India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News July 9, 2024
అదనపు ఆదాయంపై ఆర్టీసీ దృష్టి
ఉమ్మడి జిల్లాలో అదనపు ఆదాయంపై ఆర్టీసీ దృష్టి సారించింది. మహిళలు కేవలం ఉచిత ప్రయాణం అందించే పల్లె వెలుగు, ఎక్స్ప్రెస్ బస్సుల్లో మాత్రమే ప్రయాణిస్తుండడంతో.. డీలక్స్, సూపర్ లగ్జరీ బస్సుల్లో మహిళా ప్రయాణికుల సంఖ్య భారీగా తగ్గింది. ఆర్టీసీ బస్సుల్లో మహిళలు అధికంగా ఉంటుండడంతో బస్సులు ఎక్కేందుకు పురుషులు ఆసక్తి చూపడం లేదు. ఈ సమస్యను అధిగమించేందుకు ఆర్టీసీ లక్ష్యే లక్ష్యం పేరుతో కసరత్తు చేస్తున్నారు.
News July 9, 2024
ఉమ్మడి జిల్లాలో తగ్గుతున్న కూరగాయల సాగు
ఉమ్మడి జిల్లాలో ఏటా కూరగాయల సాగు తగ్గుతూ వస్తోంది. దీంతో కూరగాయలను వ్యాపారులు ఇతర జిల్లాల నుంచి దిగుమతి చేసుకుంటున్నారు. జిల్లాలో కూరగాయల సాగుపై రైతులు ఆసక్తి చూపకపోవడంతో దిగుమతి తగ్గి డిమాండ్‌ పెరిగి ధరలు మండుతున్నాయి. దీనికి తోడు వర్షాభావ పరిస్థితుల కారణంగా ఉమ్మడి జిల్లాలో అరకొరగా సాగయ్యే కూరగాయలు సైతం మార్కెట్‌కు రావడం లేదు.
News July 9, 2024
శాలిగౌరారం ఎస్సైపై చర్యలు.. వీఆర్‌కు అటాచ్
పోలీస్ స్టేషన్‌కు ఫిర్యాదు చేయడానికి వచ్చిన మహిళతో అసభ్యంగా ప్రవర్తించాడని శాలిగౌరారం ఎస్సై వాస ప్రవీణ్‌పై ఎస్పీ శరత్ చంద్ర పవార్ చర్యలు తీసుకున్నారు. వీ. ఆర్‌కు అటాచ్ చేస్తూ ఆదేశాలు జారీ చేశారు. అతనిపై శాఖాపరమైన విచారణ కొనసాగుతుందని.. నివేదిక వచ్చాక చర్యలుండలున్నట్లు తెలుస్తోంది. శాలిగౌరారం నూతన ఎస్సైగా సైదులును నియమించారు.
News July 9, 2024
పొంచి ఉన్న తాగునీటి గండం
తీవ్ర వర్షాభావంతో నాగార్జునసాగర్‌ వట్టి పోయింది. తెలుగు రాష్ట్రాల్లోని వేలాది గ్రామాలకు తాగునీటిని అందించే సాగర్‌ అడుగంటుతోంది. ప్రమాదకరస్థాయిలో డెడ్‌ స్టోరేజీకి నీటి నిల్వలు పడిపోతుండడంతో డేంజర్‌ బెల్స్‌ను మోగిస్తోంది. దీంతో సాగర్‌, కృష్ణా జలాలపై ఆధారపడిన హైదరాబాద్ జంట నగరాలు, ఉమ్మడి NLG, KMM జిల్లాలకు తాగునీటి గండం పొంచి ఉంది. ఆశించిన స్థాయిలో వర్షాలు లేక నిండుకుంటుంది.
News July 9, 2024
నల్గొండ జిల్లాలో ఆర్టీసీ డీఎంల బదిలీ
నల్గొండ ఆర్టీసీ రీజియన్‌లో పలువురు డిపో మేనేజర్లను బదిలీ చేస్తూ సోమవారం ఉత్తర్వులు జారీ చేశారు. మిర్యాలగూడ డీఎం బొల్లెద్దు పాల్‌ను ఆదిలాబాద్, నిజాంబాద్, కరీంనగర్ రీజియన్ల కార్గో ఏటీఎంగా, నల్గొండ డీఎం రామ్మోహన్ రెడ్డిని మిర్యాలగూడకు, రాజేంద్రనగర్ డీఎం ఎం.శ్రీనాథ్‌ను నల్గొండకు బదిలీ చేశారు. ఇప్పటివరకు ఖాళీగా ఉన్న దేవరకొండ డిపో డీఎం స్థానాన్ని టి.రమేష్ బాబుతో భర్తీ చేసినట్లు అధికారులు తెలిపారు.
