India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nizamabad
News June 21, 2024
NZB: బండరాయితో కొట్టి హత్య..?
నిజామాబాద్ జిల్లా కేంద్రంలో ఓ వ్యక్తి అనుమానాస్పద స్థితిలో మృతి చెందాడు. గురువారం అర్ధరాత్రి వన్ టౌన్ పరిధిలోని పవన్ థియేటర్ సమీపంలో గుర్తు తెలియని వ్యక్తి తలపై దుండగులు బండరాయితో మోదడంతో తీవ్ర గాయాలపాలయ్యాడు. పోలీసులు చికిత్స నిమిత్తం ప్రభుత్వ ఆసుపత్రికి తరలించగా చికిత్స పొందుతూ మృతి చెందాడు. ఈ ఘటనపై వన్ టౌన్ పోలీసులు కేసు నమోదు చేసుకొని దర్యాప్తు చేపట్టారు. మృతుడు ఎవరనేది ఇంకా తెలియలేదు.
News June 21, 2024
కామారెడ్డి: బావిలో దూకి వివాహిత ఆత్మహత్య
భర్తతో ఉండటం ఇష్టం లేక వివాహిత ఆత్మహత్య చేసుకున్న ఘటన కరీంనగర్ జిల్లా కోహెడ మండలంలో జరిగింది. ఎస్ఐ తిరుపతి తెలిపిన వివరాల ప్రకారం.. కామారెడ్డి జిల్లాకు చెందిన రూప, బస్వాపూర్‌కు చెందిన బొల్లం శ్రీనివాస్‌తో మూడేళ్ల క్రితం వివాహమైంది. కాగా భర్తతో ఉండటం ఇష్టం లేక కొద్దిరోజుల క్రితం పుట్టింటికి వెళ్ళింది. ఈనెల 19న ఆమెను కుటుంబీకులు అత్తారింటికి పంపించడంతో గురువారం బావిలో దూకి సూసైడ్ చేసుకుంది.
News June 21, 2024
NZB: పలు RDO కార్యాలయాలకు సబ్ కలెక్టర్ హోదా
నిజామాబాద్ జిల్లాలోని పలు RDO కార్యాలయాలకు సబ్ కలెక్టర్ హోదా గుర్తింపునిస్తూ సాధారణ పరిపాలనాశాఖ ఉత్తర్వులు జారీ చేసింది. పరిపాలనా సులభతరం చేసేందకు రాష్ట్రంలో 15 RDO కార్యాలయాలకు ఈ హోదా కల్పించింది. NZB జిల్లాలో బోధన్, ఆర్మూర్, కామరెడ్డి జిల్లాలో బాన్సువాడకు ఈ హోదా దక్కింది. దీంతో ఇక్కడ IAS అధికారులను సబ్ కలెక్టర్‌లుగా నియమిస్తారు. కాగా బోధన్ RDO కార్యలయానికి ఇదివరకే ఈ గుర్తింపు ఉంది.
News June 21, 2024
ఎద్దు పై ప్రేమతో విగ్రహం ఏర్పాటు.. పూజలు, అన్న దానం
NZB జిల్లాలోని మంచిప్పకు చెందిన సోదరులు.. రాంరావు, ప్రకాష్ రావు, రమేష్, బల్వంత్ రావు లకు పశువులంటే ప్రాణం. అయితే వీరికి గతంలో నాలుగు వందలకు పైగా ఆవులు ఉండగా అందులో ఒక ఎద్దు ఉండేది. దాన్ని ఇంట్లో ఒకరిగా చూసుకుంటూ లక్ష్మి దేవిలా పూజించే వారు. 2007 APR 5న అది చనిపోయింది. దానిపై మమకారంతో పొలంలో విగ్రహం ఏర్పాటు చేసి వారానికోసారి పూజలు చేస్తున్నారు. APR 5న అన్నదానం చేస్తున్నారు.
News June 21, 2024
నిజామాబాద్: తండ్రిని చంపిన కొడుకు.. ఐదేళ్ల జైలు శిక్ష
తండ్రిని చంపిన కొడుకుకి ఐదేళ్ల జైలు శిక్ష విధిస్తూ బోధన్ 5వ అదనపు జిల్లా సెషన్స్ జడ్జి రవికుమార్ తీర్పునిచ్చారు. వర్నికి చెందిన వినోద్ తరచూ దొంగతనాలకు పాల్పడేవాడు. ఈ క్రమంలో 2021 జూన్‌లో దొంగతనాలు మానేయాలని చెప్పిన అతడి భార్యతో గొడపడ్డాడు. అడ్డువచ్చిన తండ్రిని కర్రతో కొట్టడంతో దూప్యానాయక్ మృతిచెందాడు. ఈ ఘటనపై అప్పటి SI అనిల్ రెడ్డి కేసు నమోదు చేయగా గురువారం అతడికి జైలు శిక్ష పడింది.
