India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News May 30, 2024
రేపటి నుంచి ఉచిత బియ్యం పంపిణీ షురూ
NLG జిల్లా వ్యాప్తంగా రేషన్‌ దుకాణాల ద్వారా శుక్రవారం నుంచి ఉచిత బియ్యం పంపిణీ చేపట్టనున్నారు. జిల్లాలోని 435880 మంది ఆహార భద్రత కార్డుదారులకు జూన్ 2024 మాసానికి సంబంధించి 5949.848 మెట్రిక్ టన్నుల బియ్యాన్ని ప్రభుత్వం కేటాయించింది. ప్రతి లబ్ధిదారుడికి 6 కిలోల చొప్పున, అంత్యోదయ కార్డుదారులకు 35 కిలోల చొప్పున, అన్నపూర్ణ కార్డుదారులకు 10 కిలోల చొప్పున బియ్యం పంపిణీ చేస్తామని డిఎస్ఓ తెలిపారు.
News May 30, 2024
జిల్లాలో విత్తనాల కొరత లేదు: NLG కలెక్టర్
నల్గొండ జిల్లాలో పత్తి, ఇతర పంటల విత్తనాలకు ఎలాంటి కొరత లేదని.. రైతులకు అవసరమైన విత్తనాల సరఫరాకై ఎప్పటికప్పుడు సమీక్ష నిర్వహించి విత్తనాలు అందుబాటులో ఉంచేందుకు చర్యలు తీసుకుంటున్నట్లు జిల్లా కలెక్టర్ దాసరి హరిచందన ఒక ప్రకటనలో తెలిపారు. జిల్లాలో మండలాల వారిగా అవసరమైన విత్తనాలు, పచ్చిరొట్ట విత్తనాలు 65% రాయితీపై గుర్తింపు పొందిన విత్తన విక్రయ కేంద్రాల ద్వారా సరఫరా చేయడం జరుగుతుందన్నారు.
News May 30, 2024
NLG: ‘మత్స్య సొసైటీకి ఎన్నికలను ఏర్పాటు చేయాలి’
నల్గొండ జిల్లాలోని మత్స్య సొసైటీకి ఎన్నికలను నిర్వహించాలని ముదిరాజ్ మత్స్యకారుల సంక్షేమ సంఘం రాష్ట్ర అధ్యక్షులు రమణ ముదిరాజ్ అన్నారు. ఈ సందర్భంగా నల్గొండ జిల్లా కేంద్రంలోని మత్స్య శాఖ అధికారికి గురువారం వినతిపత్రాన్ని అందజేశారు. రమణ ముదిరాజ్ మాట్లాడుతూ.. ఎన్నో యేండ్లుగా ఎన్నికలను నిర్వహించలేదని, వెంటనే నిర్వహించాలన్నారు.
News May 30, 2024
గ్రాడ్యుయేట్ అభ్యర్థుల్లో టెన్షన్ టెన్షన్!
పట్టభద్రుల MLC ఉపఎన్నిక ఫలితంపై అభ్యర్థుల్లో టెన్షన్ నెలకొంది. ఇటీవల జరిగిన NLG-KMM-WGL పట్టభద్రుల MLC ఉపఎన్నిక పోలింగ్ సరళిపై విశ్లేషణలు జోరుగా సాగుతున్నాయి. ఓట్ల లెక్కింపు జూన్ 5న జరగనున్న నేపథ్యంలో మొదటి ప్రాధాన్యత ఓటుతో ఫలితం తేలుతుందా లేక ద్వితీయ ప్రాధాన్యత ఓటుతో విజయం సాధిస్తారా అన్న అంశంపై జోరుగా చర్చ జరుగుతోంది. అభ్యర్థులు ఎవరికి వారే తాము విజయం సాధిస్తామని ధీమా వ్యక్తం చేస్తున్నారు.
News May 30, 2024
గ్రాడ్యుయేట్ అభ్యర్థుల్లో టెన్షన్ టెన్షన్!
పట్టభద్రుల MLC ఎన్నిక ఫలితంపై అభ్యర్థుల్లో టెన్షన్ నెలకొంది. ఇటీవల జరిగిన NLG-KMM-WGL పట్టభద్రుల MLC ఉప ఎన్నిక పోలింగ్ సరళిపై విశ్లేషణలు జోరుగా సాగుతున్నాయి. ఓట్ల లెక్కింపు జూన్ 5న జరుగనున్న నేపథ్యంలో మొదటి ప్రాధాన్యత ఓటుతో ఫలితం తేలుతుందా లేక ద్వితీయ ప్రాధాన్యత ఓటుతో విజయం సాధిస్తారా అన్న అంశంపై జోరుగా చర్చ జరుగుతోంది. అభ్యర్ధులు ఎవరికి వారే తాము విజయం సాధిస్తామని ధీమా వ్యక్తం చేస్తున్నారు.
