India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nizamabad
News November 26, 2024
పిట్లం: అంగన్వాడీ సెంటర్లో కాలం చెల్లిన పాల ప్యాకెట్ల సరఫరా..!
పిట్లంలోని ఓ అంగన్వాడీ సెంటర్లో కాలం చెల్లిన పాల ప్యాకెట్లు సరఫరా చేసిన ఘటన వెలుగు చూసింది. గ్రామానికి చెందిన పలువురు గర్భిణీలు సోమవారం అంగన్వాడీకి వచ్చి టెట్రా పాల డబ్బాలు తీసుకెళ్లారు. తీరా ఇంటికి వెళ్లి చూసే సరికి కాల పరిమితి ముగిసిపోయినట్లు గమనించి పడేశారు. ఇలాంటి పాల ప్యాకెట్లు సరఫరా చేస్తారా..? అని గర్భిణీలు ఆవేదన వ్యక్తం చేస్తున్నారు.
News November 26, 2024
కాంగ్రెస్ ప్రభుత్వ అసమర్థ పరిపాలన మరో పేదబిడ్డ ప్రాణం తీసింది: కవిత
కాంగ్రెస్ ప్రభుత్వ అసమర్థ పరిపాలన మరో పేదబిడ్డ ప్రాణం తీసిందని నిజామాబాద్ ఎమ్మెల్సీ కల్వకుంట్ల కవిత ఆరోపించారు. వాంకిడి గిరిజన ఆశ్రమ పాఠశాలలో కలుషిత ఆహారం వల్ల అస్వస్థతకు గురై 20 రోజులుగా ఆసుపత్రిలో చికిత్స పొందుతున్న చిన్నారి శైలజ మరణ వార్త నన్ను ఎంతగానో కలచి వేసిందని ఎక్స్ వేదికగా ఆమె పేర్కొన్నారు. 11 నెలల్లో 43 మంది విద్యార్థుల ప్రాణాలు తీయడం ఇవన్నీ రేవంత్ రెడ్డి ప్రభుత్వం చేసిన హత్యలేనన్నారు.
News November 25, 2024
BREAKING: NZB: చెరువులో దూకి తండ్రి, కూతురి ఆత్మహత్య
నిజామాబాద్ నగర శివారులోని న్యాల్‌కల్‌లో ఈరోజు విషాదం చోటు చేసుకుంది. ప్రత్యక్ష సాక్షులు తెలిపిన వివరాలు.. బైక్ పై వచ్చిన తండ్రి, కూతురు చెరువులో దూకి ఆత్మహత్యకు పాల్పడ్డారు. ఈరోజు తెల్లవారుజామున ఈ ఘటన జరిగింది. వారు నగరంలోని వర్ని చౌరస్తాకు చెందిన క్రాంతి(35), కూతురు (7)గా స్థానికులు తెలిపారు. ఈ ఘటనపై మరిన్ని వివరాలు తెలియాల్సి ఉంది.
News November 25, 2024
పదేళ్లలో BRS చేసింది శూన్యం: సుదర్శన్ రెడ్డి
రాష్ట్రంలో కాంగ్రెస్ ప్రవేశ పెట్టిన పథకాలే తప్ప గత పదేళ్లలో BRS చేసింది శూన్యమని బోధన్ MLA సుదర్శన్ రెడ్డి అన్నారు. ఆదివారం రెంజల్‌లో ఆయన పలు అభివృద్ధి పథకాలకు భూమిపూజ చేసి మాట్లాడారు. కాంగ్రెస్ ప్రభుత్వం ఏడాదిలోనే అనేక పథకాలు ప్రవేశపెట్టిందని, KCR రాష్ట్రాన్ని అప్పుల పాలు చేసి పోయారన్నారు. కాంగ్రెస్‌కు ప్రజలే పట్టం కట్టారని పేర్కొన్నారు. త్వరలోనే నిజాం షుగర్ ఫ్యాక్టరీ తెరిపిస్తామని హామీ ఇచ్చారు.
News November 25, 2024
ప్రభుత్వ వైఫల్యాలను ప్రజలకు వివరిద్దాం: కల్వకుంట్ల కవిత
ప్రభుత్వ వైఫల్యాలను ప్రజలకు వివరించుదామని నిజామాబాద్ ఎమ్మెల్సీ కల్వకుంట్ల కవిత పిలుపునిచ్చారు. ఆదివారం ఆమె పార్టీ శ్రేణులతో మాట్లాడుతూ.. దేశ చరిత్రలోనే అధికారంలోకి వచ్చిన పదినెలల్లోనే ఇంత ప్రజా వ్యతిరేకత మూట గట్టుకున్న ప్రభుత్వం ఎక్కడా లేదన్నారు. కాగా పార్టీ మారిన వ్యక్తులను ప్రజలకు క్షమించరని పేర్కొంటూ స్థానిక సంస్థల ఎన్నికల్లో సత్తా చాటుదామన్నారు.
