India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nizamabad
News July 26, 2024
NZB: ఫోన్‌ల రికవరీలో నంబర్ వన్ ఠాణా ఇదే.!
NZB పోలీస్ కమిషనరేట్ పరిధిలోని 1వ ఠాణా ఫోన్‌ల రికవరీలో నంబర్ 1గా నిలిచింది. ఫోన్లు చోరీకి గురైన, పోగొట్టున్న వారి నుంచి 1,432 ఫిర్యాదులు రాగా వాటిలో 904 సెల్ ఫోన్లను గుర్తించారు. అందులో 504 మంది బాధితులకు ఫోన్లు అందించడంతో 1వ ఠాణా ప్రథమ స్థానంలో నిలిచింది. KMR జిల్లాలోని బాన్సువాడ పోలీస్ స్టేషన్ 303 ఫోన్లు రికవరీ చేసి 13వ స్థానం, కామారెడ్డి పట్టణ ఠాణా 206 ఫోన్లు రికవరీ చేసి 21 స్థానంలో నిలిచాయి.
News July 26, 2024
NZB: కుక్కర్ కోసం మహిళపై కత్తితో దాడి
మహిళలపై కత్తితో దాడి చేసిన ఘటన నవీపేట్‌లో జరిగింది. జలాల్‌పూర్‌కి చెందిన గంగవ్వ అదే గ్రామానికి చెందిన సావిత్రి వద్ద నెల కిందట కుక్కర్ కొనుగోలు చేసింది. అది సరిగ్గా పనిచేయకపోవడంతో పలుమార్లు వారికి గొడవ జరిగింది. కాగా గురువారం సావిత్రి.. గంగవ్వను డబ్బులు ఇవ్వాలని అడగ్గా దానికి గంగవ్వ నిరాకరించింది. దీంతో కోపగించుకున్న సావిత్రి ఆమె తలపై కత్తితో నరికింది. ఈ ఘటనపై SI యాదగిరి గౌడ్ కేసు నమోదు చేశారు.
News July 26, 2024
కామారెడ్డి: ఉరేసుకొని తల్లి, కుమార్తె ఆత్మహత్య.. వివరాలు ఇవే.!
తల్లి, కూతురు <<13707442>>ఆత్మహత్య<<>>కు పాల్పడ్డ విషయం తెలిసిందే. మాలన్ బాయి, కుమార్తె మనీషా, కుమారుడు మంగళ్ దీప్తోతో కలిసి డోంగ్లిలో నివాసముంటుంది. కొద్ది రోజులుగా మాలన్ బాయి అనారోగ్యంగా ఉండటంతో పాటు కుమార్తె మనీషా మానసిక స్థితి బాగలేకపోవడంతో ఆత్మహత్య చేసుకొని ఉండవచ్చని జుక్కల్ SI సత్యనారాయణ అనుమానం వ్యక్తం చేశారు. కాగా ఈ ఏడాది మార్చిలో ఆమె భర్తను హత్య చేసిన కేసులో మాలన్ A1గా ఉంది.
News July 25, 2024
జక్రాన్పల్లి: వృద్ధురాలిని బెదిరించి దొంగతనం
జక్రాన్పల్లి మండలంలోని నారాయణపేటకు చెందిన జానకంపేట్ లక్ష్మీ (55)ని ముగ్గురు దుండగులు బెదిరించి బీరువాలో నుంచి 2 తులాల బంగారు పుస్తెలతాడు, కొంత నగదును దోచుకొని పరారయ్యారు. బుధవారం అర్ధరాత్రి ముగ్గురు గుర్తు తెలియని వ్యక్తులు ఆమె ఇంటికి వచ్చి ఇంటి తలుపులు కొట్టి, మీ మరిది చనిపోయాడని చెప్పడంతో తలుపులు తీసింది. దీంతో దుండగులు లక్ష్మీని కత్తితో చంపేస్తామని బెదిరించి దొంగతనానికి పాల్పడ్డారు.
News July 25, 2024
కామారెడ్డి: చిన్న మల్లయ్య హత్య కేసులో ముగ్గురి అరెస్టు
అడ్లూర్ ఎల్లారెడ్డి గ్రామానికి చెందిన చిన్న మల్లయ్య అనే వ్యక్తిని హత్య చేసి పూడ్చిపెట్టిన కేసులో ముగ్గురిని అరెస్టు చేసి రిమాండ్‌కు తరలించినట్లు ఎల్లారెడ్డి డీఎస్పీ శ్రీనివాసులు తెలిపారు. సదాశివ నగర్ పోలీస్ స్టేషన్లో ఆయన వివరాలను వెల్లడించారు. సాంకేతిక పరిజ్ఞానం ద్వారా ఆ ముగ్గురిని అరెస్టు చేసినట్లు తెలిపారు. ఆ ముగ్గురిపై పలు సెక్షన్లలో కేసులు నమోదు చేసి రిమాండ్‌కు తరలించినట్లు పేర్కొన్నారు.
