India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News August 1, 2024
సూర్యాపేట: టేకుమట్ల వద్ద ఫ్లైఓవర్ నిర్మాణం!
సూర్యాపేట సమీపంలోని టేకుమట్ల వద్ద ఫ్లైఓవర్ నిర్మాణానికి ప్రభుత్వం కసరత్తు చేస్తోంది. రోడ్డుప్రమాదాలు, వాహనదారుల ఇబ్బందులు దృష్టిలో పెట్టుకుని ఇక్కడ ఫ్లై ఓవర్‌ను నిర్మించాలని ఆర్‌అండ్బీ, వ్యవసాయ శాఖ మంత్రులు కోమటిరెడ్డి వెంకటరెడ్డి, తుమ్మల నాగేశ్వరరావు NHAI అధికారులను బుధవారం కోరడంతో వారు సానుకూలంగా స్పందించినట్లు తెలిసింది. ఈ ఫ్లైఓవర్ నిర్మాణం పూర్తయితే వాెహనదారులకు యూటర్న్ కష్టాలు తప్పనున్నాయి.
News August 1, 2024
సాగర్ జలాలపై మంత్రులు తుమ్మల, ఉత్తమ్ చర్చ
సాగర్ జలాలపై మంత్రులు తుమ్మల నాగేశ్వరరావు, ఉత్తమ్ కుమార్ రెడ్డి చర్చించారు. ఖమ్మం జిల్లాలో ఆయకట్టుకే కాక తాగు నీటి అవసరాల కోసం సాగర్ జలాలను విడుదల చేయాలని ఉత్తమ్‌ను మంత్రి తుమ్మల కోరారు. ఈనెల 2న శుక్రవారం నీటి విడుదలకు అంగీకరించిన మంత్రి ఉత్తమ్ నీటిని పొదుపుగా వాడుకునేలా రైతులకు అవగాహన కల్పించాలని అధికారులకు ఆదేశాలు జారీ చేశారు.
News July 31, 2024
నాగార్జున సాగర్ ప్రాజెక్టు తాజా అప్డేట్
@ ప్రాజెక్ట్ పూర్తిస్థాయి నీటిమట్టం 590 అడుగులు @ ప్రస్తుత నీటి మట్టం 526.40 అడుగులు@ పూర్తి నీటి నిల్వ సామర్థ్యం 312 టీఎంసీలు.@ ప్రస్తుత నీటి నిల్వ 161.2064టీఎంసీలు@ ఇన్ ఫ్లో: 2,18,560 క్యూసెక్కులు@ ఔట్ ఫ్లో: 6,782 క్యూసెక్కులు
News July 31, 2024
NLG: భారీగా పెరిగిన రిజిస్ట్రేషన్లు
భూముల విలువను ప్రభుత్వం పెంచుతున్నట్టు ప్రచారంతో రిజిస్ట్రేషన్లు భారీగా జరుగుతున్నాయి. మొన్నటి వరకు 10, 20 రిజిస్ట్రేషన్లు అయ్యేచోట 40 నుంచి 50 వరకు, 70, 80 అయ్యే చోట 150 నుంచి 180 వరకు రిజిస్ట్రేషన్లు అవుతున్నాయి. ఆగస్టు 1 నుంచే ధరలు పెరుగుతాయని ప్రచారం సాగుతుండటంతో వారం రోజులుగా ఉమ్మడి జిల్లాలోని అన్ని కార్యాలయాల్లో రిజిస్ట్రేషన్ల సంఖ్య పెరిగింది. దీంతో కార్యాలయాలు కిటకిటలాడుతున్నాయి.
News July 31, 2024
చౌటుప్పల్ వద్ద భారీగా ట్రాఫిక్ జాం
చౌటుప్పల్ వద్ద భారీగా ట్రాఫిక్ జాం అయింది. తంగేడు వనం వద్ద రెండు లారీలు ఢీకొట్టుకోవడం భారీగా ట్రాఫిక్కు అంతరాయం ఏర్పడింది. హైదరాబాదు నుంచి చౌటుప్పల్ వైపు బీర్ల లోడుతో వస్తున్న లారీని అదే వైపు ఉల్లిగడ్డ లోడుతో వస్తున్న లారీ వెనుక నుంచి ఢీ కొట్టింది. ఈ ప్రమాదంలో లారీ డ్రైవర్ తీవ్ర గాయాలతో మృతి చెందాడు.
