India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nizamabad
News May 27, 2024
NZB: విదేశాల్లో జాబ్ పేరిట రూ.31.10 లక్షల స్కామ్
ఏజెంట్ల చేతిలో మోసపోయిన ఘటన బాల్కొండలో జరిగింది. శేఖర్, జశ్విందర్ సింగ్, మహజన్ అనే ముగ్గురు చంఢీగర్, ఢిల్లీలో ఏజెంట్లుగా పని చేస్తున్నామని మండలానికి చెందిన ఏడుగురిని నమ్మించారు. విదేశాల్లో జాబ్స్ ఇప్పిస్తామని చెప్పి వారి వద్ద రూ.31.10 లక్షలు వసూలు చేశారు. నకిలీ వీసాలు, టికెట్లు పంపించడంతో వీరు నమ్మి డబ్బులు చెల్లించారు. గడువు సమీపించడంతో ఫోన్ చేయగా స్విచ్ ఆఫ్ రావడంతో పోలీసులకు ఫిర్యాదు చేశారు.
News May 27, 2024
మస్కట్‌లో తాడ్వాయి వాసి మృతి
ఉపాధి కోసం మస్కట్ వెళ్లిన వ్యక్తి రోడ్డు ప్రమాదంలో మృతి చెందాడు. తాడ్వాయి మండలం కృష్ణాజివాడి గ్రామానికి చెందిన దాసరి నర్సింలు(41) గత నెల 24న ఒమన్‌లోని మస్కట్‌కు పని నిమిత్తం వెళ్లాడు. ఈ నెల 13న జరిగిన రోడ్డు ప్రమాదంలో మృతి చెందినట్లు కుటుంబీకులు తెలిపారు. కంపెనీ ప్రతినిధులు పట్టించుకోవడంలేదని వారు వాపోయారు. మృతదేహాన్ని స్వగ్రామానికి తెప్పించాలని ప్రజాప్రతినిధులను, అధికారులను వేడుకుంటున్నారు.
News May 27, 2024
నిజామాబాద్: సైబర్ మోసాల పట్ల అవగాహన
నిజామాబాద్ టౌన్ 3 పోలీస్ స్టేషన్ సిబ్బంది SC హాస్టల్ నాందేవ్ వాడ విద్యార్థులకు ఆన్ లైన్ మోసాల పట్ల అవగాహన కల్పించారు. ఈ సందర్భంగా వారు మాట్లాడుతూ.. OTP & సైబర్ క్రైమ్ మోసాల గురించి అవగాహన కల్పించామన్నారు. ప్రతి ఒక్కరూ రోడ్డు భద్రత నియమాలు పాటించాలని కోరారు. సైబర్ క్రైమ్ పోర్టల్ & టోల్ ఫ్రీ నెంబర్ 1930 గురించి అవగాహన కల్పించారు.
News May 26, 2024
KMR: గుర్తు తెలియని మృతదేహం లభ్యం
కామారెడ్డి పరిధిలోని మనోహరాబాద్ – గజ్వేల్ రైల్వే స్టేషన్ల మధ్యలో రామాయపల్లి గ్రామ సమీపంలో గుర్తు తెలియని వ్యక్తి మృతదేహం లభ్యమైనట్లు రైల్వే SI తావునాయక్ తెలిపారు. మృతుడు 55 – 60 సం.ల మధ్య వయస్సు కలిగి, తెల్ల చొక్కా నల్ల ప్యాంటు ధరించాడన్నారు. మృతుడి వద్ద ఎలాంటి ఆధారాలు లభించలేదన్నారు. మృతుడి వివరాలు తెలిస్తే తమని సంప్రదించాలని SI తెలిపారు.
News May 26, 2024
సదాశివనగర్ శివారులో రోడ్డు ప్రమాదం.. ఒకరు మృతి
కామారెడ్డి జిల్లా సదాశివనగర్ మండల కేంద్రంలోని 44 నంబర్ జాతీయ రహదారిపై ఆదివారం రాత్రి రోడ్డు ప్రమాదం జరిగింది. ఈ ఘటనలో రామారెడ్డి మండల కేంద్రానికి చెందిన వ్యక్తి మృతి చెందినట్లు పోలీసులు తెలిపారు. సత్య పీర్ల దర్గా సమీపంలో గుర్తు తెలియని వాహనం ఢీకొట్టడంతో అతను మృతి చెందినట్లు పేర్కొన్నారు. ఈ ఘటనకు సంబంధించి పూర్తి వివరాలు తెలియాల్సి ఉంది.
