India's largestHyperlocal short
news App
Get daily news updates that are tailored for you based on your preferred language & location.
download Way2News app now
Telangana
News April 18, 2024
ఆసిఫాబాద్ జిల్లాలో పెరుగిన రాబందుల సంఖ్య
ప్రపంచంలో అంతరించిపోతున్న జీవజాతుల్లో రాంబందులూ ఉన్నాయి. అయితే ASF జిల్లాలోని పాలరాపుగుట్టపై అరుదైన లాంగ్ బిల్డ్ వల్చర్ జాతి రాబందులు ఉన్నట్లు అధికారులు గుర్తించారు. గత నాలుగేళ్లలో వాటి సంఖ్య 10-33 వరకు పెరిగినట్లు గుర్తించారు. బయాలజిస్ట్‌ రవికాంత్‌ ఆధ్వర్యంలో ఫారెస్ట్‌ అధికారులు వాటి పర్యవేక్షణ చేపట్టారు. గుట్టపై జటాయువు పేరుతో సంరక్షణ కేంద్రాన్ని ఏర్పాటు చేయాలని కేంద్రానికి ప్రతిపాదించారు.
News April 18, 2024
KNR: మామిడి భళే కాసింది.. ఒకే చోట 22 కాయలు
కరీంనగర్ జిల్లాలో వింత జరిగింది. ఓ మామిడి చెట్టుకు ఒకే కొమ్మకు దాదాపు 22 కాయలు కాసింది. ఈ ఘటన KNR జిల్లా గంగాధర మండలం లక్ష్మీదేవి పల్లెకి చెందిన కర్ర జగన్మోహన్ రెడ్డి మామిడి తోటలో జరిగింది. రైతు మాట్లాడుతూ.. గతేడాది ఈదురు గాలులకు కొమ్మలు విరిగిపోవడంతో చెట్టు ఎండిపోయే దశకు చేరిందని అన్నారు. ఇక ఈ చెట్టు కాత కాయదనుకున్నా కానీ, ఒకే చోట సుమారు 50 కాయల వరకు కాసిందని అన్నారు.
News April 18, 2024
ఏసీబీకి చిక్కిన టౌన్ ప్లానింగ్ అధికారిణి
పాల్వంచ మున్సిపాలిటీ కార్యాలయంలో ఓ వ్యక్తి నుంచి రూ.15 వేలు లంచం తీసుకుంటూ గురువారం టౌన్ ప్లానింగ్ సూపర్వైజర్ రమణి, అసిస్టెంట్ ప్రసన్న ఏసీబీ అధికారులకు పట్టుబడ్డారు. ఓ పని నిమిత్తం ఓ వ్యక్తి నుంచి అధికారులు లంచం డిమాండ్ చేయడంతో బాధితుడు ఏసీబీ అధికారులను ఆశ్రయించాడు. కాగా బాధితుడి ఫిర్యాదు మేరకు అధికారులు రెడ్ హ్యాండెడ్ గా పట్టుకున్నారు. అధికారులు వారిని అదుపులోకి తీసుకొని విచారిస్తున్నారు.
News April 18, 2024
బిజినేపల్లి: రోడ్డు ప్రమాదంలో ఒకరు మృతి
రెండు బైక్‌లు ఢీకొని ఒకరు మృతి చెందిన ఘటన బిజినేపల్లి మండలం పాలెంలో గురువారం చోటుచేసుకుంది. పోలీసుల వివరాలు.. గుడ్లనర్వకి చెందిన శ్రీశైలం పాలెంలో టిఫిన్ కోసం వచ్చాడు. యూటర్న్ తీసుకునే క్రమంలో వెనుక నుంచి మహబూబ్‌నగర్‌కు చెందిన బద్రీనాథ్ బైక్‌పై వచ్చి ఢీకొట్టాడు. ఈ ప్రమాదంలో బద్రీనాథ్ అక్కడికక్కడే మృతి చెందాగా.. స్థానికులు జిల్లా ఆస్పత్రికి తరలించారు. పోలీసులు కేసు నమోదు చేశారు.
