India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News April 8, 2024
NLG: 44.5 డిగ్రీల గరిష్ఠ ఉష్ణోగ్రత
జిల్లాలో భానుడు ప్రతాపం తగ్గడం లేదు. పగటి ఉష్ణోగ్రతలు రోజురోజుకూ పెరుగుతున్నాయి. ఆదివారం జిల్లాలో 44.5 డిగ్రీల గరిష్ఠ ఉష్ణోగ్రత నమోదైంది. నిడమనూరు మండలంలో 44.5 డిగ్రీలు, అత్యల్పంగా చింతపల్లి మండలంలో వడకొండ గ్రామంలో 40.0 డిగ్రీల ఉష్ణోగ్రత నమోదైంది. ఎండలు మండుతుండడంతో ఇంట్లో నుంచి బయటికి వచ్చేందుకు జనం జంకుతున్నారు.
News April 8, 2024
నల్గొండ ఎంపీగా హ్యాట్రిక్ కొడుతుందా..?
తెలంగాణ ఏర్పడ్డాక జరిగిన రెండు ఎన్నికల్లోనూ (2014,2019) MP స్థానాన్ని కాంగ్రెస్ కైవసం చేసుకుంది. 2014లో గుత్తా సుఖేందర్ రెడ్డి హస్తం పార్టీ నుంచి గెలిచి తర్వాత కారెక్కారు. 2019లో ఉత్తమ్ కుమార్ రెడ్డి ఇక్కడి నుంచి ఎంపీగా గెలిచారు. ఈసారి కూడా గెలిచి కాంగ్రెస్ హ్యాట్రిక్ కొడుతుందేమో చూడాలి. కాగా ఇక్కడ కాంగ్రెస్ నుంచి రఘువీర్ రెడ్డి, BJPనుంచి సైదిరెడ్డి, BRS నుంచి కంచర్ల కృష్ణారెడ్డి పోటీలో ఉన్నారు.
News April 7, 2024
NLG: చికెన్ ధరలు కొండెక్కాయి…!
ఉమ్మడి జిల్లాలో చికెన్ ధరలు కొండెక్కాయి. ముక్కలేనిదే ముద్ద ముట్టని చికెన్ ప్రియులు ఇప్పుడు వెనకడుగు వేస్తున్నారు. జిల్లాలో కొన్నిచోట్ల కిలో చికెన్ ధర ఏకంగా రూ.300 పలుకుతోంది. పెరిగిన ఎండలతోపాటు కోళ్ల ఉత్పత్తి తగ్గడమే దీనికి ప్రధాన కారణమని వ్యాపారులు అంటున్నారు. వారం క్రితం రూ.200 ఉండగా ఇప్పుడు ఏకంగా రూ. 100 పెరిగి రూ.300కు చేరుకుంది. దీంతో చాలా మంది చికెన్ కొనుగోలు చేసేందుకు భయపడుతున్నారు.
News April 7, 2024
పిల్లి రామరాజు యాదవ్ BJPలో చేరనున్నారా..?
BJPలో చేరేందుకు పిల్లి రామరాజు యాదవ్ రంగం సిద్ధం చేసుకున్నట్లు స్థానికంగా చర్చ నడుస్తోంది. ఇటీవల తన రాజకీయ భవిష్యత్తుపై తమ అనుచరులు, కార్యకర్తలు, అభిమానులతో ఆత్మీయ సమ్మేళనం ఏర్పాటు చేశారు. ఈ సందర్భంగా BJP రాష్ట్ర అధ్యక్షుడు కిషన్ రెడ్డి, అధిష్ఠానంతో జరిపిన చర్చలు సఫలం అవడంతో ఈనెల 9న BJPలో చేరే అవకాశం ఉన్నట్లు స్థానిక నేతలు అంటున్నారు.
News April 7, 2024
బీఆర్ఎస్ ఒక్క సీటు కూడా గెలవదు: కోమటిరెడ్డి
తుంగతుర్తి నియోజకవర్గం పర్యటనలో కేసీఆర్ పై మంత్రి కోమటిరెడ్డి వెంకటరెడ్డి మండిపడ్డారు. పదేళ్లు ముఖ్యమంత్రిగా ఉండి ఫామ్ హౌస్‌కే పరిమితమైన కేసీఆర్ ఇప్పుడు ప్రజలనుమోసం చేసేందుకు పొలంబాటతో వస్తున్నారని విమర్శించారు. శవాల మీద పేలాలు ఏరుకునే కేసీఆర్ కుటుంబ సభ్యుల మాటలు ప్రజలు నమ్మేస్థితిలో లేరని, ఈ లోక్‌సభ ఎన్నికల్లో బీఆర్ఎస్ ఒక్క సీటు కూడా గెలవదని అన్నారు.