News May 26, 2024
లాడ్జీలో వ్యభిచారం నడుపుతున్న నలుగురిపై కేసు నమోదు: SHO
లాడ్జీలో వ్యభిచారం నడుపుతున్న నలుగురిపై కేసు నమోదు చేసినట్లు నిజామాబాద్ వన్ టౌన్ SHO విజయ్ బాబు ఆదివారం ఒక ప్రకటనలో తెలిపారు. ఈ మేరకు నవదుర్గ లాడ్జీ అసాంఘిక కార్యక్రమాలు (వ్యభిచారం) నడుపుతున్నారన్న సమాచారం మేరకు దాడి చేసి చెన్న గంగాదాసు @ రాము, చెన్న దీక్షిత్, గుండేటి బోజన్న, సతీష్ (నవ దుర్గ మేనేజర్ )పై కేసు నమోదు చేసి బాధితురాలిని స్వధార్ హోంకు పంపినట్లు SHOవివరించారు.
News May 26, 2024
NZB జిల్లా ఆసుపత్రిలో కుళ్లిన భోజనం.!
నిజామాబాద్ జిల్లా ఆసుపత్రిలో వైద్యం కోసం వస్తున్న పేద ప్రజలకు నాణ్యమైన భోజనం పెట్టడం లేదని పలువురు ఆరోపించారు. రోగులకు, వారి కోసం వచ్చిన వారికి అందించే భోజనంలో పురుగులు ఉన్నట్లు, గుడ్లు పాడయిపోయాయని వాపోయారు. ప్రభుత్వాసుపత్రిలో భోజన ఏజెన్సీ నిర్వహిస్తున్న కాంట్రాక్టర్ రోగుల పట్ల శ్రద్ధ వహించకుండా నిర్లక్ష్యంగా వ్యవహరిస్తున్నారని ఆవేదన వ్యక్తం చేశారు. అధికారులు చర్యలు తీసుకోవాలని కోరారు.
News May 26, 2024
కామారెడ్డిలో గుర్తు తెలియని వ్యక్తి మృతదేహం లభ్యం
కామారెడ్డిలోని గంజి మార్కెట్ వద్ద నిర్మాణంలో ఉన్న భవనం లిఫ్టు గుంతలో గుర్తు తెలియని వ్యక్తి మృతదేహం లభ్యమైంది. ఘటనా స్థలానికి చేరిన పోలీసులు కేసు నమోదు చేసి దర్యాప్తు చేస్తున్నారు. మృతుడి వయసు 35 నుంచి 40 ఏళ్ళు ఉంటుందని, మృతదేహం పూర్తిగా కుళ్ళిపోయిన స్థితిలో ఉందని సీఐ చంద్రశేఖర్ రెడ్డి తెలిపారు.
News May 26, 2024
NZB: కూతురిపై దాడి చేయించిన తల్లి
ఈ నెల 23న జానకంపేట శివారు నిజాంసాగర్ ప్రధాన కాలువ గట్టు వద్ద <<13301418>>బాలికపై జరిగిన దాటి<<>> ఘటనను పోలీసులు ఛేదించారు. తమ వివాహేతర బంధానికి అడ్డువస్తుందని భావించి బాలిక తల్లి మరో ఇద్దరు వ్యక్తులతో కలిసి కాలువ గట్టు వద్ద బాలికపై దాడి చేసి తీవ్రంగా గాయపరిచారు. చనిపోయిందని భావించి అక్కడి నుంచి వెళ్లిపోయారు. బాలిక వద్ద వాంగ్మూలం తీసుకున్న పోలీసులు నిందితులను అరెస్ట్ చేశారు.
News May 26, 2024
పిట్లం: భర్తను హత్య చేయించిన భార్య
పిట్లం మండలం చిన్న కొడప్గల్ శివారులో సోమవారం జరిగిన కృష్ణయ్య <<13288336>>హత్య కేసును<<>> పోలీసులు
ఛేదించారు. ఈ కేసులో ముగ్గురిని అరెస్ట్ చేసి శుక్రవారం రిమాండ్‌కు తరలించారు. చిన్నకొడప్గల్ వాసి కృష్ణయ్య కొన్నేళ్లుగా తాగొచ్చి ఇంట్లో తన భార్య రుక్మిణితో గొడవ పడుతున్నాడు. ఈ క్రమంలో ఆమె తన బావ అయిన సాయిలు, మరో వ్యక్తి సున్నం శ్రీకాంత్ సహాయంతో కృష్ణయ్యను హత్య చేయించినట్లు CI సత్య నారాయణ తెలిపారు.
Featured News
Sorry, no posts matched your criteria.