News July 31, 2024
నల్గొండ ఆర్టీసీకి దండిగా ఆదాయం
ఉమ్మడి జిల్లాలో నష్టాల బాటలో ప్రయాణిస్తున్న ఆర్టీసీకి మహాలక్ష్మి పథకం వరంలా మారింది. ప్రయాణికుల రద్దీ పెరగడంతో ఉమ్మడి జిల్లాలోని డిపోలు లాభాల బాట పట్టాయి. రాష్ట్ర ప్రభుత్వం మహాలక్ష్మి పథకం అమలులో భాగంగా ఆర్డినరీ, ఎక్స్ప్రెస్ బస్సుల్లో మహిళలకు ఉచిత ప్రయాణ సౌకర్యం కల్పించిన విషయం తెలిసిందే. 2023- 24 మార్చి నాటికి రూ.49 కోట్ల ఆదాయంతో ఉమ్మడి జిల్లా రాష్ట్రంలో రెండో స్థానాన్ని దక్కించుకుంది.
News July 31, 2024
NLG: రెండో విడతలోనూ అనేక సమస్యలు
రైతు రుణమాఫీ రెండో విడతలోనూ అనేక సమస్యలు ఎదురయ్యాయి. ఈనెల 18న చేసిన మొదటి విడత రుణమాఫీలో ఏయే సమస్యలతో రుణమాఫీ కాలేదో ఇప్పుడూ అవే సమస్యలు ఉత్పన్నమయ్యాయి. ప్రభుత్వం మంగళవారం ప్రకటించిన రెండో విడత రుణమాఫీలో నల్లగొండ, సూర్యాపేట, యాదాద్రి జిల్లాల్లోని అనేక మంది రైతులకు మాఫీ వర్తించలేదు. పలు కారణాలతో రుణమాఫీ కాకపోవడంతో చాలామంది రైతులు తీవ్ర ఆందోళన చెందుతున్నారు.
News July 31, 2024
హైదరాబాద్‌లో నల్గొండ జిల్లా వివాహిత సూసైడ్
భర్త వేధింపులు భరించలేక భార్య ఆత్మహత్యకు పాల్పడిన ఘటన హయత్ నగర్ పోలీస్ స్టేషన్ పరిధిలో చోటుచేసుకుంది. పోలీసులు తెలిపిన వివరాల ప్రకారం.. యాచారం మండలం కురుమిద్దేకు చెందిన రమావత్ సుజాత(21)కు చింతపల్లి మండలం గాశిరాంతండాకు చెందిన రమావత్ శివ(23)తో 2023 మే 5న వివాహం జరిగింది. భర్త వేధింపులు తాళలేక హయత్ నగర్‌లో నివాసముంటున్న ఇంట్లోనే భార్య ఉరి వేసుకుని ఆత్మహత్యకు పాల్పడింది.
News July 31, 2024
నాగార్జునసాగర్ ప్రాజెక్ట్ అప్డేట్
నాగార్జునసాగర్ ప్రాజెక్ట్‌కు వరద కొనసాగుతోంది. ప్రాజెక్ట్ పూర్తిస్థాయి నీటిమట్టం 590.00 అడుగులు ఉండగా ప్రస్తుతం నీటిమట్టం 522.20 అడుగులకు చేరుకుంది. పూర్తిస్థాయి నీటి నిలువ సామర్థ్యం 312.5050 టీఎంసీలు ఉండగా ప్రస్తుత నీటి నిల్వ సామర్థ్యం 153.3180 టీఎంసీలకు చేరింది. నాగార్జునసాగర్ ఇన్ ప్లో: 2,32,843 క్యూసెక్కులు, ఔట్ ఫ్లో: 27,454 క్యూసెక్కులుగా ఉంది.
News July 31, 2024
బీబీనగర్‌: అన్నదమ్ముల మృతి
బీబీనగర్‌-పోచంపల్లి రహదారిలో మంగళవారం రోడ్డు ప్రమాదం జరిగింది. ప్రమాదంలో బడుగు నరసింహ అనే వ్యక్తి మృతిచెందాడు. బాధాకరమైన విషయం ఏమిటంటే చనిపోయిన నరసింహ అన్న బడుగు స్వామి అనారోగ్యంతో మహారాష్ట్రలో చనిపోయినట్లు సమాచారం వచ్చింది. పోచంపల్లిలో ఉన్న కుటుంబ సభ్యులకు సోదరుడు చనిపోయిన విషయం చెప్పాలని బీబీనగర్‌ నుంచి బైక్‌పై బయల్దేరాడు. బీబీనగర్‌ దాటిన వెంటనే ఎదురుగా వస్తున్న స్కూల్‌ బస్సు ఢీకొని చనిపోయాడు.
Featured News
Sorry, no posts matched your criteria.