• Download our app

Nalgonda

News October 15, 2024

NLG: మూసీకి తగ్గిన వరద.. గేట్లు మూసివేత

image

మూసీ ప్రాజెక్టుకు ఎగువ ప్రాంతాల నుంచి వచ్చే వరదనీరు తగ్గుముఖం పట్టడంతో సోమవారం ప్రాజెక్టు అధికారులు దిగువకు నీటి విడుదల పూర్తిగా నిలిపివేశారు. HYD నగరంతోపాటు, మూసీ ఎగువ ప్రాంతాల్లో వర్షాలు తగ్గుముఖం పట్టడంతో మూసీ ప్రాజెక్టుకు సోమవారం కేవలం 994 క్యూసెక్కుల వరదనీరు వచ్చింది. 645 అడుగుల గరిష్ఠ నీటిమట్టం గల మూసీ ప్రాజెక్టులో సాయంత్రం వరకు నీటిమట్టం 644.50 అడుగులు ఉంది.

News October 15, 2024

NLG: నేడు కొత్త టీచర్లకు పోస్టింగ్..!

image

డీఎస్సీ 2024 ఫలితాల్లో ఎంపికైన కొత్త ఉపాధ్యాయులకు మంగళవారం పోస్టింగ్ ఇవ్వనున్నారు. ఇప్పటికే వారు జిల్లా విద్యాశాఖ కార్యాలయంలో అపాయింట్మెంట్ ఆర్డర్ కాపీ జిరాక్స్, జాయినింగ్ లెటర్ సమర్పించారు. 535 మంది నూతన ఉపాధ్యాయులు మెరిట్ (ర్యాంకుల) ఆధారంగా ఖాళీల పోస్టులను ఎంపిక చేసుకునేందుకు అవకాశం కల్పించనున్నారు. అనంతరం మాన్యువల్ కౌన్సెలింగ్ నిర్వహించి తాము ఎంపిక చేసుకున్న పాఠశాలకు పోస్టింగ్ ఇస్తారు.

News October 15, 2024

నకిరేకల్-నాగార్జున సాగర్ హైవేకు నిధుల విడుదల

image

నల్గొండ జిల్లా అభివృద్ధిపై కేంద్రం ఫోకస్ చేసింది. నకిరేకల్-నాగార్జున సాగర్ మధ్య హైవే నిర్మాణానికి కేంద్ర ప్రభుత్వం నిధులు విడుదల చేసింది. 14 కి.మీ. మేర 4 లైన్ల రోడ్డు నిర్మాణానికి రూ.516 కోట్లు రిలీజ్ చేస్తున్నట్లు కేంద్ర మంత్రి నితిన్ గడ్కరీ ట్వీట్ చేశారు. గుంటూరు-నల్లపాడు మధ్య రూ.98 కోట్లతో 4 లైన్ల రైల్వే ఓవర్ బ్రిడ్జి నిర్మాణానికి కూడా నిధులు మంజూరు చేసినట్లు పేర్కొన్నారు.

News October 15, 2024

NLG: తప్పుడు FIR.. ఎస్ఐ సస్పెండ్ 

image

నల్గొండ జిల్లా గుర్రంపోడు మండలం ముల్కలపల్లిలో ఇటీవల ఓ మహిళ హత్య జరిగింది. ఈ కేసు విచారణలో ఎస్ఐ వి.నారాయణరెడ్డి నిర్లక్ష్యం వహించడంతో పాటు నిందితులను తప్పించేందుకు తప్పుడు FIR, వివరాలు నమోదు చేయించి, రూ.లక్ష లంచం తీసుకున్నారనే ఆరోపణలు వచ్చాయి. దీనిపై విచారణ చేయగా నిజమని తేలడంతో ఎస్ఐని సస్పెండ్ చేస్తున్నట్లు ఐజీ సత్యనారాయణ ఉత్తర్వులో పేర్కొన్నారు. ఇదే కేసులో ఓ సీఐ, కానిస్టేబుల్‌పై విచారణ సాగుతోంది.

News October 15, 2024

సూర్యాపేట: ఖాళీగా ఉన్న పోస్టులన్నింటినీ భర్తీ చేయాలి: పీఆర్టీయూ 

image

సూర్యాపేట జిల్లాలో అవసరం ఉన్న ప్రతి పాఠశాలకు డీఎస్సీ-2024 అభ్యర్థులతో ఖాళీలను భర్తీ చేయాలని పీఆర్టీయూ జిల్లా ప్రధాన కార్యదర్శి తీగల నరేశ్ కోరారు. మంగళవారం డీఎస్సీ 2024 సెలెక్టెడ్ అభ్యర్థుల కౌన్సెలింగ్ ప్రారంభం కానుండగా ఆయన డీఈవో అశోక్‌తో సమావేశమయ్యారు. అభ్యర్థులు ఇబ్బందులకు గురికాకుండా కౌన్సెలింగ్‌లో అన్ని ఏర్పాట్లు చేయాలని కోరారు. ఈ సమావేశంలో జిల్లా కార్యవర్గ సభ్యులు ఉన్నారు.

