India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News May 12, 2024
మూడేళ్ల బాలుడికి ఇండియా బుక్ ఆఫ్ రికార్డు
భువనగిరికి చెందిన మూడేళ్ల కుమారుడు శ్రీయాన్ ఇండియా బుక్ ఆఫ్ రికార్డులో చోటు సంపాదించాడు. రెండు నిమిషాల్లో 55 దేశాలకు సంబంధించిన జెండాలను చూసి ఆ దేశం పేరు చెబుతున్నాడు. 12 రేఖా గణిత పటాలు, 12 రంగులు, 22 జంతువుల పేర్లు చకచకా చెప్పేస్తాడు. న్యూఢిల్లీలో ఇండియా బుక్ ఆఫ్ రికార్డు ధ్రువపత్రంతో పాటు రికార్డు బుక్‌ను అందించారు.
News May 12, 2024
నల్గొండ: పెద్ద మనుషులుగా వచ్చి కొట్టి చంపారు
నల్గొండలో భార్యాభర్తల మధ్య గొడవ హత్యకు దారి తీసింది. నల్గొండ వన్ టౌన్ సీఐ తెలిపిన సమాచారం మేరకు.. గుంటూరుకి చెందిన సయ్యద్ వలి (40) ఆరేళ్లుగా నల్గొండలో అడ్డా కూలిగా పనిచేస్తున్నారు. అదే ప్రాంతానికి చెందిన హాజీ బేగంతో వివాహం జరిగింది. సయ్యద్ వలి మద్యం తాగుతుండడంతో ఇంట్లో గొడవలు జరుగుతున్నాయి. ఈ క్రమంలో సర్ది చెప్పడానికి వచ్చిన పెద్ద మనుషులు కర్రతో దాడి చేయడంతో వలి మరణించాడు.
News May 12, 2024
NLG: ఓటేయ్యనివ్వట్లేదా.. ఇలా చేయండి
ఓటేసే సమయంలో కొన్నిసార్లు అన్ని పత్రాలు సరిగ్గా ఉన్నా ఓటర్లపై ఏజెంట్లు సందేహం వ్యక్తం చేసి నకిలీ వ్యక్తని ఓటేయనివ్వరు. అప్పుడు పోలింగ్ అధికారికి రూ.2 చెల్లించి FORM-14లో పేరు, అడ్రెస్ రాసిచ్చి వారి ఐడెంటిటీని నిరూపించుకుని ఓటేయొచ్చు. దీంతోపాటు మీ ఓటు ఆల్రెడీ ఇంకెవరో వేశారంటే వెంటనే పోలింగ్ ఆఫీసర్ కు ఫిర్యాదు చేయాలి. టెండర్ ఓటును డిమాండ్ చేయొచ్చు. టెండర్ ఓటు పడితే రీపోలింగ్ కు అవకాశం ఉంది.
News May 12, 2024
కేసీఆర్ దేవరకొండ పర్యటన రద్దు
బీఆర్ఎస్ అధినేత కేసీఆర్ దేవరకొండ పర్యటన రద్దు అయినట్లు బీఆర్ఎస్ నాయకులు తెలిపారు. మాజీ ఎమ్మెల్యే, నల్గొండ జిల్లా బీఆర్ఎస్ అధ్యక్షుడు రవీంద్ర కుమార్ తండ్రి కన్నిలాల్ నాయక్ అంత్యక్రియల్లో పాల్గొనడానికి ఆదివారం రావాల్సి ఉంది. ఎన్నికల కోడ్ అమల్లో ఉన్నందున కేసీఆర్ పర్యటనకు అధికారులు అనుమతివ్వలేదు. దీంతో పర్యటన రద్దైంది.
News May 12, 2024
నల్గొండ: రోడ్డు ప్రమాదంలో హెడ్ కానిస్టేబుల్ మృతి
ఆటోను లారీ ఢీకొన్న ఘటనలో హెడ్ కానిస్టేబుల్ మృతి చెందిన ఘటన నల్గొండ జిల్లా పీఏ పల్లి మండలం అంగడిపేటలో జరిగింది. పోలీసులు స్థానికుల కథనం ప్రకారం.. కోదాడ – జడ్చర్ల రహదారిపై అంగడిపేట వద్ద ఉన్న పెట్రోల్ బంక్‌లో డీజిల్ పోయించుకుని వస్తున్న ఆటోను హెడ్ కానిస్టేబుల్ మర్యాదాస్ ఆపాడు. ఈ క్రమంలో వెనకనుంచి వచ్చిన లారీ ఆటోను ఢీకొట్టింది. హెడ్ కానిస్టేబుల్‌కు గాయాలు కాగా చికిత్స పొందుతూ మృతి చెందాడు.