News April 7, 2024
NLG: జేబు దొంగల్లా కాంగ్రెస్ దుర్మార్గపు పాలన: MLA
ఆరు గ్యారంటీల పేరిట కాంగ్రెస్ ప్రభుత్వం ప్రజలను మోసం చేసిందని BRS ఎమ్మెల్యే జగదీశ్‌ రెడ్డి విమర్శించారు. HYD తెలంగాణ భవన్‌లో ఆయన మాట్లాడుతూ.. తెలంగాణ వేదికగా కాంగ్రెస్ నేతలు మరో మోసానికి తెరలేపారని మండిపడ్డారు. కాంగ్రెస్ ఇచ్చిన హామీలు నీటి మూటలని తేలిపోయిందన్నారు. మంత్రులకు IPL చూడటానికి ఉన్న ప్రాధాన్యం.. రైతులపై లేదని అన్నారు. జేబు దొంగల్లా కాంగ్రెస్ దుర్మార్గపు పాలన ఉందన్నారు.
News April 7, 2024
రామన్నపేట: నామినేషన్‌కు పెన్షన్ డబ్బులు విరాళం
రామన్నపేట మండలం మునిపంపుల తన సొంత గ్రామంలో భువనగిరి సీపీఎం అభ్యర్థి ఎండి జహంగీర్ ఇంటింటికి ప్రచారం చేపట్టారు. ఓ వృద్ధురాలు తన పెన్షన్ డబ్బులను పోటీలో నిలిచేందుకు నామినేషన్ వేయడానికి తన పెన్షన్ డబ్బులను విరాళంగా అందజేశారు. పార్టీలకు అతీతంగా సీపీఎం పార్టీకి ఓటు వేసి గెలిపించుకుంటామని గ్రామస్తులు ధీమా వ్యక్తం చేశారు.
News April 7, 2024
సాగర్ ప్రాజెక్ట్ సమాచారం
నాగార్జునసాగర్ జలాశయ నీటి మట్టం రోజురోజుకూ తగ్గుతోంది. ఆదివారం ఉదయం నాగార్జునసాగర్‌లో పూర్తిస్థాయి నీటి మట్టం 590 అడుగులకు గాను 511.20 అడుగులు, పూర్తి స్థాయి నీటి నిల్వ సామర్ధ్యం 312 టీఎంసీలకు గాను 133.7164 టీఎంసీల నీటి నిల్వ ఉంది. ఇన్ ఫ్లో నిల్ ఉండగా, అవుట్ ఫ్లో 1,350 క్యూసెక్కులుగా ఉంది.
News April 7, 2024
NLG: లోక్ సభ ఎన్నికల ప్రక్రియ వేగవంతం
ఈ నెల 18న రాష్ట్రంలోని అన్ని లోక్ సభ స్థానాల ఎన్నికల నిర్వహణకు షెడ్యూల్ విడుదల కానున్న నేపథ్యంలో NLG, BNG, SRPT జిల్లాల అధికారులు పనులను వేగవంతం చేస్తున్నారు. మే 13న నిర్వహించే పోలింగ్, జూన్ 3న కొనసాగే ఓట్ల లెక్కింపు ప్రక్రియను పటిష్ఠంగా నిర్వహించేందుకు సన్నాహాలు చేస్తున్నారు. ఒక్కో పోలింగ్ కేంద్రంలో ఒక పీవో, ఒక అసిస్టెంట్ పీవో, ఇద్దరు సహాయ ప్రిసైడింగ్ సిబ్బంది విధులు నిర్వహిస్తున్నారు.
News April 7, 2024
చికిత్స పొందుతూ ఉపాధ్యాయురాలు మృతి
సూర్యాపేట శివార్లలో మూడు రోజుల క్రితం ఆగి ఉన్న లారీని ఆటో ఢీ కొట్టిన సంగతి తెలిసిందే. ఈ ప్రమాదంలో ఘటనా స్థలిలోనే ఓ టీచర్ మృతి చెందిగా.. మరో ఇద్దరు టీచర్లు గాయపడ్డారు. కాగా కలకోట్ల లావణ్య అనే ఉపాధ్యాయురాలు చికిత్స పొందుతూ హైదరాబాదులో మృతి చెందారు. ఈ ఘటనతో తోటి ఉపాధ్యాయులు శోకసంద్రంలో మునిగిపోయారు.
Featured News
Sorry, no posts matched your criteria.