India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News March 29, 2024
సోషల్ మీడియాలో తప్పుడు పోస్టులు పెడితే చర్యలు: ఎస్పీ రాహుల్ హెగ్డే
సోషల్ మీడియాలో తప్పుడు పోస్టులు పెడితే చర్యలు తీసుకుంటామని సూర్యాపేట ఎస్పీ రాహుల్ హెగ్డే ఒక ప్రకటనలో తెలిపారు. ఎన్నికల నియమావళి అమల్లో ఉన్నందున ఈ విషయం గుర్తుంచుకోవాలన్నారు. సామాజిక మాధ్యమాలను వేదికగా చేసుకొని విద్వేషకర పోస్టులు పెట్టే వారి సమాచారాన్ని పోలీస్ స్టేషన్లో తెలియజేయాలని పేర్కొన్నారు. సమాచారం అందించిన వారి పేర్లు గోప్యంగా ఉంచుతామని తెలిపారు.
News March 29, 2024
జాతీయ జూనియర్ కబడ్డీ పోటీలకు అమూల్య
బిహార్ రాష్ట్రం పాట్నాలో మార్చి 31 నుంచి ఏప్రిల్ 3 వరకు జరగనున్న 33వ జాతీయ జూనియర్ కబడ్డీ పోటీలకు సూర్యాపేట జిల్లా నుంచి చింతరాల అమూల్య రాష్ట్ర జట్టుకు ఎంపికైనట్టు కబడ్డీ అసోసియేషన్ కార్యదర్శి నాగిరెడ్డి ఒక ప్రకటనలో తెలిపారు. అమూల్య ఎంపికకు సహకరించిన అంతర్జాతీయ క్రీడాకారుడు మహేందర్ రెడ్డికి, జై హనుమాన్ స్పోర్ట్స్ క్లబ్ సీనియర్ కబడ్డీ క్రీడాకారులకు ధన్యవాదాలు తెలియజేశారు.
News March 29, 2024
హత్య కేసులో నిందితుడికి రిమాండ్
ఓ వ్యక్తిని బండరాయితో కొట్టి హత్య చేసిన నిందితుడిని గురువారం అరెస్టు చేసి రిమాండ్‌కు తరలించినట్లు నాంపల్లి సీఐ నవీన్ కుమార్, ఎస్సై యాదయ్య తెలిపారు. మండలంలోని తీదేడులో ఈ 23న అలకుంట్ల రాజుతో ఎల్లయ్య గ్రామ శివారులోని గొడవ పడ్డారు. తిరిగి అదే రాత్రి గ్రామంలో గొడవ జరిగిన విషయమై ఇరువురు మాట్లాడుతుండగా మాటామాట పెరిగింది. కోపోద్రిక్తుడైన ఎల్లయ్య కర్రతో రాజుపై దాడి చేయడంతో మృతి చెందాడు.
News March 29, 2024
యాదాద్రి: ఉరి వేసుకుని యువకుడి సూసైడ్
వ్యక్తిగత కారణాలతో ఓ యువకుడు ఉరేసుకొని బలవన్మరణానికి పాల్పడిన ఘటన బీబీనగర్లో చోటుచేసుకుంది. పోచంపల్లి మండలం పిల్లాయిపల్లికి చెందిన నరసింహ అనే యువకుడు బీబీనగర్లో ఓ వెంచర్లో విద్యుత్ స్తంభానికి ఉరి వేసుకుని మృతి చెందాడు. తల్లి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్ఐ రమేష్ తెలిపారు.
News March 29, 2024
నల్గొండ: సిట్టింగ్‌ స్థానాలను నిలబెట్టుకోవాలని..
నల్గొండ, భువనగిరి లోక్ సభ స్థానాలకు ప్రధాన పార్టీలు అభ్యర్థులను ప్రకటించిన విషయం తెలిసిందే. అయితే ఆ రెండు స్థానాలను గత ఎన్నికల్లో కాంగ్రెస్ కైవసం చేసుకుంది. ప్రస్తుతం మంత్రులుగా ఉన్న ఉత్తమ్ నల్గొండ నుంచి , కోమటిరెడ్డి భువనగిరి నుంచి ఎంపీలుగా గెలిచారు. ఈసారి అదే ఫలితాన్ని పునరావృతం చేయాలని చూస్తోంది. బీఆర్ఎస్, బీజేపీ గెలుపుకోసం ఆరాటపడుతున్నాయి.
News March 29, 2024
NLG: కూలి రేట్లు పెరిగినా.. కూలీలు అసంతృప్తి!
