India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News June 19, 2024
NLG: సెల్ ఫోన్ రిపేర్, సర్వీసింగ్‌లో ఉచిత శిక్షణ
నల్గొండ SBI గ్రామీణ స్వయం ఉపాధి శిక్షణ సంస్థలో 10వ తరగతి పాసైన గ్రామీణ ప్రాంత నిరుద్యోగ పురుషులకు సెల్ ఫోన్ రిపేర్, సర్వీసింగ్‌లో 30 రోజుల ఉచిత శిక్షణ అందజేస్తున్నామని సంస్థ సంచాలకుడు రఘుపతి బుధవారం తెలిపారు. శిక్షణ కాలంలో ఉచిత వసతి, భోజనం ఉంటుందని, ఉమ్మడి నల్గొండకి చెందిన 19 సం. నుంచి 45 లోపు వారు అర్హులన్నారు. ఆసక్తి గల వారు జూన్ 24 లోపు సంస్థ ఆఫీసులో లేదా 9701009265 నంబర్‌ను సంప్రదించాలన్నారు.
News June 19, 2024
రక్తదానం చేసిన మంత్రి కోమటిరెడ్డి వెంకట్ రెడ్డి
ఏఐసీసీ అగ్ర నేత, రాయ్ బరేలి ఎంపీ రాహుల్ గాంధీ జన్మదిన సందర్భంగా మంత్రి కోమటిరెడ్డి వెంకట్ రెడ్డి రక్తదానం చేశారు. గాంధీభవన్లో ఏర్పాటు చేసిన రక్తదాన శిబిరంలో పలువురు నాయకులతో కలిసి రక్తదానంలో పాల్గొన్నారు. భారత్ జోడో యాత్ర చేపట్టి ప్రజల సమస్యలు తెలుసుకొని, దేశంలో ద్వేషానికి చోటు లేదని చాటి చెప్పిన గొప్ప నాయకుడని మంత్రి అన్నారు.
News June 19, 2024
మంత్రి కోమటిరెడ్డిని కలిసిన పంచాయతీ కార్యదర్శులు
తెలంగాణ పంచాయతీ సెక్రెటరీ ఫెడరేషన్ నల్లగొండ జిల్లా కమిటీ అధ్యక్షడు మధు ఆధ్వర్యంలో మంత్రి కోమటిరెడ్డి వెంకట్ రెడ్డిని బుధవారం మర్యాదపూర్వకంగా కలిశారు. ఈ సందర్భంగా TPSF జిల్లా గోడ క్యాలెండర్ ను మంత్రి ఆవిష్కరించారు. అనంతరం పంచాయతీ కార్యదర్శుల సమస్యల గురించి మంత్రికి వివరించారు. TPSF జిల్లా గౌరవ అధ్యక్షుడు ఉపేందర్, ట్రెజరర్ నరేష్, దేవరకొండ డివిజన్ అధ్యక్షుడు జైహిందర్ పాల్గొన్నారు
News June 19, 2024
NLG: తండ్రి చావును తట్టుకోలేక కొడుకు మృతి
తండ్రి మరణాన్ని తట్టుకోలేక గుండెపోటుతో కొడుకు మృతి చెందిన ఘటన శాలిగౌరారం మండలంలో చోటు చేసుకుంది. గ్రామస్థుల వివరాల ప్రకారం.. మనిమద్దె గ్రామానికి చెందిన శంకరయ్య అనారోగ్యంతో మృతి చెందగా సోమవారం అంత్యక్రియలు ముగిశాయి. అతని చిన్న కుమారుడు రాంబాబు గుండెపోటుతో కిందపడిపోయాడు. ఆస్పత్రికి తీసుకెళ్లగా అప్పటికే మృతి చెందినట్లు వైద్యులు నిర్ధారించారు. కుటుంబంలో విషాదఛాయలు అలుముకున్నాయి.
News June 19, 2024
NLG: 5.36 లక్షల మంది రైతులకే రుణమాఫీ?
రైతు రుణమాఫీకి ప్రభుత్వం వేగంగా కసరత్తు చేస్తోంది. ఉమ్మడి జిల్లా వ్యాప్తంగా ఎంత మంది రైతులకు బ్యాంకుల్లో రుణాలున్నాయి? అందులో ఎంత మంది రూ. లక్షలోపు రుణం తీసుకున్నారు? రూ. లక్ష కంటే ఎక్కువ రుణాలు ఎంత మంది రైతులుకున్నాయనే సమాచారాన్ని సంబంధిత వ్యవసాయ శాఖ అధికారులు, బ్యాంకర్ల ద్వారా సేకరిస్తున్నారు. ఉమ్మడి జిల్లాలో 5.36 లక్షల మంది రైతులు రుణమాఫీ ద్వారా లబ్ధి పొందే అవకాశం ఉన్నట్లు తెలుస్తుంది.