News July 25, 2024
నిజామాబాద్: నేటి వార్తల్లోని ముఖ్యంశాలు
* కామారెడ్డి జిల్లాలో ఉరేసుకొని తల్లి, కుతూరు సూసైడ్*VIDEO: మంజీరా నదిలో చిక్కుకున్న ముగ్గురు పశువుల కాపరులు*భట్టి మాటలన్నీ ఉత్త మాటలే: ఎమ్మెల్యే ధన్పాల్*NZB: బడ్జెట్ అభూత కల్పన, అబద్దాల పుట్ట: వేముల*బోధన్ నిజాం షుగర్స్ ను తిరిగి తెరిపిస్తాం: డిప్యూటీ CM *అంకాపూర్ పచ్చి బుట్టలకు భారీ డిమాండ్*శ్రీరాంసాగర్ ప్రాజెక్ట్.. @61 ఇయర్స్..!
News July 25, 2024
కామారెడ్డి జిల్లాలో విషాదం.. ఉరేసుకొని తల్లి, కూమార్తె SUICIDE
కామారెడ్డి జిల్లాలో విషాదం చోటుచేసుకుంది. డోంగ్లి మండల కేంద్రానికి చెందిన మలన్ బాయి (46), ఆమె కుమార్తె మనీషా (23) ఉరేసుకొని ఆత్మహత్యకు పాల్పడ్డారు. అనారోగ్య కారణాలతో ఆత్మహత్య చేసుకున్నట్లు సమాచారం. పోలీసులు ఘటన స్థలానికి చేరుకొని ఆత్మహత్యకు గల కారణాలను తెలుసుకునే పనిలో ఉన్నారు. ఈ ఘటనకు సంబంధించి పూర్తి వివరాలు తెలియాల్సి ఉంది.
News July 25, 2024
మాచారెడ్డి: కరెంట్ షాక్‌తో మహిళ మృతి
కామారెడ్డి జిల్లా మాచారెడ్డి మండలంలో విషాదం చోటుచేసుకుంది. కరెంట్ షాక్ తగిలి ఓ మహిళ మృతి చెందినట్లు మాచారెడ్డి ఎస్సై అనిల్ కుమార్ తెలిపారు. అంకిరెడ్డిపల్లి గ్రామ పరిధిలోగల మఠం రాళ్ల తండాకు చెందిన ప్రమీల తన పొలానికి సద్ది గంప తీసుకొని వెళ్తుండగా ప్రమాదం జరిగిందన్నారు. గంపపై ఉన్న గొడుగుకు విద్యుత్ వైర్లు తగలడంతో ప్రమీల విద్యాదాఘాతానికి గురై అక్కడికక్కడే మృతి చెందినట్లు వివరించారు.
News July 25, 2024
టీయూ పరిధిలో ప్రశాంతంగా పీజీ రెగ్యులర్, బ్యాక్ లాగ్ పరీక్షలు
తెలంగాణ విశ్వవిద్యాలయ పరిధిలో ఇంటిగ్రేటెడ్ పీజీ సెమిస్టర్ రెగ్యులర్, బ్యాక్ లాగ్ పరీక్షలు 9వ రోజైన గురువారం ప్రశాంతంగా జరిగాయని టీయూ ఆడిట్ సెల్ డైరెక్టర్ ఆచార్య ఘంటా చంద్రశేఖర్ తెలిపారు. గురువారం ఉదయం జరిగిన పరీక్షకు 71 మంది విద్యార్థులు హాజరయ్యారన్నారు. అయితే మధ్యాహ్నం జరిగిన పరీక్షకు 187 మంది విద్యార్థులకు గాను 169 మంది విద్యార్థులు హాజరయ్యారని, 18 మంది విద్యార్థులు గైరాజరయ్యారని తెలిపారు.
News July 25, 2024
నిజామాబాద్: DEECET ఫలితాలు విడుదల
డిప్లొమా ఇన్‌ ఎలిమెంటరీ ఎడ్యుకేషన్‌ (D.ED) కళాశాలలో సీట్ల భర్తీ కోసం ఈ నెల 10న ఆన్‌లైన్‌లో నిర్వహించిన DEECET-2024 పరీక్ష ఫలితాలు విడుదలైనట్లు నిజామాబాద్ డైట్ కళాశాల ప్రిన్సిపల్ శ్రీనివాస్ తెలిపారు. ఫలితాల కోసం https://deecet.cdse.telangana.gov.in/ వెబ్ సైట్‌ను సందర్శించాలని ఆయన సూచించారు. సర్టిఫికెట్ల వెరిఫికేషన్‌ ప్రక్రియ, వెబ్ ఆప్షన్ల నమోదు తేదీలను త్వరలో ప్రకటిస్తారని ఆయన వివరించారు.
Featured News
Sorry, no posts matched your criteria.