• Download our app

Telangana

News April 5, 2024

కొత్తగూడెం: ‘తెలంగాణ ప్రజల పక్షాన పోరాడేది BRS పార్టీ ఒక్కటే’

image

పార్లమెంట్ ఎన్నికల్లో తన గెలుపు కోసం BRS నాయకులు, కార్యకర్తలు సమిష్టిగా కృషి చేయాలని ఎంపి నామా నాగేశ్వరరావు కోరారు. గురువారం జిల్లా పార్టీ కార్యాలయంలో జరిగిన సమావేశంలో ఎంపీ నామా మాట్లాడారు. 100 రోజుల్లో కాంగ్రెస్ ప్రభుత్వం పాలనలో వైఫల్యం చెందిందని, ఆటో డ్రైవర్లు, రైతులు, ప్రజలు ఇబ్బందుల పాలవుతున్నారని చెప్పారు. తెలంగాణ ప్రజల పక్షాన పోరాడేది BRS పార్టీ ఒక్కటే అని చెప్పారు.

News April 5, 2024

NRPT: ‘అనుచిత పోస్టులు చేస్తే కఠిన చర్యలు’

image

పార్లమెంట్ ఎన్నికల సందర్భంగా సామాజిక మాధ్యమాల్లో అనుచిత వ్యాఖ్యలు, మతాల మధ్య విద్వేషాలు రెచ్చగొట్టేలా పోస్టులు పెడితే కఠిన చర్యలు తీసుకుంటామని ఎస్పీ యోగేష్ గౌతమ్ హెచ్చరించారు. ఇతరుల మనోభావాలు కించపరిచేలా, శాంతిభద్రతలకు విఘాతం కలిగించేలా ఇన్స్టాగ్రామ్, ఫేస్ బుక్, వాట్స్ అప్, ట్విట్టర్ ఇతర సామాజిక మద్యమాల్లో పోస్టులు పొట్టొద్దని, సోషల్ మీడియాపై ఐటీ, పోలీసులు నిరంతర నిఘా పెట్టారని అన్నారు.

News April 5, 2024

NGKL: ‘పార్లమెంట్ ఎన్నికలు పారదర్శకంగా నిర్వహించాలి’

image

నాగర్ కర్నూల్ పార్లమెంట్ నియోజకవర్గంలో ఎన్నికలను పారదర్శకంగా, సజావుగా నిర్వహించాలని జిల్లా కలెక్టర్ ఉదయ్ కుమార్ అధికారులకు ఆదేశించారు. నేడు కలెక్టర్ మాట్లాడుతూ.. ఎన్నికల్లో భాగంగా మాక్ పోలింగ్ లో 50 ఓట్లకు తక్కువ కాకుండా వేయాలని, రిజల్ట్ చూసిన తర్వాత ఈవీఎం యంత్రాన్ని క్లియర్ చేసిన అనంతరం అసలైన పోలింగ్ కు సన్నద్ధం కావాలని సూచించారు. పోలింగ్ ఏజెంట్ల సమక్షంలో మాక్ పోలింగ్ జరపాలని సూచించారు.

News April 5, 2024

సంగారెడ్డి: రియాక్టర్ పేలుడుపై దర్యాప్తు ముమ్మరం: ఐజీ

image

హత్నూర మండలంలో ఎస్బీ ఆర్గానిక్స్ పరిశ్రమలో రియాక్టర్ పేలుడు ఘటనపై అన్ని కోణాల్లో దర్యాప్తు చేస్తున్నామని మల్టీజోన్ ఐజీ సుధీర్ బాబు అన్నారు. నేడు సంగారెడ్డిలో ఎస్పీ రూపేశ్‌తో కలిసి మీడియాతో మాట్లాడారు. స్పెషల్ ఇన్వెస్టిగేషన్ అధికారిగా పటాన్‌చెరు డీఎస్పీని నియమించామని, నివేదిక వచ్చాక దాని ఆధారంగా తదుపరి చర్యలు తీసుకుంటామని చెప్పారు. అటు పరిశ్రమలో బుధవారం జరిగిన ఘటనలో మృతుల సంఖ్య ఆరుకి చేరింది.

News April 5, 2024

MBNR: ‘పెండింగ్ దరఖాస్తులను వెంటనే పరిష్కరించాలి’

image

పెండింగ్ దరఖాస్తులు పరిష్కరించాలని
మహబూబ్ నగర్ కలెక్టర్ రవి నాయక్ ఆదేశించారు. గురువారం సమీకృత జిల్లా కార్యాలయ సముదాయ భవనంలోని కలెక్టర్ చాంబర్ నుంచి తహసీల్దార్లు, రెవెన్యూ అధికారులతో వెబెక్స్ సమావేశం నిర్వహించారు. ఈ సందర్భంగా కలెక్టర్ మాట్లాడుతూ.. రెవెన్యూ అంశాలపై వచ్చిన దరఖాస్తులను పరిష్కరించి నివేదిక సమర్పించాలన్నారు. మీసేవ ద్వారా వచ్చిన దరఖాస్తులు క్షేత్రస్థాయిలో పరిశీలించాలన్నారు.