News November 24, 2024
NZB: మాజీ సైనికులకు ఆర్టీసీలో ఉద్యోగాలు
సైనిక సంక్షేమ శాఖ ద్వారా రాష్ట్ర ప్రభుత్వం మాజీ సైనికులకు TGS RTCలో ఉద్యోగాలు కల్పించనుంది. ఈ మేరకు RTC నోటిఫికేషన్ విడుదల చేసింది. రాష్ట్ర వ్యాప్తంగా 1,201 డ్రైవింగ్ పోస్టులను కాంట్రాక్ట్ పద్ధతిన భర్తీ చేయనున్నారు. ఉమ్మడి జిల్లాలో 110 ఉద్యోగాలు ఉన్నట్లు పేర్కొన్నారు. 18నెలల అనుభవంతో కూడిన హెవీ డ్యూటీ లైసెన్స్, 58 ఏళ్లలోపు వయస్సు ఉన్నవారు అర్హులు. ఈ నెల 30 వరకు దరఖాస్తు చేసుకోవచ్చన్నారు.
News November 24, 2024
KMR జిల్లాలో సంక్షేమానికి చేసిన ఖర్చు వివరాలు
జిల్లాలో 23 శాఖల ద్వారా చేపడుతున్న కార్యక్రమాలను సమీక్షిస్తున్నట్లు కలెక్టర్ ఆశిష్ సాంగ్వాన్ తెలిపారు. PM కిసాన్ సమ్మాన్ నిధికి రూ.531.6 కోట్లు, మధ్యాహ్న భోజనం రూ.9.68 కోట్లు, ఉపాధి హామీ పథకం రూ.73 కోట్లు, ఆసరా పింఛన్లకు రూ.36.75 కోట్లు, పంచాయతీరాజ్ శాఖకు రూ.61.25 కోట్లు, RRRకు రూ.16.63 కోట్లు, MP లాడ్స్‌కు రూ.59.37 లక్షలు, PM ఆదర్శ్ గ్రామ యోజన పథకానికి రూ.49.50 లక్షలు ఖర్చు చేశామన్నారు.
News November 23, 2024
KMR: దిశ సమావేశంలో పాల్గొన్న MP, MLA
అభివృద్ధి, సంక్షేమ కార్యక్రమాల అమలులో అధికారులు సమష్టి సహకారంతో పనిచేయాలని MP సురేశ్ షెట్కార్ అన్నారు. శనివారం దిశ సమావేశంలో ఎమ్మెల్యే KVRతో కలిసి ఆయన పాల్గొన్నారు. 18వ లోక్‌సభ ఏర్పడిన తర్వాత మొదటి దిశ సమావేశం నిర్వహించినట్లు పేర్కొన్నారు. అన్ని శాఖల అధికారుల సహకారంతో ప్రతిపాదించిన లక్ష్యాలను సాధించాలని, కేంద్ర, రాష్ట్ర ప్రభుత్వాల సహకారంతో అభివృద్ధి, సంక్షేమ కార్యక్రమాలు అమలు చేయాలన్నారు.
News November 23, 2024
ఉమ్మడి నిజామాబాద్ జిల్లా వాసులకు గమనిక
త్వరలో నిజామాబాద్- ఆదిలాబాద్- మెదక్- కరీంనగర్ పరిధిలో పట్టభద్రులు, ఉపాధ్యాయ ఎమ్మెల్సీ ఎన్నికలు జరగనున్నాయి. ఇప్పటికే చాలా మంది పట్టభద్రులు, టీచర్లు ఓటర్లుగా నమోదు చేసుకున్నారు. అర్హులు ఇంకా ఎవరైనా ఉండవచ్చన్న అనుమానంతో డిసెంబర్ 9 వరకు ఓటుకు దరఖాస్తు చేసుకునే వెసులుబాటు కల్పించింది. 2021 అక్టోబర్ 31 నాటికి డిగ్రీ పూర్తి అయిన వాళ్లు ఆన్‌లైన్‌లో ఓటు కోసం దరఖాస్తు చేసుకోవచ్చు.
News November 23, 2024
బోధన్ డివిజన్‌లో 93% సర్వే పూర్తి
బోధన్ డివిజన్‌లో సమగ్ర ఇంటింటి కుటుంబ సర్వే 93% పూర్తయిందని బోధన్ సబ్ కలెక్టర్ వికాస్ మహతో అన్నారు. మిగిలిన సర్వేను త్వరలోనే పూర్తి చేస్తామన్నారు. బోధన్ పట్టణంలో 88% సర్వే పూర్తి చేశామన్నారు. బోధన్ డివిజన్‌లో డేటా ఎంట్రీని కూడా ప్రారంభించామని తెలిపారు.
Featured News
Sorry, no posts matched your criteria.