India's largestHyperlocal short
news App
Get daily news updates that are tailored for you based on your preferred language & location.
download Way2News app now
Telangana
News May 10, 2024
రేవంత్ రెడ్డికి ఈ ఎన్నికలు ఎంతో ప్రతిష్ఠాత్మకం
తెలంగాణ సీఎం రేవంత్ రెడ్డికి ఉమ్మడి జిల్లాలో ఉన్న రెండు ఎంపీ స్థానాలు ఎంతో ప్రతిష్టాత్మకంగా మారాయి. సొంత జిల్లాలో రెండు స్థానాలను దక్కించుకునేందుకు సీఎం వ్యూహరచన చేస్తున్నారు. MBNR, NGKL పార్లమెంటు స్థానాలు ఎంతో కీలకం కావడంతో ఆయన ఈ రెండు నియోజకవర్గాలలో విస్తృతంగా పర్యటిస్తున్నారు. ఈ రెండు స్థానాలలో కాంగ్రెస్ జెండా ఎగరవేసి సత్తా చాటాలని సీఎం భావిస్తున్నారు.
News May 10, 2024
వనపర్తి: భర్త, మరిది వేధింపులతో నవ వధువు సూసైడ్
వేధింపులతో పెళ్లైన 2నెలలకే నవవధువు సూసైడ్ చేసుకుంది. పోలీసుల వివరాలు.. కొత్తకోట మండలం అప్పరాలకు చెందిన గాయత్రి(19)కు పెద్దగూడెం వాసి బాలకృష్ణతో మార్చి 13న పెళ్లైంది. ఉపాధి కోసం HYDకి వచ్చి కర్మన్‌ఘాట్ పరిధిలో అద్దె ఇంట్లో ఉంటున్న వీరితోపాటు మరిది శ్రీకాంత్ ఉంటున్నాడు. ఇద్దరి వేధింపులతో గాయత్రి పుట్టింటికి వెళ్లగా తల్లిదండ్రులు నచ్చజెప్పి 3రోజుల క్రితం తీసుకురాగా.. గురువారం ఇంట్లో ఆమె ఉరేసుకుంది.
News May 10, 2024
MBNR: హోరాహోరిగా ప్రచారం
పార్లమెంట్ ఎన్నికల ప్రచారానికి మరో రెండు రోజుల సమయం మాత్రమే మిగిలి ఉంది. ఈ నేపథ్యంలో ఓటర్లను ఆకట్టుకునేందుకు అన్ని పార్టీల నాయకులు పడరాని పాట్లు పడుతున్నారు. కాంగ్రెస్, బీజేపీ, బీఆర్ఎస్ నాయకులు క్షేత్రస్థాయిలో రంగంలోకి దిగి ఎన్నికల హామీలను గుప్పిస్తున్నారు. మహబూబ్‌నగర్, నాగర్ కర్నూల్ పార్లమెంటులో ప్రధాన పార్టీల అభ్యర్థులు హోరాహోరిగా ప్రచారం చేస్తున్నారు.
News May 10, 2024
MDK: ఇందిరమ్మ గెలిచిన చోట రాహుల్ జన జాతర
ఇందిరాగాంధీ గతంలో గెలిచిన మెదక్‌‌లో ఆమె మనవడు రాహుల్‌గాంధీ నిర్వహించిన జనజాతరకు అపూర్వ స్పందన వచ్చింది. నర్సాపూర్‌ వేదికగా ఆయన కేంద్రంలో అధికారంలో ఉన్న బీజేపీపై నిప్పులు చెరిగారు. ఇందిరా విజయాన్ని పునరావృతం చేసే దిశగా ప్రచారం నిర్వహించారు. BJP, BRS పాలనలో అభివృద్ధి దూరమైందని రేవంత్ అన్నారు. తెలంగాణ అభివృద్ధికి ఢిల్లీలో సైనికుడిలా పనిచేస్తానని రాహుల్ చెప్పారు. దీంతో కాంగ్రెస్‌లో జోష్ పెరిగింది.
News May 10, 2024
LB నగర్: పెళ్లి పేరుతో మోసం.. యువకుడికి రిమాండ్
ప్రేమ పెళ్లి అంటూ యువతిని లోబర్చుకుని మోసం చేసిన ఓ యువకుడిని ఎల్బీనగర్ పోలీసులు రిమాండ్‌కు తరలించారు. పోలీసుల వివరాల ప్రకారం.. సూర్యాపేటకు చెందిన యువతి, నల్గొండ జిల్లాకు చెందిన మధు చైతన్యపురిలో కోచింగ్ తీసుకుంటున్నారు. పెళ్లి చేసుకుంటానని యువతిని నమ్మించి గదికి తీసుకెళ్లి లైంగిక దాడికి పాల్పడ్డాడు. ఆమె గర్భం దాల్చగా.. అబార్షన్ చేయించాడు. దీంతో బాధితురాలు పోలీసులకు ఫిర్యాదు చేయగా కేసు నమోదు చేశారు.
