి ఉత్తమ ఉపాధ్యాయ అవార్డులు – 24కు హెచ్ఎం, టీచర్లు ఈనెల 10లోగా http://national award teachers, education. gov.in వెబ్‌సైట్‌లో దరఖాస్తు చేసుకోవాలని డీఈవో రాధాకిషన్ తెలిపారు. దరఖాస్తు ప్రతుల రెండు సెట్లను సంబంధిత యాజమాన్యాల ద్వారా ఈనెల 10వ తేదీలోగా డీఈవో కార్యాలయంలో అందజేయాలని సూచించారు.
News July 2, 2024
ఇంటికి వెళ్లేందుకు దారి ఇవ్వాలని ప్రజావాణిలో ఫిర్యాదు
తమకు ఇంటికి వెళ్లేందుకు దారి ఇవ్వాలంటూ నిరుపేద మహిళ కలెక్టర్‌కు ప్రజావాణిలో వినతిపత్రం సమర్పించారు. రామాయంపేట మండలం శివాయపల్లికి చెందిన సత్తెమ్మ, ఆమె కూతురు శ్రీలత 30 సంవత్సరాల క్రితం ఇంటి నిర్మాణం చేసుకున్నామని, గతంలో ఉన్న రహదారిని గ్రామానికి చెందిన గొల్ల మల్లయ్య, ఎల్లయ్య అనే వ్యక్తులు రోడ్డుకు అడ్డంగా అక్రమ నిర్మాణాలు చేపట్టారని, తద్వారా తమకు ఇబ్బందులు ఏర్పడుతున్నాయని చర్యలు తీసుకోవాలని కోరారు.
News July 1, 2024
బూర్గుపల్లి: ఉరివేసుకుని యువకుడు ఆత్మహత్య
ఇంట్లో దూలానికి ఉరివేసుకుని యువకుడు ఆత్మహత్య చేసుకున్న సంఘటన హవేలి ఘనపూర్ మండలం బూర్గుపల్లి గ్రామంలో చోటుచేసుకుంది. స్థానికుల వివరాల ప్రకారం గ్రామానికి చెందిన మరెల్లి ఆనంద్ రాజ్ (28) తన ఇంట్లో దూలానికి చీరతో ఉరివేసుకుని ఆత్మహత్య చేసుకున్నాడు. విషయం తెలుసుకున్న పోలీసులు యువకుడి తండ్రి ఫిర్యాదు మేరకు కేసు నమోదు చేసుకుని దర్యాప్తు చేస్తున్నారు.
News July 1, 2024
డాక్టర్ల సేవలు చిరస్మరణీయం: మంత్రి దమోదర్ రాజనర్సింహ
డా.బీసీ రాయ్ జన్మదినం సందర్భంగా డాక్టర్స్ డే జరుపుకోవడం చాలా సంతోషకరమని రాష్ట్ర వైద్యారోగ్యశాఖ మంత్రి దామోదర్ రాజనర్సింహ కొనియాడారు. వైద్యరంగంలో డాక్టర్ల సేవలను వెలకట్టలేమని కరోనా మహమ్మారి సమయంలో డాక్టర్లు వారి ప్రాణాలను అడ్డుపెట్టి ప్రజల ప్రాణాలను కాపాడాలని, వారి సేవలను గుర్తిస్తూ డాక్టర్స్ డే నాడు అవార్డులు అందిస్తున్నామని తెలిపారు. సందర్భంగా రాష్ట్రంలోని డాక్టర్లందరికీ శుభాకాంక్షలు తెలిపారు.
News July 1, 2024
వెల్దుర్తి: వైన్స్‌‌కు కన్నం.. నగదు చోరీ
వెల్దుర్తి మండల కేంద్రంలోని తిరుమల వైన్స్‌లో సుమారు రూ. 55 వేల నగదు చోరీ జరిగింది. రాత్రి సమయంలో గుర్తుతెలియని దొంగలు వైన్స్ వెనుక వైపు కన్నం వేసి వైన్ షాపులో ఉన్న నగదు చోరీ చూశారు. అలాగే వెల్దుర్తిలో దంతాన్‌పల్లికి చెందిన శేఖర్ కిరాణా దుకాణం, చందుకు చెందిన మొబైల్ షాప్‌లో చోరీ చేసేందుకు ప్రయత్నం చేశారు. పోలీసులు దర్యాప్తు చేస్తున్నారు.
News July 1, 2024
మెదక్: స్కూటీ, లారీ ఢీ.. ఒకరి మృతి
మెదక్ మండలం మాచవరం గేటు సమీపంలో స్కూటీ- లారీ ఢీకొంది. ఈ ఘటనలో స్కూటీపై ఉన్న టేక్మాల్ మండలం ఎలుపుగొండకు చెందిన శాంతి కుమార్ తలకు తీవ్ర గాయలై అక్కడికక్కడే మృతిచెందాడు. మరొకరికి స్వల్ప గాయాలయ్యాయి. దీంతో ఆ మార్గంలో ట్రాఫిక్ జాం అయింది. ఇక్కడ తరచూ ప్రమాదాలు జరుగుతున్నాయని స్థానికులు పేర్కొంటున్నారు. ఘటనపై మరిన్ని వివరాలు తెలియాల్సి ఉంది.
News July 1, 2024
పటాన్‌చెరు: తల్లి మందలింపు.. బాలుడి అదృశ్యం
స్కూల్‌కి వెళ్లమని మందలించినందుకు బాలుడు అదృశ్యమైన ఘటన పటాన్‌చెరు పీఎస్ పరిధిలో జరిగింది. పోలీసులు తెలిపిన వివరాలు.. జహీరాబాద్ వాసి స్వరూప భర్తతో గొడవపడి పటాన్‌చెరు మండలం ముత్తంగిలో వేరుగా ఉంటోంది. ముగ్గురు కుమారుల్లో 2వ వాడు ఇమాన్యూయల్(9)ను శనివారం ఉదయం పాఠశాలకు వెళ్లడానికి సిద్ధంకమ్మని మందలించింది. దీంతో ఇంట్లో నుంచి వెళ్లిపోయాడు. వెతికినా ఆచూకీ లభించకపోవడంతో పోలీసులకు ఫిర్యాదు చేసింది.
Featured News
Sorry, no posts matched your criteria.