India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nizamabad
News April 6, 2024
రుద్రూర్: భార్యతో గొడవ పడొద్దన్నందుకు హత్య
పొతంగల్‌లో అన్నను తమ్ముడు <<12993064>>హత్య <<>>చేసిన విషయం తెలిసిందే. స్థానికులు, పోలీసుల వివరాల ప్రకారం.. గోవింద్, విఠల్ అన్నాదమ్ములు. విఠల్ తరచూ తన భార్యతో గొడవపడుతుండడంతో అన్న మందలించేవాడు. ఈక్రమంలో గోవింద్‌పై కక్షపెంచుకున్నాడు. గురువారం ఇంటికి వచ్చిన అన్నను విఠల్ గొడ్డలితో నరికి హతమార్చాడు. మృతుడి భార్య విఠల్‌పై పోలీసులకు ఫిర్యాదు చేయడంతో కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
News April 6, 2024
నవీపేట: కొడుకులు గొడవ పడుతున్నారని తల్లి సూసైడ్
కొడుకులు గొడవ పడుతున్నారని తల్లి ఆత్మహత్య చేసుకున్న ఘటన నవీపేట మండలం నాగేపూర్‌లో చోటుచేసుకుంది. ఎస్ఐ కథనం ప్రకారం.. గ్రామానికి చెందిన గంగామణి(55)కి ఇద్దరు కొడుకులు ఉన్నారు. వ్యవసాయ భూమి విషయంలో కొడుకులిద్దరూ 15 రోజులుగా గొడవ పడుతున్నారు. దీంతో మనస్తాపం చెందిన గంగామణి చెరువులో దూకి ఆత్మహత్య చేసుకుంది. కొడుకుల మధ్య జరిగిన గొడవతో తల్లి బలవన్మరణానికి పాల్పడినట్లు పోలీసులు వివరించారు. కేసు నమోదైంది.
News April 6, 2024
మెండోరా: NH 44 జాతీయ రహదారిపై రోడ్డు ప్రమాదం.. గర్భిణి మృతి
మెండోరా(M) బుస్సాపూర్ NH 44 జాతీయ రహదారిపై రోడ్డు ప్రమాదం జరిగింది. SI శ్రీనివాస్ తెలిపిన వివరాల ప్రకారం.. ఆర్మూర్ మండలం సుర్బీర్యాల్ గ్రామానికి చెందిన భార్యాభర్తలు గోదావరి నదికి పూజలు చేసేందుకు వెళ్తున్నారు. రహదారి మధ్యలో ఉన్న పువ్వులు తెంపడానికి వచ్చింది. తిరిగి ఆటో వద్దకు వెళ్లే క్రమంలో ఆర్మూర్ నుంచి నిర్మల్ వైపు వెళ్తున్న గుర్తు తెలియని వాహనం ఢీకొట్టడంతో గర్భిణి మృతి చెందినట్లు తెలిపారు.
News April 6, 2024
కామారెడ్డి: ఆస్తి పన్ను చెల్లించే వారికి గుడ్ న్యూస్
కామారెడ్డి జిల్లాలోని పురపాలికల్లో 2024-25 ఆర్థిక సంవత్సరానికి ఆస్తి పన్ను చెల్లించే వారికి 5 శాతం పన్ను రాయితీ కల్పిస్తూ సర్కారు తాజాగా ఉత్తర్వులిచ్చింది. ఈ నెలాఖరులోపు చెల్లించేవారికి అవకాశం వర్తించనుంది. గత ఆర్థిక సంవత్సరంలో బకాయిలు లేనివారికి ప్రస్తుతం రాయితీ ఇచ్చారు. బకాయిలు 85 శాతం దాటి వసూలు కావడంతో ఈ సారి నూతనంగా ప్రకటించిన పథకానికి స్పందన వస్తుందని అధికారులు అంచనా వేస్తున్నారు.
News April 6, 2024
108 రౌండ్ల సూర్య నమస్కార సాధనలో నోవా వరల్డ్ రికార్డ్
రుద్రూర్: రథసప్తమి సందర్భంగా ఇండియన్ యోగ అసోసియేషన్ యోగాలయ హెల్త్ కేర్ ఇన్స్టిట్యూట్ తమిళనాడు ఆధ్వర్యంలో నిర్వహించిన 108 రౌండ్ల సూర్య నమస్కార సాధనలో రుద్రూర్ యోగ సాధకులు ప్రత్యేకత చాటారు. రుద్రూర్ మండల కేంద్రంలోని ఒకే కుటుంబానికి చెందిన తండ్రి, కూతురు, కుమారుడు డాక్టర్ విశ్వనాధ్ మహాజన్, అక్షయ శ్రీ, అద్వైత్ మహాజన్ తమ ప్రతిభ తో నోవా వరల్డ్ రికార్డ్, ప్రశంసా పత్రాన్ని సాధించారు.
