India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News June 15, 2024
NLG: జీతాలు అందక అంగన్వాడీల అవస్థలు..!
ఉమ్మడి జిల్లాలో అంగన్వాడీ కేంద్రాల్లో విధులు నిర్వహిస్తున్న కార్యకర్తలు, ఆయాలకు రెగ్యులర్గా వేతనాలు అందకపోవడంతో అవస్థలు పడుతున్నారు. వీరికి ప్రతినెలా 14వ తేదీన జీతాలు ప్రభుత్వం చెల్లిస్తుంది. గత కొన్ని నెలలుగా టైంకు జీతాలు చెల్లించకపోవడంతో అంగన్వాడీలు అనేక ఇబ్బందులు పడుతున్నారు. ప్రభుత్వం వెంటనే స్పందించి ప్రతినెల 1వ తేదీనే జీతాలు చెల్లించాలని అంగన్వాడీ టీచర్లు, ఆయాలు కోరుతున్నారు.
News June 15, 2024
కనగల్‌ హత్యకేసు చేధించిన పోలీసులు
<<13277667>>కనగల్‌లో<<>> గత నెల 19న గుర్తుతెలియని మృతదేహం లభ్యమైన విషయం తెలిసిందే. కాగా ఆ వ్యక్తి‌ని హత్యచేసిన 7గురు నిందితులని పోలీసులు అరెస్ట్ చేశారు. నిందితుల నుంచి 2కార్లు, 5 ఫోన్లు స్వాధీనం చేసుకున్నారు. మృతుడుయాదగిరిగుట్టకు చెందిన సముద్రాల కృష్ణగా గుర్తించారు. రైస్ పుల్లింగ్ యంత్రం ఇప్పిస్తానని ఓ ముఠా‌తో కృష్ణ ఒప్పందం కుదుర్చుకున్నాడు. 6 నెలలు గడిచినా పుల్లింగ్ యంత్రం ఇప్పించలేదని ముఠా కృష్ణని చంపింది.
News June 15, 2024
నల్గొండ జిల్లా కలెక్టర్‌గా నారాయణ రెడ్డి
నల్గొండ జిల్లా కలెక్టర్ దాసరి హరిచందన బదిలీ అయ్యారు. ఈ మేరకు రాష్ట్ర సీఎస్ శాంతి కుమారి ఉత్తర్వులు జారీ చేశారు. అమె స్థానంలో వికారాబాద్ జిల్లా కలెక్టర్ గా పని చేస్తున్న నారాయణ రెడ్డి బదిలీపై వచ్చారు. కాగా దాసరి హరిచందనకు ఎక్కడా పోస్టింగ్ ఇవ్వలేదు. అటు సూర్యాపేట కలెక్టర్‌గా తేజస్ నంద్‌లాల్ పవార్ బదిలీపై వచ్చారు.
News June 15, 2024
కోదాడ: పిడుగుపాటుకు పాడి రైతు మృతి
పిడుగు పాటుకు రైతు మృతి చెందిన ఘటన కోదాడ పట్టణంలో శుక్రవారం చోటు చేసుకుంది. స్థానికుల వివరాల ప్రకారం.. మండలంలోని నల్లబండ గూడెంకి చెందిన పొందూరు రామారావు గేదెలు పెంచుకుంటూ పాల వ్యాపారం చేస్తూ జీవనం సాగిస్తున్నాడు. రోజు మాదిరిగానే గేదెలను గుడిబండ రోడ్డులోని వ్యవసాయ భూమిలోకి మేతకు తీసుకెళ్లగా సాయంత్రం ఉరుములతో కూడిన వర్షానికి పిడుగు పడి మృతి చెందినట్లు తెలిపారు. కుటుంబంలో విషాద ఛాయలు అలుముకున్నాయి.
News June 15, 2024
NLG: రేషన్ ఈ-కేవైసీ గడువు పొడిగింపు
ఆధార్, రేషన్ కార్డుల అనుసంధానం గడువును మరోసారి పెంచుతూ కేంద్ర ప్రభుత్వం తాజాగా నిర్ణయం తీసుకుంది. ఈ నెల 30 ఆఖరు తేదీ కాగా Sept 30 వరకు పొడిగిస్తూ ఆహార, పౌరసరఫరాల విభాగం ప్రకటన చేసింది. ఉమ్మడి నల్గొండ జిల్లాలో 10,07,251 కార్డులుండగా, 29,86,875 మంది లబ్ధిదారులున్నారు. ఇందులో 21,89,466 మంది లబ్ధిదారులు ఈకేవైసీ చేసుకున్నట్లు అధికార వర్గాలు తెలిపాయి. ఇంకా 7,97,409 మంది ఈకేవైసీ పూర్తి చేయాల్సి ఉంది.
