India's largestHyperlocal short
news App
Get daily news updates that are tailored for you based on your preferred language & location.
download Way2News app now
Telangana
News March 30, 2024
ఐలాండ్‌ను తలపించే వైజాగ్ కాలనీ
నల్లమల అటవీ ప్రాంతంలో కృష్ణపట్టి తీరాన్ని ఆవరించి ఉన్న వైజాగ్‌కాలనీ పర్యాటకులను ఆకర్షిస్తుంది. నేరెడుగొమ్ము మండలంలోని వైజాగ్‌కాలనీ ఉమ్మడి నల్గొండ జిల్లాలోనే అద్భుతమైన పర్యాటక ప్రాంతంగా గుర్తింపు పొందింది. సాయంత్రం వేళ.. ఆకర్షణీయంగా ద్వీపకల్పంలా కనువిందు చేస్తున్నాయి. మూడు దిక్కుల నీరుండి మధ్యలో వైజాగ్‌కాలనీ గ్రామం ఉండడంతో ద్వీపకల్పాన్ని తలపిస్తుంది.
News March 30, 2024
సుల్తానాబాద్: ఆర్థిక ఇబ్బందులతో యువకుడి సూసైడ్
పురుగు మందు తాగి ఓ యువకుడు ఆత్మహత్య చేసకున్నాడు. వివరాళ్లోకి వెళ్తే.. సుల్తానాబాద్ శాస్త్రీనగర్‌కు చెందిన పల్స శివసాయి(22) కారు నడుపుతూ ఉపాధి పొందుతున్నాడు. కారు నిర్వహణ కోసం 3 నెలల క్రితం ఓ వ్యక్తి వద్ద రూ.70వేలు అప్పు చేశాడు. ఈనెల 27న అప్పు ఇచ్చిన వ్యక్తి ఇంటికి వచ్చి అప్పు తీర్చాలంటూ కారు తీసుకెళ్లాడు. మనస్తాపం చెందిన తను పురుగు మందు తాగాడు. MGMకు తరలించగా చికిత్స పొందుతూ శుక్రవారం మరణించాడు.
News March 30, 2024
మెదక్: గతం ఏకపక్షం.. ఈసారి త్రిముఖ పోరు..!
BRS, కాంగ్రెస్, BJP మెదక్ ఎంపీ అభ్యర్థుల ప్రకటనతో ఉమ్మడి జిల్లాలలో ఒక్కసారి రాజకీయం వేడెక్కింది. ఇక్కడ గతంలో 3సార్లు జరిగిన ఎన్నికల్లో ఫలితాలన్ని ఏకపక్షమని చెప్పొచ్చు. ఇక్కడ జాతీయ పార్టీలు ఎన్ని వ్యూహాలు పన్నినా.. ప్రాంతీయ పార్టీ హవానే సాగింది. అయితే ప్రస్తుత ఎంపీ ఎన్నికల్లో ప్రధాన పార్టీలు ప్రతిష్ఠాత్మకంగా తీసుకున్న వేళ ఏకపక్ష పోరు అసాధ్యమే అని త్రిముఖ పోరు తప్పదని విశ్లేషకులు భావిస్తున్నారు.
News March 30, 2024
జడ్చర్ల: రోడ్డు ప్రమాదంలో యువకుడి మృతి
రోడ్డు ప్రమాదంలో ఓ యువకుడు మృతి చెందిన ఘటన జడ్చర్ల మండలంలో చోటుచేసుకుంది. స్థానికుల వివరాల ప్రకారం.. మిడ్జిల్ మండలం అయ్యవారిపల్లి గ్రామానికి చెందిన మహేశ్( 26) శుక్రవారం 9 గంటలకు అయ్యవారిపల్లి నుంచి జడ్చర్లకు వెళ్తున్నాడు. ఈక్రమంలో గంగాపూర్ శివారు వద్ద గుర్తు తెలియని వాహనం ఢీకొట్టడంతో తీవ్రంగా గాయపడి, ఆస్పత్రిలో మరణించాడని గ్రామస్థులు తెలిపారు. మృతుడికి భార్య, ఇద్దరు పిల్లలు ఉన్నారు.
News March 30, 2024
ఆదిలాబాద్: భానుడి భగభగలు.. బెంబేలెత్తుతున్న జనాలు..!
ఉమ్మడి జిల్లా వ్యాప్తంగా రోజురోజుకు పెరుగుతున్న ఎండలు నిప్పుల కుంపటిని తలపిస్తూ జనాలను బెంబేలెత్తిస్తున్నాయి. శుక్రవారం రోజు నమోదైన ఉష్ణోగ్రతలు చూసుకుంటే. ఆదిలాబాద్ జిల్లాలో గరిష్టంగా 43.3 ఉష్ణోగ్రత నమోదయింది. కొమరం భీం జిల్లాలో 42.7, నిర్మల్ జిల్లాలో 42.3, మంచిర్యాల జిల్లాలో 42.0 డిగ్రీల ఉష్ణోగ్రతలు నమోదయ్యాయి.