News April 5, 2024
బోధన్: బాలుడి అదృశ్యం.. గాలింపు చర్యలు చేపట్టిన పోలీసులు
నిజామాబాద్ జిల్లా బోధన్ పట్టణంలో ఆరేళ్ల బాలుడు అదృశ్యమయ్యాడు. పోలీసుల వివరాల ప్రకారం.. గోసం బస్తీకి చెందిన రేణుక తన కొడుకు నాని(6)ని తీసుకుని రాకాసిపేటలో కూలీ పనికి వెళ్లింది. అక్కడ నాని ఆడుకుంటూ కనిపించకుండా పోయాడు. చుట్టుపక్కల ఎంత వెతికినా ప్రయోజనం లేకపోవటంతో రేణుక బోధన్ పోలీస్ స్టేషన్‌లో ఫిర్యాదు చేశారు. పోలీసులు రెండు బృందాలుగా విడిపోయి గాలింపు చర్యలు చేపట్టారు.
News April 5, 2024
NZB: రైలు కింద పడి వ్యక్తి ఆత్మహత్య
డిచ్పల్లి, నిజామాబాద్ రైల్వే స్టేషన్ మధ్యలో కిలో మీటర్ 467/8-7 వద్ద గుర్తు తెలియని వ్యక్తి రైలు కింద పడి ఆత్మహత్య చేసుకున్నట్లు రైల్వే SI సాయి రెడ్డి తెలిపారు. మృతుడి వయస్సు 45-50 సంవత్సారాలు ఉంటుందని, అతని కుడి చేతి పైన శంకర్ అని పచ్చ బొట్టు ఉందన్నారు. ఎవరైనా ఈ వ్యక్తిని గుర్తు పడితే వెంటనే నిజామాబాద్ రైల్వే పోలీసులను సంప్రదించాలని, ఫోన్ నంబర్ 87126 58591కు సమాచారం ఇవ్వాలని SI సూచించారు.
News April 5, 2024
NZB: ఒకే ఫ్రేమ్‌లో ఇద్దరు ఎంపీ అభ్యర్థులు
నిజామాబాద్ పార్లమెంట్ స్థానంలో ప్రత్యర్థులుగా పోటీపడుతున్న కాంగ్రెస్ అభ్యర్థి జీవన్ రెడ్డి, బీఆర్ఎస్ అభ్యర్థి బాజిరెడ్డి గోవర్ధన్ గురువారం ఓ వేడుకలో సరదాగా మాట్లాడుకున్నారు. కోరుట్లలో గురువారం జరిగిన ఓ వివాహ వేడుకకు ఎమ్మెల్సీ జీవన్ రెడ్డి, కోరుట్ల కాంగ్రెస్ ఇన్‌ఛార్జ్ నర్సింగరావు హాజరయ్యారు. అదే సమయంలో ఎమ్మెల్యే డాక్టర్ సంజయ్, బాజిరెడ్డి గోవర్ధన్ అక్కడికి రావడంతో అందరూ కలుసుకున్నారు.
News April 5, 2024
NZB: 195 మంది ఉపాధ్యాయులకు షోకాజ్ నోటీసులు
నిజామాబాద్‌లోని నిర్మల హృదయ ఉన్నత పాఠశాలలో బుధవారం నుంచి 10 తరగతి జవాబు పత్రాల మూల్యాంకనం కొనసాగుతోంది. విధులు కేటాయించిన 195 మంది ఉపాధ్యాయులు గైర్హాజరవడంతో గురువారం DEO దుర్గాప్రసాద్ వారికి షోకాజ్ నోటీసులు జారీ చేశారు. ఇందులో NZB జిల్లాకు చెందిన వారు 58, KMR జిల్లాకు చెందిన వారు 137 మంది ఉన్నారు.
News April 5, 2024
NZB: ఆస్తి కోసం మామను చంపిన అల్లుడు
ఆస్తికోసం మామను హత్య చేసిన ఘటన మహ్మద్‌నగర్ మండలం బూర్గుల్‌లో జరిగింది. గ్రామానికి చెందిన పోచయ్య(58) బుధవారం రాత్రి ఓ వివాహ వేడుకకు హాజరై తిరిగి వెళ్లాడు. గురువారం ఉదయం అతడి బైక్ నిజాంసాగర్ కాలువపై కనిపించడంతో స్థానికులు గాలించగా గాలీపూర్ శివారులో మృతదేహం లభ్యమైంది. దీంతో పోలీసులు కేసు నమోదు చేశారు. ఆస్తి కోసం ఆయన అల్లుడు శ్రీనివాస్, మహబూబ్, రాములుతో కలిసి హత్య చేసినట్లు CI సత్యనారాయణ తెలిపారు.
Featured News
Sorry, no posts matched your criteria.