News May 10, 2024
ఖమ్మం: విషాదం.. ఆడుకుంటానని చెప్పి వెళ్లి మృతి
ఖమ్మం <<13215602>>మున్నేరులో పడి గురువారం ముగ్గురు చిన్నారులు మృతి<<>> చెందిన ఘటన తెలిసిందే. అయితే.. గురువారం మధ్యాహ్నం భోజనం చేశాక పక్క ఇంట్లో ఆడుకుంటానని గణేష్ తన తల్లి కళావతికి చెప్పి వెళ్లాడు. ఈతకని చెబితే వెళ్లనివ్వరని అలా చెప్పినట్లు తెలుస్తోంది. తీరా నీట మునిగి గణేశ్ మృతి చెందినట్లు సమాచారం అందడంతో కళావతి అక్కడకు చేరుకుని కొడుకు మృతదేహంపై పడి రోదిస్తున్న తీరు అందరినీ కంటతడి పెట్టించింది.
News May 10, 2024
రెండు ఎన్నికలకు ఒక్కరే రిటర్నింగ్ అధికారి!
NLG లోక్ సభ నియోజకవర్గం, KMM-NLG-WGL పట్టభద్రుల ఎమ్మెల్సీ ఉపఎన్నికకు జిల్లా కలెక్టర్ దాసరి హరిచందన రిటర్నింగ్ అధికారిగా వ్యవహరిస్తున్నారు. ఇలా రెండు ఎన్నికలకు ఒక్కరే రిటర్నింగ్ అధికారిగా వ్యవహరించడం చాలా అరుదు. లోక్ సభ ఎన్నికలకు సంబంధించి ఏప్రిల్ 18న నోటి ఫికేషన్ విడుదల కాగా.. ఎన్నికల సంఘం NLG లోక్ సభ నియోజకవర్గానికి జిల్లా కలెక్టర్ హరిచందన ను రిటర్నింగ్ అధికారిగా నియమించారు.
News May 10, 2024
కామారెడ్డి: ఆత్మహత్య చేసుకుంటున్నానని మిత్రుడికి కాల్
దోమకొండకు చెందిన యువకుడు విక్రమ్ తాను ఆత్మహత్య చేసుకుంటున్నానని స్నేహితుడికి కాల్ చేశాడు. తాను గ్రామంలోని కుడి చెరువుకు వచ్చానని వీడియో కాల్‌లో చెబుతూ చెరువులోకి దిగాడు. వద్దు వస్తున్నానంటూ ఆ స్నేహితుడు చెప్పినా వినిపించుకోలేదు. చెరువు వద్దకు ఆయన వచ్చి చూడగా చెరువు నీటిలో చెప్పులు కనబడ్డాయి. పోలీసులు సంఘటన స్థలానికి చేరుకొని ఈతగాళ్లతో చెరువులో వెతికించారు. రాత్రి వరకు ఆయనను గుర్తించలేదు.
News May 10, 2024
ఉమ్మడి జిల్లాలోని నేటి కార్యక్రమాలు
✒ఓటేసి పాలమూరు అంటే ఏంటో చూపిద్దాం.. అధికారుల పిలుపు
✒నేడు పేటకు PM మోడీ.. మక్తల్ కు CM రేవంత్ రెడ్డి రాక
✒పోస్టల్ బ్యాలెట్ ఓటింగ్ వినియోగించుకోండి:DEOలు
✒పలు నియోజకవర్గాల్లో పర్యటించిన స్థానిక MLAలు,MP అభ్యర్థులు
✒నేడు పలుచోట్ల కేంద్ర బలగాలతో కవాతు
✒సరిహద్దుల్లో వాహనాల తనిఖీలపై ఫోకస్
✒వలస ఓటర్ల పై దృష్టి పెట్టిన నేతలు
✒MP ఎన్నికలు.. జోరందుకున్న ప్రచారం
✒నేటి నుంచి ఎన్నికల సిబ్బందికి శిక్షణ
News May 10, 2024
LB నగర్: పెళ్లి పేరుతో మోసం.. యువకుడికి రిమాండ్
ప్రేమ పెళ్లి అంటూ యువతిని లోబర్చుకుని మోసం చేసిన ఓ యువకుడిని ఎల్బీనగర్ పోలీసులు రిమాండ్‌కు తరలించారు. పోలీసుల వివరాల ప్రకారం.. సూర్యాపేటకు చెందిన యువతి, నల్గొండ జిల్లాకు చెందిన మధు చైతన్యపురిలో కోచింగ్ తీసుకుంటున్నారు. పెళ్లి చేసుకుంటానని యువతిని నమ్మించి గదికి తీసుకెళ్లి లైంగిక దాడికి పాల్పడ్డాడు. ఆమె గర్భం దాల్చగా.. అబార్షన్ చేయించాడు.దీంతో బాధితురాలు పోలీసులకు ఫిర్యాదు చేయగా కేసు నమోదు చేశారు.
Featured News
Sorry, no posts matched your criteria.