ఉపాధి కూలీలకు కేంద్రం దినసరి కూలిని పెంచింది. పెంచిన కూలిని APR 1 నుంచే చెల్లించనున్నారు. గతేడాది APR 1 నుంచి ఈ ఏడాది మార్చి 31 వరకు రూ. 272గా చెల్లిస్తుండగా.. తాజాగా మరో రూ.28 పెంచింది. దీంతో రూ. 300లకు చేరింది. ఉమ్మడి జిల్లాలో దాదాపు 4 లక్షల జాబ్కార్డుల కూలీలకు లబ్ధి కలగనుంది. వ్యవసాయేతర పనులకు వెళితే రూ.500 వరకు చెల్లిస్తుండడంతో.. కూలి రేట్లు పెరిగినా కూలీలు అసంతృప్తితోనే ఉన్నారు.
News March 29, 2024
NLG: టెట్‌పై గురి.. అర్హత సాధించేందుకు..
ఉమ్మడి జిల్లాలో టీచర్ ఎలిజిబిలిటీ టెస్ట్ (టెట్) పరీక్ష పై యువత గురి పెట్టింది. ఉమ్మడి జిల్లాలోని డీఎడ్, బీఎడ్ అభ్యసించి ఉపాధ్యాయ అర్హత పరీక్ష ఉత్తీర్ణత సాధించేందుకు వేలాదిమంది నిరుద్యోగులు ప్రయత్నిస్తున్నారు. గత సెప్టెంబర్లో నిర్వహించిన టెట్ పరీక్షకు మొత్తం 43,681 మంది దరఖాస్తు చేసుకోగా.. 36, l919 మంది హాజరయ్యారు. అందులో పేపర్-1 కు 18,174 మంది, పేపర్-2కు 18,745 మంది టెట్ పరీక్ష రాశారు.
News March 29, 2024
నల్గొండ: అభ్యర్థులు ఖరారు.. ప్రచారంలో బిజీ
నల్గొండ, భువనగిరి లోక్ సభ స్థానాలకు కాంగ్రెస్, బీఆర్ఎస్, బీజేపీ అభ్యర్థులను ఖరారు చేశాయి. నల్గొండ కాంగ్రెస్ అభ్యర్థిగా రఘువీర్, బీఆర్ఎస్ అభ్యర్థిగా కంచర్ల కృష్ణారెడ్డి, బీజేపీ నుంచి సైదిరెడ్డి పోటీ చేస్తున్నారు. భువనగిరి కాంగ్రెస్ అభ్యర్థిగా చామల కిరణ్ కుమార్, బీఆర్ఎస్ నుంచి క్యామ మల్లేశ్, బీజేపీ నుంచి బూర నర్సయ్య గౌడ్ బరిలో ఉన్నారు. వీరంతా ప్రచారంలో నిమగ్నం కానున్నారు.
News March 29, 2024
‘CMR చెల్లింపు లక్ష్యాన్ని ఏప్రిల్ చివరి నాటికి పూర్తి చేయాలి’
2023- 24 వానకాలం కష్టం మిల్లింగ్ రైస్ చెల్లింపు లక్ష్యాన్ని ఏప్రిల్ చివరి నాటికి పూర్తి చేయాలని కలెక్టర్ హరిచందన రైస్ మిల్లర్లను కోరారు. గురువారం ఆమె మిర్యాలగూడ రెవిన్యూ డివిజనల్ అధికారి కార్యాలయంలో రైస్ మిల్లర్లతో నిర్వహించిన సమావేశంలో మాట్లాడారు. 2023- 24 వానాకాలానికి సంబంధించిన సీఎంఆర్ ప్రతిరోజు 4000 మెట్రిక్ టన్నులు ఇవ్వాల్సి ఉండగా, మిల్లర్లు 50 శాతం మాత్రమే చెల్లిస్తున్నారని అన్నారు.
News March 28, 2024
కాంగ్రెస్ ఎంపీ అభ్యర్థి డ్రగ్స్ వ్యాపారంలో కూరుకుపోయారు: గాదరి కిషోర్
NLG: పార్లమెంట్ ఎన్నికల్లో కాంగ్రెస్, బిజెపి పార్టీలను బొంద పెడతామని తుంగతుర్తి మాజీ ఎమ్మెల్యే డాక్టర్ గాదరి కిషోర్ కుమార్ అన్నారు. ఈరోజు నల్లగొండలో ఆయన విలేకరులతో మాట్లాడుతూ కాంగ్రెస్ ఎంపీ అభ్యర్థి కుందూరు రఘువీర్ రెడ్డి డ్రగ్స్ వ్యాపారంలో కూరుకుపోయారని విమర్శించారు. అలాంటి వ్యక్తిని పార్లమెంటుకు పంపొద్దని యువతను కోరారు. ఢిల్లీలో గొంతుక వినబడాలంటే బిఆర్ఎస్ పార్టీ అభ్యర్థులను గెలిపించాలన్నారు.
Featured News
Sorry, no posts matched your criteria.