News June 15, 2024
NLG: యువతీ, యువకులకు గుడ్ న్యూస్
పోచంపల్లి స్వామి రామానంద తీర్థ గ్రామీణ సంస్థలో ఉపాధి సాంకేతిక శిక్షణ కార్యక్రమాలకు గ్రామీణ నిరుద్యోగ యువతీ యువకుల నుంచి దరఖాస్తులు ఆహ్వానిస్తున్నట్టు సంస్థ డైరెక్టర్ PSSR లక్ష్మి తెలిపారు. సంస్థలో 6 నెలల కాల పరిమితితో కూడిన ఎలక్ట్రిషియన్ (డొమెస్టిక్), సోలార్ సిస్టం ఇన్స్టాలేషన్ సర్వీస్, కంప్యూటర్ హార్డ్వేర్ , సెల్ ఫోన్ తదితర కోర్సులు ఆరు నెలలపాటు శిక్షణ ఇస్తున్నట్లు తెలిపారు.
News June 14, 2024
న్యాయవాద పట్టభద్రుల నుంచి దరఖాస్తుల ఆహ్వానం
2024-25 విద్యా సంవత్సరంలో న్యాయవాద వృత్తిలో మూడేళ్ల శిక్షణ కొరకు ఉమ్మడి జిల్లాలోని ఎస్సీ కులం న్యాయవాద పట్టభద్రుల నుంచి దరఖాస్తులు ఆహ్వానిస్తున్నట్లు జిల్లా కలెక్టర్ హరి చందన ఒక ప్రకటనలో తెలిపారు. అభ్యర్థులు పూర్తి బయోడేటాతో పాటు ఈ సంవత్సరంలో కులం, ఆదాయం, డిగ్రీ మార్కుల జాబితా, బార్ కౌన్సిల్ నమోదు పత్రములు జత చేసి జులై ఆరులోపు దరఖాస్తు చేసుకోవాలన్నారు.
News June 14, 2024
నల్గొండ: ట్రాక్టర్ బోల్తా.. డ్రైవర్ మృతి
ట్రాక్టర్ బోల్తా పడిన ఘటనలో డ్రైవర్ మృతిచెందిన ఘటన అడవిదేవులపల్లి మండలం ముదిమాణిక్యంలో జరిగింది. స్థానికుల వివరాల ప్రకారం.. ట్రాక్టర్ రాయిని ఢీకొట్టడంతో డ్రైవర్ లక్ష్మీనారాయణ కింద పడ్డాడు. దీంతో అక్కడిక్కడే ప్రాణాలు కోల్పోయాడు. లక్ష్మీనారాయణ మృతితో గ్రామంలో విషాద ఛాయలు అలుముకున్నాయి.
News June 14, 2024
NLG: ఆ జిల్లాలో బాలికల సంఖ్య తక్కువే!
ఉమ్మడి నల్గొండ జిల్లాలో బాలబాలికల నిష్పత్తిలో వ్యత్యాసం క్రమంగా పెరుగుతోంది. ఎంసీ‌హెచ్ (మదర్, చైల్డ్ హెల్త్) కిట్ల పంపిణీ ద్వారా సేకరించిన లెక్కల ప్రకారం.. ఉమ్మడి జిల్లాలో ఎక్కడా బాలబాలికల నిష్పత్తి సమానంగా లేదు. నల్గొండ జిల్లాలో వెయ్యి మంది బాలురకు 924 మంది బాలికలు, సూర్యాపేటలో 897, యాదాద్రిలో 911 మంది బాలికలు మాత్రమే ఉన్నారు. ఈ గణాంకాలు ఆందోళన కలిగిస్తున్నాయి.
News June 14, 2024
NLG: జిల్లాలో 129 మంది SAలకు పదోన్నతులు
నల్గొండ జిల్లాలో స్కూల్ అసిస్టెంట్లకు గెజిటెడ్ హెడ్మాస్టర్లుగా మల్టీజోన్ పరిధిలో 129 మందికి పదోన్నతి లభించింది. 4 రోజుల క్రితం విద్యాశాఖ బదిలీలు, పదోన్నతుల ప్రక్రియ చేపట్టింది. సీనియారిటీ జాబితా ప్రకారం జిల్లాలో 129 మంది స్కూల్ అసిస్టెంట్లకు పదోన్నతులు వచ్చాయి. జిల్లా లో ఖాళీగా ఉన్న 109 పోస్టులకు 87 పోస్టులను జిల్లా నుంచి పదోన్నతులు పొందిన వారికి కేటాయించారు.
Featured News
Sorry, no posts matched your criteria.