News July 9, 2024
కార్పొరేషన్ ఛైర్‌పర్సన్‌గా బండ్రు శోభారాణి
తెలంగాణ స్టేట్‌ ఉమెన్‌ కో-ఆపరేటివ్‌ డెవలప్మెంట్ కార్పొరేషన్ ఛైర్‌పర్సన్‌గా ఆలేరుకి చెందిన బండ్రు శోభారాణి నియమితులయ్యారు. మార్చిలో ఆమెను నియమిస్తూ ప్రభుత్వం జీవో జారీ చేసింది. ఎన్నికల కోడ్‌ అమలులోకి రావడంతో బాధ్యతలు స్వీకరించలేక పోయారు. ఉద్యమ నేపథ్యం ఉన్న ఆమె 2009లో ఆలేరు నుంచి ఎమ్మెల్యేగా పోటీచేశారు. 2023 ఎన్నికలకు ముందు రేవంత్‌ సమక్షంలో కాంగ్రెస్‌లో చేరారు.
News July 8, 2024
భారత జట్టులో నకిరేకల్ వాసి
ఇండోనేపాల్ ఇంటర్ నేషనల్ వాలీబాల్ టోర్నమెంట్‌లో భారత జట్టు తరఫున నకిరేకల్ వ్యాయమ ఉపాధ్యాయుడు పగిడిమర్రి జాని పాల్గొన్నారు. నేపాల్‌లో ఈనెల 4 నుంచి 7 వరకు నిర్వహించిన ఈ టోర్నమెంట్‌లో ఫైనల్‌లో నేపాల్‌పై బంగారు పతకం సాధించారు. మిత్రులు నాగేంద్రబాబు, సైదులు, సందీప్, మహేశ్, నరేష్, జానికి అభినందనలు తెలిపారు.
News July 8, 2024
NLG: MLAతో కలిసి స్ట్మార్ట్ క్లాస్ రూంలు ప్రారంభించిన మంచు లక్ష్మి
భువనగిరిలోని భాగాయత్‌‌లో ఉన్న ప్రభుత్వ పాఠశాలలో స్మార్ట్ క్లాస్‌రూమ్‌లను ఎమ్మెల్యే కుంభం అనిల్ కుమార్ రెడ్డితో కలిసి సినీ నటి మంచు లక్ష్మీ సోమవారం ప్రారంభించారు. స్మార్ట్ క్లాస్ రూమ్‌లతో విద్యార్థులకు ఉజ్వల భవిష్యత్ ఉంటుందని ఆమె అభిప్రాయపడ్డారు.
News July 8, 2024
తెలంగాణ టూరిజం డెవలప్మెంట్ కార్పొరేషన్ ఛైర్మన్గా బాధ్యతల స్వీకరణ
తెలంగాణ రాష్ట్ర టూరిజం డెవలప్మెంట్ కార్పొరేషన్ ఛైర్మన్గా పటేల్ రమేష్ రెడ్డి బాధ్యతలు స్వీకరించారు. సోమవారం హైదరాబాద్ హిమాయత్ నగర్లోని టూరిజం డెవలప్మెంట్ కార్యాలయంలో బాధ్యతలు స్వీకరించారు. అనంతరం టూరిజం కార్యాలయం అధికారులు, సిబ్బంది నూతన ఛైర్మన్గా బాధ్యతలు స్వీకరించిన పటేల్ రమేష్ రెడ్డికి పుష్పగుచ్చం అందజేసి శుభాకాంక్షలు తెలియజేశారు.
News July 8, 2024
కొర్లపహాడ్ సమీపంలో ట్రామా కేర్ సెంటర్
కేతేపల్లి మండలం కొర్లపహాడ్ టోల్ ప్లాజా వద్ద అత్యాధునిక వసతులతో కూడిన ట్రామాకేర్ సెంటర్‌ను ప్రారంభించాలని ఏడీపీ ప్రతిపాదించింది. జాతీయ రహదారిపై వెళ్లే వాహనాలు ప్రమాదాలకు గురైన సమయంలో క్షతగాత్రులకు తక్షణ వైద్యం అందించే లక్ష్యంతో ఈ సెంటర్ నిర్మాణం చేపడుతోంది. నిత్యం వాహనాలతో రద్దీగా ఉండే కొర్లపహాడ్ టోల్ ప్లాజాను కీలక జంక్షన్‌గా గుర్తించిన ADP ఇక్కడ ట్రామా కేర్ సెంటర్ ఏర్పాటుకు శ్రీకారం చుట్టింది.
Featured News
Sorry, no posts matched your criteria.