News May 12, 2024
NLG: ఓటరు కార్డు లేనివారికి ప్రత్యామ్నాయ కార్డులు
ఓటరు కార్డు లేనివారు ప్రత్యామ్నాయంగా 1.పాస్పోర్టు 2.డ్రైవింగ్ లైసెన్స్, 3.ప్రభుత్వ ఉద్యోగుల సర్వీసు గుర్తింపు, కార్డులు 4.బ్యాంకు, పోస్టాఫీసు పాస్ బుక్ 5.పాన్ కార్డు, 6.ఆర్టీఐ ఎన్పీఆర్ స్మార్ట్ కార్డు, 7.మహాత్మాగాంధీ జాతీయ గ్రామీణ ఉపాధి జాబ్ కార్డు, 8.కార్మిక శాఖ ఇచ్చిన ఆరోగ్యబీమా స్మార్ట్ కార్డు, 9. ఫొటోతో కూడిన పింఛను పత్రం, 10.ఆధార్ కార్డు చూపించి ఓటు వేయవచ్చు.
News May 12, 2024
నల్గొండ: పోలింగ్ కేంద్రాల వద్ద వెబ్ క్యాస్టింగ్
MP ఎన్నికల నేపథ్యంలో SRPT జిల్లాలోని 1,201, BNR జిల్లాలో 2,141, NLG జిల్లాలో 1,814 పోలింగ్ కేంద్రాల్లో ప్రశాంతంగా ఎన్నికలు జరిగేలా అధికారులు చర్యలు చేపట్టారు. అందులో భాగంగా శనివారం సాయంత్రం 6 నుంచి సోమవారం సాయంత్రం 6 గంటల వరకు 48 గంటల పాటు జిల్లావ్యాప్తంగా 144 సెక్షన్ అమలు చేస్తున్నారు. సమస్యాత్మక పోలింగ్ కేంద్రాల లోపల, బయట వెబ్ కాస్టింగ్ ఏర్పాటు చేశారు.
News May 12, 2024
పార్లమెంట్ ఎన్నికలకు పకడ్బందీ ఏర్పాట్లు: ఎస్పీ చందనా దీప్తి
NLG:ఈ నెల 13న జరిగే పార్లమెంట్ ఎన్నికలకు పకడ్బందీ ఏర్పాట్లు చేసినట్టు జిల్లా ఎస్పీ చందనా దీప్తి తెలిపారు.జిల్లాలో శాంతి యుత వాతవారణంలో ఎన్నికలు నిర్వహించడానికి ఇద్దరు అడిషనల్ ఎస్పీలు,9 మంది డిస్పీలు,37 మంది సీఐలు,84 మంది యస్.ఐలతో కలిపి మొత్తం 3000 మంది సిబ్బంది, 7 కంపెనీల కేంద్ర బలగాలు ఏర్పాటు చేయడం జరిగింది.వీటితో పాటు 5 ప్లాటున్ల TSSP సిబ్బంది,పెట్రోలింగ్ పార్టీలు ఏర్పాటు చేసినట్లు తెలిపారు.
News May 11, 2024
NLG: ఎంపీగా పోటీ చేసిన అభ్యర్థులకు కీలక సూచన
MP ఎన్నికలలో పోటీలో ఉన్న అభ్యర్థులందరూ వారి ఎన్నికల ఖర్చులకు సంబంధించిన లెక్కలన్నింటినీ తనిఖీ చేయించుకోవాలని ఎన్నికల వ్యయ పరిశీలకులు కళ్యాణ్ కుమార్ దాస్ తెలిపారు. శనివారం ఉదయాదిత్య భవన్లో నిర్వహించిన అభ్యర్థుల ఎన్నికల ఖర్చుల మూడో విడత తనిఖీ కార్యక్రమంలో ఆయన మాట్లాడారు. ఇంకా ఎవరైనా అభ్యర్థులకు ఖర్చులకు సంబంధించి రిజిస్టర్లు, ఖర్చులు సంబంధించిన వివరాలు మిగిలిపోయినట్లయితే తనిఖీ చేయించుకోవాలన్నారు.
News May 11, 2024
రైలు పట్టాల వద్ద గుర్తుతెలియని మృతదేహం లభ్యం
నార్కట్పల్లి – చిట్యాల రైల్వే స్టేషన్ మధ్య గుర్తుతెలియని వ్యక్తి మృతదేహాన్ని రైల్వే పోలీసులు గుర్తించారు. నల్గొండ రైల్వే హెడ్ కానిస్టేబుల్ డి.రజిత తెలిపిన వివరాలు ఇలా ఉన్నాయి. గుర్తుతెలియని రైలు నుంచి కిందపడి మృతి చెందినట్లుగా తెలిపారు. మృతుడి వయసు 35-40సంవత్సరాల మధ్య ఉంటుందని పేర్కొన్నారు. మృతుడికి సంబంధించి ఎలాంటి ఆధారాలు లభించలేదు. కేసు నమోదు చేసుకుని దర్యాప్తు చేస్తున్నారు.
Featured News
Sorry, no posts matched your criteria.