India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nizamabad
News July 17, 2024
నిజామాబాద్ జిల్లాలో 44,469 మందికి రుణమాఫీ
రాష్ట్ర ప్రభుత్వం గురువారం సాయంత్రం విడుదల చేసే రుణమాఫీ పథకంలో నిజామాబాద్ జిల్లాలో 44,469 మంది రైతులు లబ్ధి పొందనున్నారు. ఇందుకు సంబంధించి వ్యవసాయ శాఖ అధికారులు మండలాల వారీగా రైతుల జాబితాను రూపొందించారు. కాగా తొలి విడతగా రూ.లక్ష వరకు ఉన్న రైతు రుణాలకు నిధుల విడుదల చేయనున్నారు. ఈ నెలాఖరులోపు రూ.1.5లక్షల వరకు ఉన్న రుణాలు మాఫీ, ఆగస్టులో రూ. 2లక్షల వరకు ఉన్న రుణాలు మాఫీ చేయనున్నారు.
News July 17, 2024
NZB: దంపతుల ఆత్మహత్య.. నిందితురాలి అరెస్టు
పోతంగల్ మండలం హెగ్డోలి గ్రామానికి చెందిన యువ దంపతులు అనిల్ కుమార్, శైలజ ఆత్మహత్యకు కారకురాలైన మృతురాలి పిన్ని కంకోళ్ల లక్ష్మిని బుధవారం అరెస్ట్ చేసినట్లు నిజామాబాద్ రైల్వే పోలీస్ స్టేషన్ సీఐ శ్రీనివాస్ తెలిపారు. యువ దంపతులు సోమవారం రాత్రి నవీపేట్ శివారులో రైలు కింద పడి సూసైడ్ చేసుకున్నారు. అయితే ఆత్మహత్యకు గల కారణాలు వెల్లడిస్తూ ఆత్మహత్యకు ముందు సెల్ఫీ వీడియోను విడుదల చేసిన సంగతి తెలిసిందే.
News July 17, 2024
నిజామాబాద్ జిల్లాలో అక్రమ పెన్షన్లు కట్
నిజామాబాద్ జిల్లాలో గవర్నమెంట్ ఉద్యోగం చేసి రిటైర్ అయి ఆ పెన్షన్ తో పాటు అసరా పెన్షన్ కూడా తీసుకుంటున్నట్లు 410 మందిని అధికారులు గుర్తించారు. వీరికి ఆగస్టు నెల నుంచి అసర పెన్షన్ నిలిపివేస్తున్నట్లు వారు వెల్లడించారు. ఇప్పటి వరకూ వారు రూ. 2.68 కోట్లు అందుకున్నట్లు వారు వెల్లడించారు. ప్రభుత్వ ఆదేశాల మేరకు ప్రస్తుతం వారికి పెన్షన్ రికవరీ నోటీసులు జారీ చేయడం లేదని అధికారులు తెలిపారు.
News July 17, 2024
నందిపేట్ మండలంలో భారీ చోరీ
నందిపేట్ మండలం వెల్మల్ గ్రామంలో గుర్తు తెలియని దొంగలు మంగళవారం అర్ధరాత్రి దాటాక తాళం వేసిన మూడిళ్లలో భారీగా బంగారం, నగదు అపహరించుకుపోయారు. సుమారు 20 తులాల బంగారం, 18 తులాల వెండి, రూ.11 లక్షల నగదు అపహరించినట్లు బాధిత కుటుంబాలు తెలిపారు. కాగా చోరీ ఆనవాళ్లు తెలియకుండా దొంగలు ఇండ్లలో కారంపొడి చల్లి వెళ్లారు. సమాచారం అందుకున్న పోలీసులు సంఘటనా స్థలానికి చేరుకుని దర్యాప్తు చేస్తున్నారు.
News July 17, 2024
NZB: యూనియన్ బ్యాంకు మేనేజర్ పై కేసు
బ్యాంక్ మేనేజర్ పరారైన ఘటన నిజామాబాద్‌లో చోటుచేసుకుంది. పట్టణంలోని RR చౌరస్తాలో ఉన్న యూనియన్ బ్యాంక్ మేనేజర్ అజయ్‌పై 4వ టౌన్ పోలీసులు చోరీ కేసు నమోదు చేశారు. రాకేశ్ అనే వ్యక్తికి సంబందించిన రూ.20లక్షల చెక్కులను అజయ్ తన ఖాతాలో వేసుకున్నట్లు పోలీసులు తెలిపారు. బాధితుడు ఫిర్యాదు చేయడంతో కేసు నమోదు చేసినట్లు పేర్కొన్నారు. కాగా నిందితుడు అజయ్ పరారీలో ఉన్నట్లు వెల్లడించారు.