News March 30, 2024
హైదరాబాద్: కాచిన నూనెలతో మెదడుకు ముప్పు!
కాచిన నూనెలతో మళ్లీ వంటలకు వినియోగిస్తే
మెదడుకు ముప్పు తప్పదని ఆరోగ్య నిపుణులు హెచ్చరిస్తున్నారు. కాలేయ, క్యాన్సర్తోపాటు ఇతర వ్యాధులకు దారితీసే అవకాశముందని స్పష్టం చేశారు. అమెరికన్ సొసైటీ ఫర్ బయో కెమిస్ట్రీ అండ్ మాలిక్యులర్ బయాలజీ వార్షిక సమావేశంలో ఈ అధ్యాయానికి సంబంధించిన నివేదికను వెల్లడించారు. ఈ పరిశోధనల్లో నూనెకు, మెదడు ఆరోగ్యానికి మధ్య ఉన్న సమస్యల గురించి వెల్లడైంది.
News March 30, 2024
ఉమ్మడి KNR జిల్లాలో భానుడి భగభగ
ఉదయం తొమ్మిది దాటితే భానుడు భగ్గుమంటున్నాడు. మధ్యాహ్నం వేళ తీవ్రరూపం దాల్చుతున్నాడు. రోజు రోజుకూ ప్రతాపం చూపిస్తున్నాడు. కరీంనగర్ ఉమ్మడి జిల్లాలో అధిక ఉష్ణోగ్రతలు నమోదవుతున్నాయి. శుక్రవారం అత్యధికంగా జగిత్యాల జిల్లాలో ఉష్ణోగ్రత 42.5℃గా నమోదైంది. దీంతో ప్రజలు ఉక్కిరిబిక్కిరయ్యారు. మధ్యాహ్నం ఇళ్ల నుంచి బయటికి వెళ్లేందుకు ఇబ్బంది పడ్డారు.
News March 30, 2024
BRSలోకి మాజీ ఎమ్మెల్యే రాజయ్య?
కడియం కావ్య కాంగ్రెస్‌లో చేరేందుకు రంగం సిద్ధం చేసుకుంటున్న సంగతి తెలిసిందే. ఈ నేపథ్యంలో ప్రత్యామ్నాయంపై BRS దృష్టి సారించింది. ఇటీవలే ఆ పార్టీని వీడిన మాజీ MLA తాటికొండ రాజయ్యను తిరిగి పార్టీలో చేర్చుకునేందుకు సన్నాహాలు చేస్తోంది. ఆయనను WGL అభ్యర్థిత్వానికి పరిశీలిస్తూనే ప్రత్యామ్నాయంపై KCR దృష్టి సారించారట. ఇప్పటికే రాజయ్యతో పార్టీ వర్గాలు సంప్రదింపులు ప్రారంభించినట్లు సమాచారం.
News March 30, 2024
MBNR: ఉపాధి హామీ కూలీలకు గుడ్ న్యూస్
కేంద్ర ప్రభుత్వం ఉపాధి హామీ పథకం కూలీ రేట్లను పెంచుతూ ఉత్తర్వులు జారీ చేసింది. ఇప్పటి వరకు దిన కూలీ రూ.272 ఉండగా.. ఏప్రిల్ 1 నుంచి ఇది రూ.300 కానుంది. దీంతో కూలీలకు అదనంగా రూ.28 లభించనుంది. ఉమ్మడి పాలమూరు జిల్లా వ్యాప్తంగా 14.50 లక్షల జాబ్ కార్డులు ఉన్నాయి. వ్యవసాయేతర పనులకు వెళితే రోజుకు రూ.400 నుంచి రూ.500 వరకు చెల్లిస్తున్నారు.
News March 30, 2024
HYD: 4 లోక్‌సభ స్థానాల్లో కాంగ్రెస్ కొత్త వ్యూహాం!
GHMC పరిధిలోని 4 లోక్‌సభ స్థానాల్లో కాంగ్రెస్ కొత్త వ్యూహాన్ని అమలు చేయాలని చూస్తోంది. ఈ నేపథ్యంలో స్థానిక సంస్థల ప్రతినిధులు, MLAల బలం అవసరమని భావిస్తోంది. ఇప్పటికే చేరికలు ప్రారంభం కాగా.. ఈ నియోజకవర్గాల పరిధిలో మరికొంతమంది MLAలను పార్టీలో చేర్చుకోవాలని ప్రణాళికలు రచిస్తోంది. ప్రస్తుతం ఐదుగురు MLAలు కాంగ్రెస్‌లో చేరడానికి సిద్ధంగా ఉన్నారని, ఎన్నికల ముందు మరికొందరు చేరే అవకాశం ఉందని సమాచారం.
Featured News
Sorry, no posts matched your criteria.