News April 18, 2024
NZB ఎంపీ అభ్యర్థిగా నామినేషన్ వేసిన రాపేల్లి సత్యనారాయణ
నిజామాబాద్ పార్లమెంట్ నియోజకవర్గ స్థానానికి అభ్యర్థుల నామినేషన్ల పర్వం గురువారం ప్రారంభమయ్యింది. ఈ మేరకు స్వతంత్ర అభ్యర్థిగా రాపెల్లి సత్యనారాయణ తన నామినేషన్‌ను రిటర్నింగ్ అధికారి, జిల్లా కలెక్టర్ రాజీవ్ గాంధీ హనుమంతుకు సమర్పించారు. ఈ సందర్భంగా కలెక్టర్ మాట్లాడుతూ.. నిర్ణీత గడువులోగా రిటర్నింగ్ అధికారి ఛాంబర్ వద్దకు చేరుకున్న వారి నామినేషన్లు మాత్రమే స్వీకరిస్తామన్నారు.
News April 18, 2024
26న ఓపెన్ డిగ్రీ సప్లిమెంటరీ ఫీజు గడువు
డా.బి.ఆర్. అంబేడ్కర్ సార్వత్రిక విశ్వవిద్యాలయం డిగ్రీ సప్లిమెంటరీ పరీక్షల ఫీజును ఈ నెల 26లోగా చెల్లించాలని జనగామ అభ్యసన కేంద్రం సమన్వయకర్త శ్రీనివాస్ బుధవారం ఓ ప్రకటనలో తెలిపారు. మే 17 నుంచి పరీక్షలు ఉంటాయని పేర్కొన్నారు. కావున విద్యార్థులు ఫీజు నిర్ణీత తేదీలోగా చెల్లించాలని కోరారు.
News April 18, 2024
అప్‌డేట్: BJPలో చేరిన ఉప్పల్ మాజీ MLA
ఉప్పల్ మాజీ ఎమ్మెల్యే బేతి సుభాష్ రెడ్డి(BRS) గురువారం పార్టీకి రాజీనామా చేసిన సంగతి తెలిసిందే. ఈటల రాజేందర్ నామినేషన్‌లో భాగంగా మల్కాజిగిరిలో ఏర్పాటు చేసిన సభలో కేంద్రమంత్రి కిషన్ రెడ్డి సమక్షంలో ఆయన BJP పార్టీలో చేరారు. లోక్‌సభ ఎన్నికల్లో ఈటలకు మద్దతుగా నిలుస్తానని సుభాష్ రెడ్డి ప్రకటించారు.
News April 18, 2024
అప్‌డేట్: BJPలో చేరిన ఉప్పల్ మాజీ MLA
ఉప్పల్ మాజీ ఎమ్మెల్యే బేతి సుభాష్ రెడ్డి(BRS) గురువారం పార్టీకి రాజీనామా చేసిన సంగతి తెలిసిందే. ఈటల రాజేందర్ నామినేషన్‌లో భాగంగా మల్కాజిగిరిలో ఏర్పాటు చేసిన సభలో కేంద్రమంత్రి కిషన్ రెడ్డి సమక్షంలో ఆయన BJP పార్టీలో చేరారు. లోక్‌సభ ఎన్నికల్లో ఈటలకు మద్దతుగా నిలుస్తానని సుభాష్ రెడ్డి ప్రకటించారు.
News April 18, 2024
ఖమ్మం: కనుగుడ్డుకు గుచ్చుకున్న పిన్నీసు
ఆడుకుంటుండగా.. ప్రమాదవశాత్తు కనుగుడ్డుకు పిన్నీసు గుచ్చుకున్న ఘటన గురువారం జరిగింది. స్థానికులు తెలిపిన వివరాల ప్రకారం నేలకొండపల్లి మండల పరిధిలోని నాచేపల్లికి చెందిన పూజిత అనే చిన్నారి ఆడుకుంటుండగా కను గుడ్డుకు పిన్నిసు గుచ్చుకుంది . గమనించిన తల్లిదండ్రులు దగ్గరలోని ఓ ప్రైవేటు ఆసుపత్రికి తీసుకువెళ్లారు.
News April 18, 2024
పాలకుర్తి: ఉరివేసుకొని యువకుడు ఆత్మహత్య
జనగామ జిల్లా పాలకుర్తి మండల కేంద్రంలో విషాదం చోటుచేసుకుంది. స్థానికుల వివరాల ప్రకారం.. గ్రామానికి చెందిన వంశీ (21) గురువారం ఇంట్లో ఎవరు లేని సమయంలో ఉరి వేసుకుని ఆత్మహత్యకు పాల్పడ్డాడు. మరణ వార్త విన్న కుటుంబ సభ్యులు, స్నేహితులు కన్నీరు మున్నీరవుతున్నారు. పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేస్తున్నారు. ఈ ఘటనకు సంబంధించి పూర్తి వివరాలు తెలియాల్సి వుంది.
Featured News
Sorry, no posts matched your criteria.