News May 30, 2024
పెద్దవూర: సాగర్ ప్రాజెక్టు సమాచారం
నాగార్జునసాగర్ జలాశయంలో నీటి నిల్వలు తగ్గిపోతున్నాయి. గురువారం ప్రాజెక్టు అధికారులు తెలిపిన వివరాల ప్రకారం పూర్తిస్థాయి నీటిమట్టం 590.00 అడుగులకుగాను 504.70 అడుగులు, పూర్తిస్థాయి నీటినిల్వ సామర్థ్యం 312.5050 టీఎంసీలకుగాను ప్రస్తుతం 122.8483 టీఎంసీల నీటి నిల్వ ఉంది. ఇక జలాశయానికి ఇన్ ఫ్లో నిల్ ఉండగా, అవుట్ ఫ్లో 800 క్యూసెక్కులు ఉంది.
News May 30, 2024
NLG: సీఎంఆర్ ఆఖరి గడువు జూన్ 15?
ఉమ్మడి జిల్లాలో కస్టమ్ మిల్లింగ్ ధాన్యం తీసుకొని బియ్యం పెట్టకుండా ఇబ్బందులు పెడుతున్న మిల్లర్లపై పీడీ యాక్టు లాంటి కఠిన చర్యలు తీసుకోవాలని అధికారులు నిర్ణయించారు. వానాకాలం 2023-24 సీఎంఆర్ తో పాటు బకాయిపడిన బియ్యాన్ని జూన్ 15 వరకు ఇవ్వకపోతే కఠిన చర్యలు తీసుకుంటామని జిల్లా పాలనాధికారి హెచ్చరించినట్లు తెలుస్తుంది. బకాయి బియ్యం ఇవ్వకుంటే మిల్లర్లపై పిడి యాక్ట్ పెట్టే అవకాశం ఉందని తెలిసింది.
News May 30, 2024
మిర్యాలగూడలో రైలు కింద పడి ఇద్దరు సూసైడ్
మిర్యాలగూడ స్టేషన్ వద్ద గూడ్స్ రైలు కింద పడి ఇద్దరు సూసైడ్ చేసుకున్నారు. మృతులు మిర్యాలగూడ మం. వెంకటాద్రిపాలెం దురనగర్ వాసులుగా గుర్తించారు. వివాహేతర సంబంధమే ఆత్మహత్యకు కారణమని పోలీసులు అనుమానిస్తున్నారు. ఘటనకు సంబంధించి మరింత సమాచారం తెలియాల్సి ఉంది.
News May 30, 2024
ఎన్నిక ఏదైనా భువనగిరి ఫస్ట్
ఉద్యమాల గడ్డ యాదాద్రి భువనగిరి. ఎన్నిక ఏదైనా అదే చైతన్యాన్ని చాటుతూ.. ఓటింగ్‌లోనూ తామే సాటి అని నిరూపిస్తూ రాష్ట్రంలో ముందు వరుసలో నిలుస్తోంది ఈ జిల్లా. WGL-KMM-NLG పట్టభద్రుల అసెంబ్లీ స్థానాల పరిధిలో 34 అసెంబ్లీ నియోజకవర్గాలు, 12 జిల్లాలు వస్తాయి. 11 జిల్లాలను తలదన్ని యాదాద్రి జిల్లా 78.59 శాతం ఓట్లతో అగ్రస్థానంతో రాష్ట్రానికి ఆదర్శంగా నిలిచింది. అసెంబ్లీ, ఎంపీ ఎన్నికల్లోనూ భువవనగిగే అగ్రస్థానం.
News May 30, 2024
నల్గొండ: ఫలితాలకు మిగిలింది 5 రోజులే.. తీవ్ర ఉత్కంఠ
లోక్‌సభ ఎన్నికల ఫలితాల గడువు సమీపిస్తుండటంతో నల్గొండ, సూర్యాపేట, యాదాద్రి జిల్లాల నేతల్లో తీవ్ర ఉత్కంఠ నెలకొంది. పోలింగ్ నాటి నుంచి ఎక్కడ నలుగురు కలిసినా మనం గెలుస్తున్నామా?.. మన అభ్యర్థికి ఎంత మెజారిటీ వస్తుంది?.. మన పార్టీ హవా ఎలా ఉంది?అనే మాటలు వినబడుతున్నాయి. ఈ ఉత్కంఠ ప్రధానంగా ఎన్నికల ముందు పార్టీలు మారిన నేతల్లో అధికంగా కనబడటం గమనార్హం.కాగా ఫలితాలు ఎలా ఉంటాయో వేచి చూడాలి.
Featured News
Sorry, no posts matched your criteria.