News October 14, 2024

నల్గొండ: ఇందిరమ్మ కమిటీలను వెంటనే ఏర్పాటు చేయాలి: కలెక్టర్ నారాయణరెడ్డి

image

ఇందిరమ్మ కమిటీలను మంగళవారంలోగా ఏర్పాటు చేయాలని జిల్లా కలెక్టర్ సి.నారాయణరెడ్డి ఆదేశించారు. ఈ రోజు జిల్లా అధికారులతో ఆయన సమీక్ష నిర్వహించారు. రాష్ట్ర ప్రభుత్వ ఆదేశాల మేరకు గ్రామస్థాయిలో గ్రామపంచాయతీ ప్రత్యేక అధికారి ఛైర్మన్‌గా, స్వయం సహాయక మహిళ సంఘాల నుంచి ఇద్దరు ఎస్సీ, ఎస్టీ, బీసీ, ఇతరుల నుంచి ముగ్గురు కన్వీనర్‌గా గ్రామపంచాయతీ కార్యదర్శితో గ్రామస్థాయిలో ఇందిరమ్మ కమిటీలు ఏర్పాటు చేయాలన్నారు.

News October 14, 2024

NLG: ధాన్యం కొనుగోలు సమస్యలపై కంట్రోల్ రూమ్ ప్రారంభించిన కలెక్టర్

image

జిల్లాలో వానాకాలం ధాన్యం సేకరణకు సంబంధించి సమాచారం, ఫిర్యాదుల స్వీకరణకు ఉద్దేశించి కలెక్టరేట్‌లోని జిల్లా పౌర సరఫరాల అధికారి కార్యాలయంలో ఏర్పాటుచేసిన కంట్రోల్ రూమ్‌‌ను కలెక్టర్ నారాయణరెడ్డి ఈరోజు ప్రారంభించారు. ధాన్యం కొనుగోలులో ఏవైనా సమస్యలు తలెత్తిన 9963407064 నంబర్‌కు ఫోన్ చేయాలన్నారు.

News October 14, 2024

నడిగూడెం: పిడుగుపడి మహిళ మృతి

image

పిడుగుపడి మహిళ మృతిచెందింది. ఈ ఘటన సోమవారం నడిగూడెంలో చోటుచేసుకుంది. బృందావనపురం గ్రామానికి చెందిన మామడి రమణ (22) గ్రామశివారులోని గట్టు మైసమ్మ వద్ద వ్యవసాయ పనులకు వచ్చింది. ఈ క్రమంలో పిడుగుపాటుకు గురై మృతిచెందింది.

News October 14, 2024

NLG: ఫుల్లుగా తాగేశారు

image

విజయదశమి సందర్భంగా ఉమ్మడి నల్గొండ జిల్లాలో రూ.47.13 కోట్ల మద్యం అమ్మకాలు జరిగినట్లు ఎక్సైజ్ శాఖ అధికారులు తెలిపారు. యాదాద్రి జిల్లాలో 11,927 మద్యం కాటన్లు, 14,687 బీర్ కాటన్లు అమ్మకాలు జరగగా రూ.12.16 కోట్లు ఆదాయం వచ్చిందన్నారు. NLG, SRPT జిల్లాల్లో 33,725 మద్యం కాటన్లు, 41,798 బీర్ కాటన్ల అమ్ముడవగా 33.97 కోట్ల ఆదాయం వచ్చిందని ఎక్సైజ్ శాఖ అధికారులు వెల్లడించారు.

News October 14, 2024

ప్రైవేట్ డిగ్రీ, పీజీ కళాశాలల బంద్: మారం నాగేందర్ రెడ్డి

image

మూడేళ్లుగా ఫీజు రీయింబర్స్‌మెంట్ విడుదల కాకపోవడంతో ఇబ్బందులు పడుతున్నామని ప్రైవేట్ కళాశాలల యాజమాన్య సంఘం అధ్యక్షుడు మారం నాగేందర్ రెడ్డి తెలిపారు. ఉమ్మడి NLG జిల్లా వ్యాప్తంగా నేటి నుంచి ప్రైవేటు డిగ్రీ, పీజీ కళాశాలల బంద్ చేపడుతున్నట్లు వెల్లడించారు. కళాశాలల బిల్డింగ్ రెంట్లు, కరెంట్ బిల్లులు, సిబ్బందికి జీతాలు చెల్లించలేని దుస్థితిలో ఉన్నామన్నారు.

Featured News

Sorry, no posts matched your criteria.

↑