News July 17, 2024
నిజమాబాద్‌లో దారుణ హత్య
నిజామాబాద్‌లో ఓ యువకుడు దారుణ హత్యకు గురయ్యాడు. ఈ ఘటన బుధవారం తెల్లవారుజామున వెలుగు చూసింది. వినాయక నగర్లోని ఓ టీ హోటల్ ముందు యువకుడు రక్తపు మడుగులో చనిపోయి ఉండటాన్ని హోటల్ యజమాని గుర్తించి పోలీసులకు సమాచారం అందించాడు. 4వ టౌన్ పోలీసులు, నగర సీఐ నరహరి అక్కడికి చేరుకొని వివరాలు సేకరించారు. అతడిని మంగళవారం రాత్రి హత్య చేసి ఉంటారని అనుమానిస్తున్నారు. మరిన్ని వివరాలు తెలియాల్సి ఉంది.
News July 17, 2024
NZB: మద్యం మత్తులో యాసిడ్ తాగి యువకుడి మృతి
మద్యం మత్తులో యాసిడ్ తాగి ఓ యువకుడు మృతిచెందిన ఘటన నిజామాబాద్‌లో చోటుచేసుకుంది. ఆటోనగర్‌కు చెందిన షేక్ మాజిద్(31) భవన నిర్మాణ కార్మికుడిగా పని చేస్తున్నాడు. సోమవారం మద్యం మత్తులో ఇంటికి వెళ్లిన మాజిద్ బాత్‌రూమ్‌లో ఉన్న యాసిడ్ తాగాడు. తీవ్రంగా కడుపునొప్పి రావడంతో గమనించిన కుటుంబీకులు ఆసుపత్రికి తీసుకెళ్లారు. కాగా చికిత్స పొందుతూ మంగళవారం మృతి చెందాడు. ఈ ఘటనపై SI మొగులయ్య కేసు నమోదు చేశారు.
News July 17, 2024
నిజామాబాద్: రూ.45 లక్షలు కాజేసిన మహిళ
ఓ బ్యాంకు CSP నిర్వహకురాలు మహిళా సంఘాల వద్ద రూ.45లక్షలు కాజేసిన ఘటన పొతంగల్ మం. కల్లూర్‌లో వెలుగుచూసింది. CSPగా పనిచేస్తున్న సంధ్య 40 మహిళా సంఘాలకు చెందిన నగదును బ్యాంకులో జమచేసేది. కాగా 9 నెలలుగా ఆ నగదును ఆమె అక్కలు, తన బావ ఖాతాల్లో జమచేసింది. అనుమానం వచ్చిన IKP CC రమ బ్యాంకు లావాదేవీలు పరిశీలించగా విషయం బయటపడింది. దీనిపై విచారణ చేపట్టిన కోటగిరి SI సందీప్ సదరు మహిళను విచారించగా నేరం ఒప్పుకుంది.
News July 17, 2024
NZB: మాధవ నగర్ రైల్వే బ్రిడ్జిని పరిశీలించిన: MLA భూపతి రెడ్డి
నిజామాబాద్ జిల్లా డిచ్‌పల్లి మండలం మాధవ నగర్ రైల్వే బ్రిడ్జిని మంగళవారం రూరల్ ఎమ్మెల్యే భూపతి రెడ్డి పరిశీలించారు. ఎమ్మెల్యే కాంట్రాటర్‌తో మాట్లాడుతూ.. రైల్వే బ్రిడ్జి పనులు త్వరగా పూర్తి చేయాలని, వాహనా దారులు నానా ఇబ్బందులు పడుతున్నారని తెలిపారు. ఈ కార్యక్రమంలో కాంగ్రెస్ కార్యకర్తలు నీరడి దేవరాజ్, వాసు, కోట్ల భాస్కర్, వెంకట్ రెడ్డి, సాయిలు పాల్గొన్నారు.
News July 16, 2024
కామారెడ్డి: సీఎం ఓవర్సీస్ స్కాలర్షిప్‌కు దరఖాస్తుల ఆహ్వానం
విదేశాల్లో ఉన్నత విద్యను అభ్యసించాలనుకునే క్రైస్తవ, మైనార్టీల విద్యార్థులు సీఎం ఓవర్సీస్ స్కాలర్షిప్ పథకానికి దరఖాస్తు చేసుకోవాలని మైనార్టీ సంక్షేమ శాఖ జిల్లా అధికారి టి.దయానంద్ ఒక ప్రకటనలో కోరారు. విదేశీ విశ్వవిద్యాలయాల్లో 2024 గాను PG, PHD చేయాలనుకునేవారు స్కాలర్షిప్ మంజూరుకు దరఖాస్తులను ఆహ్వానిస్తున్నట్లు వెల్లడించారు. వివరాలకు కలెక్టరేట్‌లోని రూమ్ నం.222లో సంప్రదించాలన్నారు.
Featured News
Sorry, no posts matched your criteria.