News June 19, 2024
ప్రజావాణి నిర్వహించేందుకు ఏర్పాట్లు: కలెక్టర్
ప్రభుత్వం రాష్ట్రస్థాయిలో ప్రజాదర్బార్, జిల్లాల్లో ప్రజావాణికి అత్యంత ప్రాధాన్యం ఇస్తోంది. అందులో భాగంగా సోమవారం నుంచి (ఈనెల 24) మండలాల్లో ప్రజావాణి నిర్వహించేందుకు ఏర్పాట్లు చేస్తున్నట్లు జిల్లా కలెక్టర్ సి.నారాయణరెడ్డి తెలిపారు. ఈ సందర్భంగా ఆయన మాట్లాడుతూ.. ఇందుకు జిల్లా స్థాయి అధికారులను మండలానికి ఒకరిని ప్రత్యేక అధికారులుగా వేస్తున్నట్లు తెలిపారు.
News June 19, 2024
వీడియో కాన్ఫరెన్స్‌ కేంద్రాలుగా రైతు వేదికల మార్పు
రైతులకు సాగులో మెళకువలు, శిక్షణలు అందించాలనే లక్ష్యంతో ప్రభుత్వం రైతు వేదికలను వీడియో కాన్ఫరెన్స్‌ సెంటర్లుగా మారుస్తోంది. నల్గొండ జిల్లాలోని ఆరు రైతు వేదికల్లో ఎల్‌సీడీ, వీడియో కెమెరాలు, సౌండ్‌ సిస్టమ్‌ తదితర సౌకర్యాలు కల్పించి వీడియో కాన్ఫరెన్స్‌ కేంద్రాలుగా మార్చింది. వాటితో పాటు ఇప్పుడు మరో 25 రైతు వేదికలను వీడియో కాన్ఫరెన్స్‌ కేంద్రాలుగా మార్చాలని మంగళవారం ఉత్తర్వులు జారీ చేసింది.
News June 19, 2024
ఎంజీయూ డిగ్రీ విద్యా ప్రణాళిక విడుదల
ఎంజీ విశ్వవిద్యాలయం పరిధిలోని డిగ్రీ 3, 5 సెమిస్టర్ల విద్యా ప్రణాళికను యూనివర్సిటీ అకాడమిక్ ఆడిట్ సెల్ డైరెక్టర్ కొప్పుల అంజిరెడ్డి మంగళవారం విడుదల చేశారు. జూన్ 18 నుంచి తరగతులు ప్రారంభించి నవంబర్ 1 నుంచి పరీక్షలు నిర్వహించనున్నట్లు ఆయన తెలిపారు. ఇంటర్నల్ పరీక్షలు, సంక్రాంతి సెలవులు, ప్రిపరేషన్ హాలిడేస్ వివరాలను తెలుపుతూ సర్క్యులర్ జారీ చేశారు.
News June 19, 2024
నల్గొండ: పెట్రోల్ బంకుల్లో మోసాలు
ఉమ్మడి నల్గొండ జిల్లాలోని కొన్ని బంకుల్లో మోసాలు జరుగుతున్నాయి. పెట్రోల్, డీజిల్ తక్కువగా వస్తోందని, అందులోనూ కల్తీ జరుగుతోందని వినియోగదారులు తరచూ ఆందోళనకు దిగుతున్నా అధికారుల పర్యవేక్షణ కరువైంది. గన్ తీయగా పెట్రోల్ కొట్టకముందే రూ.5.70 చూపిస్తోందని సూర్యాపేటలో ఓ వినియోగదారుడు తెలిపాడు. ఫిర్యాదు చేస్తే చర్యలు తీసుకుంటామని డీఎస్ఓ మోహన్ బాబు తెలిపారు. ఉమ్మడి జిల్లాలో దాదాపు 500పైనే బంకులున్నాయి.
News June 19, 2024
NLG: గ్రూప్ 2 అభ్యర్థులకు ఉచిత గ్రాండ్ టెస్ట్
నల్లగొండ బీసీ స్టడీ సర్కిల్ ఆధ్వర్యంలో ఉమ్మడి జిల్లాకు చెందిన TGPSC గ్రూప్ – II కు దరఖాస్తు చేసుకున్న అభ్యర్థులకు ఉచిత గ్రాండ్ టెస్ట్ నిర్వహిస్తున్నట్లు స్టడీ సర్కిల్ డైరెక్టర్ విజయ్ కుమార్ ఒక ప్రకటనలో తెలిపారు. ఆసక్తిగల అర్హులైన అభ్యర్థులు తమ దరఖాస్తులను వెబ్ సైట్: https://tgbcstudycircle.cgg.gov.in లో బుధవారం నుండి జులై 5వ తేదీ వరకు దరఖాస్తు చేసుకోవాలన్నారు.
Featured News
Sorry, no posts matched your criteria.