News April 5, 2024

HYD: గ్రేటర్‌లో RTA ఆదాయం ఫుల్!

image

2023-24 ఆర్థిక సంవత్సరంలో రాష్ట్ర వ్యాప్తంగా RTAకు రూ.6,999 కోట్ల ఆదాయం రాగా.. ఇందులో గ్రేటర్ HYD పరిధి HYD, RR, మేడ్చల్ జిల్లాల ఆర్టీఏ ద్వారా రూ.4,449 కోట్ల సమకూరినట్లు అధికారులు తెలిపారు. రంగారెడ్డిలో రూ.1688 కోట్లు, మేడ్చల్ జిల్లాలో రూ.1298 కోట్లు, HYD జిల్లాలో రూ.1462 కోట్లు వచ్చినట్లుగా పేర్కొన్నారు. గతంతో పోలిస్తే రాజధానిలో దాదాపుగా రూ.500 కోట్ల ఆదాయం అధికంగా వచ్చింది.

News April 5, 2024

‘ఎంపీ బీబీ పాటిల్ చేసిన అభివృద్ధి శూన్యం’

image

ఎమ్మెల్యే మదన్ మోహన్ రావు ఆదేశాల మేరకు కాంగ్రెస్ పార్టీ మండల అధ్యక్షుల ఆధ్వర్యంలో సమావేశం ఏర్పాటు చేసినట్లు నాగిరెడ్డి పేట పార్టీ మండల అధ్యక్షుడు భూమ శ్రీధర్ గౌడ్ తెలిపారు. ఈ సందర్భంగా వారు మాట్లాడుతూ.. ఈ పది సంవత్సరాల ఎంపీ పదవీకాలంలో బీబీ పాటిల్ ఎల్లారెడ్డి నియోజకవర్గంలో చేసిన అభివృద్ధి శూన్యమన్నారు. ప్రభుత్వ ఆసుపత్రికి అంబులెన్సు, పరికరాలను ఇస్తామని చెప్పి ఇప్పటి వరకూ అందించలేదన్నారు.

News April 5, 2024

కామారెడ్డి జిల్లాలో 10,328 ఎకరాల్లో పంట నష్టం

image

కామారెడ్డి జిల్లాలో ఇటీవల కురిసిన వడగళ్ల, అకాల వర్షాలకు జిల్లాలో పంటలకు తీవ్రంగా నష్టం వాటిల్లింది. ప్రభుత్వ ఆదేశాలతో వ్యవసాయ శాఖ యంత్రాంగం రైతు వారి సర్వే చేపట్టింది. జిల్లాలో10,328 ఎకరాల్లో పంటలకు నష్టం వాటిల్లినట్లు జిల్లా వ్యవసాయ అధికారిని భాగ్యలక్ష్మి తెలిపారు. వరి, మొక్కజొన్న, మామిడి, కూరగాయ పంటలు నష్టపోయినట్లు వ్యవసాయ విస్తీర్ణ అధికారులు గుర్తించారు. నివేదికలను ఉన్నతాధికారులకు పంపారు.

News April 4, 2024

సూర్యాపేట ప్రమాదం మృతుల వివరాలు

image

సూర్యాపేట ప్రమాద ఘటనలో బాధితుల వివరాలు ఇలా ఉన్నాయి. చింతరెడ్డి సరిత టీచర్(44),
లునావత్ రుక్కమ్మ(63), గొలుసు వేదస్విని(17నెలలు) మృతిచెందారు. కలకొట్ల లావణ్య, కంపసాటి మహేష్(ఆటో డ్రైవర్), శివరాత్రి హైమావతి, రాములమ్మ, బొప్పాని పావని, మంగయ్య(టీచర్), చెరుకుపల్లి సైదమ్మ, చెరుకుపల్లి శైలజ, చెరుకుపల్లి విజయేందర్, జీడిమెట్ల సైదులు, కొమ్ము సువర్ణ, గొలుసు సంధ్య, గొలుసు మోక్షిత్, సైదులు గాయపడ్డారు.

News April 4, 2024

NZB: ఉరి వేసుకుని యువకుడి ఆత్మహత్య

image

నిజామాబాద్ నగరంలోని న్యాల్కల్ రోడ్డులో నివాసముండే రాథోడ్ రమేశ్ (32) గురువారం తన ఇంట్లో ఉరేసుకుని ఆత్మహత్య చేసుకున్నాడు. నిజాంసాగర్ మండలానికి చెందిన రమేష్.. రోటరీనగర్‌కి చెందిన భార్గవి పదేళ్ల క్రితం ప్రేమ వివాహం చేసుకోగా వీరికి ఇద్దరు పిల్లలు ఉన్నారు. ఇటీవల వీరి మధ్య గొడవ జరగగా భార్గవి కుటుంబీకులు మందాలించారని, ఈ కారణంగానే తన సోదరుడు సూసైడ్ చేసుకున్నట్లు మృతుని అన్న పోలీసులకు ఫిర్యాదు చేశారు.

Featured News

Sorry, no posts matched your criteria.

↑