News June 20, 2024
NZB: రోడ్డు ప్రమాదంలో విద్యుత్ శాఖ ఏఈ మృతి
బోధన్ పట్టణ శివారులో జరిగిన రోడ్డు ప్రమాదంలో విద్యుత్తు శాఖ ఏఈ రవిచంద్ర(47) మృతి చెందారు. బోధన్ రూరల్ ఏఈగా పని చేస్తున్న జి.రవిచంద్ర విధుల్లో భాగంగా గురువారం నిజామాబాద్ స్టోర్‌కు వచ్చారు. తిరిగి బోధన్‌కు వెళ్తుండగా మార్గమధ్యలో ప్రమాదం జరిగింది. తీవ్ర గాయాలపాలైన ఆయన్ను108లో ఆస్పత్రికి తరలించారు. అప్పటికే మృతి చెందినట్లు వైద్యులు ధ్రువీకరించారు. పోలీసులు కేసు నమోదు చేసుకుని దర్యాప్తు చేస్తున్నారు.
News June 20, 2024
NZB: ట్రాక్టర్ పై నుంచి పడి మున్సిపల్ కార్మికురాలి మృతి
నిజామాబాద్ ఖిల్లా రోడ్డులో మున్సిపల్ ట్రాక్టర్ పై నుంచి పడి కార్మికురాలు మృతి చెందింది. డ్రైవర్ పక్క సీటులో కూర్చున్న కార్మికురాలు లలిత (50) అకస్మాత్తుగా ట్రాక్టర్ పై నుంచి కిందపడింది. దీంతో ఆమెకు తీవ్ర గాయాలయ్యాయి. దీంతో ఆమె అక్కడికక్కడే మృతి చెందింది. అయితే డ్రైవర్ నిర్లక్ష్యంగా ట్రాక్టర్ నడపడంతోనే లలిత పడిపోయినట్లు స్థానికులు పేర్కొన్నారు. పోలీసులు ఘటనా స్థలానికి చేరుకుని కేసు నమోదు చేశారు.
News June 20, 2024
నిజామాబాద్‌లోని ఓ బార్‌లో ఫుడ్ సేఫ్టీ అధికారుల దాడులు
నగరంలో ఫుడ్ సేఫ్టీ అధికారులు గురువారం ఆకస్మిక దాడులు నిర్వహించారు. బోర్గం ప్రాంతంలోని ఓ బార్‌లో ఫుడ్ సేఫ్టీ అధికారి తారా సింగ్ నాయక్ ఆధ్వర్యంలో తనిఖీలు చేశారు. బార్‌లో కాలం చెల్లిన ఫుడ్ కలర్, సాస్‌ను సీజ్ చేశారు. నిల్వ ఉంచిన మటన్ కీమా, చికెన్‌ను చెత్త కుప్పలో పడవేశారు. సీజ్ చేసిన వాటిని ల్యాబ్‌కి పంపినట్లు అధికారులు తెలిపారు. టెస్ట్ రిజల్ట్స్ వచ్చిన తర్వాత బార్‌పై చర్యలు చేపడతామని వెల్లడించారు.
News June 20, 2024
నిజామాబాద్‌లో వ్యభిచార గృహంపై పోలీసుల దాడి
నిజామాబాద్‌లోని 4వ టౌన్ పోలీస్ స్టేషన్ పరిధిలో ఉన్న వినాయక్‌నగర్‌లో ఓ ఇంట్లో వ్యభిచారం జరుగుతున్నట్లు పోలీసులు గుర్తించారు. ఈ మేరకు ఆ ఇంటి పై దాడి చేసి ఇద్దరు మహిళలు, ఓ వ్యక్తిని విచారణ నిమిత్తం పోలీస్ స్టేషన్‌కు తరలించారు. అనంతరం వారిపై కేసు నమోదు చేసినట్లు ఎస్ఐ సంజీవ్ తెలిపారు.
News June 20, 2024
కోటగిరి: రోడ్డు ప్రమాదంలో దంపతులు మృతి
రోడ్డు ప్రమాదంలో దంపతులు మృతి చెందిన ఘటన కోటగిరి మండలంలో చోటు చేసుకుంది. కోటగిరి మండలం కొత్తపల్లికి చెందిన సాయి, పోశవ్వ దంపతులు బైక్‌పై బుధవారం మండల కేంద్రానికి వెళ్లారు. సాయంత్రం తిరిగి కొత్తపల్లికి వెళ్తుండగా ఏక్లాస్ పూర్ వద్ద బైక్ అదుపుతప్పి కిందపడటంతో ఇద్దరు అక్కడికక్కడే మృతి చెందినట్లు స్థానికులు తెలిపారు. ఈ ఘటనపై పోలీసులు కేసు నమోదు చేశారు.
Featured News
Sorry, no posts matched your criteria.